bibliothèque

B
i
b
l
i
o
t
h
è
q
u
e
ou l’an la colòo de l’òo.
I trèmblon ou premì suoflo de
l’ouva,
l’iveur l’é protzo, le gnoule
pouyon, la néi s’approtze,
autoo du foua
ne prédzèn de l’étzatèn.
« Te yoou it-eu allò l’étzatèn
passòo
Su ou By ou Lemamacey ? »
« Mé si allò eu Lar du Bouque,
Que tzèn to l’étzatèn
Epattò ou soléi
A vardé le mouton é le tzevréi
Su pe sisse clapéi.
E volà que no racontèn
Le dzornaye de l’étzatèn
Passaye su pe salle dzènte
Montagne
Ou méiten de tzamotte é di marmotte.
Ma aya no fa tchica étugni
È i nutro pégno-z-ami
No fa eigni.
“Amo vo doo, vinde sé
é didre aprì mé Albero A.
Bandiera B
é l’alfabé se décrotze mo
aprì mo.
Lo ten passe è can
l’éfouryi arreuve-pouì,
ne sén-pouì quette pi
saven è pi conten.
De façe a no le periye
é le laventze tchizon di
beurio de l’Allé van
caque ou torràn.
Nèn pa pouye ne sèn
que l’è lo momàn
que la tèra remée
l’è lo momàn que n’attèndèn
ne sèn protzo dou bon tèn.
Aprì le vacanse de Pâques
ne tornèn contèn
ne sèn que n’en pamì
que pouca de tèn
que no sepaòn de l’étzaten.
Le prò son tza vèrte
le salade créison, le
lloô s’épandéisson
u fon di-sézeli, le violette créisson.
Le candolle voyatzon d’eun
coeun à l’âtro e come no
l’an tan voya de s’éboudji.
Lo courtì de lanta Aline
l’è gri-l’erba pôuse
le pôse rebiollon é son queut
dret come de carabegni.
Le pappa lan tan de travaille
é le mamme en cô de pi
no n’en rènque voya de no
s’éboudjgi.
Ne lamben pe sisse courti
n’éguien a vagni
e a décordé le vi.
Ne sèn todzò ou lambo
Ne sèn jamé lagnà
N’èn tan de nutte de zi-zi
A tchertchi.
Le tzeumeun son plèn de dzi
Qui va é qui veun avoui
La sappa, lo marti
La faà é lo coisi.
Ou bouille n’a todzò
de femalle que lavon é
frotton é l’an jamé fini
l’an totta la meison
a appropréy’.
Bientoù no-z-én allén co no
l’è l’éfouriy,
la seison avance
no fa décordé le vatze
è le vi que l’an tan voya
d’itre lubro come no.
E eun bo dzo la pourta
de l’écoula se cllou.
Su lo porta no nos saluén
ne sén contén ma
nén quette tchica lo peutro plén.
Co la métressa là le joué
pi louyen.
Ne lei féyen eun gro poteun
é ne léi souéten eun bon étzatén.
Llié no di to todzeun
« Itade sayo éboudzade-vo bién
È a no revère apri l’étzaten”.
- -