The Scottish ballads - National Library of Scotland

162
; ; : : ;
" Come, then, my bonnie Lizie
Ye ne'er shall rue for me
Gie me but your love for my love,
It's a' I want of thee.
And tak ye to your feet again,
Although the gate seem lang
Ye'se hae the wale o' gude living.
When to Kincawsen we gang.
For my father he is a herd himsell,
Wi' mony a cow and quey ;
And we'll sleep on a bed o' green rashes,
And dine on fresh curds and green whey."
His mother stude in the sheilin' door,
Said, " Ye're welcome hame to me
Ye're welcome hame, my son Duncan,
And your bonnie young lady wi' ye."
She made them a bed o' green rashes,
Weel covered wi' claith of grey
And bonnie Lizie was sae weary,
She sleepit till lang o' the day.
" The sun looks in ower the hich hill-head;
The laverock is lilting gay
Get up, get up, now, bonnie Lizie ;
You've lain till it's lang o' the day !
Ye micht hae been out at the sheilin',
Instead o' sae lang to lye
Ye micht hae been up helping my mother
To milk her gaits and kye."
When Lizie lifted her frae her bed,
And lookit where she lav.
;
;