Dä Jonas hät sini eige Internetsiite, hät d'SM gwunnä ... - Kevin Huser

Dä Jonas hät sini eige Internetsiite,
hät d’SM gwunnä mit Spitzäziite.
Er isch en fröhlichä und en hälle,
und wiemer gseht au ganz en schnälle.
Mol chli Lache isch für ihn sehr wichtig,
das ghört zum Läbä und isch au richtig.
Dä Patrick träumt vom Spiderman,
viil Züg schafft er souverän.
Doch jetz gohts um d’Grössi, s’git
Problem.
Allez Patrick, es goht trotzdem!
Am Bäre Cup gwünnt er en Pokal,
döt druf stohts Eis, di beschti Zahl!
D’Natalie steckt inerä Wand,
do rueft si abe, churz vor em Stand:
„I mues scho wieder ufs WC,
Aaron, hesch du en Baum gseh?“
Schlussendlich chunt si glich no ufe,
het döt aber kei Ziit zum verschnufe.
Am Varin sini Sprüch sind mengmol schräg,
aber au er isch uf em beschtä Wäg,
en super Rang is Kader z’bringe,
er mues nur no s’Dach bezwinge.
En grüene Pulli meh uf em Podescht,

üsers Kader isch eifach s’bescht!
Dä Kevin Huser, üsen Fernseh-Star,
mir fänäd alli, isch doch klar!
Immer fröhlich, immer luschtig,
lacht er au bim längschtä Zuestieg.
Susch isch viil meh Chlätterä sis Ding,
aber au s’Laufe goht mengmol ring.
Dä Felician häts mengmol streng,
und häts im Dach kei Halt wird’s eng.
Denn chunt em richtig Farb is Gsicht,
und jede hofft, das kein Griff abbricht.
Er kämpft, er schaffts, er chunt bis ufe,
dune wogets kein me z’schnufe.
D’Shanu isch di Jüngscht im Kader,
sie chunt au scho i üsi Lager.
Ihres Muul isch nöd so chli,
sie isch bi jedem Spass debi.
Dä Härbscht het si voll duregschtartet,
vo ihrä wird no viil erwartet.
Am Levin sini Hoor sind echli z’lang,
dä Trainer wird’s scho langsam bang.
Gseht er dä Griff oder gseht er en nöd?
Zum Coiffeur go isch ihm eifach z’blöd.
Er schwingt sich ufe wiänen Gibbon,
de 1.Platz, das isch sin Lohn.

Dä Simi goht lieber zum Coiffeur als dä
Levin,
er findet guet uusgseh hät scho en Sinn.
Er hät sich d’Hoor sogar strecke lo,
doch üs gfallt er viil besser so.
Au er isch ab jetz bi üs debi,
das isch au würkli fällig gsi.
Wienes Eidechsli, so elegant,
für ihren Stil isch d’Rebi bekannt.
Fiin, bedächtig und konzentriert,
me merkt dass sie sehr vil trainiert.
Ehri Fuesstechnik isch sehr gnau,
fascht wiä bimenä Profi au.
D’Petra isch e Kämpfernatur,
strotzt vor Chraft und Power pur.
Leider hät au sie öppä mol e Veletzig,
das hindert sie aber nöd a ihrere
Ziilsetzig.
Sie bringt au international gueti Räng,
d’Reis und s’Training sind mengmol
streng.
De Luca, üsers Speed-Genie,
chum en anderä isch schneller gsi.
Sini Technik sött er patentierä lo,
er isch schneller als en Aff im Zoo.
Im Lead hät er au sin eignä Stil,
hartnäckig verfolgt er sini Ziil.

Dä Yves hät scho en Sponsor gfundä,
Black Diamond ® bringt ihn über d’Rundä.
Er mue scho bi dä Elite startä,
nöd immer mit so guetä Chartä.
Für s’nögscht Johr isch no alles offe,
mir wönd für ihn nur s’Beschte hoffe.
Dä Fäbe isch en Pechvogel gsi,
sini Unfäll sind jetz hoffentli verbi.
Sis Potential, das isch enorm,
nögscht Saison isch er voll in Form.
Wie allnä wünschemer au ihm Erfolg,
für s’nögscht Johr au ä mol no Gold.
Dä Roli isch oft oben Ohne a de Wand,
er hät bim Chlätterä ä sicheri Hand.
Jugend A, das sind no Ziitä gsi,
sini erscht Elite Saison isch verbi.
Nögscht Johr kämpft er wieder um gueti
Plätz,
und wenn nöd, denn chunt dä Urs i d’Sätz.
Dä Roli isch jetz neu als Trainer debi,
mir freued üs mit ihm im Kader z’si.
Das wird alles scho guet cho,
mer nehmed ihn nöd eifach so.
Er wird üs sicher guet trainierä,

und üsi Technik korrigierä.
Au di andere Trainer wömmer lobe,
sie zeiget üs de Wäg noch obe.
Dä Aaron bringt di Jüngerä uf Kurs,
und für di Älterä sorgt de Urs.
Und laufts mol öpperem nöd so guet,
mached si üs wieder Muet.
Verloh tüend üs d’Rea und d’Irina,
mir hetteds gern no länger gha.
Au d’Sarah und d’Manu tüend üs verloh,
mir wüssed nöd so gnau wiso.
Mir gsehnds aber sicher wieder a de Wand,
d’Schwiiz isch jo es chlises Land.