saqarthvelos-evropis-energetikul-gaerthianebashi-gatsevrianebis-shedegebis-analizi

განისაზღვრა თანამშრომლობის პრიორიტეტები- ურთიერთობების გაღრმავება
ნავთობის, ნავთობპროდუქტებისა და გაზის ტრანზიტისა და ვაჭრობის სფეროში.
რაც შეეხება ირანს, ირანთან მიმართებაში, სანქციების შესაძლო შერბილების
ფონზე შესაძლოა გააქტიურდეს ირანიდან ევროპაში გაზის ტრანსპორტირების
საკითხიც. საქართველოს ენერგეტიკის სამინისტრომ დაიწყო მუშაობა ირანთან
შესაძლო თანამშრომლობის პოტენციური სფეროების გამორკვეთის თვალსაზრისით.
ამ მიზნით, მხარეებს შორის გაიმართა ორმხრივი სამუშაო შეხვედრები. თუმცა, აქვე
უნდა აღინიშნოს, რომ ეს შორეული პერსპექტივაა.
შაჰ-დენიზის გაზსადენის მეორე ფაზის ამოქმედება გახსნის ახალ ენერგეტიკულ
დერეფანს ევროპაში და მნიშვნელოვან წვლილს შეიტანს როგორც რეგიონის, ასევე
ევროპის ენერგოუსაფრთხოებაში. პროექტის წარმატებით განხორციელებაში
საქართველოს, როგორც სატრანზიტო დერეფნის როლი და მისი პოლიტიკური
მხარდაჭერა ამ მიმართულებით ძალზე მნიშვნელოვანია. საქართველოსთვის ეს
მოვლენა იმდენადაა აქტუალური, რამდენადაც შაჰ-დენიზის მეორე ფაზის
ფარგლებში გათვალისწინებულია „სამხრეთ კავკასიური მილსადენის“ (სკმ)
გაფართოება, რათა მოხდეს თურქეთის მიმართულებით წლიურად დამატებით 16
მლრდ კუბური მეტრი გაზის მიწოდება. მილსადენის გაფართოების სამუშაოები
მოიცავს: 46
პარალელური მილსადენის მშენებლობას: 387კმაზერბაიჯანის, 55კმ
საქართველოს ტერიტორიაზე;
ორი დამატებითი საკომპრესორო სადგურისა და ახალი წნევისრეგულირებისა
და გაზმზომი სადგურის ინსტალაციას საქართველოში;
იგულისხმება მნიშვნელოვანი პირდაპირი ინვესტიცია, მათ შორის
სავარაუდოდ $400 მლნ უშუალოდ საქართველოსთვის შეძენილ საქონელსა და
მომსახურებაზე დაიხარჯება;
46 Ibid,.გვ.7
44