.UMMER - Nordfriisk Instituut

chronik
������ �� ��������
Bit üüb a letst plaats wiar a aula
faan a Nis-Albrecht-Johannsen-Skuul
uun Lunham besaat,
üüs rektor Walter Flach at lidj
an fööraal a skuuljongen, wat
dediar dai föörlees skul, begröötet.
At grat föörleesen faan
a 7. friisk föörleesweedstridj
för a traad bit seekst klas sted
üüb’t program. Jüst so üüs bi
dön leesweedstridjen tuföören,
hed a ����� ��� ��������� ��
��������� �� an a �����������
��������� weder at jil för a hiale
föörleesweedstridj diartu den.
At Nordfriisk Instituut hee uk
detheer feer a hiale weedstridj
Von links nach rechts die Sieger mit ihren Preispaten am 20. Mai in Lindholm:
Leif Henning Klüver und Peter Andresen (Nord-Ostsee-Sparkasse), Eiken Hinrichsen
und Heinrich Bahnsen (Spar- und Leihkasse zu Bredstedt), Levke Brodersen
und Ingwer Nommensen (Vorsitzender des Friesenrates), Rachel Scheele
und Henning Möller (stellvertretender Kreispräsident) sowie Jelena Jacobsen
und Ingrid Franzen (stellvertretende Landtagspräsidentin)
Foto: Sven Gerlach � �� �������������
beraamet, tustendig wiar Antje
Arfsten.
Faan miast 900 skuuljongen,
wat det tekstheft uun a febrewoore
tustjüürd füngen haa,
wiar 23 tu’t finaale efterblewen.
Uun jar skuulen hed’s al jin jar
skuulkoleegen wonen, man
dediar eftermade skul’s jo mä
jongen uun’t leesen meed, wat
jo ferlicht goorei ens käänd. Sodening
wiar’s uk altumaal böös
apreeget. Iar föörleesen oober
luasgung küd, jeew at iarst noch
ens musiik faan da Säkstante,
do begröötet Heinrich Bahnsen
faan a ����� ��� ��������� ��
��������� �� för a spaarkasen
noch ens altumaal, an do kaam
a gröötwurden.
Üüs iarst snaaket Ingrid
Franzen, at naist lundaispresidentin
faan Sleeswig-Holstian.
Hat fersoocht en betj, a jongen
a apreeging tu nemen, an fertääld,
det ham det snaakin för
en mase lidj uk so gans lacht
faan a hun ging. Diarefter saad
Carl-Friedrich Tästensen faan’t
Ministerium für Bildung und
Frauen, a naist krispresident
faan Nuurdfresklun Henning
Möller jar gröötwurd. At aanj
kaam noch a iarenföörmaan
faan a weedstridj an president
faan a Interfresk Riad, Ingwer
Nommensen, tu wurds an
maaget a jongen mud för’t
föörleesen.
Do ging’t luas mä jongen
faan a 3.-4. klas. Tuiarst wiar
dön njüügen jongen uun a rä,
wat üüb frasch an freesk lus.
Diarefter kaam dönen, wat üüb
sölring lus an do dönen, wat at
üüb fering an öömrang ded.
Det stak „Jongen, wat ölers üüs
a miasten“ füng at publikum
miast tu hiaren, an det uun ale
dialekten.
Beeft a pause mä kofe an kuuken
wiar dön a graten faan a
5.-6. klas uun a rä. Diar begand
at skööl faan a eilunen üüb fering,
öömrang an sölring tu leesen,
an do kaam a skuuljongen
üüb frasch.
Nü hed a juri tidj tu auerleien,
hoker uun dön enkelt sköölen
best leesen hed. Det wiar was
nian lacht werk för jo. Uun a juri
seed Güde Boysen an Hauke
Friedrichsen för’t frasch, Hans
Peter Momsen an Adeline Petersen
för’t freesk, Paul Bahns,
Nora Grevenitz an Margarete
Ketelsen för fering/öömrang an
Erika Hansen an Inken Völpel-
Krohn för’t sölring. At aanj san
jo’s dach ianig wurden.
Ütj det skööl faan a 3.-4. klas,
wat üüb frasch an freesk lus,
füng Jelena Jacobsen faan’t
deensk skuul Bräist a iarst pris
faan Ingrid Franzen auerden.
Henning Möller wiar a prispaate
för Rachel Scheele faan’t
deensk skuul Waasterlun/Sal,
wat faan det salring skööl ütj a
3.-4. klas woon. Bi det fering/
öömrang skööl faan a 3.-4 klas
wurd Levke Brodersen faan a
grünjskuul Föhr-Ost at iarst,
huartu hör Ingwer Nommensen
gratliaret an hör a pris ded. Bi a
graten faan a eilunen hed Eiken
Hinrichsen faan’t Gymnasium
bi a Wik best leesen an füng
diarför faan Heinrich Bahnsen
hör pris.
At aanj gratliaret Peter Andersen
faan a Nord-Ostsee Sparkasse
Leif Henning Klüver faan
Risem Schölj tu san föördrach
an san iarst pris. Diarefter füng
noch ale ööder jongen, wat
dediar eftermade föörleesen
hed, en uurkund, en buk, en
plüüschtiar – en „Antje“ faan
a ��� ����� ���� – an en letj
snuupkroom tuut för jar konst.
Iar ale tüs ging, stemet a moderatoor
Thede Boysen noch
det stak „Gung ütj, min hart an
schük din hei“ uun, huar altumaal
mäsoong. ����� �������
NORDFRIESLAND 150 – Juni 2005 3