Gwenynwyr Cymru The Welsh Beekeeper

modd i’r clwb roi un i fi bydd rhaid i mi chwilio am fy haid fy hun.
‘Dwi dros fy hanner cant a byth wedi gweld haid ond nawr rwy’n
cerdded y ci bob dydd gan edrych i fyny i’r coed ac i mewn i’r perthi.
Rwy’n sicr fod heidiau yn cuddio ymhob man. I gyd sy angen yw
edrych yn ddigon agos a byddaf siwr o ddod o hyd i un. Mae’n wyrth
i mi beidio baglu neu golli’r ci.
Stori yn yr Evening Post am fachgen yn cael ei bigo gan wenynen
o haid mewn cae cyfagos yn Sgeti a’r ci a finnau a’r ferch (sy’n
achwyn yn ddibaid) yn mynd allan am awr i gerdded rownd pob un
cae posibl. Dim byd, tan i ni gyrraedd nôl i’r tŷ a’r ci yn cwympo i
mewn i’r afon, reit ar ben nyth gwenyn sy wedi adeiladu ar lan yr
afon. Ffawd siwr. Ond, cyn eu gasglu man a man checio’r we a na,
hwrlibymiaid ydy nhw. Ond son am le twp i adeiladu nyth a wir, o
fewn wythnosau, dyma glaw trwm yn dod a’r nyth yn cael ei golchi i
ffwrdd.
Ebost yn cyrraedd. Boi wedi cysylltu â’n clwb gwenyn gan ddweud
iddo gael adwaith gwael i bigiadau a’i fod am werthu ei holl wenyn
a’i gychod a phopeth. I mi fel dechreuwr mae’r gost tipyn bach yn
uchel ond ‘dwi’n anfon ebost .. a ddim yn cael ateb.
Ond mae’n ddigon o hwb i mi i ddechrau chwilio o ddifri am wenyn.
Rwy’n awyddus i gael gwenyn lleol ac yn cael hyd i ddwy rif ffôn am
bobl sy’n gwerthu gwenyn yn ardal Abertawe. Wedi peth drafod am
y pris dyma fi’n cytuno prynu coloni.
14 Mehefin 2011 – y diwrnod mawr – y gwenyn yn cyrraedd! Rydym
yn cwrdd gyda’r hwyr a’r gwenyn yn cael eu cyflwyno i’w cartref
newydd. Dyma’r tro cyntaf i mi gwrdd ag Ade Bowen, arolygydd
gwenyn lleol i ni, a boi sydd mor addfwyn wrth drin gwenyn. Rwy’n
amau os byddaf erioed mor ofalus a mor fedrus a thyner wrth eu
trin. A dyma ni, erbyn wyth o’r goch mae’r gwenyn yn eu cwch a
finnau yn wenynwraig go iawn o’r diwedd.
Gwenynwyr Cymru #182 19
Hydref 2013