Updater Sept-Dec 2012 - Highlands Pacific

Highlights
Gavman I Amamas Long Ramu NiCo
Olsem Divelopmen Patna
NESENEL Gavman wantaim Madang Provinsal
Gavman i bung wantaim long givim tokamamas
bilong ol I go long Ramu NiCo long
ol gutpela wok em i wokim long bringim
divelopmen na senis na tu em i stap olsem
wanpela bikpela divelopmen patna insait long
Madang na PNG.
Dispela bikpela tok amamas i bin kamap long
Walium gavman stesin long Usino-Bundi distrik
long Fraide, Novemba 16, 2012 taim Nesenel
Gavman aninit long Mineral Risoses Atoriti (MRA)
I givim 8-pela nupela haus na tupela polis kar i
go long Usino-Bundi distrik polis.
Ol dispela nupela haus na tupela nupela
kar bilong polis i kamap aninit long Projek
Memorandum ov Agrimen we Gavman i mekim
insait long Sosel Ekonomik Divelopmen Progrem
bilong en long Ramu Projek Impekt eria.
Eksekutiv Vais Presiden bilong Ramu NiCo, Mista Gu
Yuxiang i bin stap long dispela seremoni we i lukim
tu vais Minista bilong Maining, Wera Mori wantaim
Intenol Sekuriti Minista, Nixon Duban i stap long givim
ofisal toktok makim O’Neill-Dion gavman.
Mista Mori i tok amamas long Ramu NiCo long
divelopim Ramu Projek, na i tokaut olsem planti
ol kampani bilong ovasis i bin traim long wok
long en long 1980s na 1990s, tasol ol i bungim
hevi long sait long mani na tu teknikol eria na tu
wol prais bilong nikel i mekim ol i les na lusim.
Mista Mori i tok Ramu NiCo i soim stret strong
bilong en na bikpela bilip tru na i wok hat tru
na abrusim wanem ol teknikol na fainensol
hevi maski olsem Projek na i stap long bus na
maunten ples.
Em i tok O’Neill-Dion gavman i sapotim Ramu
Projek na ol arapela maining projek insait long
kantri bikos Maining Sekta tasol long PNG i save
bringim kamap 60-pesen bilong Gros Domestik
Prodak na maining sekta i gat bikpela veliu
bilong en tru.
Intenol Sekuriti Minista na Memba bilong
Madang, Nixon Duban i tokim ol lain papa-graun
long wok klostu wantaim Ramu NiCo sapos ol i
laikim divelopmen i kam long Stet.
“Taim yu gat bikpela risos projek long eria bilong
yu, bai yu pulim ol bikpela gavman ejensi olsem
MRA long helpim yu long wokim ol bikpela
Projek long eria bilong yu,” Mista Duban i tok.
“Bikos long dispela tasol na tude mipela i makim
Stet long bringim K1.6 milen helpim long yupela
long sait long 8-pela nupela polis haus na tupela
nupela kar,” Mista Duban i tok.
05
Mr. Gu meets the invited guests during the
handover ceremony