Weihnachtskonzert „Lieber Himmel“ live mit - De Familich

Hätz Ass, saht d´r Schäng un nohm
et Jabi en d’r Ärm un daach sich dobei,
dat deit jot.
Och et Jabi saht sich, schade kann et jo
nix, wenn och d’r Schäng för e Levve nix
daug.
Un sei danzte ömschlunge durch de
Schmuse-Rock-Dschungel, un jede jingk
för sich op en Reis, it met ihrem Dieter un
de Schäng mem Roswita.
Die Flamingos, sei spillten janz leis.
Kumm loss dich hück ens jett verwenne,
kumm loss dich hück ens eifach jon,
kumm dun dir hück och ens jet jönne,
loss dat wat wor noh Holland jon.
12
EM PÖTZE KÄTT
Text und Musik: Wolfgang Anton – Verlag: BMG Publishing
D’r Schäng leet et sich nit nemme,
d’r Krösus zo spille, un su hatt hä
Champanja bestellt.
Och et Jabi wor löstich un mem Bütze
nit kniestich. Sei sahten sich, jo su es uns
Welt.
Un sei danzten ömschlunge durch de
Schmuse-Rock-Dschungel, un jede jingk
för sich op en Reis, un sei leefe durch
Jasse, die kein Nome mih hatte
un summten om Heimwäg janz leis:
Kumm loss dich hück ens jett verwenne,
kumm loss dich hück ens eifach jon,
kumm dun dir hück och ens jet jönne,
loss dat wat wor noh Holland jon.
HANNA
Text und Musik: LSE
Dat es dat Leed vum Hanna
met Henna en dr Hoor
un vum Franz, dä 68 bei d’r Apo wor.
Sei levven streng biologisch,
su ähnlich wie för 5000 Johr.
Dä Franz, dä trick em Jaade et eijene
Jemöös. Hä deit et och nit spritze un mäht
de Schnecke nit nervös.
Es sich d’r janzen Daach am jöcke
un Hanna hät et Henna en d’r Hoor.
Un jede Morje en aller Herrjottsfröh
versammele sich de Wanze op d’r
Lamperie. Dr Franz, dä deit sei scheusche
un Hanna hät et Henna en d’r Hoor.
Die Pänz, die han ihr Büdche op
enem Baum am Biotop
un fresse heimlich Brütsche met
Fleischwoosch drop,
jewöhnlich jitt et Tofu
un Hanna hät et Henna en d’r Hoor.
De Glühwürmcher kreise des Naaks dem
Franz öm et Jeseech
un et Hanna säht: Och luur ens wie schön,
jetz hammer och noch Leech.
Manchmol dunn dem Franz sing
Krokantzängscher wih.
Hä säht: Hanna d’r Hammer, ding Nelke
die helfen mir nit mih.
Och wenn dat Leed jetz am Engk es, et
hät ne deefere Senn,
Kinder lieben Fleischwurst met Brütcher
dröm eröm.
Der Franz, dä möht nom Zahnarzt
un Hanna hät et Henna en d’r Hoor.
13