Online-Leseprobe - xn--theaterstcke-online-ebc.de

- VERLAGSVERBAND: - www.mein-theaterverlag.de - www.theaterstücke-online.de - www.nrw-hobby.de - theaterverlag-theaterstücke.de -Bestimmungen:Unerlaubte Aufführungen, unerlaubtes Abschreiben, Vervielfältigen, Verleihen der Rollen müssen als Verstoß gegen dasUrheberrecht verfolgt werden. Alle Rechte, auch die Übersetzung, Rundfunk Verfilmung, und Fernsehübertragung sindvorbehalten. Das Recht der Aufführung erteilt ausschließlich der Verlag.Info-BoxBestell-Nummer: 4024NDMundart:niederdeutschKriminalstück: 5 TörnsBühnenbild: 1Spielzeit:95 Min.Rollen: 8Frauen: 4Männer: 4Rollensatz:9 HeftePreis Rollensatz 135,00€Aufführungsgebühr pro Aufführung:10% der Einnahmen mindestensjedoch 85,00€4024NDLeege Töög an` Beerster SeeKriminalstück in 5 TörnsEen Kriminol-Stückto’n HögenvonUwe HuljusRollen für 4 Frauen und 4 Männer1 BühnenbildZum Inhalt:Hinnerk Klook (Hinrich Klug) und seine Frau Beate Plietsch-Klook (Beate Pfiffig-Klug) sindbeide sportbegeistert, aber leider auf sehr unterschiedliche Weise: Während Beate jedenTag ihre Jogging-Runde um den Bederkesaer See dreht und viel von Bewegung, aber wenigvon Fußball hält, lässt Hinnerk als fanatischer Fußball-Fan kein Heimspiel seines VereinsWerder Bremen im Weser-Stadion aus und verfolgt alle Auswärtsspiele und die übrigeBundesliga- vom Sofa aus - am Radio, im Fernsehen und in der Sportzeitschrift. Die Beidengehen sich mit ihrem unterschiedlichen Sportverständnis fürchterlich auf den Geist.1

- VERLAGSVERBAND: - www.mein-theaterverlag.de - www.theaterstücke-online.de - www.nrw-hobby.de - theaterverlag-theaterstücke.de -Bestimmungen:Unerlaubte Aufführungen, unerlaubtes Abschreiben, Vervielfältigen, Verleihen der Rollen müssen als Verstoß gegen dasUrheberrecht verfolgt werden. Alle Rechte, auch die Übersetzung, Rundfunk Verfilmung, und Fernsehübertragung sindvorbehalten. Das Recht der Aufführung erteilt ausschließlich der Verlag.Törn 1:(Sünnobend-Nomiddag, twüschen dree un halvig veer, Koffie un lüttje Koken op’nEetdisch, Katja un Sarah drinkt Koffie. Radio „Energy“ speelt flotte Musik. Katja kickteen beeten drömelig an Sarah vörbi. Sarah much nu ober all’ns nipp un nau weten.)Sarah: Nu loot di doch nech all’ns ut de Nees trecken! Dat is jo to’n Dullwarrn! Ickbün diene beste Fründin un nu wiss nech neeschierig, man du wullt mi reinweg nixvertelln.(Katja geiht dor nech op in, stiert blots ut’ Finster noh de Kark to.)Sarah: Huh huh! Büst du noch dor? Nu kiek doch nech jümmers no de Kark hen!Dorvun kummt he ook nech her. Wat weer denn överhaupt los güstern obend no useBibelstünn? – Bibelstünn – ick wunner mi jümmers noch, wat ick dor an Fredag-Obend mit hengohn bün. Dat is jo almeist so, as wenn een anners nix to doon wüss. –Man du harrst dat jo so op’n Liev, un to heff ick mi dat all’ns mit anhört, bet Malte mianropen hett. He wull mi noch wat in’t Ohr süseln, hett he seggt, tjo, un denn müssick sachts los – dat kunn ick mi doch nech ut de Nees gohn loten mit mien Malte. (Segniggert.) Hett sick ook lohnt, weest wull!Katja: Jo, dat is schöön för di.Sarah: Schöön för di? Wat anners fallt di dorto nech in? – Nu vertell! Wo güng datwieter mit de Bibelstünn, as ick denn ook weg müss un du alleen mit den Pastorweerst? Hebbt ji noch wieter in de Psalmen leest?Katja: Toeerst jo. He kennt sick dor ober ook soo goot in ut! Un he leggt dor so veelGeföhl in ...(Sarah kickt ehr verwunnert an.)Sarah: Soo, soo – mit so veel Gefööhl!Katja: ... jo, dat een heel anners üm’t Hart ward. Un denn hebbt wi noch een poorLeeders sungen, Klaus hett Gitarre speelt un ick dorto ...Sarah: ... doch sachts nech danzt oder Striptease mookt?Katja: Nee, wat du woller denkst! Du kennst mi doch. Sowat do ick doch nech!2

- VERLAGSVERBAND: - www.mein-theaterverlag.de - www.theaterstücke-online.de - www.nrw-hobby.de - theaterverlag-theaterstücke.de -Bestimmungen:Unerlaubte Aufführungen, unerlaubtes Abschreiben, Vervielfältigen, Verleihen der Rollen müssen als Verstoß gegen dasUrheberrecht verfolgt werden. Alle Rechte, auch die Übersetzung, Rundfunk Verfilmung, und Fernsehübertragung sindvorbehalten. Das Recht der Aufführung erteilt ausschließlich der Verlag.Sarah: Jo, dat weet ick, dat is jo dat Lieden mit di, dat du jümmers nech weest,wannehr du togriepen müsst. Dat weer doch de beste Chance, em rümtokriegen –oder wat meenst du, woans ick dat mit mien Malte henkregen heff?Katja: Dat kann ick mi vörstelln. Överrumpelt hest du em, eenfach platt mookt. – Mandu kannst nu dien’ Malte nech mit usen Pastor verglieken. Malte weet doch gor nixvun de Psalmen af!Sarah: Nee, over Mannslüüd sünd se beide! Un du, du kannst di bald as ooleSchachtel fiern looten, wenn du in soss Weeken fiefuntwintig warst. Eerst annerletzhett mi Silke froogt, wat wi tohoop bi diene Schachtel-Party anstelln kunn’.(Katja kickt verbaast.)Sarah: Na’a – meenst nech, dat ward nu Tied, dat du mol ut dien Sneewittchen-Sloopopwookst un dien Klaus – jo tominnst seggst du nech mehr „Herr Pastor“ – mol’nbeten wat toseggst?Katja: Jo, mag ween, man wi hebbt us denn jo ook noch een beeten in’n Düstern deFööt verpeddt. Dat weer noch bannig kommodig dor ünner den grooten Lindenboom,weest wull?(Hinnerk [in Trainingsantoch, Football-Schoh mit Stollen, Werder-Trikot, Werder-Schol un Pudelmütz, üm den Hals hangt eene Schiedsrichter-Fleit, in de Hannen hollthe twee Eckfohnen mit Foot] kummt dör de rechte Döör rin, de jungen Froonslüüdhöört sobumms mit jümehr Snacken op.)Hinnerk: Kiekan, nu kann se woller snacken, use Dochter Katja!(Hinnerk stellt de Eckfohnen in de beiden Ecken – achtern rechts un links.)Hinnerk: So – nu süht dat eerst mol woller no Football ut. Ward jo ook Tied, wiel datdit Weekenend los geiht mit Werders Schicksols-Speelen! – Moin ook, Sarah! Hest duKatja to’n Snacken brocht? Vermiddag, bi dat vermaledeite Käs-Fondue, dat se annersso geern eeten deit, hett se meist keen-een Beten rünnersluckt un ook annerwiesnech recht dat Muul open kregen. Hett blots so’n beten verdwatsch vör sick henstiert. Hett wull ’ne swore Nacht hatt, keem jo ook eerst so bi dree uten no Huus. Ickheff op de Klock keeken, as ick to jüst mol een beeten Woter los warrn müss. (ToKatja:) Wat is denn los ween vernacht?(Katja un Sarah antert nech.)3

- VERLAGSVERBAND: - www.mein-theaterverlag.de - www.theaterstücke-online.de - www.nrw-hobby.de - theaterverlag-theaterstücke.de -Bestimmungen:Unerlaubte Aufführungen, unerlaubtes Abschreiben, Vervielfältigen, Verleihen der Rollen müssen als Verstoß gegen dasUrheberrecht verfolgt werden. Alle Rechte, auch die Übersetzung, Rundfunk Verfilmung, und Fernsehübertragung sindvorbehalten. Das Recht der Aufführung erteilt ausschließlich der Verlag.Hinnerk: Eendoont! Nu is ook keen’ rechte Tied to’n Detektiv-Speeln. Dreiht dochmol düssen Karnickel-Sender ut un stellt Brem’ Een in, dor geiht dat doch glieks losmit de Bundesliga.(Katja un Sarah kickt „genervt“ ut de Wäsch, ober röögt sick nech.)Hinnerk: Dor mütt een doch dorbi blieven, wenn düsse Stümpers ut Hamborg onnigeen op de Jack kriegt – wi wööt höpen: null to söben, ümso beter för Werder morgenObend. – Nee, loot man noh, ji beiden, nech dat ji jo noch rögen mööt! Ick mook datal sülvens, rüümt ji man lever den dösigen Koffie weg! – Wat schall anners Michelnoch vun mi denken, wenn ick an so een Schicksols-Speeldag för Werder hierkommodig bi Koffie un Kooken sitten do.(De jungen Froonslüüd rüümt Koffie un Kooken af, goot dormit no achtern rut unkoomt woller rin. Hinnerk stellt willst Brem’ Een, Bundesliga-Sendung, an; anfungenhebbt de Football-Speelen man noch nech – dat is jüst noch een poor Minuten henbet halvig veer.)Katja: Michel? Wokeen is Michel un wat will de hier?Hinnerk: Wat büst du ober ook dösig. Dat heff ick di doch al foken noog vertellt:Michel is mien Kolleg vun de Warft un mien Sportsfründ: Wi sitt doch jümmerstohoop – een blangen den annern – in’t Werser-Stadion, wenn Werder tohuus speelt.Un vundoog un morgen, bi düsse Speelen, wo dat üm de Wust geiht, stoht wi Werderwiss ook bi, un dat tohoop! – Eerst, vundoog, hier bi us an’t Radio, un morgen – ganzkloor – in’t Werser-Stadion. Dat is eene bannig eernste Situatschon an ditWeekenend! Un dorüm heff ick em vundoog noh us op Football-Visiten bi Sluck unBeer inloodt.(Hinnerk geiht noh’t Schapp, holt 2 Beer- un2 Sluck-Glöös rut un stellt jüm op den Couch-Disch.)Hinnerk: Katja, nu stoh nech rüm, hol leever ut den Keller gau 3 Buddel Beer hoch –man nech de lüttjen, nehm de Half-Liter Buddels – un denn krieg een Buddel Köömut’n Ies!Katja: Woso 3 Buddel Beer? Kummt dor denn noch wennt?Hinnerk: Wat du ober ook all’ns weten wullt? Streng doch mol dien’ Brägenkastenan! Twee Beer för mi un een för Michel – de mütt doch noch föhrn. Un denn drinkt helever een Kööm mehr un dorvör blots een halven Liter Beer. Dat is jo wull nech soswor to begriepen, wat! – So, nu man fix! Dat fangt glieks an un denn mütt ook all’nstrecht ween!4

- VERLAGSVERBAND: - www.mein-theaterverlag.de - www.theaterstücke-online.de - www.nrw-hobby.de - theaterverlag-theaterstücke.de -Bestimmungen:Unerlaubte Aufführungen, unerlaubtes Abschreiben, Vervielfältigen, Verleihen der Rollen müssen als Verstoß gegen dasUrheberrecht verfolgt werden. Alle Rechte, auch die Übersetzung, Rundfunk Verfilmung, und Fernsehübertragung sindvorbehalten. Das Recht der Aufführung erteilt ausschließlich der Verlag.Katja: (muult een beten.) Kann een nech ook mol „Bitte, mien leeve Katja“ seggen?„Wullt du bitte so leev ween un för mi in den Keller gohn?“ Ober nee: Egolweg müstdu jüst so rümkommandeern, as wenn wi hier bi’n Kommiss weern! Bün ick denn dienKalfaktor?Hinnerk: Wat jibbelst du dor rüm? Dat is jo meist nech to glöven! Hest du in’Konfirmannen-Ünnerricht nech dat veerte Gebot lehrt? „Du schast dien’ Vadder undiene Mudder ehrn un op jüm höörn!“Sarah: Nee, Hinnerk, ick glööv, Katja hett dat nech so mit de Gebote, man eder mit dePsalmen – un mit Gefööööhl!Katja: (kickt Sarah füünsch an:) Swieg still! (To Hinnerk:) Ick go jo al, dormit du undien Besöök jo bannig een günnen köönt.(Katja geiht rechts rut in den Keller. Hinnerk geiht an’t Finster un kickt rut.)Sarah: (jibbelt mit Mol los.) Wullt du em herkieken, dien’ Besöök? Wat is dat denn föreen Keerl? Wo oolt is he, is he al verheirot un hett he Kinner? Un woneem wohnt hedenn? Hett he dat wiet bet no Beers? Kummt he mit sien eegen Wogen oder ...Hinnerk: (fallt Sarah in’t Woort:) Nu hol blots de Luft an! Du wullt wull all’ns wieswarrn, Sarah Allwies? Dat geiht di doch gor nix an! Du hest doch al een Keerl, nechwohr?Sarah: Wat schall dat denn heeten? Wieter ümkieken dröff een sick sachts dochnoch, wat? Oder is dat nu al verboden?(Hinnerk schüttköppt.)Hinnerk: Wo blifft Michel blots? Wiet un siet nix to hörn un to sehn. – Wat? Wokeenkummt dor achtern denn? Will de noh us, de Herr Pastor? Süht jo meist dorno ut!(Katja kummt woller rin - mit Beer un Kööm in de Hannen.)Sarah: (to Katja:) Szüh, dor kummt he al, dien Klaus – äh, de Herr Pastor.(Katja kickt gnatterig. Hinnerk hett ober nech recht tohöört.)Hinnerk: Wat weer dat jüst?5

- VERLAGSVERBAND: - www.mein-theaterverlag.de - www.theaterstücke-online.de - www.nrw-hobby.de - theaterverlag-theaterstücke.de -Bestimmungen:Unerlaubte Aufführungen, unerlaubtes Abschreiben, Vervielfältigen, Verleihen der Rollen müssen als Verstoß gegen dasUrheberrecht verfolgt werden. Alle Rechte, auch die Übersetzung, Rundfunk Verfilmung, und Fernsehübertragung sindvorbehalten. Das Recht der Aufführung erteilt ausschließlich der Verlag.Katja: Nix! Sarah meen blots, dat wi nu ook keen’ Tied mehr hebbt. Wi beiden möötnu gau in’e Mucki-Bude!(Katja treckt Sarah, de een beten verdattert is, noh achtern ut de Döör rut.)Hinnerk: Jo denn Adtschüß, ji beiden! (Hinnerk ward nohdenkern un kleit sick an’Kopp.) – Katja un Sarah in’t Sport-Studio? Dat is jo ganz wat Nees! Na, mien’twegen,loot jüm moken wat se wööt!(Dat klingelt. Hinnerk geiht rechts rut noh de Huusdöör un begrött den Pastor nochbuten:)Hinnerk: Jo, dat is nu mol een heel annern Besöök! Herr Pastor Liek, dat freit midüchtig, liekers se jüst een beten unpasslich koomt.(Se koomt beide dör de Döör.)Pastor: Ick will ook wiss nech lang stöörn, Herr Klook, ick wull blots kort mit ehrDochter över use Bibelstünn güstern Obend snacken.Hinnerk: Dat deit mi leed, Herr Pastor, man mien Dochter is nu jüst mit ehr FründinSarah noh de Mucki-Bude föhrt.Pastor: Mucki-Bude, wat is dat?Hinnerk: Kennt Se dat nech, Herr Pastor, düsse neemodschen Lodens, wo de Keerlsun Deerns in loopen doot as de Hamsters in’t Rad. Un denn mööt se wisstoGewichten sleepen un all so’n dösigen Kroms, wat een anners blots för Geld dä. Sündnech ganz klook düüse jungen Lüüd!Pastor: Och so, Se meent dat nee Fitness-Center?Hinnerk: Jo, szüh, so heet dat. Dor sünd de nu hen. Un ick krieg glieks Besöök vunmien Kolleg un Sportsfründ. – So is dat wecketmol. Se weet jo, Herr Pastor, wat dePrediger Salomo schreven het – Se kennt doch Salomo?Pastor: Herr Klook, ick bün Pastor, dor warr ick sachts noch miene Bibel kennen!Hinnerk: Jo, denn weet Se ook, wat Salomo egolweg seggt hett: Jedet Ding hett sieneTied, Besöök bi Froonslüüd hett siene Tied un Bundesliga hett siene Tied! Un dat isjümmers nipp un nau halvig veer an Sünnobend-Nohmiddag, wannehr dat losgeihtmit de Bundesliga. Un vundoog kummt ook jüst noch mien Sportsfründ, wo dat dochnu an’ eenundortigsten Speeldag üm’t Ganze geiht.6

- VERLAGSVERBAND: - www.mein-theaterverlag.de - www.theaterstücke-online.de - www.nrw-hobby.de - theaterverlag-theaterstücke.de -Bestimmungen:Unerlaubte Aufführungen, unerlaubtes Abschreiben, Vervielfältigen, Verleihen der Rollen müssen als Verstoß gegen dasUrheberrecht verfolgt werden. Alle Rechte, auch die Übersetzung, Rundfunk Verfilmung, und Fernsehübertragung sindvorbehalten. Das Recht der Aufführung erteilt ausschließlich der Verlag.Pastor: Üm’t Ganze? Wat is dat denn so för een grodet Speel?Hinnerk: Man, Herr Pastor, Se hebbt doch studeert! Dat schullen Se sachts weten!Dat geiht doch al vundoog un denn ook morgen üm dat Endspeel för Werder!Pastor: Dat Endspeel? Mi dücht, dat Werder düsse Saison goor nech boben mitspeelthett?(Hinnerk kriegt dat nu mit de Nerven un geiht mit forschet Utpedden noh dat Bild ande Achterwand un dreiht dat üm. To’n Vörschien kummt de Speelplon vun Werdermit all de Ergevnisse bet to’n dortigsten Speeldag. He holt ut de Jackentasch eene utde Zeitung utsneene Bundesliga-Tabell.)Hinnerk: Mütt ick Se dat denn nu wohrhaftig noch hier an mien Speelplon un deBundesliga-Tabell heel fien ut’nanner pulen, dormit Se dat sachts begriept: Wenn deHSV vundoog verleern deit, denn is dat morgen för Werder dat Endspeel üm denneegten Platz! Fallt nu de Groschen, Herr Pastor?Pastor: Jo, jo, Herr Klook, is al Recht! Warrt Se mi nech gnatterig, blots wiel ick nechso’n Fottball-Genie bün as Se! – Man, Prediger Salomo: Mi dücht, Se weet nech blotsbi’n Football bannig goot Bescheed, man ook in de Hillige Schrift. Doröver würr ick migeern mit Se ünnerholen, solang as Se ehr Sportsfründ noch nech dor is? Ick bruuknoch eene Anregung för miene Predigt. Dat Radio kann dorbi jo an blieven.Hinnerk: Na goot, denn wööt wi us mienthalven över Football nech mehr strieden,wo Se dor doch keen Furz vun af weet. Wenn Se wööt, denn geet ick us eerstmol eenlüttjen Sluck in. (Hinnerk gütt 2 Kööm in.) – N.d.P.! Na denn Proost! (Se drinkt beideut un schüddelt sick.)Hinnerk: Mien Fro meent jümmers, dat weer leegen Krom, düsse Kööm, dor weernoch nix Goodet bi rutkohmen, bi dat Sluck-Drinken. (He verdreiht de Oogen.) – Manwat weet de Wievers al vun leege Soken af? Ick weer fröher egolweg de Beste in’Konfirmannen-Ünnerricht: Dorüm kenn ick mi ook so goot in’t Gesangbook un in’eBibel ut. – Liekers meent miene Fro Beate jümmers, dat se dat noch beter weet, vunwegen dit dumm’t Tüüg vun Sluck un Beer un leege Soken. De sünd doch sülms allleeg, düsse Wieverslüüd!Pastor: (nohdenkern, as wenn he een Spröök ut’n Kopp opseggt:) „Dat Leege gifft datwissto un allerwegens!“Hinnerk: Wat meent Se?7

- VERLAGSVERBAND: - www.mein-theaterverlag.de - www.theaterstücke-online.de - www.nrw-hobby.de - theaterverlag-theaterstücke.de -Bestimmungen:Unerlaubte Aufführungen, unerlaubtes Abschreiben, Vervielfältigen, Verleihen der Rollen müssen als Verstoß gegen dasUrheberrecht verfolgt werden. Alle Rechte, auch die Übersetzung, Rundfunk Verfilmung, und Fernsehübertragung sindvorbehalten. Das Recht der Aufführung erteilt ausschließlich der Verlag.Pastor: Weet Se, Herr Klook, dorüm bün ick Pastor worrn, üm gegen dat Leege in deWelt to strieden. Dat is mi tomols heel noog gohn, as ick dat hört heff vun düsseÖst’rieker Muskanten.Hinnerk: Wat för Öst’rieker Muskanten un wat hebbt Se hört?Pastor: Kennt Se denn nech dat Leed „Banköverfall“ vun düsse Chaoten-Band „EersteAllgemeine Verunsicherung“? De hebbt doch tomols in jümehr öst’rieker Düütschsungen: „Das Böse ist immer und überall!“ – Veerstoht Se dat? Op Platt heet datdoch: „Dat Leege gifft dat wissto un allerwegens!“ – Un so is dat wohrhaftig ook opde Welt: Allerwegens kummt us dat Leege in de Meut. Wi mööt doch wat dor gegendoon! Jüst dorüm bün ick Pastor worrn.Hinnerk: Un wenn Se dat Leed nech hört harrn? Wat weern Se denn worrn?Pastor: Ick weet nech, villicht Froons-Doktor? Ick föhl mi tominnst vun Dag to Dagmehr noh dat annere Geschlecht hentogen.Hinnerk: Denn is Gottesmann wull doch beter för Se un us, Herr Pastor. – Jo, un dorgeev ick Se ook Recht mit: Spröök hebbt eene bannig groote Macht över us. Dat weetick vun mi sülvens. De Spröök, de een mit de Melk ut de Borst vun siene Mudderinsogen hett, de bestimmt een sien Leven. Wenn ick dor so över nohdenk – un ickheff veel nohdacht, so etwa över de Vergänglikchkeit –Pastor: Dat is jo eene hoch theologische Froog, Herr Klook!Hinnerk: Jo, un dor kann een furts heel leidig bi warrn! Jo, jo, dat is licht to. – Mandenn heff ick woller Kuroosch funn’, wenn ick an de Wöör vun mien’ Vadder trüchdacht heff: „All’ns is vergänglich, man de Kohsteert, de is länglich!“ – Dor kann ick watmit anfangen, mit so’n Kohsteert, de helpt een dör’t Leven, Herr Pastor!Pastor: Meent Se dat, Herr Klook? So heff ick dat sülvens noch gor nech sehn.Hinnerk: Jo, un denn all de annern Spröök, üm dör’t Leven to komen: „Eerst datVergnögen, denn de Arbeit! – Spor in de Not, denn hest du Tied dorto! – Vör den Klo-Gang, noh dat Eten: Hannen-Waschen nech vergeten!“ – Un denn de Spröök, de eeneerstmol ünnersööken mütt, so as: „De fröhe Vogel pickt den Worm.“ Mag jo ween,ober wat hett he dorvun? In de Schrift steiht doch ook: Wenn de Vogel sick dor nudüchtig över freit, över sien Worm, un al ’s Morgens dat Singen anfangt, na, watpasseert denn? Denn fritt em ’s Obends de Katt! Weer he man lever ’s Morgensliggen bleven un harr den Worm wieter krepen looten! Dat weer sachts beter för emween! – Koomt Se noch mit, Herr Pastor? Verstoht Se nu, wat dat mit dat Leege op8

- VERLAGSVERBAND: - www.mein-theaterverlag.de - www.theaterstücke-online.de - www.nrw-hobby.de - theaterverlag-theaterstücke.de -Bestimmungen:Unerlaubte Aufführungen, unerlaubtes Abschreiben, Vervielfältigen, Verleihen der Rollen müssen als Verstoß gegen dasUrheberrecht verfolgt werden. Alle Rechte, auch die Übersetzung, Rundfunk Verfilmung, und Fernsehübertragung sindvorbehalten. Das Recht der Aufführung erteilt ausschließlich der Verlag.sick hett?Pastor: (kleit sick an’ Kopp): Ick weet nech, wat ick dat so gau all’ns begreepen heff.Hinnerk: Dat mookt nix. Ick kann Se dat an een annern Dag jo noch mol akrootuteenanner pul’n, wenn ick een lütt beten mehr Tied heff. – Man mit Ehr Meenenöver dat Leege op düsse Welt hebbt Se Recht: Wo foken heff ick bi mi al dacht,wolang dat wull noch good geiht op düsse Welt. Dat Leege kriegt jümmers mehrÖverwater. Dat geiht bi us op de Welt to as in Sodom un Gomorrha. De Froonslüüddanzt een op de Nees rüm un mookt jüst, wat se wööt. Un dat, wo doch bi denApostel Paulus steiht, dat de Wieverslüüd stillswiegen schüllt inne Gemeen untohuus! Dor schullen Se mol över predigen!Pastor: (kickt nohdenkern.) Meent Se dat wirklich?Hinnerk: Dat is doch eenfach unchristlich, woans dat vundoog togeiht inne Welt,wenn jede Fro Plietsch meent, se weer noch klööker as ehr Keerl, Hinnerk Klook,liekers he doch egolweg de Beste in’ Konfirmanden-Ünnericht weer.Pastor: Wenn dat vun so een gebildeten Mann kummt mit lange Levens-Erfohrung, soas Se, Herr Klook, denn will ick dor mol över sinneern. – Jo, de Versen bi Paulus, de Seansproken hebbt, dat is sachts eene goode Bibel-Stee för miene Sünndags-Predigt.Veelen Dank ook, dat Se mi dor op brocht hebbt!Hinnerk: Ick för mien Deel, Herr Pastor, bi disse Tostänn’ in’e Welt, heff ick leever almien Warktüüch proot leggt. Dor mütt een doch wiss mit reeken, dat nu bald detweete Sintfloot kummt. Denn will ick nech mehr lang mien Warktüüch sööken, wennick miene Arche boon mütt.(Hinnerk geiht kort rechts ut de Döör rut, holt een’ groten Vörslag-Hommer rin unstellt em op den Eetdisch.)Hinnerk: Seht Se wull? Wenn de Herr mi Bescheed seggt, denn is düsse Hommerglieks to Hand. (Hinnerk kickt no boben.) Kann los gohn, Herr. Wenn Du sowiet büst,denn segg Bescheed! Ick bün proot!Pastor: Meent Se denn, dat Se bi de Sintfloot verschont wörrn, wiel dat use Herrgottjüst Se utsocht harr to’n Arche-Boon?Hinnerk: Dat is mi ennig ganz kloor: Ick sülvens heff dat jo nech so mit dat Leege, asSe weet. Un miene Dochter geiht ook jo fix noh Bibelstünn, as Se weet. Seggt datnech al All’ns? Denn mööt wi doch wull utsocht warrn för de Arche, wokeen schull deOol dor boben anners wull nehmen? De eenz’ge Swachpunkt is miene plietsche Fro9

- VERLAGSVERBAND: - www.mein-theaterverlag.de - www.theaterstücke-online.de - www.nrw-hobby.de - theaterverlag-theaterstücke.de -Bestimmungen:Unerlaubte Aufführungen, unerlaubtes Abschreiben, Vervielfältigen, Verleihen der Rollen müssen als Verstoß gegen dasUrheberrecht verfolgt werden. Alle Rechte, auch die Übersetzung, Rundfunk Verfilmung, und Fernsehübertragung sindvorbehalten. Das Recht der Aufführung erteilt ausschließlich der Verlag.Beate. Vun de harr Eva mit ehrn Appel noch wat lehrn kunnt! – Ober so pingelig wardde Ool dor boben sachts nech ween, wat? Ick warr em wiss goot tosnacken! (Hinnerkgütt woller in.) Loot Se us dor man noch een op vertehrn! Proost, Herr Pastor!(Dat klingelt woller. Hinnerk kickt noh de Huusdöör.)Hinnerk: Dat ward ober ook Tied nu. Kummt al woller op’n letzten Drücker, mienSportsfründ Michel. (Hinnerk mookt de Döör open.) Kumm rin, du Saboteur, du!Wullt du denn usen Verein gor nech bistohn in düsse swore Stünn? Lettst mi hier förPasslatanz mit usen Herrn Pastor deepdenkern simmeleern, willst Werder doch usenBistand nödig hett – nech blots ween se süvens speelt un bi jüm in’t Werder-Stadion,nee, ook vundoog un hier in use Stuuv! Hest du dat vergeten, du Dööspaddel?Michel: Moin, Hinnerk, nu hör man op to schafutern, ick bün doch noch to rechtenTied ankohmen. – Goden Dag ook, Herr Pastor! (Hinnerk kickt jümmers nochgnatterig.)Michel: Minsch, Hinnerk, geiht di dat nech goot oder worüm büst so ut de Tüüt? Duhest di doch sachts goot ünnerholen mit Herrn Pastor Liek, nech wohr Herr Pastor?Hinnerk: Mann in’e Tünn, büst du so’n Dööskopp oder wull du dat nech veerstohn?Een Pastor – nehmt Se mi dat nu nech krumm, Herr Pastor, wenn ick dat so segg –een Pastor kann as so’n heel annern Minschenslag jo gor nix afweten vun Football unvun annere weltlike Soken, wo so richtige Keerls as wi twee us mit befoot. Weest nu,wat ick meen? – Dat is nu ook eendoont, för langet Verklookfiedeln blifft nu keenTied mehr.Hinnerk: (kickt op siene Klock. To’n Pastor:) Schön, dat Se mol rinkeken hebbt, HerrPastor. Koomt Se geern mol woller, wenn jüst keen Football is. Veel Spoß bi EhrePredigt! (He foot den verdatterten Pastor an’ Ärmel un bringt em noh de Döör.)Adtschüß, Herr Pastor!Hinnerk: (To Michel:) Ooh, nee! Nu hebbt wi’t Schoop in’t Blarr’n! Sett di gau dool!Dat is jüst halvig veer: De hebbt sachts al anstott in Hamborg. Ward nu sinnig Tied,dat ick dat Speel hier nu gau anfleiten do. (Hinnerk grippt noh siene Schiedsrichter-Fleit un fleit onnig hart un lang.)End vun Törn 1 – Vörhang!10

- VERLAGSVERBAND: - www.mein-theaterverlag.de - www.theaterstücke-online.de - www.nrw-hobby.de - theaterverlag-theaterstücke.de -Bestimmungen:Unerlaubte Aufführungen, unerlaubtes Abschreiben, Vervielfältigen, Verleihen der Rollen müssen als Verstoß gegen dasUrheberrecht verfolgt werden. Alle Rechte, auch die Übersetzung, Rundfunk Verfilmung, und Fernsehübertragung sindvorbehalten. Das Recht der Aufführung erteilt ausschließlich der Verlag.Törn 2:(Dat Radio lopt noch mit Musik vun de Bundesliga-Sendung. Dor stoot een poorleddige Beerbuddels op’n Disch, de Schnapsglöös un de Buddel Kööm, wo al eenonnigen Deel rut is. Soltstangen und Kartüffel-Chips stoht in Kummen un sünd ooköver’n Disch streit. Hinnerk fleit mit mol woller mit siene Schiedrichter-Fleit banniglang un hart. He fallt Michel üm den Hals. Se lacht beide luut.)Michel: All’ns best bi de Reeg, all’ns best bi de Reeg! Beter kunn’t nech komen. Numööt wi morgen bloots noch winnen in’t Werser-Stadion. Dat is doch wull een Klacks,wat, gegen Kaiserslautern? De neegte Platz is almeist seker! Hest dat begrepen,Hinnerk?Hinnerk: Jo, du groote Tüünbüdel, dat is jo wull so kloor as frische Supp, dat weetmien Moors! – Un door schall nu noch een op stohn!(Hinnerk gütt jüst in, as sien Fro Beate in Jogging-Tüüch, mp3-Speeler üm den Hals unmit de Ohr-Stöpsel in de Hand [sünd jüst ut de Ohrn rut], Handook üm den Hals,„Gruvenlicht“ [Stirnlamp to’n Loopen] vör’n Kopp un ganz versweet in de Stuuvkummt.)Beate: Wo schall al woller een op stohn? Wat gifft dat hier denn wissto to fiern un tosupen an’ Sünnobend-Nohmiddag? Un wat süht dat hier överhaupt ut? Hebbt jiKeerls denn den leeven langen Dag nix anners to doon as hier rüm to lungern?(Se stellt dat Radio ut un fangt an, sick to recken un to strecken, eben dat ganzeDehnungsprogramm noh’t Loopen, un wackelt dorbi düchtig mit den Moors.)Hinnerk: Froonslüüd! Wat weet de vun Sport af? Dat is doch reinweg för Passlatanz,över so eernste Soken mit Wecke vun joen Minschenslag överhaupt to snacken.Michel un ick, wi sünd vun’ annern Slag, wi sünd echte Sportslüüd, nee Michel?Michel: Jo, wenn du dat man weest! Footballers döör un döör! Wi loot usen Vereinnech hangen!Beate: Dat is jo een Mords-Sport, vör’t Radio sitten un Sluck un Beer drinken!Hinnerk: Wat weest du al vun Sport af? – So’n beeten döör de Weltgeschicht loopenun mit den Moors wackeln – dat schall Sport ween?11

- VERLAGSVERBAND: - www.mein-theaterverlag.de - www.theaterstücke-online.de - www.nrw-hobby.de - theaterverlag-theaterstücke.de -Bestimmungen:Unerlaubte Aufführungen, unerlaubtes Abschreiben, Vervielfältigen, Verleihen der Rollen müssen als Verstoß gegen dasUrheberrecht verfolgt werden. Alle Rechte, auch die Übersetzung, Rundfunk Verfilmung, und Fernsehübertragung sindvorbehalten. Das Recht der Aufführung erteilt ausschließlich der Verlag.Hinnerk: Wiss doch. (To Beate:) Ober denk dor an, mien leeve Fro, um halvig söbenward dat al düster, un achtern See is wiet un siet keene Strotenlanteern! Dor kanneen licht to in een Lock pedden un sich de Knokens breeken.Michel: Oh nee, is dat denn nech bannig gefährlich? Buten, so alleen in’ Düstern,wenn dor een Wildswien kummt, so’ne wilde Söög oder een füünschen Wild-Eber?Beate: Oh, ji beiden lüttjen Sööten, dat is jo ganz allerleevst, wat ji jo joe lüttjenBrägens üm mi tweibreeken doot. Ober glöövt man: Wi Froonslüüd weet us tohelpen. Ick tüdel mi düsse Gruvenlamp woller vör den Kopp, de lücht mi den Paddjümmers goot ut. – Un mit Wild-Ebers un so’n Oostüüch kumm ick sachts ook kloor.Un anners helpt mi sachts Jens, de forsche Jägersmann, wenn ick swache Fro mol inNot bün. Dat is een stootschen Keerl, düsse Jens, den heff ick dor al foken dropen insien Revier.Hinnerk: Och, klei mi doch anne Fööt! Ji mookt jo doch, wat ji wööt, ji Wievers. Oversegg noher nech, dat ick di nech wohrschaut harr!Michel: (nicköppt) Wohrschaut hebbt wi di, vergeet dat nech!Beate: Jo, ji grooten Helden, wat weer’n wi swachen Froonslüüd blots ohn so’neKeerls as jo? Dat mag een sick jo goor nech vörstellen! Wi keemen jo knapp alleenöver de Stroot, wat? (Se grient.) – Ober nu loot ick jo Keerls leever alleen, ick müttdenn nu ünner’e Dusch un mi woller frisch moken. Döör de Weltgeschicht loopen unmit den Moors wackeln is man meist jüst so’n Stück Arbeit as op’n Sofa sitten unSluck un Beer drinken. (Beate schüttköppt un geiht no achtern rut.)Hinnerk: Gottloov! De sünd wi los! Dat worr ober ook Tied. Dat is jümmers so wat mitde Froonslüüd, nech to’n Utholen is dat wecketmol! Du kannst moken, wat du wullt,jümmers is’t verkehrt oder se köönt oder weet dat wissto beter! – Man dor weest dujo, Michel, nu gornix vun af, du Glückspilz, hest du doch keene Fro un keene Fründin,de di egolweg trakteert!Michel: Oogenblick mol! Ick heff miene Mudder tohuus, un dat is ook eenFroonsminsch.Hinnerk: Dat is doch gor nech to verglieken. Diene Mudder betüdelt di doch vun vörnbet achtern. Kriggst to Huus wisslich jümmers goot to eeten un nech so as bi uswissto bloots Grööntüüch – dat reinste Kaninken-Foder is dat, wat dat jed-een Daghier gifft.Michel: Kaninken-Foder – goot dat du dat jüst seggst, anners harr ick dat an End nochvergeten: Ick heff dien Kaninken slacht, dat Fell heff ick beholen, so as afmookt. Den13

- VERLAGSVERBAND: - www.mein-theaterverlag.de - www.theaterstücke-online.de - www.nrw-hobby.de - theaterverlag-theaterstücke.de -Bestimmungen:Unerlaubte Aufführungen, unerlaubtes Abschreiben, Vervielfältigen, Verleihen der Rollen müssen als Verstoß gegen dasUrheberrecht verfolgt werden. Alle Rechte, auch die Übersetzung, Rundfunk Verfilmung, und Fernsehübertragung sindvorbehalten. Das Recht der Aufführung erteilt ausschließlich der Verlag.Pott heff ick eben vör de Döör stoon looten, den hol ick gau rin. (Michel geiht rut unkummt mit een grooten Pott in de eene Hand un eene lüttje Kann mit Deckel in deannere Hand trüch.)Michel: Hier is dat Kaninken in un hier dat Bloot!Hinnerk: Bloot, wat schall ick dor denn mit?Michel: Ick kunn’t ook nech bruken, un villicht kannst du dat jo an den Broden doonoder in’e Wust. Is doch schood, dat eenfach weg to geeten.Hinnerk: Jäh goot, door kann sick miene Fro denn jo Gedanken üm moken, tominnstgifft dat denn morgen mol wat Rechts to eeten, even mol richtiget Kaninken-Foder!Nech egolweg Grööntüüch oder – as vundoog – Käs-Fondue. Weest du wat dat is?Beten Käs in’ Pott mit Meter-Brot un Saloot! Kookt sowat diene Mudder ook?Michel: Nee, miene Mudder kookt nech so’n utländschen Kroom. Bi ehr gifft datSpeck un Klüten un sowat. Wecketmol ook Nudeln mit Tomotensooß, wenn ick molwat Neemodschet bestellt heff.Hinnerk: Speck un Klüten, dor kann ick blots vun drömen! – Nee, bi us, dor denkt deFroonslüüd bloots an sick, wat se so möögt för jümehr Diäten un Sportler-Eeten unwat se all’ns so snackt vun Gesundheet un all so’n Höhnerglooven. Un denn jümmersdat Rümkommandeer’n as op een Kasernenhoff: Wullt di jüst een beten op’t Ohrleggen, denn heet dat al woller: „Hinnerk, mok mol dit un mok mol dat! Dreeg denMüllammer rut, kiek mol noh de Döör, de schraukt jümmers so! Hinnerk, mien Rad isvörn platt, dat müsst du mol gau heel moken, ick bruuk dat man al in een Stünnwoller to’n Inköpen.“ – Un so geiht dat den ganzen Dag. Dor finnst du eenfach keenRoh mehr un büst an’ annern Dag bi de Arbeit noch heel kaputt dorvun. Dat kannstdu di eenfach nech vörstellen, Michel, wat dat an een tehrn deit, dit ewige Piesacken.Michel: Is dat denn wohrhaftig so gräsig, Hinnerk? Trakteert se di wiss so düll?Hinnerk: Jo, Michel, dat is noch veel leeger, as ick di dat utmolen kann. Un datLeegste is: Hebbt düsse Froonslüüd al eenmol froogt: „Hinnerk“ oder „Vadder, woansgeiht di dat? Köönt wi wat för di doon?“ Denkt blots an sick, düsse Wievers, nech soas ick, de ick mi wissto insett för de Allgemeenheet un egolweg simmeleer, woansWerder wull wieder vöran komen kunn, un so’ne Soken, weest du?Michel: Jo, Hinnerk, du denkst würklich veel över so’ne Soken noh.Hinnerk: Un ick denk ook jümmers an miene Fro, wat goot is för ehr, un so!14

- VERLAGSVERBAND: - www.mein-theaterverlag.de - www.theaterstücke-online.de - www.nrw-hobby.de - theaterverlag-theaterstücke.de -Bestimmungen:Unerlaubte Aufführungen, unerlaubtes Abschreiben, Vervielfältigen, Verleihen der Rollen müssen als Verstoß gegen dasUrheberrecht verfolgt werden. Alle Rechte, auch die Übersetzung, Rundfunk Verfilmung, und Fernsehübertragung sindvorbehalten. Das Recht der Aufführung erteilt ausschließlich der Verlag.Michel: Is dat so Hinnerk? Wat denkst du denn so för diene Fro?Hinnerk: Na jo, wat ick ehr so Good’s doon kann un so. To’n Bispeel in’eLevensversekerung. Veele Lüüd – jüst ook Mannslüüd – denkt dorbi bloots anjümehrn eegen Dood. Wenn se sülvens dood blievt, denn schall de Versekerungbetohlen.Michel: Jo, dat is jo wull nech mehr as Recht!Hinnerk: Un wat is nu, wenn dat de Fro is, de toeerst in’t Gras bieten deit? Denn gifftdat dat groote Blarrn – keen Geld un nüms, wokeen dat Eeten kookt un een deKledoosch waschen deit! Dat is denn wohrhaftig to’n Huulen, wenn een nohFierobend düssen ganzen Kroom ook noch sülvens op de Reeg kriegen mütt, blotswiel dat een vun de Versekerung keen Geld süht. Is dat nech gräsig?Michel: Oh nee, sowat mag ick mi jo gor nech vörstellen!Hinnerk: Ick ook nech! Un dorüm is dat bi us anners: Ick heff to’e rechten Tied anmiene Fro dacht un ehr Leven bi de Eerste Allgemeene Levensversekerung glieks mitversekert. Wenn se nu mol vör mi dood geiht, denn brukt se keen schlechtetGeweten hebben: Ehr Mann kriggt denn hunnertdusend Euro vun de Versekerung. Isdat nix?Michel: Dunnerslag! Dat is al wat! Hunnertdusend Euro. Dor müsst al lang förmalochen op de Warft, bet du dat tohoop hest.Hinnerk: Weest wull, Michel! Du sühst, ick denk nech blots an mi – so as düsseWievers. Nee, mi is dat ook jümmers üm mien Fro un Dochter to doon, ook wenn deeen dat nech danken doot. Behannelt de een doch leever as een Sklov bi Woter unBrot oder schlimmer noch bi Kaninken-Foder. Dor is een jo meist keen Minsch mehr,man blots noch de Sklov vun de eegen Fro!Michel: Oh Hinnerk, dat is jo reinweg gräsig, wat se di so mitspeelt in diene Familie,liekers du Dag un Nacht för jüm dor büst un egolweg an jüm denkst! Nu veerstoh ickook, worüm du mol seggt hest: Dat Leven weer beter ohn Fronslüüd.Hinnerk: Jo, jo!Michel: Dorüm will ick nu ook bald uttrecken bi miene Mudder, dat is doch keenLeven, wat de een jümmers noch all’ns vörschrieven will. Ick bruuk eene eegeneWohnung un föhr denn blots noch twee – dree mol in’e Week no miene Mudder to’nEeten. Nojo, denn kann ick ehr denn glieks ook miene Wäsche mit bringen, de kannse jo twüschendöör eben mit waschen un plätten.15

- VERLAGSVERBAND: - www.mein-theaterverlag.de - www.theaterstücke-online.de - www.nrw-hobby.de - theaterverlag-theaterstücke.de -Bestimmungen:Unerlaubte Aufführungen, unerlaubtes Abschreiben, Vervielfältigen, Verleihen der Rollen müssen als Verstoß gegen dasUrheberrecht verfolgt werden. Alle Rechte, auch die Übersetzung, Rundfunk Verfilmung, und Fernsehübertragung sindvorbehalten. Das Recht der Aufführung erteilt ausschließlich der Verlag.Hinnerk: Kiekan, nu warrst du so sinnig ook klook, Michel! Mook dat! Treck ut bidiene Mudder un loot di nech mit annere Wievers in! Denn müsst du dor ook nech solang över nohdenken, woans du jüm woller los warrn kannst.Michel: Wullt du denn diene Fro loswarrn, Hinnerk?Hinnerk: Dat froogst du noch, Michel? Wenn ick blots een’ Weg wüss, woans ick datbeschicken kunn!Michel: (grient) Eenfach dood sloon!Hinnerk: (is een beten verdattert.) Wat seggst du door? Dood sloon? Ober dat is dochunchristlich, vun wegen foftet Gebot un so, un woans kunn dat wull afgohn?Michel: Woso unchristlich? Dat is doch de reinste Notwehr bi al dat, wo diene Fro dijeden Dag mit trakteert. Un denk doch blots an diene schöne Levensversekerung, wodu jedet Mon’t inbetohlst und eerst wat utbetohlt kriegst, wenn du oolt büst undornoh bald dood bliffst. Denn bringt diene Fro dat schöne Geld mit een annern Keerldör. Un du hest di dorför so lang krumm mookt, dat du vun diene poor Piepen vun deWarft jedet Mon’t wat för de Versekerung trüchleggt hest? Un denn sowat!Hinnerk: Jo, mag ween, Michel, man ick weet nech, wat dat recht is. Un woans schulldat wull gohn? Ick kann ehr doch nech hier in’e Stuuv afsteeken as’n Swien. Woansmuch dat wull utsehn? Allerwegens dat Bloot hier an’e Tapeten un op’n Bodden.Nee! – Un denn wüsst jo ook glieks jed-een, dat ick dat ween bün. Dat haut ookeenfach nech hen!Michel: Nech afsteeken, man eenfach dood sloon! Un nech hier, man achtern See,wenn diene Fro an’t Joggen is. Dor luerst du ehr op un denn – heidewitzka – giffst duehr onnig een poor an’ Ballon un smittst ehr in’ See! – Un denk doran: Dat is för eengoden Zweck, dat de dösige Levensversekerung nech op dien Geld sitten blifft; datmütt se di denn utbetohln. Un diene Skloven-Tied hett denn ook een End! Dat is dochwull nech mehr as recht, wat Hinnerk?Hinnerk: Nee, ick weet nech. Dat geiht doch nech un dat flüggt doch ook glieks op. Unwannehr schull ick dat wull moken, dat mi nüms dorbi süht? Ick bün doch furts deHauptverdächtige.Michel: Ober nech, wenn du een Alibi hest, Hinnerk. Un ick geev di dat Alibi, glieksmorgen Nohmiddag. Ick hol di Klock dree af to’t Werder-Speel, sett di ober dicht biden See, du weest doch, dor achtern bi den lüttjen Parkplatz, dor vun de AnkeloherStroot links rin, weest wull, dor sett ick di af, un vun door ut sochst du di eerst mol16

- VERLAGSVERBAND: - www.mein-theaterverlag.de - www.theaterstücke-online.de - www.nrw-hobby.de - theaterverlag-theaterstücke.de -Bestimmungen:Unerlaubte Aufführungen, unerlaubtes Abschreiben, Vervielfältigen, Verleihen der Rollen müssen als Verstoß gegen dasUrheberrecht verfolgt werden. Alle Rechte, auch die Übersetzung, Rundfunk Verfilmung, und Fernsehübertragung sindvorbehalten. Das Recht der Aufführung erteilt ausschließlich der Verlag.eene gode Stee för dien Attentat. Dor töövst du af, bet dat düster ward. Un noh datSpeel, wenn du de Sook achter di brocht hest, denn hol ick di dor af un bring di to’erechten Tied woller noh Huus.Hinnerk: Un wenn de Polizei di dat nech glöven will, dat du mi noh’t Football-Speel inBrem’ mit nohmen hest?Michel: Dat mööt se mi glöven. Dat kann ick jüm bewiesen. Ick föhr eenfach in Brem’op de Autobohn hunnertunfoftig, denn warr ick dor kort vör de Autobohn-Affohrt„Überseestadt“ blitzt, hunnertperzentig blitzt de dor. Dat is denn de Bewies, dat ickdor weer, dit düre Foto. Genial, wat? – Man dat Geld müsst du mi ober woller geven!Hinnerk: Oh Mann, oh Mann! Kunn dat goot gohn? Un ick weet ook gor nech, woansick miene Fro dood sloon kunn. De is goot in’t Trainig un hett mächtig Knöv in Armsun Been. De weet sick dörtosetten.Michel: Un dorüm müsst du düssen lüttjen Hommer bruken. De ward ehr denn wullden Rest geven un ehr to’n Swiegen bringen. (Michel grient.) Denn hett dat een föralle Mol een End mit dat Rümjibbeln un Beterweeten!(Michel foot den grooten Vörslag-Hommer an un haut dormit eenmol dör de Luft. Tokummt mit mol Katja vun rechts rin.)Katja: Wat mookt ji denn hier mit den grooten Hommer?Hinnerk: Goden Dag, heet dat, wenn een rin kummt un een Gast begröten will!Katja: Goden Dach ook, Michel? Wat mookst du dor mit den grooten Hommer?Michel: Öhm ...Hinnerk: He hett dor achtern jüst den Nogel in’e Wand sloon, dat Bild hung scheef,weest nech mehr? Un wat büst du överhaupt so neeschierig!Katja: Mookt doch, wat ji wööt! Mit den Vörslag-Hommer een Nogel insloon, datmookt doch keen normolen Minsch, wenn de nech jüst toveel Knöv hett, nee wohrHerr Michel Knöv? (Katja geiht achtern rut.)Michel: Mann, dat weer ober dicht bi Speck un Klüten!Hinnerk: Wenn du dat man weest! Dat wörr sachts nech besünners günstig för useKomplott, wenn düsse klooken Wievers – meist unklook sünd de – dor wat vun wies17

- VERLAGSVERBAND: - www.mein-theaterverlag.de - www.theaterstücke-online.de - www.nrw-hobby.de - theaterverlag-theaterstücke.de -Bestimmungen:Unerlaubte Aufführungen, unerlaubtes Abschreiben, Vervielfältigen, Verleihen der Rollen müssen als Verstoß gegen dasUrheberrecht verfolgt werden. Alle Rechte, auch die Übersetzung, Rundfunk Verfilmung, und Fernsehübertragung sindvorbehalten. Das Recht der Aufführung erteilt ausschließlich der Verlag.wörrn. Dat kunn an End noch de Levensversekerung in Gefohr bringen. Wörr dochschood üm dat schöne Geld!Michel: (kickt noh de Siet, snackt so för sick sülvens, dat Hinnerk dat nech hörenschall.) Dor kunnst meist glöven, he nimmt dat för Eernst!Hinnerk: Wat brabbelst du dor?Michel: Öhm, ick meen bloots: Denn schullen wi över de Sook man lever nech mehrwieter snacken. Denn kann dat ook nüms wies warrn.Hinnerk: Dat is ook mien Meen’. För vundag is nu daddeldu! Wi hebbt beide nu noogin’ Kopp to nehm’, dormit de Plon morgen ook slumpt. (Hinnerk foot Michel an’ Armun bringt em noh de Döör.)Hinnerk: Michel, schön dat du hier weerst! Kumm goot noh Huus! Wi seht usmorgen, wenn du mi Klock dree hier mit diene Koor to’n Football afholst. Seh to unhol di fuchtig!Michel: Seh to, Hinnerk, un vergeet morgen dien lüttjen Hommer nech! (Michelgrient un geiht rut. Hinnerk mookt de Döör to.)Hinnerk: Oh Mann, oh Mann, door hebbt wi us jo schön in Roosch brocht mit useSnackeree. Meent he dat denn eernst? Schall ick’t doon? Mit den osig grotenHommer? – Man dat is jo för een goden Zweck, so hebbt wi noch to Levenstieden watvun de Levensversekerung – tominnst de vun us, de överblifft. – Un schuld sünd sewiss ook sülvens, düsse Froonslüüd, wenn se een egolweg so trakteert. Denn mööt sesick nech wunnern, wenn een mol de Hommer utrutscht!Das sind 2 Törns. als Leseprobe aus dem Theaterstück“Leege Töög an´ Beerster See“ von Uwe Huljus.Wenn Ihnen das Theaterstück gefällt, dann bestellen Sie doch den komplettenRollensatz im Internet auf unseren Webseiten.www.mein-theaterverlag.de-- www.theaterstücke-online.de – www.theaterverlag-theaterstücke.dewww.nrw-hobby.deBestimmungen:Unerlaubte Aufführungen, unerlaubtes Abschreiben, Vervielfältigen oder Verleihen der Rollen müssen als Verstoßgegen das Urheberrecht verfolgt werden. Alle Rechte, auch die Übersetzung, Verfilmung, Rundfunk- undFernsehübertragung sind vorbehalten. Das Recht der Aufführung erteilt ausschließlich unser Verlag.Vertrieb Telefon: 02432 9879280Karl-Heinz Linde-mail: info@verlagsverband.de41849 Wassenberg, Packeniusstr. 15www.mein-theaterverlag.de –www.theaterstücke-online.de – www.theaterverlag-theaterstücke.de. – www.nrw-hobby.de18