Üses Läbe…

Üsäs Läbä…
Gedichtli vor Silvia Tschanz

Inhaltsverzeichnis Äs Gheimnis ······························· 06
Mi Ängel ································· 08
Winzig chli ································ 10
Chinderouge ······························· 12
Guete Morge ······························ 14
Ä bsundre Tag ······························ 16
Dr Näbu ·································· 18
Uf d’ Schuelreis ···························· 20
Ds Zwärgäland ····························· 22
Mängisch schyne Sache ······················ 24
So, das wär ‘s gsi ··························· 26
Äs git Tage ································ 28
Tuusegi vo Mönsche ························· 30
Äs Unghüür ······························· 32
Möcht z’ Bärg ga ··························· 34
Ä Buschle Härzli ··························· 36
Dir zwöi ·································· 38
Zu dim Geburtstag ·························· 40
Däichsch a mi ····························· 42
Äs Jahr wi kes angersch ······················ 44
Isch aus verbi ······························ 46
Warum bisch gange ························· 48
Äs Füür ··································· 50

Winzig chli…
Zwöi Händli u zwöi Füessli, aus isch so winzig chli,
me chas no schier nid gloube, das’s gli wird anders si…
Au Tag wirsch grösser wärde u wöue vürer’s cho,
z’ersch schnaage uf dr Aerde, chli speter loufsch de o…
No gschoue diner Ouge, stumm fragend üsi Wäut
u dis erschte Lächle, isch meh Wärt aus viu Gäud
Was Zuekunft eis wird bringe, liegt wyt ewäg im Dunscht,
druf Antwort wöue z’finge, wär e grossi Kunscht…
Doch sicher wirsch de einisch di Wäg alleini ga
de wär i gärn we nötig, aus Fründ’ no für di da…!
10

Äs Füür…
Es Füür im Waud? Es Füür im Härz?
Was isch das für n e heisse Schmärz?
D’ Sunne isch am ungergah,
tuet für d’ Nacht der Platz verlah...
D’ Sorge drücke mi hüt schwär,
wes nume nid so feischter wär...
Die nächschti Nacht gilt’s z’ überstah,
u d’Frag: «Wie lang wird’s wytergah?
Wird’s für mi e Zuekunft gäh?
Ma n i äch dr Rank no gnäh?»
Unändlech läng schint jedi Stund,
bis d’s Liecht am Morge wiederchunnt...
Doch z’ innerschtinn isch d’Gwüssheit da:
Der neu Tag wird MIT mir afah...
50

Ds Zwärgäland…
I höckle am Waudrand u gniesse dert d’ Rueh,
u tue für n’es Rüngli grad d’ Ouge chli zue.
Da gspüri, es rüehrt mi am Chnöi öppis a,
i luege, u gseh gwüss: Es Zwärgli steit da!
Es grüesst mi gar fründlech u ladt mi när i,
ob ig nid si Gascht i sim Hüttli wöu si?
Es füehrt mi zur Türe u tuet se grad uf,
was jtz’ dinne z’gseh isch, verschlaht mer dr Schnuuf:
E Tisch vou vo Sache,
mit viu Liebi bache...
Turte u Güetzi u häfewys Tee,
derzue feini Crème u schüsch no viu meh...
Es schmöckt fein vo Schoggi u Caramelduft,
o Zimet u Vanille schwäbt süess i dr Luft...
Grad wie-n-i studiere was ig ächt wett ha,
da chunnt mer scho d’s zweit Mau am Chnöi öppis a...
«Grosi! Du Grosi! Los, d’s Müetti het gseit,
ir Chuchi sig d’s Zvieri zum ässe bereit!
Chum’ mit mer u lueg doch, was dert aues isch,
lah d’Lismete lige, u sitz schnäu a Tisch...»
«Ou danke, das fröit mi, de wei mer grad ga,
dernah wiu dr brichte, was ig troumet ha!..»
22

Tuusegi vo Mönsche…
’s git tuusegi vo Mönsche,
das wüsset dir ja scho!
Warum heit äch dir beide,
euch so fescht gärn ’bercho?
Dass dir euch chönntet finde,
das hättet dir nie dänkt...
Wär het äch euer Schritte
uf ds gliche Wägli glänkt?
Wo dir euch när heit troffe,
het’s kener Zwyfu gäh,
u d’Antwort blibt nid offe,
ob dir euch wöuet näh?
Us Liebi zämezbliibe,
dä Wunsch isch sofort da!
U hüt no säge beidi:
«I lah’ di nie meh gah!»
30