PDF download - Bothasig Pulse

Die Lydenstyd - Jesus Christus se smart en lyding
Bykans al die godsdienste in die maand van Maart word verbind
met die lydensgeskiedenis (Passie) van Jesus Christus. Die begrip
“Passie” ontstaan uit Latyn en dui aan “lyding”. Juis ten opsigte van
die Lydenstyd verteenwoordig dit die tydperk van Jesus Christus se
smart en lyding.
Die merkwaardige gebeure rondom die verlossingsgeskiedenis in
hierdie tyd sluit in Jesus se intog in Jerusalem, die instelling van die
Heilige Nagmaal, Jesus se inhegtenisneming, die daaropvolgende
vernederings en marteling wat Hy verduur het tot en met sy
wegleiding na Gólgota, asook sy wreedaardige dood aan die kruis.
Die wanhoop van die dissipels – wat byvoorbeeld weerspieël
word in Jesus se afskeidspreke en wat veral duidelik na vore kom
wanneer Jesus na sy dood verwys – val ook binne die konteks van
die Lydenstyd.
Die tweevoudige aard van Palmsondag kom duidelik na vore
in die godsdiens wat hierdie heilige dag gedenk. Enersyds is die
olie waarmee Maria Jesus salf 'n teken van sy verhewendheid en
Messiasskap (die begrippe “Messias” en “Christus” beteken beide
“die Gesalfde Een”) en andersyds verwys hierdie selfde olie alreeds
na die naderende dood van Jesus. In die tyd van Christus was dit
'n gebruik om die dooie liggame met olie in te smeer. Sy dood word
alreeds 'n voorbode deur dit wat Maria aan die lewende Jesus doen.
Dit is hoe die mededeling wat in die “Agtergrond” vir die Bybelteks
vir Palmsondag verskyn, begryp moet word: “… sy het dit bewaar
vir die dag van my begrafnis” (Johannes 12:7). Daarbenewens was
olie 'n teken van vreugde, en verwys die olie dus na die vreugde wat
ontketen is toe Jesus Jerusalem binnegekom het. Ons verstaan dus
dat Jesus se salwing veelvoudige betekenisse het.
Op Goeie Vrydag, die dag van Jesus se dood, blyk dit asof die
boosheid oorwin het, en gevolglik is daar baie droefheid en pyn op
hierdie dag. Eers tydens die Pase word dit duidelik dat die boosheid
eintlik op hierdie dag oorwin is.
Palm Sondag: Die salwende olie van vreugde!
Goeie Vrydag 29 Maart 2013: Christus het vir jou gesterf!
(Vanuit die NAK se handleiding vir Godsdienste)