Schnägge-Poscht - Fasnachts-Comité Oberwil

18
Oberwiler Fasnachts-Zytig 2011
D' Pullerschnägge
Schnägge-Poscht
Wär uns z Oberwil nach 6 Joor nonit kennt, isch äntwäder immer uf de falsche Wääge oder goht
am Sunntig eidütig zfrüeh heim. Für die wo uns tatsächlich nit kenne, düemer uns schnäll
vorstelle. Mir Pullerschnägge hend uns im Joor 2004 gründet und hend im ` 05 s erscht mol am
Umzug teilgnoh. Mir sin neu nur no 3 Nase, sozusage „klein aber oho“, und heisse düemer Jörn
„Helm“ Hopf, Patrick „Pätte“ Gschwind und unsre neuschte Schnägg isch dr Dominic „Dome“
Portmann.
Nach de Wääge „Oberwiler-Bahnhöfli“, „Europa-Park-Express“, „Ochse-Gourmet-Tämpel“,
„Wallstreet-Börse-Crash“ und dr letschtjöörig „Fraumatt-Säägmehl-Ring“ folgt in däm Joor e
Neuheit, und zwar wärde mir mit de Dräggschnägge zämme e Waage baue, so quasi „1 Waage, 1
Sujet, 2 Clique“. Ihr dörfet euch uf die spezielli Sach freue.
Wäg em grosse Ufwand führe mir in däm Joor kei Waagevernissage duure, drfür sin alli
Fasnachtsbegeischterte härzlich ufe Apero uf unserem Waage iglaade, das diräkt vor oder diräkt
nach em Umzug.
Unser dasjöörigs-Sujet düemer an dere Stell natürli nit verroote, aber spötischtens andr
Schnäggefasnacht gsehnder unsere Waage, sowie unseri Koschtym!
Falls dir Gönner oder Gönnerinne vo uns wend werde, so mäldet euch via unserer Homepage.
Wen mrs grad vodr Homepage hend, uf dere chönned dir unsere Waagebau verfolge, Steckbrief
lääse, luschtigi Föteli aluege und uns besser kenne lehre. D' Adresse luutet
www.pullerschnaegge.ch
Mir wünsche Euch e wunderschöni Fasnacht 2011,
uf das mir uns am Fasnachts-Sunntig/ Mäntig
irgendwo z'Oberwil aträffe!
Euri Pullerschnägge
P.S für unseri Gönner/ inne: Mir danke euch
vo ganzem Härze für euri tolli Unterstützig!
123
117
122
6
Atelier Hohestr. 134