1215_GRÓTTA_JÓLABLAÐ_NETÚTGÁFA

Gróttublaðið 2015 

Jólarit knattspyrnudeildar 

1

Tómstundastyrkir 

Árlega er gerð rannsókn á högum og líðan 

íslenskra ungmenna. Nemendur svara 

ítarlegum spurningum sem unnar eru af 

fyrirtækinu Rannsókn og greining en 

fyrirtækið sérhæfir sig í rannsóknum á 

málefnum ungs fólks. 

Fram kemur m.a. í niðurstöðum rannsóknarinnar: 

Öflugt íþrótta- og tómstundastarf 

Súluritið sýnir hversu hátt hlutfall nemenda 

á Seltjarnarnesi eru virkir í íþróttastarfi. 

Kemur meðal annars fram að 85% stráka 

í 10. bekk og 68% stúlkna í 9. bekk eru 

virk í íþróttastarfi, en það er talsvert hærra 

hlutfall en annars staðar á höfuðborgarsvæðinu 

og ef miðað er við meðaltal á 

landsvísu. 

frá 1. janúar 2016 

verða kr. 50.000.- 

Tómstundastyrkirnir eru fyrir börn og unglinga 

á aldrinum 6-18 ára. 

Nánari upplýsingar um styrkinn eru á 

heimasíðu bæjarins www.seltjarnarnes.is 

Hlutfall nemenda í 8., 9. og 10. bekk 

sem segjast stunda íþróttir (æfa eða keppa) með íþróttafélagi 

fjórum sinnum í viku eða oftar, árið 2014 

Áfram Grótta! 

Foreldrar barna á aldrinum 6 til 18 ára eru 

minntir á að skila inn umsóknum um 

tómstundastyrki fyrir börn sín sem stunda 

skipulagt tómstundastarf. 

Bent er á að árlega þarf að sækja um 

tómstundastyrki. 

Styrkurinn fyrnist um áramót. Ekki er hægt 

að sækja um ónýttan styrk frá fyrra ári. 

Fyrir þau börn sem stunda íþróttir hjá Gróttu 

eða tónlistarnám hjá Tónlistarskóla 

Seltjarnarness þarf ekki að skila inn 

staðfestingu á greiðslu/kvittun. 

100 

90 

80 

70 

60 

% 50 

40 

30 

20 

10 

0 

56 

49 

45 

41 41 38 

Seltjarnarnes Höfuðborgarsvæðið Landsmeðaltal 

49 46 50 

44 

48 

40 42 38 

34 32 

85 

68 

Strákar Stelpur Strákar Stelpur Strákar Stelpur 

8. bekkur 9. bekkur 10. bekkur 

2 

Augl. Þórhildar 2200.564

Kæra Gróttufólk 

Jólablað knattspyrnudeildar er að koma út 

fimmta árið í röð og er stjórnin mjög stolt 

af blaðinu í ár. Í blaðinu er fjallað um starf 

deildarinnar í máli og myndum allt, frá yngstu 

krökkunum í 8. flokki og upp í meistaraflokk. 

Stelpurnar í Gróttu halda áfram 

frumkvöðlastarfi sínu í boltanum og 

iðkendum heldur áfram að fjölga í öllum 

kvennaflokkum. Farsælt samstarf við KR 

í 11-manna boltanum hefur nú gengið í 

rúmlega tvö ár og ríkir mikil ánægja með 

það hjá báðum félögum. Þessi uppbygging 

í yngri flokkum gerir okkur kleift að hefja 

undirbúning að stofnun meistaraflokks 

kvenna hjá Gróttu en nýlega var skipað 

sérstakt kvennaráð til þess að halda utan 

um verkefnið. 

Það eru spennandi tímar framundan við að 

byggja upp meistaraflokk karla á ungum og 

efnilegum leikmönnum sem eru uppaldir 

í Gróttu. Úlfur Blandon hefur verið ráðin 

þjálfari meistaraflokks karla og honum til 

aðstoðar verður Ásgeir Aron Ásgeirsson 

sem á að baki farsælan ferill sem leikmaður 

með Fjölni og ÍBV. Nýlega var skrifað undir 

tveggja ára samninga við nokkra unga og 

efnilega Gróttumenn. Flestir þeirra hafa 

gegnt lykilhlutverki í öflugum 2. flokki 

karla síðustu tvö tímabil en við hópinn 

bættist svo Pétur Steinn Þorsteinnsson 

sem er komin aftur heim eftir rúmlega 

árs dvöl hjá AIK í Svíþjóð. Stemningin í 

meistaraflokknum er góð og vonandi 

munu bæjarbúar flykkjast á völlinn næsta 

sumar og styðja við bakið á þessum lofandi 

leikmönnum. 

Yngri flokkar Gróttu blómstra áfram undir 

styrkri stjórn Magnúsar Arnar Helgasonar 

yfirþjálfara og er mikil stemning hjá 280 

iðkendum í öllum flokkum. Þjálfarateymið 

hefur sjaldan verið öflugra og það er mikill 

metnaður og kraftur í starfi yngri flokkanna. 

Yngstu iðkendurnir eru sóttir á leikskólann 

á æfingar en það fyrirkomulag hefur slegið í 

gegn og þátttaka í 8. flokki aldrei verið meiri. 

Bæjaryfirvöld á Seltjarnarnesi hafa verið 

gríðarlega öflug í að styðja við íþróttastarf 

ungs fólks með styrkjum og fjárfestingum 

til betri aðstöðu til íþróttaiðkunnar. 

Nýjustu tölur um þátttöku íslenskra barna 

og unglinga í íþróttum eru langhæstar 

hér á Seltjarnarnesinu eða allt að 85% 

þátttaka sem gæti verið heimsmet. Núna 

er í farvatninu að skipta um gervigras á 

Vivaldivellinum og ætlar bærinn að vanda til 

verksins og notast við bestu efni og undirlag 

sem völ er á. 

Stjórnin þakkar þjálfurum og foreldrum fyrir 

ómetanlegt starf í þágu deildarinnar á þessu 

ári. Einnig þakkar stjórnin Seltjarnarnesbæ 

og ÍTS fyrir samstarf og stuðning við starf 

deildarinnar á árinu og ekki síst okkar 

farsæla bæjarstjóra, Ásgerði Halldórsdóttur, 

sem mætir á nánast alla leiki og á stóran 

þátt í velgengni Gróttu í öllum deildum. 

Að lokum vill stjórnin þakka þeim 

fyrirtækjum sem auglýsa í jólablaði 

knattspyrnudeildar og við hvetjum alla 

Seltirninga til að beina viðskiptum sínum 

fyrir jólin til þessara glæsilegu fyrirtækja. 

Stjórnin óskar öllum Seltirningum gleðilegra 

jóla og farsældar á komandi ári. 

Með Gróttu jólakveðju, 

Stjórn knattspyrnudeildar 

GRÓTTUFÓLK 

BESTU ÓSKIR UM GLEÐILEG JÓL OG FARSÆLT NÝTT ÁR 

Pantone 

1795 C 

M 96 - Y 90 - K 6 

Útgefandi: Knattspyrnudeild Gróttu. Ritstjórn og myndir: Eyjólfur Garðarsson o.fl. 

Prófarkalestur: Magnús Örn Helgason. Útlit, umbrot og forsíða: Kristján Þór Árnason / dagsverk.is Prentun: Prenttækni. 

3

4 

Fótboltasumarið 

2015

5

FÓTBOLTASUMARIÐ 

8. flokkur karla 

Björn Breiðfjörð Valdimarsson 

Fyrstu skrefin 

Áttundi flokkur karla byrjaði af krafti seinasta 

vetur, um það bil 28 strákar voru skráðir 

frá byrjun og bættist í þann fjölda eftir því 

sem leið á árið. Flokkurinn æfði einu sinni í 

viku yfir veturinn í Íþróttahúsinu og var vel 

mætt á allar æfingar sem voru haldnar á 

laugardagsmorgnum. 

Þegar sumarið nálgaðist færðust æfingarnar 

út og voru strákarnir þá sóttir á leikskólann 

á miðvikudögum og æfðu á gervigrasinu á 

Vivaldivellinum. Hópurinn fór á 

þrjú mót og stóðu strákarnir 

sig eins og hetjur en þrátt 

fyrir ungan aldur tókst 

þeim að spila boltanum 

frábærlega á milli 

sín og skemmtu sér 

konunglega á meðan! 

8. flokkur kvenna 

Björn Breiðfjörð Valdimarsson 

Árangursríkt samstarf 

Áttundi flokkur kvenna var stofnaður á síðasta 

tímabili en áður höfðu strákar og stelpur á 

þessum aldri æft saman. Við þessa skiptingu 

fjölgaði stelpum á leikskólaaldri mjög og 

æfðu um 20 stelpur reglulega á tímabilinu. 

Tilraunaverkefni Gróttu og leikskólans fór 

af stað þar sem stelpurnar voru sóttar á 

leikskólann einu sinni í viku til að fara á æfingu 

í íþróttahúsinu. Þetta fyrirkomulag mældist svo 

vel fyrir að samstarfið hefur færst í aukana eins 

og fjallað er nánar um í blaðinu. 

Farið var á tvö mót í sumar og var ótrúlegt var 

að sjá hversu færar stelpurnar voru orðnar þrátt 

fyrir að flestar hafi ekki verið mikið í fótbolta 

áður en æfingar hófust. Mikil gleði og hressleiki 

fylgdi hópnum en flestar eru nú komnar á fullt í 

á yngra ári í 7. flokki 


Bjarki Már Ólafsson 

Lestur og skrift fótboltans 

Það var verkefni þeirra Bjarka Más 

Ólafssonar og Björns Breiðfjörð 

Valdimarssonar að byggja 

ofan eigin vinnu úr 8. 

flokki árið á undan. Í 7. 

flokki æfði flottur hópur 

sem skemmtilegt var að 

vinna með. Mikil áhersla 

var lögð á að vinna í 

grunntækni strákanna en 

henni má að vissu leyti líkja 

við lestur og skrift. Árangur næst 

ekki án þess að ná valdi á slíkum 

undirstöðuatriðum! 

Strákarnir voru um 35 og sýndu 

mikla elju og dugnað. Markmið 

þjálfaranna náðust að verulegu 

leyti en merkja mátti miklar 

framfarir í grunntækni og áhuginn 

óx stöðugt. Til merkis um það voru 

strákarnir mikið á Vivaldivellinum utan 

æfingatíma að æfa „trix“ vikunnar. 

Flokkurinn fór á sjö mót og hafði 

það góð áhrif á áhugahvöt 

strákanna. Hápunktur tímabilsins 

var vafalítið „gistiæfingin“ fyrir 

Norðurálsmótið en margir 

drengjanna voru þá að gista 

að heiman í fyrsta skipti. Var sá 

þáttur því æfður sérstaklega áður 

en haldið var á Skagann. Hópurinn 

var flottur og þjálfararnir bera honum 

vel söguna. Þá voru foreldrar sérlega 

áhugasamir og duglegir að leggja hönd á plóg 

en það ætti að gefa strákunum byr undir báða 

vængi í framtíðinni. 


Jórunn María Þorsteinsdóttir 

og Pétur Rögnvaldsson 

Fjölgun og framfarir 

Stelpurnar hófu æfingar í september 

undir stjórn Magnúsar Arnar Helgasonar 

yfirþjálfara en þegar leið á veturinn 

tóku þau Jórunn María Þorsteinsdóttir 

og Pétur Rögnvaldsson við keflinu. 

Meirihluti hópsins hafði aldrei æft 

fótbolta áður og mættu stelpurnar því 

oftar í kjólum en íþróttaklæðnaði á æfingar, 

a.m.k. til að byrja með. Hópurinn stækkaði 

sem leið á tímabilið og taldi í lok sumars um 

20 stelpur. Áhuginn jókst stöðugt og sýndu 

stelpurnar miklar framfarir. Foreldrahópurinn 

var ekki síðri en stelpurnar en þau hjálpuðu 

þjálfurum mikið við að halda uppi 

góðum liðsanda, t.d. með því að 

halda náttfatapartý og bjóða upp 

á piparkökuskreytingar. 

Á heildina litið var sumarið 

mjög skemmtilegt en nokkrir 

hlutir stóðu upp úr. Í lok maí 

gistu stelpurnar með þjálfurum 

sínum og tveimur mömmum í 

íþróttahúsinu og sló það rækilega í 

gegn. Gistingin var fyrst og fremst hugsuð 

sem æfing fyrir fyrsta gistimót stelpnanna en 

þær héldu ásamt stöllum sínum í 6. flokki á 

Króksmótið í lok júní. 

Um miðjan júlí hélt flokkurinn á hið fræga 

Símamót og var það stelpunum mikið 

tilhlökkunarefni. Foreldrar, þjálfarar og 

þátttakendur hófu veisluna á sameiginlegu 

Gróttugrilli í brakandi blíðu á Vivaldivellinum 

þar sem 5. og 6. flokkur, sem einnig 

tóku þátt í mótinu, voru með. 

Keppni stóð frá föstudegi til 

sunnudags og skemmtu allir 

sér vel. Mikil fjölgun hefur 

verið í yngstu flokkum 

stelpna hjá félaginu og 

greinilegt að framtíðin er 

björt í kvennafótboltanum 

hjá Gróttu. 


Pétur Már Harðarson 

Bikar í Eyjum 

Rúmlega 30 drengir hófu æfingar hjá 6. flokki 

karla haustið 2014 og mátti sjá strax að hér 

var saman kominn hópur af áhugasömum 

og skemmtilegum knattspyrnumönnum. 

Eftir langan vetur þar sem 

farið var á nokkur 

æfingamót 

og nokkrir 

æfingaleikir 

spilaðir kom 

sumarið loksins. 

Í lok júní var 

komið að 

stóru stundinni 

6

2015 

þegar lagt var af stað til Eyja með fjögur lið á 

Orkumótið (já, Shellmótið hefur skipt um nafn!). 

Drengirnir stóðu sig með mikilli prýði þar sem 

öll lið unnu einhverja leiki en töpuðu vitaskuld 

einnig. Drengirnir voru sjálfum sér og Gróttu 

til sóma á mótinu þar sem hápunkturinn var 

viðurkenning fyrir háttvísi innan vallar. Þá gerði 

lið 3 sér lítið fyrir og hampaði Eldfellsbikarnum 

eftir æsispennandi úrslitaleik. 

Einnig tók flokkurinn þátt í Íslandsmótinu í 

fimm manna bolta þar sem öll lið spiluðu vel 

og komst lið 3 áfram í úrslitakeppnina þar sem 

það endaði í 3 sæti. Knattspyrnuárið 2014- 

2015 var virkilega skemmtilegt og mátti sjá 

miklar framfarir hjá hópnum yfir árið og verður 

gaman að fylgjast með þeim í 

framtíðinni. Framtíðin er björt 

í knattspyrnunni hjá Gróttu 

með öflugum iðkendum, 

frábærum foreldrum 

og góðu innra starfi 

féagsins. 



Rómuð spilamennska 

Tímablið í 6. flokki kvenna var frábært en þar 

æfðu rúmlega 20 stelpur undir stjórn Bjarka 

Más og Jórunnar Maríu. Helstu áherslur 

og markmið voru að skerpa á grunntækni 

leikmanna og að auka leikskilning og segja má 

að þau hafi náðst með glæsibrag. Hópurinn 

samanstóð af stelpum fæddum 2005 og 2006 

og var töluverður munur á getu leikmanna 

svo hann vóg þungt í skiptingu liða. Með því 

móti fengu stelpurnar allar áskoranir við hæfi 

þar sem margar voru að stíga sín fyrstu skref í 

fótbolta meðan aðrar voru mun lengra komnar. 

Flokkurinn tók þátt í sjö mótum og var 

upplifunin af þeim nokkuð misjöfn. Þær sem 

skemmra voru á veg komnar áttu oft við 

ramman reip að draga á meðan þær lengra 

komnu áttu, skiljanlega, auðveldara uppdráttar. 

Minningarnar af Króksmótinu og Símamótinu 

standa upp úr og foreldrarnir létu sannarlega 

ekki sitt eftir liggja en stuðningur þeirra og 

aðstoð var ómetanleg. 

A-lið flokksins gerði sér lítið fyrir og lék til 

úrslita á Símamótinu, fyrst allra Gróttuliða 

á stóru sumarmótunum. Spilamennska 

Gróttustelpnanna var rómuð af öllum þeim sem 

fylgdust með enda var skipulag og samspil til 

mikillar fyrirmyndar. Ekki vantar efniviðinn og 

ljóst er að þarna leynast gríðarlega efnilegar 

fótboltastelpur. 


Magnús Örn Helgason 

Bronsverðlaun og 

úrslitakeppni 

Það voru 35 strákar sem hófu leik í 5. flokki 

haustið 2014 og 38 sem skipuðu flokkinn við lok 

tímabilsins. Magnús Örn Helgason var þjálfari 

flokksins en honum til aðstoðar voru þeir Pétur 

Már Harðarson og Kristján Daði Finnbjörnsson. 

Drengirnir voru til mikillar fyrirmyndar allt árið. 

Lögðu hart að sér við æfingar, tileinkuðu 

sér gott hugarfar innan sem utan vallar 

og tóku miklum framförum sem 

knattspyrnumenn. 

N1-mótið var haldið á Akureyri 

venju samkvæmt í júlí en 

þar gerðu lið Gróttu 2 og 

Gróttu 3 sér lítið fyrir og unnu 

til bronsverðlauna eftir frábæra 

frammistöðu. Davíð Ingi Másson var 

valinn markvörður mótsins í keppni E-liða 

en margir aðrir Gróttumenn áttu frábært mót. 

Gróttuhópurinn fór einnig á skemmtilegt 

Olísmót á Selfossi í ágúst og svo var spilað 

á Íslandsmóti reglulega yfir sumarið. Þar 

komst A-lið Gróttu alla leið í úrslitakeppni 

Íslandsmótins þar sem strákarnir öttu kappi 

við nokkur af bestu liðum landsins. Þrátt fyrir 

að hafa ekki komist í undanúrslit voru þjálfarar 

og aðstandendur stoltir af drengjunum sem 

sýndu á köflun frábæra takta og sönnuðu fyrir 

sér og öðrum hve góðir þeir geta verið. Frábært 

tímabil í alla staði hjá góðum hópi drengja. 



Bullandi stemning 

Stemmningin í flokknum var í einu orði sagt 

frábær. Stelpurnar sýndu mikla leikgleði og 

áttu greinilega ekki langt að sækja hana því 

foreldrarnir gáfu þeim lítið eftir. Bjarki vill koma 

á framfæri sérstökum þökkum til Siggu Sigmars 

fyrir ósérhlífið framlag og ýmiss konar hjálp og 

stúss á tímabilinu. Takk Sigga! 

Tímabilið var mjög lærdómsríkt fyrir 

leikmannahópinn og þjálfara. Gerðar voru 

umtalsverðar kröfur til stelpnanna sem þær 

stóðust með glæsibrag. Fyrstu vikurnar og 

mánuði mættu stelpurnar helst til afslappaðar 

til leiks en eftir tæknilega yfirhalningu og 

áherslu á aga og festu var allt annað sjá til 

þeirra. Keppnin og krafturinn jókst með hverri 

vikunni og sömuleiðis tileiknuðu stelpurnar 

sér leikfræðilegar áherslur eins og liðspressu, 

völdun og sóknarfærslur. 

Íslandsmótið hefði mátt fara betur hvað úrslit 

varðar en sem leið á tímabilið náðu stelpurnar 

meiri stjórn á þeim áherslum sem unnið var 

með. Góð ástundun stelpnanna á ekki sístan 

þátt í þeim miklu framförum sem þær sýndu og 

stuðningurinn heima spilaði sömuleiðis stórt 

hlutverk. Mæting foreldra á leiki og samheldnin 

í foreldrahópnum var einstök og til mikillar 

fyrirmyndar. 


Valdimar Stefánsson 

Frábær seinni hluti 

Um 17 manna kjarni æfði með 4. flokki karla á 

árinu undir stjórn Valdimars Stefánssonar og 

Árna Guðmundssonar. Æfingar gengu vel á 

undirbúningstímabilinu þó að markmannsleysi 

setti oft á tíðum strik í reikninginn. Íslandsmótið 

hófst með látum í maí 

og þrátt fyrir að spila 

fínan fótbolta létu 

sigrarnir bíða eftir 

sér. Gróttuliðið 

var oft á tíðum 

skipað 8-9 

strákum af yngra 

ári og eins og 

gefur að skilja var 

líkamlegur munur 

stundum mikill. Reynslan 

þó frábær fyrir drengina sem koma öflugri fyrir 

vikið á eldra árið. 

Eftir að hafa tapað fyrstu fjórum leikjum 

sumarsins fóru hlutirnir að smella betur saman 

hjá Gróttumönnum. Tveir sigrar, þrjú jafntefli og 

eitt tap niðurstaðan í júlí og ágúst og frábærar 

framfarir hjá liðinu. Þó að Gróttumenn hafi ekki 

endað ofarlega í deildinni var spilamennska 

liðsins oft á tíðum til fyrirmyndar og mun það 

koma strákunum til góða í framtíðinni. 

7

FÓTBOLTASUMARIÐ 2015 



Markasúpur og sóknarbolti 

Farsælt samstarf Gróttu og KR í 

kvennaboltanum heldur áfram en glæsilegur 

30 manna hópur æfði í 4. flokki á árinu. 

Magnús Örn Helgason þjálfaði flokkinn, fyrst 

með Margréti Þórisdóttur sem þurfti frá að 

hverfa í apríl en í hennar stað kom Spánverjinn 

Alexandre Massot sem nú er orðinn fastráðinn 

hjá Gróttu/KR og KR. 

Æft var af kappi yfir 

veturinn og 

viðburðaríkt 

fótboltasumar 

undirbúið. 

B-liðið bar 

höfuð og 

herðar yfir 

önnur lið í 

sínum riðli á 

Íslandsmótinu og 

komst alla leið í 

úrslitakeppni B-liða. Þar voru FH og Víkingur 

sterkari á svellinu en engu að síður flott 

frammistaða hjá stelpunum. A-liðið var án 

nokkurs vafa með öflugri liðum í sínum riðli 

en því miður fóru stelpurnar illa að ráði sínu 

í nokkrum leikjum og misstu því af sæti í 

úrslitakeppnini. 

Hins vegar spiluðu Gróttu/KR stelpurnar 

nokkra stórkostlega leiki þar sem blússandi 

sóknarleikur réði för og ljóst að ofan á það 

er hægt að byggja. Efst í minningunni lifir 

magnaður 8-5 sigur á Fram/Aftureldingu þar 

sem nánast allt gekk upp í sóknarleiknum 

og stemningin á áhorfendapöllunum var 

rafmögnuð. Eldra árið fór í góða ferð á Dana 

Cup sem nánar er fjallað um á síðum þessa 

Gróttublaðs. Yngra árið fór í júlí í skemmtilega 

æfinga- og keppnisferð á Flúðir þar sem 

margt skemmtilegt ver gert ásamt því að spila 

fótbolta. 


Valdimar Stefánsson 

Skin og skúrir 

Þéttur hópur æfði undir 

stjórn Valdimars Stefánssonar 

og Árna Guðmundssonar á 

árinu. Hópurinn var ekki stór 

en drengirnir sýndu mikla elju á 

tímabilinu og lögðu hart að sér þrátt fyrir 

að stundum hafi verið fámennt á æfingum. 

Undirbúningstímabilið gekk vel og þróaðist 

leikur liðsins jafnt og þétt eftir því sem leið á 

veturinn og vorið. 

8 

Íslandsmótið hófst á góðum heimasigri á 

móti Grindavík en þá tók við 5 leikja taphrina 

þar sem fátt gekk upp hjá Gróttumönnum. 

Taflið snerist svo sannarlega við í Breiðholtinu 

þann 17. júlí þegar Grótta sótti firnasterkt lið 

ÍR/Leiknis heim. Jóhann Hrafn kom Gróttu 

yfir snemma leiks og átti liðið glæsilegan fyrri 

hálfleik. Í þeim síðari sóttu Breiðhyltingar í sig 

veðrið en Grótta náði með miklum dugnaði 

og góðu skipulagi að sigla heim sterkum 1-0 

sigri. Eftir þennan flotta leik lék Gróttuliðið 

á als oddi og vann næstu þrjá leiki með 

markatölunni 25-1, ótrúlegar tölur! Þegar upp 

var staðið endaði Grótta í 3. 

sæti riðilsins og þar með 

einu sæti frá umspili. 

Flottur seinni hluti 

sýndi strákunum 

hvað í þeim býr 

og gefur gott 

veganesti inn 

í næstu skref í 

boltanum. 


Bojana Besic 

Lið með stórt hjarta 

Átján stelpur æfðu með 3. flokki kvenna hjá 

sameiginlegu liði Gróttu/KR á árinu. Stelpurnar 

æfðu vel um veturinn og tefldu fram tveimur 

liðum í Reykjavíkurmótinu. Íslandsmótið 

byrjaði erfiðlega og fyrsti sigurinn lét bíða 

eftir sér. Þrátt fyrir að brekkan hafi verið brött í 

mörgum leikjum stóð hópurinn þétt saman og 

lét aldrei deigan síga. Stelpurnar mættu vel á 

æfingar, tóku vel og því og voru alltaf tilbúnar 

að bæta sig og læra. 

Hápunktur sumarsins var vafalaust Rey Cup 

í Laugardal sem fór fram í lok júlí. Gróttu/ 

KR liðið tók þar þátt í B-liða keppni og nældi 

í bronsverðlaun eftir nokkra glæsilega leiki 

og góða spilamennsku. Á Rey Cup er margt 

skemmtilegt gert utan fótboltans en 

stelpurnar tóku þátt í stuðinu á 

Rey Cup ballinu og gistu saman 

fyrir annan keppnisdag. 

Um morguninn mættu 

nokkrir foreldrar á svæðið 

og útbjuggu frábæran 

morgunmat fyrir liðið en 

kvöldið áður hafði kvennaráð 

KR boðið í mat. 

Margar stelpur fengu tækifæri til að spila 

með 2. flokki á tímabilinu og tveir leikmenn 

spiluðu í Pepsi-deildinni. Annar þeirra, Ásdís 

Karen Halldórsdóttir, komst svo í lokahóp 

U-17 ára landsliðsins og spilaði með liðinu á 

Norðurlandamótinu og í undankeppni EM. 


Jens Sævarsson 

Í fullorðinna manna tölu 

Annar flokkur karla hóf undirbúningstímabilið 

í nóvember 2014 eftir gott frí og marga 

stóra sigra sumarið 2014. Gríðarlegur fjöldi 

drengja æfði af krafti en hópurinn taldi um 35 

leikmenn. Strax á fyrstu mánuðum sáum við 

þjálfararnir gífurlega hugarfarsbreytingu og 

það var augljóst að drengirnir ætluðu að selja 

sig dýrt til þess að bæta sig sem leikmenn 

og þroskast sem einstaklingar. Allir eiga þeir 

heiður skilinn. 

Spilaðir voru fjölmargir æfingaleikir, þá 

aðallega gegn liðum sem þóttu á pappír 

sterkari en við, þar á meðal gegn 

meistaraflokksliðum í neðri deildum. 

Fjöldi leikmanna tók þátt í verkefnum 

með meistaraflokki Gróttu og þorir 

undirritaður að fullyrða að hvergi annars 

staðar á Íslandi hafi jafnmargir drengir á 

2. flokks aldri æft og tekið þátt í verkefnum 

meistaraflokks eins og raun bar vitni hjá Gróttu 

síðasta vetur. 

Hápunktur undirbúningstímabilsins var svo 

æfingaferð til London en lesa má nánar um 

hana annars staðar í blaðinu. 

Íslandsmótið hófst með látum og voru úrslitin 

upp og ofan en allt er gott sem endar vel. 

Drengirnir stóðu sig með prýði og enduðu 

mótið um miðja deild. 

Allt í þessu lífi tekur enda og að sumri loknu 

skildu leiðir og undirritaður sagði skilið við 

Gróttu. Árin tvö með þessum flottu strákum 

voru einstaklega skemmtileg og lærdómsrík, 

bæði fyrir mig og leikmennina. 

Við lærðum að kalla okkur sigurvegara. 

Við lærðum að vinna okkur út úr mótlæti. 

Við lærðum að með samstöðu, dugnaði, elju, 

aga og skipulagi eru okkur allir vegir færir. 

Ég, undirritaður, kveð drengina með 

söknuði og stolti. Ég er stoltur af mínum 

leikmönnum, ég er stoltur og þakklátur 

mínum aðstoðarþjálfurum, þeim Magnúsi 

Erni Helgasyni og Bjarka Má Ólafssyni, því 

án þeirra hefði enginn árangur náðst. Ég er 

stoltur af mér og minni vinnu með ungu 

drengina í Gróttu þessi þrjú ár sem ég þjálfaði 

hjá félaginu. Samkvæmt minni talningu stigu 

rúmlega tuttugu leikmenn á 2. flokks aldri sín 

fyrstu skref með meistaraflokki á þessum tíma 

– geri aðrir betur!

En ég gerði ekkert einn, án allra þeirra sem ég 

vann með í félaginu hefði ekkert af þessu orðið 

að veruleika. Þið vitið hver þið eruð og gefið 

ykkur eitt „high five“, því þið eigið það skilið! 

Takk Magnús Helgason. 

Takk Bjarki Már. 

Takk Gaui Kristins. 

Takk Árni liðsstjóri. 

Takk Kobbi 

húsvörður. 

Takk Hilmar 

formaður. 

Aðrir vonandi virða mig 

fyrir að nafngreina þá ekki 

en ég virði ykkur ekki minna. 

Ég kveð Gróttu stoltur en þrátt fyrir það er 

það ekkert leyndarmál að ég er gríðarlega sár 

að hafa ekki fengið að halda áfram því starfi 

sem ég tel að ég hafi unnið frábærlega, ásamt 

mínum aðstoðarmönnum. 

Takk fyrir mig og árin þrjú. 

Kær Gróttukveðja, Jens Elvar Sævarsson 


Ásgeir Aron Ásgeirsson 

Fámennt en góðmennt 

Tímabilið hjá 2. flokki kvenna hjá 

Gróttu/KR sumarið 2015 var mjög 

lærdómsríkt, bæði fyrir mig og leikmenn 

liðsins. Veturinn var oft á tíðum erfiður þar 

sem veður bauð ekki alltaf uppá bestu 

aðstæður til knattspyrnuiðkunar. 

Stelpurnar eiga mikið hrós skilið fyrir 

vinnuna sem þær lögðu í æfingar yfir 

veturinn og oft þegar aðrir flokkar 

flúðu inn í skjól, sýndu stelpurnar 

mikinn metnað og héldu áfram við 

verstu veðurskilyrði. Þegar sumarið fór 

að nálgast urðum við fyrir því óláni að 

missa nokkra leikmenn, en við létum það 

ekki á okkur fá og fórum með þunnskipaðan 

hóp inn í Íslandsmótið. Með aðstoð 3. flokks 

kvenna hjá Gróttu/KR og meistaraflokks KR 

náðum við að púsla saman í hóp fyrir leiki sem 

var stundum þrautin þyngri. Samheldnin og 

mórallinn í liðinu var gríðarlega sterkur og var 

farið inn í hvern leik með jákvæðu hugarfari 

þrátt fyrir að vera oft á tíðum með lítinn hóp og 

jafnvel engan varamann. 

Úrslitin á 

íslandsmótinu féllu 

oft á tíðum ekki 

með okkur þrátt fyrir 

góða frammistöðu í 

leikjunum en leikmenn 

liðsins misstu aldrei trúna 

á verkefninu. Við spiluðum 

okkar leik og gáfumst aldrei upp. Mikill stígandi 

var í leik liðsins sem skilaði sér í úrslitum leikja 

þegar líða tók á sumarið. Í hópnum ríkti mikil 

gleði og góður mórall. Ég lærði gríðarlega 

mikið af þessu tímabili og vil þakka stelpunum 

í flokknum fyrir virkilega skemmtilega og 

lærdómsríka tíma. Einnig vil ég nota tækifærið 

og þakka meistaraflokki KR og 3. flokknum 

fyrir allan þann stuðning sem þau veittu okkur 

því án þeirra hefði þetta ekki verið mögulegt. 

Einnig vil ég þakka yfirþjálfurum Gróttu og KR 

fyrir þeirra stuðning og góða samvinnu. 

Takk fyrir, 


Jólagjöf sem 

allir geta notað 

Gjafakort Arion banka er 

hægt að nota hvar sem er. 

Þú velur fjárhæðina, 

þiggjandinn velur gjöfina. 

Gjafakortið fæst í öllum 

útibúum okkar og á 

arionbanki.is/gjafakort 

9

Framtíðar vegur 

Það er óhætt að segja að sumarið hafi verið strembið hjá meistaraflokki Gróttu. Liðið var komið í 1. deild á nýjan 

leik og undir stjórn hins reynda þjálfara Gunnars Guðmundssonar var stefnan sett á að halda sæti í deildinni. Það 

reyndist þrautin þyngri og þegar upp var staðið endaði Grótta í 11. og næst neðsta sæti. Selfyssingar urðu sæti 

ofar en Grótta en þeir reyndust sterkari á svellinu í hálfgerðum úrslitaleik á Selfossi hinn 5. september þar sem 

Gróttumenn urðu að sækja til sigurs. Sóknarleikurinn varð Gróttu að falli á tímabilinu en liðinu tókst aðeins að 

skora 10 mörk í 22 leikjum. 

Fáir ungir Gróttumenn komu við sögu 

hjá Gróttu í sumar. Mikilla breytinga er 

að vænta því í haust hafa hvorki fleiri né 

færri en átta ungir leikmenn skrifað undir 

sinn fyrsta samning við knattspyrnudeild. Í 

umfjöllun Fótbolta.net hinn 24. nóvember 

2015 sagði Hilmar Sigurðsson formaður 

knattspyrnudeildar eftirfarandi: „Það er 

stefna knattspyrnudeildarinnar að byggja á 

ungum og uppöldum Gróttuleikmönnum 

sem munu fá tækifæri til þess að sanna 

sig með meistaraflokki.” Jafnframt sagði 

Hilmar samninga við leikmennina vera 

mikilvægan áfanga í uppbyggingu 

deildarinnar og að máli skipti að ungir 

leikmenn félagsins hafi trú á starfinu. 

Sjö af leikmönnunum átta sem um ræðir 

voru lykilmenn í 2. flokki sem gerði það 

gott síðustu tvö tímabil undir stjórn Jens 

Sævarssonar. Árið 2014 vann flokkurinn 

sig upp í B-deild í fyrsta sinn í áraraðir og 

10

í sumar endaði liðið um miðja deild. Þá er 

Pétur Steinn Þorsteinsson kominn heim 

eftir rúmlega ársdvöl hjá sænska stórliðinu 

AIK. Pétur hefur verið óheppinn með 

meiðsli eftir að hann flutti til Svíþjóðar og 

mun vonandi ná sér góðum og blómstra í 

bláu treyjunni á nýjan leik. 

Bræðurnir Agnar og Dagur Guðjónssynir 

eru fæddir árið 1997, líkt og Pétur Steinn, 

en þeir hafa samanlagt spilað 11 leiki 

fyrir meistaraflokk. Agnar leikur sem 

sóknarmaður og Dagur sem hægri 

bakvörður en hann getur einnig leyst 

stöður framar á vellinum. Kristófer Orri 

Pétursson er yngstur áttmenninganna 

en hann er fæddur árið 1998. Kristófer, 

sem leikur sem miðjumaður, fór í 

haust til æfinga hjá sænska liðinu IF 

Brommapojkarna eins og greint er 

frá í Gróttublaðinu. Fjórir leikmenn úr 

hinum öfluga 1996 árgangi hafa svo 

samið við knattspyrnudeildina. Það 

eru markvörðurinn Jón Ivan Rivine, 

bakvörðurinn Davíð Fannar Ragnarsson 

og miðjumennirnir Arnar Þór Helgason 

og Bjarni Rögnvaldsson. Fleiri leikmenn 

úr 1996 árganginum munu vonandi 

koma sterkir inn í meistaraflokkinn á 

næstu mánuðum en alls voru 12 strákar 

úr árganginum að ganga upp úr 2. flokki í 

haust. 

Það verður sannarlega spennandi að 

fylgjast með lærisveinum Úlfs Blandon 

á Vivaldivellinum næsta sumar. Þessir 

frambærilegu ungu leikmenn munu 

eiga sviðið í bland við reyndari kappa á 

borð við Guðmund Martein Hannesson, 

Jóhannes Hilmarsson og Ásgeir Aron 

Ásgeirsson og hver veit nema eftirlæti allra 

Gróttustuðningsmanna, Hrafn Jónsson, 

snúi aftur í Gróttuliðið. Stuðningur 

áhorfenda skiptir sköpum og hvetur 

Gróttublaðið alla Seltirninga til að leggja 

leið sína á völlinn næsta sumar. Við tökum 

nefnilega undir með skáldinu góða 

Þorsteini Erlingssyni sem benti á að „ef 

æskan vill rétta þér örvandi hönd, þá ertu á 

framtíðar vegi.“ 

JÓLA 

PAKKAR 

Við erum sérfræðingar í matvælaflutningum 

790 kr. 

staðgreitt 

Hámark 

30 kg 

eða 0,1 m 3 

Upplýsingar um afgreiðslustaði og opnunartíma er að 

finna á landflutningar.is 

11

Bjarki Már í Kólumbíu 

Bjarki Már Ólafsson er Gróttufólki að góðu kunnur en hann hefur um árabil verið virkur í starfi 

knattspyrnudeildarinnar, bæði sem leikmaður og þjálfari. Á liðnu tímabili þjálfaði hinn 21 

árs Seltirningur 5. og 6. flokk kvenna og 7. flokk karla við góðan orðstír. Nú er hann hins vegar 

staddur í fátækrahverfi í Bogatá, höfuðborg Kólumbíu, þar sem hann fæst við knattspyrnuþjálfun 

fyrir milligöngu AUS, skrifstofu alþjóðlegra ungmennaskipta. 

Með aðstoð nýjustu tækni náði Gróttublaðið tali af Bjarka einn sólríkan dag í Suður-Ameríkulandinu. 

Hvernig kom það til að þú ert nú staddur 

í gríðarstóru fátækrahverfi í höfuðborg 

Kólumbíu? 

„Fyrir tveimur árum settist ég niður 

með sjálfum mér, setti mér markmið og 

þrepaskipti þeim. Eitt af þrepunum var að 

fá víðari sýn á lífið til þess að ná þessum 

markmiðum mínum sem ég hef í þjálfuninni. 

Ég hef verið alinn upp í nokkuð „þægilegu“ 

umhverfi og mér fannst bráðnauðsynlegt 

að sjá allar hliðar lífsins til þess að þroskast 

sem einstaklingur. Fátækrahverfi í Bogotá 

var kjörinn vettvangur þar sem að 

fótboltamenningin hér er mjög rík og mig 

langaði sömuleiðis að ná betri tökum á 

spænsku eftir nokkurra ára nám í skólanum. 

Einnig heillaði saga landsins mig og ég var 

viss um að ég hefði eitthvað fram að færa í 

daglegu lífi barnanna hérna.“ 

Því skal ekki andmælt að Seltjarnarnes 

á 21. öldinni sé þægilegt umhverfi! 

Aðstaðan, áskorarnirnar og væntingarnar 

hljóta að vera harla ólíkar. En fótboltinn 

þekkir þó engin landamæri eða hvað? 

„Það er fegurðin í þessu að það er alveg sama 

hvar þú ert í heiminum, hver bakgrunnur 

þinn er og hver vandamálin eru heima fyrir 

þá er leikurinn alltaf spilaður á sama hátt. 

Ég sé það hér, eftir að hafa rætt við börnin, 

að það að komast út á fótboltavöll er hjá 

mörgum nokkurs konar flótti frá ofbeldinu 

og vandamálunum heima fyrir. Þetta er 

eitthvað sem krakkarnir elska og alla dreymir 

um að geta fetað í fótspor stórstjarnanna 

í kólumbíska landsliðinu sem margar hafa 

einmitt svipaðan bakgrunn.“ 

Forvarnargildi íþrótta er óumdeilt 

og góðar fyrirmyndir eru sannarlega 

mikilvægar. Segðu okkur aðeins nánar frá 

aðstæðum þeirra sem þú ert að þjálfa. 

„Krakkarnir sem eru í prógramminu hjá 

okkur búa flest í hverfinu Ciudad Bolívar, 

þar sem verkefnið er staðsett. Hverfið er 

stórt og þar ríkir gífurleg fátækt. Börnin eiga 

það sameiginlegt að koma frá fátækum 

fjölskyldum og er ofbeldi heima fyrir partur 

af daglegri upplifun margra þeirra. Í hverfinu 

eru fjöldamörg gengi starfrækt og einnig 

12 

hefur örlað á virkni hryðjuverkasamtakanna 

FARC svo börnin sem eru hjá okkur eru vön 

hlutum sem við sem búum á Íslandi getum 

vart gert okkur í hugarlund. Aðstæður til 

þjálfunar eru kannski ekki upp á marga 

fiska, það eru að jafnaði 50 krakkar á æfingu, 

fjórir boltar, nokkur vesti og tveir vellir - eitt 

moldarsvað og annar malbikaður. Krakkarnir 

kippa sér ekkert upp við það þó það sé ekki 

einn bolti á mann, þau elska að hittast á 

vellinum og fá að spila saman.“ 

Þá að heimahögunum. Hvað stóð upp úr 

á knattspyrnuárinu með Gróttu? 

„Tímabilið var í alla staði frábært og dýrmæt 

reynsla fyrir mig. Markmið ársins var að starfa 

í fyrsta skipti sem þjálfari í fullu starfi og ég er 

gífurlega þakklátur fyrir tækifærið og traustið 

sem Grótta sýndi mér. Auk þess að þjálfa 

5. og 6. flokk kvenna og 7. flokk karla, var 

ég aðstoðarþjálfari í 2. flokki karla og stýrði 

afreksstarfi deilarinnar. Hápunktur sumarsins 

var að leiða 6. flokk kvenna út á Kópavogsvöll 

í úrslitaleik A-liða á Símamótinu. Þetta var 

ótrúlega viðburðaríkt sumar og dýrmætt í 

reynslubankann.“ 

Hvað er svo framundan hjá þér? 

„Planið hjá mér er nokkuð einfalt. Ég fer að 

ferðast um Suður-Ameríku í janúar og tek 

mér tvo mánuði í það ásamt kærustunni 

minni. Að því loknu kem ég heim og fer 

í tímabæra hjartaaðgerð, hjartalokuskipti 

nánar tiltekið. Þá tekur við u.þ.b. mánaðar 

bataferli. Þegar ég hef náð mér að fullu flyt ég 

til Stokkhólms þar sem ég mun halda áfram 

að vinna að markmiðum mínum sem þjálfari 

en þar mun ég setjast á skólabekk og læra 

íþrótta- og þjálffræði.“ 

Gróttublaðið þakkar Bjarka fyrir spjallið og 

sendir honum bestu kveðjur af Nesinu!

Gróttuvöllur verður 

Vivaldivöllurinn 

Viðtal við Jón von Tetzchner frumkvöðul 

Margir ráku upp stór augu þann 

23. janúar þegar tilkynnt var 

að Gróttuvöllur hefði skipt um 

nafn. Völlurinn skyldi framvegis 

heita Vivaldivöllurinn í framhaldi 

af samstarfssamningi sem 

knattspyrnudeild Gróttu og 

hugbúnaðarfyrirtækið Vivaldi 

Technologies gerðu með sér. 

En hvað var þetta Vivaldi, annað 

en ítalskt tónskáld frá 18. öld? 

Hver er maðurinn á bak við nafnið? 

Frumkvöðullinn Jón Stephensen von 

Tetzchner er uppalinn Seltirningur sem æfði 

fótbolta með Gróttu, gekk í Menntaskólann í 

Reykjavík og flutti að loknu stúdentsprófi til 

Noregs á vit ævintýranna. Jón er þekktastur 

fyrir að hafa stofnað hugbúnaðarfyrirtækið 

Opera en á tímabili var Opera-netvafrinn 

einn sá vinsælasti í heimi. Jón sagði skilið 

við Opera árið 2013 en hefur nú komið öðru 

hugbúnaðarfyrirtæki á laggirnar, einmitt 

Vivaldi sem er nú að ryðja sér til rúms í 

tækniheimum. 

Gróttublaðið heyrði hljóðið í Jóni sjálfum 

og spurði hann út í samstarfið við Gróttu 

og hvernig það hafi komið til: „Það kom 

fyrirspurn frá Gróttu um hvort að við hefðum 

áhuga á að kaupa nafnið á Gróttuvelli. Það 

tók okkur ekki langan tíma að svara þessu 

játandi enda mjög gaman að geta stutt sitt 

gamla félag á svona skemmtilegan hátt” 

segir Jón sem þykir greinilega vænt um sitt 

gamla bæjarfélag en þess ber að geta að fyrir 

tveimur árum opnaði hann frumkvöðlasetrið 

Innovation House á Eiðistorgi þar sem 18 

sprotafyrirtæki hafa vinnuaðstöðu. 

Vefvafrinn Vivaldi var settur á laggirnar aðeins 

nokkrum dögum eftir að Vivaldivöllurinn varð 

að veruleika. Það er því ekki úr vegi að spyrja 

Jón hvernig gangi hjá fyrirtækinu, nú þegar 

vafrinn hefur verið virkur í nokkra mánuði? 

„Viðtökurnar sem við höfum fengið hafa verið 

frábærar! Við höfum fengið yfir 2 milljónir 

niðurhala (e. downloads) og það án þess 

að vera með formlega útgáfu af vafranum 

tilbúna. Við gáfum út „Technical preview” í 

byrjun árs og fyrir nokkrum vikum sendum 

við beta útgáfu frá okkur. Notendur hafa lýst 

yfir ánægju með vafrann og þá hafa einnig 

verið skrifaðar margar jákvæðar greinar um 

hann.” 

Eins og komið hefur fram æfði Jón fótbolta 

með Gróttu á sínum yngri árum án þess 

þó, að eigin sögn í það minnsta, að skara 

fram úr. Það gerði hann síðar á sviði 

hugbúnaðarþróunar og viðskipta en Jón 

stofnaði fyrirtækið Opera Software sem naut 

mikillar velgengni. Við spyrjum Jón hvað þurfi 

til að komast á toppinn í því sem maður tekur 

sér fyrir hendur? „Þetta er auðvitað spurning 

um liðið. Ég vann með frábæru fólki í Óperu 

og geri það aftur í Vivaldi. Við höfum trú á 

því sem við erum að gera og erum þrjósk. 

Það eru mjög miklir hæfileikar í teyminu – 

starfsorka og þrjóska, það er lykillinn.” Gaman 

er að segja frá því að í sumar gaf Vivaldi 

starfsmönnum sínum Gróttutreyjur með 

merki Vivaldi framan á og endum við þetta 

spjall á að spyrja Jón hvernig starfsfólkið hafi 

tekið í þessar skemmtilegu gjafir? „Þau voru 

mjög ánægð með þetta. Gróttubúningurinn 

er flottur og fólk er ánægt með að Grótta sé 

okkar lið”. Gróttublaðið þakkar Jóni kærlega 

fyrir spjallið og óskar honum og hans 

fyrirtækjum áframhaldandi velgengni. 

13

Byggjum liðið 

á Gróttumönnum 

Úlfur Blandon var nýlega ráðinn 

þjálfari meistaraflokks karla hjá 

Gróttu. Hann er 36 ára Kópavogsbúi 

sem býr þar ásamt sambýliskonu 

sinni, Karen Sturludóttur, og 

syni þeirra Benjamín. Úlfur er 

uppalinn í Vesturbænum en flutti 

til Norgers og bjó þar um hríð en 

hann spilaði upp allra yngri flokka 

með KR og síðar með Holmlia 

í Osló. Hann hefur fengist við 

knattspyrnuþjálfun frá árinu 2004 

og er með UEFA-A þjálfararéttindi. 

Árið 2009 útskrifaðist Úlfur sem 

viðskiptafræðingur frá Háskólanum 

í Reykjavík en samhliða þjálfuninni 

starfar hann sem viðskiptastjóri hjá 

Fóðurblöndunni. 

Gróttublaðið spjallaði við Úlf 

fyrir æfingu í ósviknu íslensku 

vetrarveðri. 

Hvað geturðu sagt okkur um þjálfaraferil þinn? 

Eftir að hafa lokið KSÍ-I þjálfaranámskeiði 

byrjaði ég sem yngri flokka þjálfari hjá Fylki árið 

2004 fyrir tilstilli Þorláks Árnasonar, þáverandi 

þjálfara meistaraflokks karla hjá félaginu. Að 

svo búnu fór ég til Stjörnunnar og byrjaði þar 

að þjálfa yngri flokka og stýrði svo afreksstarfi 

knattspyrnudeildar félagsins. Þar var ég í fimm 

ár og stýrði hinum ýmsu flokkum. Næsta 

skref var þjálfun hér á Seltjarnarnesi en ég var 

yfirþjálfari yngri flokka Gróttu frá 2011-2013 

ásamt því að þjálfa 4. og 6. flokk karla og síðar 

einnig 5. og 3. flokk karla. Í framhaldi af því fór 

ég með Bjarna Guðjónssyni til Fram og var 

aðstoðarþjálfari hans í eitt ár. 

Næsta verkefni var þjálfun 2. flokks karla hjá 

Víkingi og 2. flokks kvenna hjá sameiginlegu 

liði HK og Víkings. Allt var þetta virkilega 

lærdómsríkt og þroskandi fyrir mig sem þjálfara 

og ómetanleg reynsla að fá að kynnast yngri 

flokka starfi frá öllum hliðum, bæði sem þjálfari 

og sem yfirþjálfari með yfirsýn yfir allt yngri 

flokka starf félags, eins og raunin var hjá Gróttu. 

Eftir að hafa fengist svo lengi við við þjálfun 

yngri flokka er virkilega gaman og gefandi að 

sjá unga leikmenn sem hafa þroskast og náð 

þeim árangri að spila með meistaraflokki síns 

félags, í efstu deildunum á Íslandi eða jafnvel 

komist út í atvinnumennsku. Í ár fáum við að sjá 

unga Gróttumenn taka eitt skref enn nær sínum 

markmiðum og spila leiki með meistaraflokki 

félagsins. 

Tímabilið með meistaraflokki Fram var virkilega 

skemmtilegt, þótt árangurinn hefði mátt vera 

betri. Líkindin með því að þjálfa yngri flokka 

og meistaraflokk eru meiri en í fyrstu kann 

að virðast. Allt utanumhald er með líku sniði, 

hvort sem það er fótboltinn sjálfur, samstarf við 

foreldra, stjórnarmeðlimi og aðra sem leggja 

hönd á plóg. Allt snýst þetta um að gera liðið 

og einstaklingana betri. Hjá Gróttu eru þessar 

grunnskoðir í mjög góðum farvegi. Félagið 

er ungt og á framtíðina fyrir sér og hér er 

sannarlega ekki skortur á góðum efnivið. 

Hvernig leggst tímabilið og komandi 

knattspyrnusumar í þig? 

Ég hef auðvitað fylgst vel með starfi Gróttu 

úr fjarlægð síðustu tvö ár og þekki því vel 

til mála hjá félaginu ásamt því að hafa með 

einhverjum hætti komið að þjálfun flestra 

þeirra ungu leikmanna sem nú eru að stíga sín 

fyrstu skref með meistaraflokki. Næsta sumar 

er viss prófsteinn fyrir Gróttu því byggja á 

upp liðið með markvissari hætti með ungum 

Gróttumönnum. Þegar ég var síðast hjá félaginu 

var unnið eftir ákveðinni hugmyndafræði 

sem rímar vel við mínar áherslur í dag. Ég vil 

að meistaraflokkur karla hjá Gróttu sé staður 

þar sem ungir Gróttumenn fá tækifæri til að 

þroskast og eigi sannarlega möguleika á að 

spila fyrir eigið félag þegar yngri flokka starfi 

sleppir. Menn þurfa að fá að spreyta sig á 

svellinu, gera sín mistök til að þroskast sem 

knattspyrnumenn og spila með sér eldri og 

reyndari leikmönnum. Mestu skiptir að allir séu 

reiðubúnir að leggja sig fram fyrir félagið og 

liðið. 

Undirbúningstímabilið er vitaskuld hafið en það 

hefur byrjað af miklum krafti. Hópurinn er farinn 

að taka á sig mynd en gaman er að segja frá 

því að þeir leikmenn sem ég hefði helst viljað 

halda innan raða félagsins hafa allir skrifað undir 

samning. Áherslur tímabilsins eru margþættar 

en mikilvægast af öllu er að leikmenn, 

stuðningsmenn og aðrir sem að félaginu standa 

skemmti sér vel og njóti þess að taka þátt í 

þessu uppbyggingarferli. 

14

Úlfur með 3. flokki Gróttu sumarið 2013 

Nú stendur til að endurnýja gervigrasið á 

Vivaldivellinum næsta vor. Hvernig líst þér á 

aðstöðuna og umgjörðina hjá Gróttu? 

Aðstaðan er algjörlega til fyrirmyndar og 

virkilega vel að öllu staðið. Það eru ótrúlegir 

vinnuþjarkar sem standa á bak við félagið 

og eiga sannarlega hrós skilið fyrir ótrúlega 

óeigingjarnt starf. Hilmar Sigurðsson, Árni 

Pétursson, Jón Sigurðsson, Sigurður Hilmarsson 

og margir fleiri hafa staðið vaktina í þessu ansi 

lengi og hafa unnið þau verk sem þörf hefur 

verið á. Þá hefur Halldór Eyjólfsson unnið 

ómetanlegt starf fyrir yngri flokka félagsins. Nýtt 

gervigras er auðvitað frábærar fréttir fyrir félagið 

og Grótta stendur framar mörgum öðrum 

félögum sem enn spila á grasi en langar til að 

skipta. Það var kominn tími til að endurnýja 

gervigrasið sem er búið að þjóna sínum tilgangi 

ákaflega vel fyrir unga sem aldna Gróttumenn 

og -konur. 

Hvað myndirðu ráðleggja ungum 

leikmönnum sem vilja ná langt í fótbolta? 

Þeir sem vilja ná langt í fótbolta þurfa að 

leggja á sig heilmikla vinnu. Það er ekki nóg 

að æfa bara fótbolta heldur þarf að setja sér 

skýr markmið, æfa aukalega með skipulögðum 

hætti og vera tilbúinn að fórna fyrir það eitt að 

bæta sig í fótbolta. Ungir leikmenn sem ætla 

sér að ná langt þurfa að tileinka sér lífsstíl og 

hugarfar afreksíþróttamanns og þar spilar allt 

inn í; mataræði, andleg og líkamleg þjálfun, 

stuðningur að heiman, bæði frá foreldrum og 

nánstu fjölskyldu. Það er alveg klárt mál að það 

er ekkert auðvelt að komast alla leið í fótbolta 

en mikilvægast er að sinna þessu almennilega, 

engar afsakanir og að sjálfsögðu gera sitt besta 

alls staðar, alltaf. 

Eitthvað að lokum? 

Fyrir mig er þetta ótrúlega spennandi 

og skemmtileg áskorun að fá að þjálfa 

meistaraflokk Gróttu. Þetta er auðvitað að vissu 

leyti sama gamla klisjan en ég væri virkilega 

ánægður ef ég myndi sjá sem flesta foreldra 

á vellinum í sumar. Ég þekki auðvitað stóran 

hluta af þeim, þar sem ég hef þjálfað ansi marga 

unga krakka í Gróttu. Fyrir liðið og félagið í heild 

skiptir stuðningurinn miklu máli, bæði innan 

vallar sem og utan. Samhent átak og stuðningur 

kemur okkur nær þeim stað þar sem við viljum 

vera sem félag. 

Áfram Grótta. 

GRÓTTUFÓLK 


15

16 

Hildur Sif Hilmarsdóttir 

og Kristján Guðjónsson 

spurð spjörunum úr

“ 

Auðvitað brutum við þessa einu reglu” 

Nafn: Hildur Sif Hilmarsdóttir 

Aldur: Ég er 16 ára 

Gælunafn: hidda 121 

Nám/vinna: Ég stunda nám við MR . 

Hvenær byrjaðirðu í fótbolta: Ég byrjaði 

í 4.bekk, eða þegar Grótta var að byrja með 

kvennaboltann. Annars var það nú Kolfinna 

Ólafsdóttir sem hvatti mig til að byrja. 

Treyjunúmer: 14 

Hvaða íþróttir aðrar en fótbolta 

hefurðu stundað: Ég hef stundað ballett, 

samkvæmisdans, CrossFit og handbolta. 

Með hvaða liði myndirðu aldrei spila: Ef ég 

hefði fengið þessa spurningu fyrir tveimur árum 

þá hefði ég sagt KR, en nú æfi ég með Gróttu/KR. 

Núna verð ég víst að segja Valur. 

Hvað viltu fá í jólagjöf: SingStar og nýjan síma. 

Uppáhalds sjónvarpsefni: Friends klárlega. 

Uppáhalds tónlist: Mín eigin rödd í sturtunni 

Hvaða 3 hluti myndirðu taka með þér á 

eyðieyju: Perlu (köttinn minn), vatnsbrúsa og 

fótbolta. 

Hvaða lag synguru í sturtunni: Allt með 

Whitney Houston og Céline Dion 

Hvað eldaðir þú síðast: Eggjabrauð með sýrópi 

Uppáhaldsstaður sem þú hefur komið til: 

Vindáshlíð 

Lið í enska boltanum: Liverpool 

Ertu hjátrúarfull(ur) fyrir leiki? Þá hvernig: Nei, 

ég lifi bara í núinu. 

Hvernig er best að pirra andstæðinginn:Toga 

í treyjuna og ýta oft í hann, svo þegar hann fær 

boltann þá negla hann niður. Rífa í hár og ýta 

með höndum er mínir helstu styrkleikar. 

Hver er þín helsta fyrirmynd: Jóhannes 

Hilmarsson, bróðir minn. Hann hefur kennt mér 

svo margt í gegnum tíðina. 

Uppáhalds íþróttamaður: Chicharito (Javier 

Hernandez) 

Fallegasti knattspyrnumaður: Klárlega Érik 

Lamela í Tottenham og Rúrik Gíslasson. 

Hver yrði fyrir valinu ef þú mættir velja hvaða 

leikmann sem er í liðið þitt: Ronaldinho 

Hvað finnst þér skemmtilegast að gera á 

æfingum: Skotæfingar og fyrirgjafir. 

En leiðinlegast: Reitur 

Erfiðasti mótherji á æfingum: Erfitt að segja, 

allar svo góðar! 

En auðveldasti: Ásdís Karen, sóla hana alltaf upp 

úr skónum 

Steiktasti samherjinn: Klárlega Kolfinna Ó. 

Góð saga úr boltanum: Sumarið 2014 fórum 

við í keppnisferð til Barcelona. Reglan í þessari 

ferð var að strákar mættu ekki stíga fæti inn í 

herbergin okkar og við heldur ekki inn í þeirra. 

Eitt kvöldið (þegar við áttum að vera farnar að 

sofa) sátum við úti á svölum og kölluðum á milli 

herbergja. Ég meina við vorum á fótboltamóti 

þar sem voru fullt af sætum fótboltastrákum og 

auðvitað brutum við þessa einu reglu og buðum 

strákum inn í herbergið okkar. Sátum við þar sirka 

10 saman og áttum gott spjall en það tók nú ekki 

langan tíma fyrir hana Bojönu okkar að komast 

að þessu öllu. Eftir þetta var haldinn krísufundur 

og höguðum við okkur vel það sem eftir var. 

Ég gæti líka sagt skemmtilega Danmerkur-sögu 

af Möglu en ætla að sleppa því. 

Fótboltaminning sem stendur upp úr: Við 

vorum í 5. flokki að keppa á móti Stjörnunni í 

úrslitaleik á Pæjumótinu. Leikurinn endaði með 

jafntefli en það var ekki farið í vítakeppni því á 

þeim tíma var sagt að stelpur gætu ekki þolað 

pressuna að taka víti. Reglurnar voru því þannig 

að það lið sem skoraði á undann vann leikinn. 

Það var Stjarnan og við urðum því að sætta okkur 

við 2. sætið. 

Framtíðardraumur: Útskrifast úr MR, klára 

læknisfræði og fara svo til Svíþjóðar að sérhæfa 

mig í heilaskurðlækningum. Meðal annars verða 

ríkari en bróðir minn. 

“ 

Held áfram að hafa gaman af lífinu” 

Nafn: Kristján Guðjónsson 

Aldur: 17 ára 

Gælunafn: Stjáni 

Nám/vinna: Stunda nám við Verzlunarskóla 

Íslands. 

Hvenær byrjaðirðu í fótbolta: Ég byrjaði 

þegar ég var 5 ára, þá var enginn 8. flokkur svo 

að maður mætti á æfingar hjá 7. flokki sem Júlli 

þjálfari var með. 

Treyjunúmer: 6 

Hvaða íþróttir aðrar en fótbolta hefurðu 

stundað: Ég æfði handbolta frekar lengi 

samhliða fótbolta og þótti mjög svo 

frambærilegur (skulum bara orða það þannig 

að ég skoraði 9 mörk í úrslitaleik íslandsmótsins 

gegn HK, leikurinn er á Youtube). 

Með hvaða liði myndirðu aldrei spila: 

ÍBV (oj bara) 

Hvað viltu fá í jólagjöf: Eitthvað sem kemur 

mér á óvart. 

Uppáhalds sjónvarpsefni: Game of Thrones 

og Fargo. 

Uppáhalds tónlist: Ég hlusta á nánast alla 

tónlist. 

Hvaða 3 hluti myndirðu taka með þér á 

eyðieyju: Gervihnattasíma, fótboltamark og 

fótbolta, þá gæti ég æft mig á meðan það væri 

verið að bjarga mér ;) 

Hvaða lag syngurðu í sturtunni: Öll lögin 

hennar Ariönu Grande. 

Hvað eldaðir þú síðast: Eggjahræru 

Uppáhaldsstaður sem þú hefur komið til: 

Bárðardalur í Suður-Þingeyjasýslu. 

Lið í enska boltanum: Manchester United 

Bestu fótboltaskórnir: Fyrir 2 árum átti ég mjög 

góða Adidas F50 skó (appelsínugulir), skórnir mínir 

undanfarið hafa ekki verið að gera gott mót. 

Hvernig er best að pirra andstæðinginn: Nart 

í hælana, stíga á tærnar á þeim, létt peysutog og 

harðar tæklingar virka oft vel en svo er klassískt 

að klobba andstæðinginn. 

Hver er þín helsta fyrirmynd: Hvernig ég sé 

mig sjálfan eftir 10 ár. 

Uppáhalds íþróttamaður: Bastian 

Schweinsteiger 

Fallegasti knattspyrnumaður: Sara Björk 

Gunnarsdóttir 

Hver yrði fyrir valinu ef þú mættir velja hvaða 

leikmann sem er í liðið þitt: Leo Messi 

Hvað finnst þér skemmtilegast að gera á 

æfingum: Það jafnast fátt við það að spila á 

æfingum, sérstaklega þegar það er kominn hiti í 

mannskapinn. 

En leiðinlegast: Upphitun og allar 

teygjuæfingar. 

Erfiðasti mótherji á æfingum: Vindurinn á 

Seltjarnarnesi verður að teljast erfiðasti 

mótherjinn og jafnframt sá leiðinlegasti. 

En auðveldasti: Þór og Jón Friðrik Guðjónssynir 

verða að fá að deila þessum titli. 

Steiktasti samherjinn: Björgvin Koustav á alltaf 

sín moment, mörg hver alveg gríðarlega steikt. 

Góð saga úr boltanum: Þegar ég var á eldra 

ári í 3. flokki þá fór flokkurinn á Costa Blanca 

cup sem var haldið á Benidorm. Það voru að 

sjálfsögðu settar nokkrar reglur sem við áttum 

að fylgja eftir. Á þriðja degi var búið að brjóta 

allar reglurnar (oftar en einu sinni) og við vorum 

komnir á seinasta séns hjá hótelstjóranum. Það 

sem fyllti mælinn var það þegar nokkrir ónefndir 

einstaklingar ákváðu að henda vatnsblöðrum 

niður af 16 hæð hótelsins. Hótelstjórinn 

gjörsamlega trompaðist og ætlaði að handataka 

þjálfarana okkar og farastjóra og henda okkur 

strákunum út af hótelinu. Sem betur fer 

bjargaðist þetta. 

Fótboltaminning sem stendur upp úr: Ég 

mun líklegast alltaf muna eftir því þegar ég 

skoraði 5 mörk gegn Leikni Reykjavík þegar ég 

var á yngra ári í 3. flokki. 

Markmið fyrir næsta sumar: Hafa gaman af 

lífinu, spila flottan fótbolta og reyna að vinna sér 

inn einhverja sénsa með meistaraflokki. 

Framtíðardraumur: Klára skóla og halda 

áfram að hafa gaman af lífinu sem er nú það 

mikilvægasta af öllu. 

17

Þjálfarar knattspyrnudeildar 

Alexandre Massot 

Andrés Þór Björnsson 


Axel Ingi Tynes 

2. fl kvenna 

5. fl karla 

mfl. og 2. fl. karla 

7. fl. karla og 8. fl. kvk. 

Jórunn M. Þorsteinsdóttir 

Kristján D. Finnbjörnsson 


Óskar Hrafn Þorvaldsson 

6. og 7. fl kvenna 

4. og 7. fl. karla og 6. fl kvk. 


4. fl karla 

Æfingatöflur yngri flokka knattspyrnudeildar 

Mánudagar Þriðjudagar Miðvikudagar Fimmtudagar Föstudagar Laugardagar 

8. flokkur karla 12:40* 09:30* 

8. flokkur kvenna 12:40* 09:30* 

7. flokkur karla 13:50* 13:50 13:50 

7. flokkur kvenna 13:50* 13:50* 15:00 15:00 

6. flokkur karla 14:45 14:45 14:45 

6. flokkur kvenna 14:50 14:40* 14:50 

5. flokkur karla 16:45 15:30 15:30 11:15 

5. flokkur kvenna 16:30 15:30 15:30 10:00 

4. flokkur karla 17:00 18:00 17:00 10:00 

4. flokkur kvenna 17:00** 16:30 16:30 10:00** 

3. flokkur karla 16:30 S 18:00 20:30* 16:30 12:00 

3. flokkur kvenna 17:00 / 17:45** 18:00 17:00** 11:30 

2. flokkur karla 19:15 18:00* 17:30 16:30 12:00 

2. flokkur kvenna 17:45** 19:30 19:00 18:30** 

18 

*æfingar fara fram í íþróttahúsi / **æfingar fara fram á gervigrasvelli KR

Gróttu 2015/2016 

Bjarni Rögnvaldsson 

8. fl. karla 

Björn Orri Hermannsson 

2. fl. karla 

Björn Br. Valdimarsson 

7. og 8. fl kk. og kvenna 

Bojana Besic 

4. fl kvenna 

Pétur Már Harðarson 

6. og 3. fl karla 

Pétur Rögnvaldsson 


Úlfur Blandon 

Meistaraflokkur karla 

C M Y CM MY CY CMY K 

Þórhildur Briem 

7. fl. kvenna 

Veislan veitingaeldhús óskar Gróttu 

til hamingju með glæsilegt jólablað 

Veislan tekur að sér veitingaþjónustu í afmælum, brúðkaupum, erfidrykkjum 

og hvers konar mannamótum. Erum með glæsilegan veislusal í Félagsheimili 

Seltjarnarness til útleigu. Getum einnig komið í heimahús eða fyrirtæki. 

19

Lykilmaðurinn 

á bak við tjöldin 

Fáir geta státað af sterkari tengslum við Seltjarnarnes en Árni 

Pétursson. Árni er fæddur á Nesinu árið 1961 og á hér óslitnar 

fjölskyldurætur sem spanna um hálfa aðra öld. Fjölskylda Árna er frá 

bænum Knútsborg sem stóð á Nestúni á milli Gróttu og núverandi 

golfvallar en afi Árna fæddist þar árið 1881. 

Á yngri árum lék Árni knattspyrnu og 

handknattleik með Gróttu auk þess 

sem hann æfði borðtennis í nokkur ár 

og körfuknattleik í þann skamma tíma 

sem félagið bauð upp á hann. Árni hefur 

á fullorðinsárum verið máttarstólpi í 

rekstri knattspyrnudeildar Gróttu, fyrst í 

foreldrastarfi með Guðmundi Maríussyni 

og fleiri góðum og loks sem stjórnarmaður 

frá árinu 2007. Árni steig nýverið til hliðar 

í stjórn knattspyrnudeildarinnar og er því 

ekki úr vegi að renna yfir farinn veg með 

honum. Gróttukempurnar 

Axel Þórir Friðriksson og 

Bjarni Torfi Álfþórsson 

gerðu eldri tímum góð 

skil í síðasta jólablaði svo 

við forvitnumst nú meira 

um foreldrastarfið og 

stjórnarsetuna. 

Mikið vatn hefur til 

sjávar runnið síðan fyrstu 

kynslóðir Gróttufólks 

æfðu og spiluðu undir 

merkjum félagsins. Árni 

æfði m.a. knattspyrnu 

á Borgó, sem var við enda Melabrautar, 

næst Hofgörðum, og á grasvelli þar 

sem leikskólinn stendur nú. Þá tók 

malarvöllurinn hjá Mýrarhúsaskóla við 

og loks hinn langlífi malarvöllur sem var 

á núverandi vallarstæði Vivaldivallarins 

við Suðurströnd allar götur til vormánaða 

2006 þegar gervigrasið var tekið í notkun. 

Malarvöllurinn var lagður árið 1981 

úr jarðvegi sem til féll við byggingu 

blokkanna við Austurströnd. 

Þegar Árni var 13 ára lenti hann í 

hjólreiðaslysi sem lék hnéð á honum grátt. 

Knattspyrnutímabilið eftir það náði Árni 

20 

varla að spila nema fyrri hálfleik því hnéð 

bólgnaði svo mjög: „Þetta var 11 manna 

bolti og við vorum akkúrat 11 sem æfðum 

svo það mátti illa við þessu. Þjálfarinn 

gantaðist með að það væri gott að hafa 

a.m.k. varamann, svo stundvís var bólgan!“ 

segir Árni. 

Fjörugt foreldrastarf 

Foreldrastarfið hófst af alvöru þegar 

Pétur Theodór, sonur Árna, var í 7. flokki. 

„Fyrsta stóra mótið var á Skaganum 

og ég fylgdi honum einnig 

tvisvar á Shellmótið í Eyjum. 

Minningarnar frá þessum 

tíma eru frábærar, en mótin 

skipta tugum.“ Þetta ættu 

flestir foreldrar sem eiga börn 

í fótbolta að kannast við. Árni 

rifjar upp tvö skemmtileg 

atvik sem áttu sér stað í 

keppnisferð til Svíþjóðar árið 

2008: „Strákarnir voru þarna 

12-13 ára og við Guðmundur 

Maríusson sinntum fararstjórn 

en okkur telst til að við höfum 

saman gist saman í meira en 50 nætur 

í ferðalögum með yngri flokka félagsins. 

Einn daginn í þessari ferð vorum við á 

borgarrölti þegar einn guttinn spurði 

okkur Guðmund hvort við værum fáanlegir 

til að kaupa handa honum klámblað. 

Hann sýndi okkur blaðið og var það ekki 

af penni gerðinni! Það fylgdi bóninni að 

við mættum fá að skoða blaðið á undan 

honum,“ segir Árni og hlær dátt. Ekki varð 

af þessum viðskiptum. 

Í sömu ferð var farið í stutta útsýnissiglingu. 

Þar spurði einn Gróttukeppandinn Árna 

hvort hann gæti fengið símann hans 

lánaðan til að biðja mömmu sína um að 

millifæra pening til sín. „Að sjálfsögðu var 

það ekkert mál og hann sendi skilaboðin. 

Ég hugsaði ekki nánar út í þetta fyrr 

en síminn hjá mér tísti nokkru síðar og 

hafði mér þá borist eftirfarandi svar frá 

mömmunni: „Hver ert þú?“ Þarna varð 

mér fyrst litið á skeytið sem strákurinn 

hafði sent. Orðrétt var það „geturðu lagt 

inn á mig?“ Allar þessar ferðir, bæði með 

meistaraflokki og yngri flokkum, í fótbolta 

og handbolta, skilja eftir góðar minningar. 

Krakkarnir voru alltaf til fyrirmyndar og 

Gróttu og bæjarfélaginu til sóma.“ 

Úr gámi í höll 

Setan í stjórn knattspyrnudeildar er Árna 

minnisstæð enda spannaði hún hátt í 

áratug. Talið berst að tilurð hins endurreista 

meistaraflokks karla. „Í upphafi gekk vægast 

sagt illa að fá fólk til að mæta á völlinn, 

þrátt fyrir freistingar á borð við ókeypis 

vöfflur sem móðir Hilmars formanns 

bakaði og að frítt væri á leikina. Hópurinn 

var þó þéttur og stjórnin sem tók til starfa 

áður en þátttaka mín hófst hafði lagt 

góðan grunn að framhaldinu. Í upphafi 

var enginn kvennabolti hjá félaginu, ekki 

einu sinni í yngri flokkum og sumarið 

2007 náðist varla í lið í 2. flokki karla. Það 

er gleðiefni að sjá hve mikið þetta hefur 

breyst á jafnskömmum tíma og vonandi 

gengur vel að stofna meistaraflokk kvenna. 

Þá hafa strákarnir í 2. flokki staðið sig 

frábærlega síðustu ár.“ 

„Mér er minnisstætt þegar meistaraflokkur 

karla lék útileik á Selfossi sumarið 2011. 

Þá hittust allir við vallarhúsið og farið var 

með rútu austur fyrir fjall. Þegar heim var 

komið rákum við augun í að ljósin á bíl 

Einars Óla Þorvarðarsonar, sjúkraþjálfara

Gróttu og fyrrverandi leikmanns liðsins, 

loguðu sem skærast. Hann hafði þá ekki 

einungis gleymt ljósunum á, heldur hafði 

bíllinn verið í gangi allan tímann! Ferðin 

tók hátt í sex klukkustundir. Verðskuldaður 

apaheili ársins,“ en þau verðlaun eru veitt 

á lokahófi meistaraflokks og falla þeim í 

skaut sem þykir hafa gert mesta skandalinn 

á tímabilinu. 

Árni Pétursson að setja upp 

jólaseríu 9. desember. 

Árni heldur áfram: „Meistaraflokkurinn 

breyttist töluvert með komu Ásmundar 

Haraldssonar og þeirra leikreyndu manna 

sem hann fékk með sér til félagsins. Úr 

varð góð blanda af ungum og reyndari 

leikmönnum en það má segja að hlutirnir 

hafi þarna orðið meira „alvöru“. Á tiltölulega 

stuttu tímabili er eins og margt smelli 

saman – grunnvinnan sem stjórnin hafið 

unnið frá upphafi, þjálfarinn, liðið og 

að sjálfsögðu stórbætt aðstaða á nýja 

gervigrasvellinum. Þetta skilaði sér í 

Íslandsmeistaratitli í 2. deild sumarið 2009 

sem tryggði Gróttu sæti í 1. deild í fyrsta 

skipti. Þessi tveggja ára dvöl í næstefstu 

deild var fjörug og var mikið líf í kringum 

fótboltann. Vel var mætt á heimaleiki 

liðsins og stuðningsmannahópurinn virkur. 

Í samanburði voru laugardagsleikirnir of 

margir síðasta sumar en það er vart hægt 

að búast við góðri mætingu þegar stór 

hluti bæjarbúa er á faraldsfæti.“ 

Það varð sannarlega gjörbylting á 

aðstæðum til knattspyrnuiðkunar með 

tilkomu gervigrassins. Það gerði iðkendum 

hjá Gróttu kleift að æfa og spila allan 

ársins hring við góðar aðstæður auk þess 

sem flóðljósin bættu enn notagildið í 

skammdeginu. 

„Árangur knattspyrnuliðs snýst 

um svo margt annað og meira 

en að sparka í bolta.” 

Árni telur að hið 

stórglæsilega 

vallarhús hafi 

einnig breytt miklu. 

„Með tilkomu 

vallarhússins öðlaðist knattspyrnudeildin 

eiginlegt heimili og félagsaðstöðu. Þar 

hef ég átt margar góðar stundir og 

ánægjulegt er að sjá til hve margra hluta 

húsið nýtist. Algengt er að leikmenn yngri 

flokka hittist þar og horfi á knattspyrnuleiki 

með þjálfurum sínum og er staða mála í 

Gróttuleikjum vitaskuld skeggrædd þar 

í hálfleik. Auk þess hentar húsið sérlega 

vel fyrir foreldrafundi og ýmiss konar 

minni samkomur, bæði fyrir félagið og 

Seltjarnarnesbæ. Fram að þessu hafði 

aðstaðan við völlinn einskorðast við 

gám svo það má segja að við höfum 

farið úr gámi í höll. Stjórnarmenn 

knattspyrnudeildar tóku virkan þátt í 

að gera húsið að því sem það er, í góðri 

samvinnu við bæinn. Það þurfti stórhug 

og framsýni til að ráðast í aðra eins 

framkvæmd í eins litlu bæjarfélagi. Fyrir 

byggingu vallarhússins mætti Magnús 

Örn Helgason, núverandi yfirþjálfari 

knattspyrnudeildar, með kók og prins í 

kæliboxi til að selja áhorfendum á leikjum 

meistaraflokks. Einhvern tíma gleymdi ég 

veskinu reyndar heima og þá sá Magnús 

aumur á mér og samþykkti að fá greitt á 

næsta leik!“ 

Framtíðin 

Aðspurður um hvað taki við að stjórnarsetu 

lokinni segist Árni litlar áhyggjur hafa af 

framtíðinni hjá félaginu, það sé í góðum 

höndum. „Stjórnin er vel mönnuð og 

ýmsir sjálfboðaliðar vinna mikilvægt 

starf. Hér má þó alltaf gera betur og það 

vantar alltaf sjálfboðaliða til að aðstoða 

við eitt og annað. Allir eru velkomnir og 

verður tekið vel á móti 

þeim sem eru til í að 

leggja hönd á plóg. 

Margar hendur vinna 

jú létt verk. Hvað mig 

varðar mun ég þó að 

sjálfsögðu ekki hverfa á braut en verð 

þó e.t.v. eitthvað minna sýnilegur en 

áður, þá að meira leyti maðurinn á 

bakvið tjöldin. Áfram mun ég t.d. sjá um 

búningamál meistaraflokks karla. Stjórn 

knattspyrnudeildarinnar hefur alltaf verið 

virk í daglegu starfi, hvort sem verið er að 

manna sjoppuna á meistaraflokksleikjum 

eða sinna snjómokstri og öðrum tilfallandi 

verkefnum. Svo verður án efa áfram.“ 

Þetta kemur engum á óvart sem komið 

hefur nálægt skipulögðu íþróttastarfi 

hérlendis. Sjálfboðaliðar eru ómissandi 

og án framlags þeirra myndu hjól 

íþróttahreyfingarinnar allt að því hætta 

að snúast. Í lokin er ekki úr vegi að spyrja 

Árna hvort hann hafi einhver heilræði 

eða hugleiðingar sem hann vill koma á 

framfæri. 

„Árangur knattspyrnuliðs snýst um svo 

margt annað og meira en að sparka í bolta. 

„Tólfti maðurinn“ getur til að mynda verið 

einhver sem heldur uppi fjörinu og gerir 

allt skemmtilegra fyrir aðra í kringum sig 

og gerir liðsfélögum sínum kleift að hlæja á 

erfiðri æfingu þar sem kuldinn nístir inn að 

beini. Sá þarf ekki endilega að vera bestur 

í fótbolta en ég tel viðkomandi engu að 

síður ómissandi hlekk í keðjunni. Einnig 

vil ég benda þeim sem spila fótbolta á 

gervigrasi á að nota réttan skóbúnað, 

þá gervigrasskó. Mér virðist sem þetta 

sé að ryðja sér til rúms í meistaraflokki 

enda dregur réttur skóbúnaður úr 

meiðslahættu.“ 

„Ég vil þakka handknattleiksdeild 

Gróttu fyrir gott samstarf í tengslum við 

Gróttuvitann en hann hefur myndað góða 

tengingu á milli deildanna. Gróttuvitinn 

heldur utan um árskortin og skipuleggur 

sameiginlega viðburði á borð við þorrablót, 

herra- og kvennakvöld auk aðkomu að 

bæjarhátið Seltjarnarness. Loks vil ég 

hvetja Seltirninga og aðra stuðningsmenn 

félagsins til að vera duglega að mæta á 

leiki. Næsta sumar verður meistaraflokkur 

karla að verulegu leyti skipaður uppöldum 

leikmönnum sem mun vafalaust auka 

áhuga Nesbúa á liðinu. Ef allir bæjarbúar 

mættu á þó ekki væri nema einn heimaleik 

á tímabilinu, er öruggt að stúkan verði þétt 

setin. Mætum á völlinn! Kannski munu 

margir sem aldrei mæta á fótboltaleiki 

skemmta sér vel!“ segir Árni að lokum. 

Gróttublaðið þakkar Árna fyrir spjallið 

og ekki síður fyrir ósérhlífið starf í þágu 

félagsins! 

21

Fótboltasumarið 

2015 

22

23

Nýtt gervigras í vor 

Bjarni Jakob Gunnarsson 

í baráttunni á gervigrasinu 

sumarið 2007 

Gervigrasið á Vivaldivellinum við Suðurströnd er farið að láta á sjá eins og kom fram í pistli í 

Gróttublaðinu 2014. Það var lagt vorið 2006 og gjörbylti þá allri aðstöðu til knattspyrnuiðkunar hjá 

Gróttu. Leiða má líkum að því að þetta hafi á sínum tíma lagt grunninn að bættum árangri félagsins, 

hjá meistaraflokki og ekki síður í yngri flokkum. 

Nú hillir undir byltingu í þessum efnum 

því endurnýjun gervigrassins er á 

fjárhagsáætlun næsta árs og kemur 

til framkvæmda í vor. Ljóst er að nýtt 

gervigras með betra undirlagi mun 

stórbæta heimavöllinn okkar, auk þess 

að draga úr álagi á stoðkerfi þeirra sem 

nota hann. Tímasetningin hentar líka 

einkar vel, því útlit er fyrir að fljótlega 

þurfi að skipta um gúmmíkurlið á 

flestum gervigrasvöllum hérlendis 

og hlýst því nokkur hagkvæmni af að 

þurfa ekki að ráðast sérstaklega í þá 

framkvæmd. „Vinna við endurnýjun 

á núverandi gervigrasvelli er í fullum 

gangi en gamla grasið er komið til ára 

sinna og með nýju grasi verður mikil 

breyting fyrir iðkendur. Farið verður 

í útboð strax í janúar og vinna hefst 

síðan við völlinn næsta vor með það 

fyrir augum að æfingar og keppni 

geti hafist sem allra fyrst á nýjum velli. 

Veðrið spilar þar einnig stórt hlutverk 

og vonandi verður vorið með mildara 

móti svo iðkendur komist sem fyrst 

inn á nýja völlinn,“ segir Ásgerður 

Halldórsdóttir bæjarstjóri. VSÓ ráðgjöf 

mun hanna nýtt yfirborð vallarins 

en undanfarin ár hefur mikil þróun 

átt sér stað í þeim efnum. Völlurinn 

verður hannaður ofan á púða sem 

tryggja meiri mýkt og þægindi. 

„Haukur Geirmundsson íþróttafulltrúi 

mun vinna að þessari framkvæmd 

með knattspyrnudeild Gróttu og 

standa vonir til að verkið gangi vel 

og að deildin verði fyrir sem minnstri 

röskun næsta sumar.“ Segir Ásgerður 

ennfremur. 

Sannkölluð gleðitíðindi fyrir Gróttufólk! 

24

Brautryðjandinn 

Guðfinna Kristín 

Guðfinna Kristín Björnsdóttir, eða 

Guffa eins og hún er jafnan kölluð, 

varð í haust fyrsta stelpan til að 

hljóta Ísbjarnarbikarinn en hann 

er árlega veittur þeim yngri flokka 

leikmanni Gróttu sem þykir hafa 

skarað fram úr. Guffa hefur leikið 

með Gróttu upp yngri flokkana 

en í sumar var hún fyrirliði Gróttu/ 

KR í 2. flokki. Með dugnaði og 

góðri frammistöðu vann hún sér 

sæti í æfingahópi meistaraflokks 

KR og í haust skrifaði hún undir 

meistaraflokkssamning hjá liðinu. 

Ekki er ýkja langt síðan knattspyrnuæfingar 

stúlkna hófust hjá Gróttu en þó hillir strax 

undir að öflugir leikmenn séu að koma 

upp úr yngri flokka starfinu. Guðfinna 

og Sofia Guðmundsdóttir sömdu í haust 

við meistaraflokk KR en það er deginum 

ljósara að samstarf Gróttu og KR í 2., 3. og 

4. flokki kvenna er að skila árangri. Á næstu 

misserum gæti svo meistaraflokkur kvenna 

hjá Gróttu tekið til starfa en það mun gefa 

ungum leikmönnum Gróttu og KR tækifæri 

á að spila með meistaraflokki í 1. deild áður 

en stökkið yrði tekið upp í Pepsi-deildina 

með KR. 

„Það er gríðarlega mikilvægt fyrir ungar 

stelpur, eins og stráka, að eiga fyrirmyndir í 

boltanum, hvort sem er á skjánum eða úti 

á velli. Með lítilli umfjöllun um kvennabolta 

í fjölmiðlum er þeim mun mikilvægara 

fyrir stelpurnar að finna sínar fyrirmyndir á 

vellinum. Þegar ég var lítil að æfa fótbolta 

með Gróttu var enginn leikmaður sem 

maður gat horft upp til. Þetta er búið að 

breytast ótrúlega mikið með samstarfinu 

við KR og er Grótta/KR núna með flott lið í 

11-manna boltanum. Svo erum við nokkrar 

Gróttustelpur að æfa með meistaraflokki 

KR sem spilar í úrvalsdeild og einnig 

yrði stofnun meistaraflokks kvenna hjá 

Gróttu frábært skref fyrir félagið. Nú hefur 

kvennaboltinn aldrei verið jafn sterkur í 

Gróttu og ég vona innilega að stelpurnar 

haldi áfram að mæta á æfingar, bæta 

sig og hafa gaman. Þá stefnir allt í að 

meistaraflokkur kvenna hjá Gróttu verði 

stórhættulegt lið eftir nokkur ár.“ segir 

Guffa. 

GRÓTTUFÓLK 


25

Unga kynslóðin 

Arnþór Páll Hafsteinsson 

4. flokki karla 

Hvenær byrjaðir þú að æfa 

fótbolta? 6 ára 

Hvaða stöðu spilar þú? 

Ég spila miðju 

Með hvaða liðum heldurðu? 

Liverpool og svo að sjálfsögðu Gróttu 

Hver er þinn uppáhalds 

fótboltamaður/kona og af hverju? 

Suárez því hann er bestur 

Hvað er skemmtilegast við að æfa fótbolta 

hjá Gróttu? Skemmtilegir strákar og góðir þjálfarar 

Hver er uppáhaldslandsliðsmaðurinn/konan þín? 

Kolbeinn Sigþórsson 

Lýstu flottasta marki sem þú hefur skorað? Á einu 

Vestmannaeyjamótinu var ég settur í vörn og ég fékk boltann og 

skaut langt fyrir aftan miðju og skoraði. 

Rakel Lóa Brynjarsdóttir 

5. flokki kvenna 


fótbolta? 5 ára í Englandi 


Sóknarmaður, stundum kant 


Manchester Untited 


fótboltamaður/kona og af 

hverju? 

Brynjar Björn, því hann er góð fyrirmynd. 

Hvað er skemmtilegast við að æfa fótbolta hjá Gróttu? 

Allir vinir mínir eru þar og geggjaður þjálfari. 


Gylfi Sigurðsson, hann var líka í Reading með pabba. 

Lýstu flottasta marki sem þú hefur skorað? 

Skoraði beint úr horni einu sinni, það var flott. 

Edda Steingrímsdóttir 

4. flokki kvenna 


fótbolta? 7 ára 


Ég spila oftast á kantinum 


Manchester United og Gróttu 


fótboltamaður/kona og af hverju? 

Messi, því hann er frábær í fótbolta 


Skemmtilegir þjálfarar og gaman á æfingum 


Sara Björk Gunnarsdóttir 


Einu sinni skoraði ég skeytin inn, það var nú ekki leiðinlegt! 

Halldór Orri Jónsson 

5. flokki karla 


fótbolta? Þegar ég var 7 ára 


Ég spila framherja 


Arsenal, Barcelona, PSG, 

KR og Gróttu 

Hver er þinn uppáhalds fótboltamaður/kona og af hverju? 

Aubamayang, Messi, Suarez og Neymar af því að þeir eru 

skemmtilegir leikmenn 


Skemmtilegir þjálfarar og liðsfélagar og svo er Grótta frábær klúbbur 


Kolbeinn, Alfreð, Jói Berg og Margrét Lára 


Hef skorað svo mörg. 

GRÓTTUFÓLK 


26

Fyrsti meistaraflokkur kvenna í 

sögu knattspyrnudeildar Gróttu 

Þrjár ungar Gróttustelpur hafa undanfarnar vikur unnið hörðum höndum að stofnun fyrsta meistaraflokks kvenna 

í sögu knattspyrnudeildar Gróttu. Síðastliðið sumar útskrifaðist árgangur ‘96 stelpna úr 2. flokki Gróttu/KR og fóru 

þær því að vinna að stofnun meistaraflokks svo þær geti áfram spilað fótbolta undir merkjum félagsins. Stelpurnar 

í 1996-árganginum byrjuðu að æfa fótbolta árið 2008 og myndaðist strax góður liðsandi hjá stelpunum sem hefur 

haldist allar götur síðan. 

Kvennafótboltinn á Seltjarnarnesi er á 

mikilli uppleið og sem dæmi má nefna 

að 27 stelpur eru skráðar í 7. flokk kvenna 

en fyrir tveimur árum voru aðeins 

örfáar stelpur á þessum aldri að æfa. 

Fótboltaáhugi stelpna fer ört vaxandi á 

Nesinu og er stofnun meistaraflokks er því 

stór liður í áframhaldandi uppbyggingu 

kvennafótbolta á Seltjarnarnesi. 

Gróttublaðið heyrði hljóðið í Jórunni Maríu, 

Karen Sif og Tinnu Bjarkar, forsprökkum nýs 

meistaraflokks. 

Hvað varð til þess að þið fóruð í það 

að stofna meistaraflokk? 

Það hefur lengi verið draumur okkar 

stelpnanna að stofna fyrsta meistaraflokk 

kvenna í Gróttu. Nú þegar við, sem erum 

fæddar árið 1996, gengum upp úr 2. flokki 

í haust ákváðum við að gera drauminn að 

veruleika. Okkur langaði að halda áfram að 

æfa fótbolta en gátum ekki hugsað okkur 

að fara í annað félag, völlurinn enda orðinn 

okkur sem annað heimili og Gróttuhjartað 

stækkað mikið í gegnum árin. Við vorum 

þrjár sem tókum málið í okkar hendur, 

fórum á fund bæjarstjórans, stjórnar 

knattspyrnudeildarinnar og aðalstjórnar 

Gróttu en allir tóku mjög vel í hugmyndina. 

Í kjölfarið var kvennaráði meistaraflokks 

komið á laggirnar. Kvennaráð meistaraflokks 

samanstendur af sex einstaklingum, þeim 

Guðmundi Ara Sigurjónssyni, Guðbjörgu 

Erlendsdóttur, Hafdísi Guðmundsdóttur 

Nielsen, Jórunni Maríu Þorsteinsdóttur, 

Karen Sif Magnúsdóttur og Tinnu Bjarkar 

Jónsdóttur. 

Hvenær mun meistaraflokkurinn 

byrja að æfa? 

Fyrsta æfing flokksins fór fram á 

Vivaldivellinum þriðjudaginn 17. nóvember 

og var hörkumæting. Alex, þjálfari 2. flokks 

kvenna, bauð okkur að vera með á æfingu 

2. flokks og þáðum við það með þökkum 

enda mjög spenntar fyrir að reima á okkur 

takkaskóna og byrja að æfa saman. Það 

mætti flottur hópur sem væntir þess að æfa 

fram eftir vetri og hefur stefnan verið sett á 

þátttöku í Íslandsmótinu næsta sumar, þá í 

1. deild kvenna. 

Hvernig verður meistaraflokkur 

kvenna fjármagnaður? 

Gaman er að segja frá því að við erum 

búnar að næla okkur í fyrsta styrktaraðilann, 

Björnsbakarí í Vesturbæ. Lógó bakarísins 

verður á stuttbuxum keppnisbúninga okkar 

og þökkum við þeim kærlega fyrir þann 

stuðning. Við erum svo búnar að senda inn 

erindi til ÍTS og vonumst eftir að fá styrk frá 

bænum eins og aðrir meistaraflokkar Gróttu. 

Það kostar sitt að kaupa bolta, búninga og 

borga þjálfara laun en við erum á fullu að 

leita að fleiri styrktaraðilum sem eru tilbúnir 

að vera með okkur í þessu verkefni! 

Eitthvað að lokum? 

Hafir þú áhuga á aðstoða okkur við 

fjármögnun flokksins eða að ganga til liðs 

við hann geturðu haft samband við Jórunni 

Maríu (jormtor@verslo.is) til að nálgast 

æfingartíma, allir eru meira en velkomnir! 

Það eru spennandi tímar framundan og 

við vonumst eftir góðum undirtektum og 

stuðningi næsta sumar. 

27

Kría á flugi 

Knattspyrnufélagið Kría var stofnað í ársbyrjun 2014 og í sumar tók liðið í annað sinn þátt 

í 4. deild Íslandsmótsins. Sem fyrr var Kríuliðið einungis skipað uppöldum Gróttumönnum 

en 30 leikmenn komu við sögu í sumar. Samstarf Gróttu og Kríu var áfram til fyrirmyndar en 

liðsmenn Kríu höfðu veg og vanda að dómgæslu hjá 2. flokki karla og kvenna. Þá var einnig 

gott samstarf með 2. flokki karla sem í sumar hét Grótta/Kría til að leikmenn 2. flokksins gætu 

fengið tækifæri til að stíga sín fyrstu skref í meistaraflokki með Kríu. 

Annað árið í röð endaði Kría í 3. sæti 

í sínum riðli og var því einu sæti 

frá því að komast í úrslitakeppni 4. 

deildar. Kríumenn lögðu 3. deildarlið 

Víðis í fyrstu umferð bikarkeppninnar 

og voru svo hársbreidd frá því að 

sigra Álftanes í framlengdum leik á 

Vivaldivellinum. Eiríkur Ársælsson 

var sigursæll á lokahófi Kríu en hann 

var kjörinn leikmaður ársins ásamt 

því að fá gullskóinn sem markóngur. 

Eiríkur gerði sér lítið fyrir og skoraði 

11 mörk í 12 leikjum í 4. deildinni og 

var markahæstur í D-riðli. Pétur Már 

Harðarson tók við þjálfun Kríu fyrir 

síðasta tímabil en Pétur á að baki yfir 

28 

100 meistaraflokksleiki fyrir Gróttu og 

starfar sem yngri flokka þjálfari hjá 

félaginu. Blaðamaður Gróttublaðsins 

heyrði hljóðið í Pétri Má sem kvaðst 

ánægður með tímabilið: „Ég er að 

mestu leyti sáttur en það hefði 

vissulega verið gaman að komast í 

úrslitakeppnina. Þetta er góður hópur 

sem tók alltaf vel í þær æfingar sem 

voru settar upp. Ég held að framtíðin 

sé björt hjá Kríu. Sérstaklega ef þetta 

góða samstarf við Gróttu heldur 

áfram svo að efnilegir leikmenn úr 2. 

flokki fái að spila meistaraflokksleiki 

með Kríu áður en þeir taka skrefið 

upp í Gróttuliðið. Ég tel að það 

gagnist báðum félögum.“ Segir 

Pétur aðspurður um samstarf 

Gróttu og Kríu og framtíðarhorfur 4. 

deildarliðsins. Að lokum spyrjum við 

Pétur hvort hann telji að einhverjir 

þeirra leikmanna sem léku með Kríu 

í sumar eigi erindi í Gróttuliðið í 2. 

deildinni á þessu tímabili? „Í liðinu frá 

því í sumar eru klárlega strákar sem 

gætu gert góða hluti með Gróttu. 

Það er bara undir þeim komið hvort 

þeir séu tilbúnir til að eyða meiri tíma 

í æfingar og koma sér í betra form. 

Aðalmálið er að mæta og fá að prófa í 

nokkrar vikur.“

Halarófur af leikskólabörnum 

Glöggir Nesbúar hafa vafalítið rekið augun í knattspyrnuþjálfara félagsins með halarófu af 

leikskólakrökkum í eftirdragi áleiðis inn í íþróttahús. Knattspyrnudeild Gróttu hefur á árinu bryddað upp 

á þeirri nýjung að halda æfingar 8. flokks, sem er skipaður börnum á leikskólaaldri, á leikskólatíma. 

Mikil ánægja ríkir með þetta fyrirkomulag 

hjá foreldrum enda gott fyrir börnin 

að þurfa ekki að bíða með að fara á 

æfingu þar til að leikskóla er lokið. Soffía 

Guðmundsdóttir leikskólastjóri hefur 

sýnt verkefninu dyggan stuðning ásamt 

leikskólakennurum á Sólbrekku sem sækja 

börnin í íþróttahúsið að líflegri æfingu 

lokinni. Starfsfólk íþróttahússins, ekki 

síst Ingi húsvörður, hefur einnig tekið 

hópunum fagnandi og verið þeim innan 

handar. Björn Breiðfjörð Valdimarsson er 

þjálfari 8. flokks sem hefur um nokkurt 

skeið verið starfræktur hjá Gróttu. 

Aðspurður segir Björn að iðkendum 

hafi fjölgað mikið eftir að samstarfið við 

leikskólana hófst, þá sér í lagi stelpum sem 

æfa á fimmtudögum en strákarnir æfa á 

föstudögum. Á laugardagsmorgnum er 

svo boðið upp á sameiginlega æfingu hjá 

strákum og stelpum. Markmið 8. flokksins 

er að kynna börnin fyrir fótbolta og kenna 

undirstöðuatriði leiksins. Á æfingum fá þau 

tækifæri til að tengjast og vinna saman á 

nýjum vettvangi og fá jafnframt forsmekk 

að skipulögðu íþróttastarfi. Engin áhersla 

er á keppni eða úrslit, heldur öðru fremur 

skemmtun, holla hreyfingu og góðan 

félagsskap. 

Grótta – Þar sem hjarta bæjarins slær 

Í huga íbúa 

á Nesinu er 

Seltjarnarnesbær 

þekktur fyrir 

öflugt íþróttastarf. 

Seltjarnarnesbær 

hefur um langan 

tíma fjárfest mikið 

í íþróttastarfi 

og er það vel. Þessar fjárfestingar eru 

hagkvæmar og hafa skilað sér ríkulega í 

öflugu samfélagi og einstaklingum innan 

raða Gróttu sem skilað hafa sér á pall þeirra 

bestu. Íþróttastarf Gróttu er hornsteinn 

félagslegra samskipta í bæjarfélaginu, þar 

er vettvangur leiks og lífs, því er ekki skrítið 

þegar talað er um hjartað í bænum að 

íþróttamiðstöðin komi upp í huga manns. 

Seltjarnarnesbær er stoltur af góðu og 

öflugu starfi Gróttu. Með öflugu foreldraog 

sjálfboðaliðastarfi tekst félaginu að 

byggja upp öflugt íþróttafélag. Við eigum 

öll að þakka og lofa starf sjálfboðaliðanna 

en félagið stendur og fellur með 

þeirra starfi.Ég vil því hvetja alla íbúa 

Seltjarnarness til að leggja sitt af mörkum 

og styðja við íþróttafélag bæjarins. Ég 

óska öllu íþróttafólki, fjölskyldum þeirra 

og þjálfurum, sem og velunnurum, góðs 

gengis og gleðilegra jóla. 

Áfram Grótta. 

Ásgerður Halldórsdóttir, bæjarstjóri 

29

Grótta á ferð og flugi 

Gróttukrakkar lögðu Evrópu að fótum sér á árinu. Ritstjórn Gróttublaðsins 

fékk sendar ævintýralegar ferðasögur frá æfinga- og keppnisferðum. 

Dramatík á Dana Cup 

Annað árið í röð hélt eldra ár 3. flokks kvenna í Gróttu/KR á stórmótið Dana Cup í Hjørring. Í fyrra fóru 

13 stelpur úr 2000-árganginum en í þetta skiptið taldi hópurinn 24 leikmenn og voru tvö lið send til 

leiks. Það er óhætt að segja að stelpurnar í 2001 árganginum hafi náð vel saman eftir að Grótta og KR 

sameinuðust fyrir tveimur árum en mikil og góð liðsheild hefur myndast í hópnum. Við skulum gefa 

tveimur leikmönnum orðið. 

Spennan var mikil þegar við mættum 

kl. 04:30 í rútuna sem keyrði okkur á 

Keflavíkurflugvöll. Allir í glæsilegum, 

snjóhvítum ferðapeysum og til í slaginn. 

Foreldrarnir stóðu snöktandi á planinu og 

kvöddu hópinn sem keyrði sem leið lá út 

á Keflavíkurflugvöll og þaðan var flogið til 

Billund á Jótlandi. Með í för voru 24 stelpur, 

þjálfararnir Maggi og Alex og hinir frábæru 

fararstjóra Birgir og Vilborg. Eftir þriggja 

30 

klukkutíma akstur komum við loksins á 

áfangastað og komum okkur fyrir í fínum 

skóla stutt frá mótssvæðinu. Það var lítið 

um að vera í bænum enda enn tveir 

dagar í mót. Stemningin átti sannarlega 

eftir að breytast en á Dana Cup keppa 

rúmlega 15.000 stelpur og strákar frá 

öllum heimshornum. Daginn eftir tókum 

við morgunæfingu áður en við fórum í 

Farup Sommerland skemmtigarðinn. Það 

var mjög skemmtilegt þó að þjálfarar 

og fararstjórar hafi reyndar þurft að taka 

hópinn í gegn vegna lélegrar stundvísi. 

Mótið var sett daginn eftir með mikilli 

opnunarhátíð sem byrjaði á skrúðgöngu 

keppenda. Strákarnir í 4. flokki Breiðabliks 

voru mættir á svæðið og löbbuðum við 

samferða þeim inn á aðalvöll Hjørring 

þar sem okkar biðu rosalegir tónleikar.

Morguninn eftir var loksins komið að 

fyrsta leik. Það var hellidemba þennan 

dag sem gerði leikina bara eftirminnilegri. 

A-liðið vann glæsilegan 3-0 sigur en B-liðið 

tapaði á lokasprettinum eftir að hafa 

verið yfir í hálfleik. Eftir leikina var farið 

upp í skóla þar sem tók við hraðþurrkun 

á keppnisbúningunum enda aðrir leikir 

um kvöldið. Eftir riðlakeppni var ljóst 

að A-liðið myndi leika í A-úrslitum og 

B-liðið í B-úrslitum. B-liðið vann fyrsta leik 

sinn í útsláttarkeppninni á dramatískan 

hátt með því að skora tvö mörk á 

lokasekúndum leiksins. A-liðið tapaði hins 

vegar í vítaspyrnukeppni með þreföldum 

bráðabana sem var hrikalega svekkjandi 

og ósanngjarnt. B-liðið var svo slegið af 

gegn öflugum sænskum stelpum og 

mótið því búið fyrr en áætlað var hjá okkur 

stelpunum! Við létum okkur þó ekki leiðast 

það sem eftir lifði ferðar. 

Við kíktum í miðbæinn þar sem H&M 

var vinsælasti áfangastaðurinn, héldum 

upp á afmæli Rutar og fórum á Dana 

Cup ballið þar sem langflestir höguðu 

sér sómasamlega. Ekki má heldur 

gleyma heimsókn á McDonalds sem 

vakti sérstaklega mikla lukku hjá Völu og 

Sóleyju sem eru gríðarlegir aðdáendur 

veitingastaðarins. Heimferðin gekk vel og 

komu allir heim með frábærar minningar 

og góða reynslu í farteskinu. 

Kamilla og Sóley 

GRÓTTUFÓLK 


DAGSVERK 

HÖNNUN OG RÁÐGJÖF 

31

Grótta á ferð og flugi 

QPR – Wembley – Oxford (Street) 

Um páskana fór 2. flokkur karla í æfingaferð til London. Framundan var hörð keppni í B-riðli 

Íslandsmótsins en Gróttumenn höfðu unnið sig upp úr C-deild árið áður. Það var því kærkomið að geta 

æft við bestu aðstæður í nokkra daga í páskafríinu en ýmislegt skemmtilegt dreif á daga hópsins utan 

fótboltans. Guðjón Kristinsson, fararstjóri, segir hér frá eftirminnilegri ferð. 

Það var glæsilegur 32 manna hópur sem 

lagði í hann að morgni hins 27. mars. 

Með í för voru 28 strákar, þjálfararnir 

Jenni, Bjarki og Maggi og svo undirritaður 

fararstjóri. Gist var á flottu íbúðahóteli í 

vestur London þar sem reyndi á strákana 

við heimilisstörfin, eitthvað sem þeir eru 

greinilega vanir – eða þannig! Strákarnir 

keyptu sjálfir inn í morgunmat og 

hádegismat og komu matreiðsluhæfileikar 

sumra reyndar á óvart. 

Æfingarnar fóru fram á glæsilegu 

æfingasvæði Queens Park Rangers, þess 

fornfræga Lundúnafélags, þar sem Heiðar 

Helguson gerði t.a.m. garðinn frægan. 

Fyrir fyrstu æfingu hópsins var gengið yfir 

bílaplanið þar sem leikmenn QPR höfðu 

lagt hverri glæsikerrunni af annarri. Það tók 

strákana dágóðan tíma að giska á hvaða 

stjarna ætti hvaða bíl. Æfingarnar voru 

stífar en aðstæður á grasvöllum félagsins 

voru frábærar. Aðallið QPR æfði ekki langt 

frá okkar mönnum en stelpulið frá Viking 

Stavanger var einnig á svæðinu um tíma. 

Þær norsku þekktu vel til Gróttumannsins 

32 

Indriða Sigurðssonar enda var hann fyrirliði 

karlaliðs þeirra. Svona er heimurinn lítill! 

Í ferðinni hélt hópurinn til St Albans í 

norðurhluta borgarinnar þar sem spilaðir 

voru tveir leikir við unglingalið St Albans 

City á Clarence Park leikvanginum. Leik 

A-liðsins lauk með sannfærandi sigri Gróttu 

á meðan félögin sættust á skiptan hlut í 

B-liðsleiknum. Það var sérlega skemmtileg 

og góð reynsla fyrir alla að spila á móti 

ensku liði og skilar það vafalítið nokkrum 

reynsluprikum í ferðatöskuna. Fyrir utan 

æfingarnar sjálfar og leikina var hápunktur 

ferðarinnar þegar strákarnir mættu á hinn 

stórglæsilega þjóðarleikvang Englands, 

Wembley, þar sem þeir sáu England sigra 

Litháen 4 - 0. Flestir gátu fagnað marki 

þegar „þeirra“ maður skoraði fyrir England 

en mörkin skiptust á milli leikmanna 

Manchester United, Arsenal, Liverpool og 

Tottenham. 

Strákarnir voru tíðir gestir í miðborg 

Lundúna og náðu flestir að tæma 

innkaupalistann sinn og gott betur en það. 

Hinn víðförli Magnús Örn Helgason tók 

hópinn í skoðunarferð um borgina þar sem 

helstu kennileiti voru skoðuð og auðvitað 

fylgdi góð saga með hverjum stað. Engin 

stórslys urðu í ferðinni og heppnaðist hún 

í alla staði vel. Hópurinn var til fyrirmyndar, 

eins og alltaf, og nutu drengirnir þess að 

æfa og spila á góðu grasi á þessum árstíma. 

Ferðir sem þessar eru ómetanlegar fyrir 

strákana og hjálpa þeim að kynnast hver 

öðrum betur og leggja þannig mikilvæg 

lóð á vogarskálar liðsheildarinnar. 

Það hefur verið afskaplega gaman að 

fylgjast með þessum flotta hópi frá því á 

Skagamótinu 2003. Keppnisferðirnar eru 

óteljandi og hver annarri eftirminnilegri. 

Þessir drengir hafa þroskast mikið innan 

vallar sem utan og mynda saman sterka 

liðsheild. Það er óhætt að segja að 

framtíðin sé björt hjá Gróttu. 

Gaui Kristins

Er foreldrastarf nauðsynlegt? 

Margir velta því fyrir sér hvort að foreldrastarf vegna tómstunda barna sé nauðsynlegt. 

Sumir halda því jafnvel fram að þetta sé 

óþarfa tímaeyðsla og álag sem lagt er á 

foreldra. Í kjölfar slíkra fullyrðinga kemur 

gjarnan athugasemd eins og „ég man ekki 

eftir að foreldrar mínir hafi nokkurn tímann 

horft á mig spila“ og „glætan að mamma og 

pabbi hefðu tekið sér frí til að fara með allan 

hópinn á mót“. 

Á móti gæti einhver spurt sig hvort allt hafi 

verið svona gott í þá gömlu, góðu daga? 

Upp í hugann koma afskipt börn, 

unglingadrykkja, reykingar og óregla. 

Okkur langar ekki þangað. Rannsóknir sýna 

að skipulagt tómstundastarf og íþróttir 

barna og unglinga er besta forvörnin gegn 

ýmsum vandamálum. Það er okkar hlutverk 

sem foreldra að standa með börnunum 

okkar og styðja þau með öllum mögulegum 

ráðum og dáðum. 

Nú stefnir þessi pistill í átt að biblíulestri 

hinna heilögu foreldra sem ekkert bjátar 

að hjá. En það er ekki raunin. Við erum 

öll að ströggla við sama tímaleysið og 

samviskubitið ætlar alla að naga inn að 

beini. Þess vegna er foreldrastarf mikilvægt. 

Til að við öll getum hjálpast að og létt undir 

með hvort öðru. 

Við vinkonurnar urðum þeirrar gæfu 

aðnjótandi að fá að vera liðstjórar með 5. 

flokki kvenna í knattspyrnu á TM-mótinu í 

Vestmanneyjum síðasta sumar. Við, ásamt 

Bjarka þjálfara, fylgdum glæsilegum 

Gróttuhópi til Eyja þar sem 16 stúlkur voru 

sjálfum sér og Gróttu til mikils sóma. 

TM mótið er heimsmeistaramót stúlkna á 

þessum aldri þar sem þær uppskera eftir 

erfiði vetrarins, kynnast hvor annarri á nýjan 

hátt sem og stúlkum úr öðrum liðum. Þá fá 

þær einnig smjörþefinn af sjálfstæði þar sem 

hver og ein þarf að hugsa um sig og sitt dót. 

Undirbúningur ferðarinnar gekk vel enda 

allir foreldrar tilbúnir til að leggja hönd á 

plóg við fjáröflun og skipulag. Margir fylgdu 

hópnum til Eyja en Landeyjahöfn gerir 

það að verkum að hægt er að koma innan 

dagsins og fylgjast með ef fólk hefur ekki tök 

á að gista. 

Við erum mjög heppnar að „okkar“ 

foreldrahópur er samheldinn og mjög 

skemmtilegur. Það er mikill húmor í öllum 

og fólk af vilja gert til að hjálpa til á allan 

hátt. Hvort sem það var að fara með 

stelpurnar í diskósund, gefa liðstjórum og 

þjálfara frí eitt kvöld til að nærast á öðru 

en spagettí, lauma til okkar kaffibolla frá 

girnilegu kaffihúsi, fylla hjólhýsið af farangri 

stúlknanna og jafnvel hlaupa í þjálfarastarfið 

þegar leikir sköruðust. Allt skiptir þetta máli. 

Við þrjú skemmtum okkur líka konunglega. 

Bjarki stóð sig eins og hetja allan tímann. 

Hann stóð vaktina á öllum leikjum og þurfti 

oft að hlaupa á milli valla. Okkar hlutverk var 

auðvitað að koma öllum út á völl en það 

tekur á að koma sextán 11-12 ára stelpum 

út úr húsi á réttum tíma. Bara að koma öðru 

liðinu út úr húsi á réttum tíma kallaði á tvær 

mömmur! 

Þá er nú gott að vera góði og vondi 

liðsstjórinn. Önnur var hinn góði liðstjóri. 

Sú sem leyfði að kúra örlítið lengur, gaf 

fótanudd, mundi ekki alveg tímaplanið 

og kom með alvöru kaffi handa „alvöru” 

liðsstjóranum. Hin var vondi liðstjórinn. 

Þessi sem rak á fætur, lét stelpurnar ganga 

frá dótinu sínu, breytti svefnstæðum svo að 

þessi með heimþrá gæti sofið hönd í hönd 

við hana og mundi tímaplanið. En þetta 

vinnur allt saman. Við lærðum líka heilmikið 

í ferðinni. Við kynntumst stelpum sem við 

héldum að við þekktum svo vel á annan 

hátt og fengum jafnvel að vita eitt eða tvö 

leyndarmál. 

Þetta er foreldrastarf. Að skipta hlutunum 

á milli sín þar sem margar hendur vinna 

létt verk. Þeir sem geta smurt samlokur, 

verið liðstjórar, skipulagt fjáraflanir, verið 

stuðningsmenn á hliðarlínunni, skutlað á 

leiki, keypt djúsinn, talið í dósasöfnuninni. 

Allt þetta skiptir máli. Allt þetta léttir á. 

Allt þetta léttir á samviskubitinu sem ég 

og þú höfum yfir því að geta ekki gert 

allt. Samanlagt er þetta það sem gerir 

foreldrastarfið skemmtilegt og gerir alla 

umgjörðina mögulega. 

Tökum höndum saman og hjálpumst að. 

Það er víst sagt að það taki heilt þorp til að 

ala upp barn. 

Liðsstjórarnir, 

Helga Sverris og Sigga Sigmars 

33

GRÓTTUFÓLK 


Alla, Jenni, Ísfold og Guðný 

Anna, Elva og Egill Flóki 

Arna og Helgi 

Arnfríður, Auður og fjölskylda 

Árni og Brynja 

Ásgeir og Christian 

Ásgerður Halldórsdóttir 

Berglind, Kristján, Ágúst 

Kári og Jón Tómas 

Birgir Tjörvi, Erla Kristín og fjölskylda 

Ceca og Ingimar Sigurðsson 

Egill Þór og Sigrún Edda 

Einar Óli Þorvarðarson 

Eiríkur Elís og Edda 

Fjölskyldan á Bakkavör 18 

Fjölskyldan á Bakkavör 28 

Fjölskyldan á Barðaströnd 8 




Fjölskyldan á Bollagörðum 20 







Fjölskyldan á Fornuströnd 4 

Fjölskyldan á Fornuströnd 17 

Fjölskyldan á Hofgörðum 4 

Fjölskyldan á Lindarbraut 19 

Fjölskyldan á Miðbraut 22 

Ljósmynd: Þorgils Gunnarsson 

34

Fjölskyldan á Nesbala 30 



Fjölskyldan á Selbraut 5 

Fjölskyldan á Selbraut 70 

Fjölskyldan á Skerjabraut 5 

Fjölskyldan á Sævargörðum 8 

Fjölskyldan á Vesturströnd 1 



Franz Ploder 

Guðrún, Sigríður og Jódís Rúrý 

HárSaga 

Hildur, Þórhallur, Halldór, 

Eyrún og Sólveig 

Inga Huld, Siggi og Gunnella 

Lárus, Sjöfn, Aron Freyr, 

Elín Helga og Sófía 

Lovísa, Halldór, Steinn, Sara og Eva 

Magnús, Jana, Kristófer, Karen og Tómas 

Mangi, Elín, Elín Eir og Jón Agnar 

Margrét Lind og Jóhann Pétur 

Nesvinir - vinir Nessins. Ávallt. 

Ómar Ingi, Arnaldur, 

Sella og Dóri á Barðaströnd 49 

Óskar, Lilja, Arnór og Alexander 

Pétur og Bjarni Rögnvaldssynir 

Ragnar Jónsson, Dóra Guðmundsdóttir, 

Davíð Fannar og Selma Katrín 

Rögnvaldur Dofri og Sigríður Björk 

Sigurður Tryggvi og Sigurgeir Andri 

Sigurgeir Sigurðsson 

Sólveig og Haraldur á Miðbraut 25 

Sverrir Arnar, Hjalti, Sandra og Ísabella 

Yrsa og Óli 

Þór, María og börn 

35

Kristófer og Kristófer æfðu 

með Brommapojkarna 

Tveir ungir og efnilegir Gróttumenn, 

þeir Kristófer Orri Pétursson (17 

ára) og Kristófer Scheving (16 ára), 

fóru í lok september til æfinga hjá 

sænska liðinu Brommapojkarna. 

Með í för voru Magnús Örn Helgason 

yfirþjálfari knattspyrnudeildar og 

þjálfarinn Bjarki Már Ólafsson en þeir 

félagar kynntu sér þjálfunaraðferðir 

og hugmyndafræði sænska liðsins 

og funduðu með forsvarsmönnum 

félagsins. Unglingastarf 

Brommapojkarna er rómað en 

félagið er þekkt fyrir að búa til 

framúrskarandi knattspyrnumenn. 

Sem dæmi hefur Brommapojkarna 

á þessu ári selt leikmenn til Chelsea, 

Bayern München, Sunderland og 

Udinese. Gróttublaðið tók púlsinn 

36 

á leikmönnunum ungu sem sögðu 

ferðina hafa veriðfrábæra reynslu: 

„Þetta var frábær ferðí alla staði. 

Tempóiðáæfingum var mikið enda 

leikmennirnir í Bromma frábærir og 

svo var öll aðstaða þarna hrikalega 

góð. Þetta var góð reynsla sem hefur 

hjálpað mér mikið,“ sagði Kristófer 

Scheving aðspurður um ferðina 

til Svíþjóðar. Nafni hans Kristófer 

Orri tók í sama streng: „Mér fannst 

ótrúlega gaman að fá tækifæri til að 

sjá hvar maður stendur miðað við 

leikmenn í einu besta unglingaliði á 

Norðurlöndunum. Þetta var allt mjög 

„professional“ og skemmtilegt að 

fá að vera hluti af þannig umhverfi 

í heila viku.“ Magnús Örn Helgason, 

yfirþjálfari knattspyrnudeildar, var 

sömuleiðis sáttur með ferðina: „Þetta 

var frábær vika í alla staði.“ „Það var 

mjög lærdómsríkt fyrir okkur Bjarka 

að funda með forsvarsmönnum og 

þjálfurum Brommapojkarna og heyra 

hvernig þeir haga sinni þjálfun. Að 

byggja upp framúrskarandi leikmenn 

er helsta markmið félagsins og er 

aðalliðið nánast eingöngu skipað 

heimamönnum. Ekki einu sinni þeim 

bestu eða næstbestu því það er búið 

að selja þá allra til stærri félaga! Það 

sem stóð þó upp úr var að fylgjast 

með okkar mönnum og sjá hve 

vel þeir stóðu sig á æfingum með 

mörgum af efnilegustu leikmönnum 

Svíþjóðar,” sagði Magnús sem var 

greinilega hreykinn af lærisveinum 

sínum.

Rauða 

ljónið 

Það dylst fáum Seltirningum að framboð af vörum og þjónustu hefur ekki alltaf verið með besta 

móti í bæjarfélaginu. Við búum þó svo vel að hafa stórgóðan veitingastað í hjarta bæjarins í 

kjallara verslunarmiðstöðvarinnar á Eiðistorgi. Rauða ljónið var stofnað vorið 1989 og núverandi 

staðarhaldari er framreiðslumaðurinn Hafsteinn Egilsson. Hafsteinn hefur verið duglegur að 

styðja við bakið á Gróttu en Rauða ljónið hefur verið styrktaraðili félagins um árabil. 

Á Rauða ljóninu má fá heitan mat af dýrindis hlaðborði í 

hádeginu auk þess sem hægt er að panta eftir matseðli 

á kvöldin (hann má sjá á vefsíðunni www.ljonid.is). 

Upplagt er að horfa á íþróttaleiki á staðnum. Þar eru 

fjölmargir risaskjáir og myndast jafnan góð stemmning 

yfir boltaleikjum í beinni meðan gestir gæða sér á dýrindis 

pizzu eða hamborgara. Einnig er hægt grípa með sér 

glóðvolga pizzu í kvöldmatinn en veittur er 30% afsláttur 

af sóttum pizzum. Betri stofu staðarins má leigja undir 

ýmiss konar veislur og viðburði en hún hentar fyrir ýmsar 

stærðir hópa. Aðspurður segir Hafsteinn að pizzurnar hafi 

vakið mikla athygli og að algengt sé að fjölskyldur komi 

saman í kvöldmat um helgar. Í ljósi þess ætlar Hafsteinn 

að hefja nýtt ár með pizzuhlaðborði alla föstudaga, 

laugardaga og sunnudaga frá kl. 18-20. 

Ekki gefa bara eitthvað, 

gefðu frekar hvað sem er. 

Með gjafakorti Landsbankans er 

ekkert mál að velja réttu jólagjöfina. 

Þú ákveður upphæðina og sá sem 

þiggur velur gjöfina. Þú færð 

gjafakortið í næsta útibúi. 

Landsbankinn 

landsbankinn.is 410 4000 

37

Einstakt 

(bæjar)félag 

Undanfarinn áratug hefur sannkölluð bylting orðið í aðstöðu til 

knattpyrnuiðkunar hjá Gróttu. Vorið 2006 var gervigras lagt á gamla 

malarvöllinn við Suðurströnd og næsta vor mun nýtt og betra gervigras 

leysa það gamla af hólmi. Enginn skortur er á efniviði í yngri flokkum 

félagsins og stelpurnar hafa ekki síst verið að sækja í sig veðrið. 

Framtíðin er því björt. 

Seltjarnarnes er einstakt bæjarfélag. 

Hér höfum við allt til alls. Má þar nefna 

nálægð við náttúruna, frábæra skóla 

og mikið öryggi. Hvað eftir annað 

sýna rannsóknir að þátttaka barna og 

unglinga í bæjarfélaginu í skipulögðu 

íþróttastarfi sé með því mesta á landinu 

– og skeri sig jafnvel úr – auk þess sem 

áfengis- og vímuefnaneysla ungmenna á 

Seltjarnarnesi er með allra minnsta móti. 

Þetta er ekki tilviljun. Forvarnargildi íþrótta 

er vel þekkt og starf íþróttafélagsins 

Gróttu á sinn þátt í þeim einstaka árangri 

sem náðst hefur á Nesinu. 

Rekstur íþróttafélags er margslunginn 

og kostnaðarsamur og nýtur Grótta 

myndarlegs stuðnings frá Seltjarnarnesbæ 

en þar með er ekki öll sagan sögð. 

Íþróttafélög hér á landi væru ekki svipur 

hjá sjón án dyggrar aðstoðar þeirra 

fjölmörgu aðila sem leggja hönd á 

plóg; foreldrar, sjálfboðaliðar og aðrir 

stuðningsmenn eru ómissandi hluti 

af starfinu. Það útheimtir mikla vinnu 

og aðkomu fjölda fólks að sinna yngri 

flokka starfi vel og byggja upp fullmótað 

íþróttafólk en hjá Gróttu eru að mínu 

mati kjöraðstæður til þess. Nú hefur 

knattspyrnudeild nýlega samið við marga 

unga Gróttumenn þar sem byggt er ofan 

á þann góða grunn sem lagður hefur 

verið í yngri flokka starfi deildarinnar 

undanfarin ár. 

Vinna við stofnun meistaraflokks kvenna 

er einnig hafin en meistaraflokksráð tók 

til starfa í haust. Þar eru m.a. á ferð öflugar 

stelpur sem luku ferð sinni í gegnum yngri 

flokka félagsins á liðnu tímabili. Ljóst er að 

mikið er um að vera hjá félaginu og mun 

stuðningur Seltirninga skipta sköpum. 

Mætum á völlinn næsta sumar! Ég vil nota 

þetta tækifæri til að þakka Magnúsi Erni 

Helgasyni fyrir ómetanlega aðstoð við 

vinnslu blaðsins og hvet jafnframt foreldra 

iðkenda og stuðningsmenn Gróttu til 

að láta til sín taka í starfinu. Loks óska 

ég öllum gleðilegra jóla og farsældar á 

komandi ári! 

Ritstjóri Gróttublaðsins 2015 

Eyjólfur Garðarsson 

GRÓTTUFÓLK 


38

Lágmúla 4 108 Reykjavík 

569 7000 

Miklaborg óskar 

kaupendum eigna 

í nýbyggingunum á 

Skerjabraut 1-3 og 

Hrólfsskálamel 

til hamingju með kaupin 

og um leið þökkum 

við Stólpum ehf 

og Skerjabraut ehf 

fyrir samstarfið. 

Miklaborg hlakkar til nýrra 

verkefna á Nesinu á næsta ári 

Ólafur Finnbogason lögg. fasteignasali 

olafur@miklaborg.is sími: 822 2307 

www.miklaborg.is 

39 

- með þér alla leið - www.miklaborg.is

Styrktu Gróttu 

með hverjum 

lítra! 

Gróttu-lykillinn veitir þér aukinn afslátt 

hjá Orkunni og Shell auk þess sem 

1 kr. af hverjum keyptum lítra rennur 

til Gróttu. 

Sæktu um lykil á Orkan.is/grotta og við 

sendum þér sérmerktan Gróttu-lykil 

heim að dyrum. Þú getur einnig hringt í 578 8800 

og látið breyta núverandi Orkulykli í Gróttu-lykil. 

2 kr. viðbótarafsláttur 

á Þinni stöð 

Veldu Þína Shell- eða Orkustöð á www.orkan.is 

og fáðu 2 krónu viðbótarafslátt á þeirri stöð, 

ofan á þann afslátt sem þú hefur í dag. 

Það er ein Orkustöð á Seltjarnarnesi, 

á Suðurströnd. 

AFSLÁTTUR VINSTRI HÆGRI! 

Símanúmer þjónustuvers: 578 88 00 

40

1215_GRÓTTA_JÓLABLAÐ_NETÚTGÁFA

Create successful ePaper yourself

Delete template?

Save as template?