Create successful ePaper yourself
Turn your PDF publications into a flip-book with our unique Google optimized e-Paper software.
CHITSAUKO 1<br />
1.1 ZVINOREHWA NECHITA<br />
Chita cheMwoyo musande kwazvo waYesu Chita chinobatanidza vatenderi vaKatorike kuti<br />
vaparidzire uMambo hwaMwari pasi rose. Vatenderi vanoita izvi neminamato yavo yamazuva<br />
ose, namabasa, nemifaro nemumatambudziko vachisimbaradzwa neMwoyo Musande Kwazvo<br />
waYesu. Zviri pachena kuti kunamata uku kunamata kuna Yesu Kristo pauzima nokuti Mwoyo<br />
wake neropa zvaakaduruka zvinoratidza chido. Mwoyo Musande Kwazvo waYesu chiratidzo<br />
chechido chisina mwero kwatiri.<br />
1.2 VANOKODZERA KUVA NHENGO DZECHITA<br />
1.2(a) Chita cheMwoyo musande Kwazvo waYesu Chita chemuKatirike wese uye Chita<br />
chemhuri nokudaro baba namai nevana vanokwanisa kupinda muChita ichi.<br />
(b) Chirikadzi, tsvimborume kana mudzimai akambochinyirwa aine mugariro unofadza<br />
Mwari akapiwa chiregerero nababa vezvomweya kana nomuBishop achigamuchira<br />
masakaramende anekodzero yokupinda muChita ichi.<br />
(c) Mwanakomana kana mwasikana ane makore guminamaviri okuberekwa zvichienda<br />
mberi akapapatiswa achigamuchira masakamende<br />
(d) Murume akaroora kana mudzimai akaroorwa achigara nemukadzi kana murume wake<br />
vanofanira kunge vaine muchato unobvumidzwa neKirike Katorike vachigamuchira<br />
masakaramende kuti vagamuchirwe muChita.<br />
(e) Mwana mudiki anemakore gumi namaviri asati ava kugamuchira masakaramende,<br />
chirikadzi, tsvimborume, vakaroorana vasina muchato vasina kusunungurwa vasinga gamuchiri<br />
masakaramende vanoita vateveri kusvika vasunungurwa.<br />
(f) Munhu anozvisandisa neminamato nemabasa akanaka (Eph 5:8-11)<br />
(g) Anonamata nemhuri yake minamato yemangwanani nemanheru.<br />
(h) Anobatsira Kirike nekubhadhara mari pamwedzi woga woga uye kuriritira muPrieste<br />
nemuBishop wake.<br />
(i) Anorera vana mukutya Mwari.<br />
1.3 NHOROONDO YECHITA CHEMWOYO MUSANDE KWAZVO WAYESU<br />
Chita cheMwoyo Musande waYesu chakatangwa naivo Mambo Yesu Kristo pachavo mushure<br />
mekuzviratidza kune vapikiri vakasiyana siyana vanosanganisira St. Lutgarde (1182-1246)<br />
kuBelgium, St Getrude the great (1256-1301) kuGermany, St Mechtilda (1240-1298)<br />
kuGermany, St Cathrine (1347-1380) kuSiena naSt Margret Mary Alacoque (1647-1690)<br />
kuFrance. Vapikiri ava vose vaigaronamata nekupfugamira Sakaramende Sande kwenguva refu,<br />
inova ndiyo nguva yaizviratidza Mambo Yesu Kristo kwavari. Asi Mambo Yesu Kristo<br />
vakazopa basa guru rokuvamba Chita kuna sister Margret Mary Alacoque. Sister ava basa ravo<br />
1
aiva rokunamata nekuripira matadzo avo naavamwe. Vamwe vasande vakabatsira<br />
pakusimudzira Chita panguva iyoyo ndiSt John Eudes, muzvare Jane De Chantal naBishop<br />
Francis de Sales. Vanhu vazhinji vakange vapindwa neMweya werunamato, vakaumba boka<br />
rekunamata vachizvidaidza kuti Vapositori vekunamata (Apostleship of Prayer)<br />
Boka iri raitungamirirwa naBishop Francis de Sales vari ivo Spiritual Adviser, St John Eudes ari<br />
iye Chief Promoter, muzvare Jane de Chantal vari Samunyori. Musande John Eudes aishanda<br />
saChief Promoter ndicho chikonzero neyi boka reChita cheMwoyo Musande riine neChigaro<br />
chaChief Promoter. St John Eudes akazvarwa muna 1601 akava Baba vezveMweya kuma<br />
Oratory Fathers vekuFrance muna 1625. Ndiye nyakunyora Hofisi yeMwoyo Musande kwazvo<br />
waYesu. (Devotion to the Sacred Heart) mubhuku rake rinonzi The Life and Royalty of Jesus’s<br />
Christian Soul iro rakawana Doctrinal ne Episicopal approval muna 1668. Papa Pius IX vakati<br />
John Eudes acharangarirwa sababa, chiremba (Doctor) uye mupositori werunamato rweMwoyo<br />
Musande Kwazvo waYesu nerwaMaria Musande. Akazofa muna 1680 akaitwa musande muna<br />
1925.<br />
Pope Pius IX ndivo vakazopa kuti kuzvipira uku kuve kwesangano rose uye kuti sokutaura<br />
kwaKristo ripembererwe neChishanu mushure mesvondo rekupemberera muviri neropa raKristo<br />
(5 days after Corpus Christi) Pope Leo XIII ndivo vakazoteketera kuzvipira uku kusangano rose<br />
muna 1899.<br />
Mugore ra1647 Sr Magaret Mary Alacoque akashanyirwa naYesu Kristo achinamata. Yesu<br />
ndokuti kwaari<br />
- Paridzira kuti vanhu vandinzwe uye vave nerudo<br />
- Varipire mhosva dzavo nedzavamwe nedzeavo vari mupurigatoriyo.<br />
- Paridzira kuna vose kuti vaponeswe.<br />
Yesu Kristo vachizviratidza kuna Sr Magaret Mary kazhinji imwe nguva vakati<br />
“KUTAMBUDZIKA KOSE KWANDAKAITIRA VANHU, IVO VANHU<br />
HAVASIKUMBOZVIONA, NDINGADE ZVIKURU KUDZOKA KUZOTAMBUDZIKA<br />
KUPINDA ZVANDAKAITA PAKUTANGA, DAI VANHU VAGONA KUDZORERA<br />
RUDO KUNE RUDO”. Izvi zvichireva kuti isu vanhu tinofanira kudzorera rudo kune rudo<br />
zvakaperera, kuratidza kuti tinomuda kupinda zvose nokuti vanodanana havasiyani.<br />
Sr Magaret Mary vachibatsirwa nemukomborerwi Claude de la Colombiere, akakumbirwa<br />
naYesu kukurudzira vanhu kuti vanamate kuMwoyo wake Musande sechiratidzo chechido<br />
kwaari. Kwakapera makore mazana maviri zuva reMwoyo Musande Kwazvo waYesu risati<br />
rambochengetwa. Chikonzero chaiva chekuti sangano rainge richiri kuongorora zvaionekwa<br />
nokutaurwa naSr Magaret Mary. Chita cheMwoyo Musande kwazvo waYesu<br />
chakazonyatsopfumbira mugore ra1843 pazuva raFrancis Xavier muguta diki reFrance, ndipo<br />
pachakazotanga kupararira kwose kwose pasi rose, vakazobvisa Hofisi yavo kuFrance voisa<br />
kuRome, uko Chita chakanga chatoveko kare. Chichizivikanwa nezita rekuti Roman Arch<br />
Sodality of the Sacred Heart. Ndiko kune muzinda wacho nanhasi.<br />
2
1.4 ZVINANGWA ZVECHITA<br />
1) Kupa rukudzo nerutendo kuna Yesu kana tichinamata kuMwoyo wake Musande.<br />
2) Kuyedza kudzorera rudo kune rudo rwatakaratidzwa naYesu Kristo zvaakatifira pachipiyaniso<br />
Mwoyo wake ukabaiwa nepfumo.<br />
3) Kuita chinamato chemangwanani Yesu nekune Mwoyo usina mhaka waMaria.<br />
4) Kunzwa Misa Sande nekutambira Komione sande yokuripira chishanu chechiposhi<br />
chomwedzi woga woga.<br />
5) Kuzvipira zuva roga roga kuratidza kukumbira kwedu kuna Mai Maria Musande.<br />
1.5 MITEMO YECHITA<br />
1) Kuva mutenderi muKatorike akachata ane muraramiro unofadza Mwari.<br />
2) Mutenderi anozvipira kuMwoyo Musande Kwazvo waYesu achinamata minamato yake<br />
yamazuva ose, anoenda kuSvondo nekugamuchira masakaramende nguva dzose.<br />
3) Munhu anoenda kumisangano svondo roga roga anozvisandisa namabasa neminamato<br />
(Eph 5:8-11).<br />
4) Anobatsira Kirike nekubhadhara mugove mwedzi woga woga.<br />
5) Kunamata minamato yamangwanani neyemanheru zuva nezuva nekuita rusariro.<br />
6) Munhu anoteerera baba vezvoMweya nevatungamiriri veboka rake (Titus 3:1-2).<br />
7) Munhu asingapiri mudzimu namashavi, asingaendi kunobvunzira, asingarovi makuva,<br />
anovimba naKristo chete muupenyu hwake.<br />
8) Munhu asingaburitsi mhosva dzinenge dzatongwa kana kutaurwa mumusangano.<br />
NB Kudarika mitemo iyi kunoita kuti munhu atorerwe hanzu naBaba vezvomweya kana<br />
atadza kudzoreka. Asiwo tingabva paMwoyo waYesu tichienda kupi kuno darika Mwoyo<br />
Musande Kwazvo waYesu.<br />
1.6 NZIRA DZEKUZADZISA NADZO ZVINANGWA ZVECHITA.<br />
1) Kuremekedza (veneration) Mwoyo Musande waYesu nguva dzose kuburikidza<br />
nekuturika mufananidzo weMwoyo waYesu mudzimba dzedu sechiratidzo cherudo rwaYesu<br />
kuvanhu vose.<br />
2) Kunzwa Misa Sande nokutambira Communion Sande nguva nenguva, zvikuru Misa<br />
yokuripira paChishanu chechiposhi chemwedzi woga woga.<br />
3) Kuzvipira zuva roga roga kuna Yesu nokuita chinamato chamangwanani Yesu nekune<br />
Mwoyo usina mhaka waMaria.<br />
3
4) Kuzvipira zuva roga roga kuna Maria Musande kuratidza kuva remekedza nekuita<br />
Rusariro.<br />
5) Kukurudzira vamwe kuti vanamate kuMwoyo Musande Kwazvo waYesu<br />
6) Kuita runyararo mushure memazuva makuru ose.<br />
- Mumwaka weRendi tichigadzirira Easter<br />
- Tichigadzirira zuvaguru reMwoyo Musande Kwazvo waYesu.<br />
- Tichigadzirira zuva raKristo ari Mambo.<br />
7) Kuita pfugamiro (Holy Hour) tichiripira matadzo edu neevamwe pa Chishanu<br />
chechiposhi chomwedzi<br />
8) Kucherechedza mazuva makuru eChita anoti<br />
- Zuva reMwoyo Musande Kwazvo waYesu<br />
- Zuva raMagaret Mary Alocoque (16 October)<br />
- Zuva raKristo ari Mambo (November)<br />
9) Kuparidzira Chita kwachisiri<br />
10) Kuita reururo nekukurudzira vamwe kuita reururo (confession) nguva nenguva.<br />
1.7 MABASA<br />
1) Kubatsira baba vezvemweya neParish mukukurudzira chitendero.<br />
2) Kushanyira varwere nokunamata pamwe navo.<br />
3) Kubatana nevamwe vatenderi parufu nekuviga vafi nokuita minamato.<br />
4) Kubatsira nherera, vakaremara nechirikadzi dzinoshaya.<br />
5) Kubatana navamwe vatenderi pazvirongwa zvekunamata.<br />
6) Kushanyira nokukurudzira vatenderi vadzokera shure mukunamata.<br />
7) Kuenda kuzvifundiso zveChita pamazuva akabvumiranwa neChita.<br />
8) Kuenda kuzvifundiso zveChita pamazuva akabvumiranwa.<br />
9) Kuita runyararo tichigadzirira mazuva makuru.<br />
10) Kubatsirana mune zvekunamata nezvekurarama (empowerment)<br />
4
1.8 ZVIPO ZVINOWANIKWA MUKUZVIPIRA KUMWOYO MUSANDE KWAZVO<br />
WAYESU<br />
1.8,1 (a) Mambo anoti “Mazita avanhu vanobatsira chiito ichi chokuMwoyo Musande Kwazvo<br />
waYesu achanyorwa mumoyo mangu haachazodzimwi”.<br />
(b) Unogona kuwana zviregerero zvizere zuva roga roga kana uchipira kuna Mwari<br />
mabasa ako amaoko nepfungwa mangwanani oga oga nekuita chinamato Yesu nekune Mwoyo<br />
usina mhaka waMaria.<br />
(c) Unogona zvakare kuwana chiregerero chizere<br />
(i) Musi wauno gamuchirwa muChita<br />
(ii) Chishanu chechiposhi chomwedzi woga woga (1 st Friday) nemugovera wechiposhi<br />
chemwedzi woga woga. (1 st Saturday) kana waita zvinodiwa pazuva iroro.<br />
(iii) Musi wokufa kwako.<br />
(iv) Musi unopirwa mhuri yose kuMwoyo Musande.<br />
1.9 ZVITSIDZO<br />
(Sekupiwa kwazvakaitwa kuna Margaret Mary kubva mugore 1673 kusvika 1675)<br />
1) Ndichavapa magirasiya ose avanoshaya mumagariro avo.<br />
2) Ndichavapa kugarika nemhuri dzavo.<br />
3) Ndichavanyaradza kana vachisuruvara.<br />
4) Ndichavachengeta vari vapenyu asi zvikuru kana vava kufa.<br />
5) Zvose zvavachaita ndichavabatsira nezvikomborero zvizhinji.<br />
6) Vatadzi vachaona mumwoyo mangu tsime remvura huru yengoni<br />
7) Mweya yakatonhora ichazotsvira kuitira Mwari.<br />
8) Mweya yakanaka ichakurumidza kuwanzodisa Mwari.<br />
9) Ndichakomborera dzimba munochengetwa nokuimbirwa chifananidzo cheMwoyo<br />
wangu.<br />
10) Ndichapa vaPrieste simba rokupindura mwoyo mikukutu kwazvo.<br />
11) Mazita avanhu vose vanobatsira chikumbiro ichi achanyorwa mumwoyo mangu.<br />
12) Mwoyo wangu uchanyanya kuita tsitsi. Ndinopika kuti vose vanogamuchira Komione<br />
Sande Chishanu chechiposhi chomwedzi mipfumbamwe inoteverana, vachapiwa girasiya<br />
rokufa nomoyo unorwarira matadzo. Havachazofa vasina kugamuchira maSakaramende,<br />
vachachengetwa mumwoyo mangu musi uyo wemhedziso.<br />
1.10 VAVARIR0<br />
1) Dare roga roga rinofanirwa kuva nechigaro chaPromoter, nokusanganisira zvimwe zvigaro<br />
zvagara zvichizivikanwa.<br />
5
2) Nhengo dzinofanira kusangana seChita musi weChishanu svondo roga roga vachinamata<br />
nokuzvipira kuMwoyo Musande Kwazvo waYesu. Kana vakamanikidzika vangaronge zvavo<br />
rimwe zuva rekusangana asi zuva reMwoyo Musande musi wechishanu. Munamato wekuzvipira<br />
(hofisi) inofanirwa kuitwa pose panosangana nhengo dzeChita.<br />
3) Nhengo dzinofanira kupinda Misa yekuripira matadzo Chishanu chechiposhi chomwedzi<br />
woga woga. Vatungamiri vanofanira kuita hurongwa naBaba vezvomweya kuti misa iitwe.<br />
PaMisa panokumbirwa kuitwa pfugamiro (Holy Hour) Benediction, rupinduko (Confession) uye<br />
kuzvipira kunamata husiku hwose. (All night prayer)<br />
4) Nhengo dzinokurudzirwa kuita mabasa etsitsi kuti vave nechitendero chine mabasa, (Mt<br />
25:21-25) (James 2:14-26).<br />
5) Dare rinofanira kuronga misangano yePromoters Council mwedzi woga woga, maPromoters<br />
nevatungamiri mudunhu ngavaende kumusangano sokurongwa kunenge kwakaitwa neChita.<br />
6) Vachitsigirwa nePromoters Council nhengo dzinofanira kuita mhemberero dzemazuva<br />
makuru eChita uye nhengo dzose dzinokurudzirwa kupemberera mazuva makuru ose.<br />
7) Nhengo dzose dzinosungirwa kubvisa mari yetsigiro kuChita paParish uye kuDeanery<br />
kuDiocese uye kuNational.<br />
8) Nhengo dzose dzinokurudzirwa kutsigira zvirongwa zvose zveParish pavanonamata vari uye<br />
vanofanira kubatana nezvimwe zvita pamabasa, nepaminamato kwete kuzvisarudza.<br />
9) Nhengo yeChita ikafa inofanira kurongerwa muteuro weMisa, dzimwe nhengo dzinofanira<br />
kutsigira mumwe wavo, nekuzoita minamato yeMwoyo Musande kwazvo waYesu. Nhengo ikafa<br />
inovigwa yakapfeka hanzu yeChita. Nhengo izere inopfekedzwa kutsvuku chero nguva ipi<br />
zvayo.<br />
10) Nhengo inofanira kucherechedza zvinokodzeresa kuti munhu apinde muChita nezvinoita kuti<br />
asatorerwe hanzu dzeChita kana kubuda muChita asi hurudziro ndeye kuva nhengo inomugariro<br />
wakanaka.<br />
6
CHITSAUKO 2<br />
2.1 MAITIRO EMUSANGANO NEMINAMATO YECHITA<br />
-Muzita……….<br />
-Rumbo kuna Mweya Mutsvene ………..<br />
-Munamato wekuvhura musangano……………<br />
‘’Mwari Baba vedu, onai taungana pano isu vana venyu nokuda kwenyu.Titumireiwo<br />
Mweya wenyu mutsvene kuti tivhenekerwe kuti tizive kuda kwenyu muna zvose<br />
zvatichaita nhasi’’. Amen.<br />
-Toita Rusariro/Maronda mashsanu kana nzira yechipiyaniso<br />
- (hofisi) Munamato wekuzvipira neRitani kuMwoyo Musande waYesu.mupiro pg 321-324<br />
-Chidzidzo chemubhaibheri choverengwa nokududzirwa<br />
-Mazita odanwa (register)<br />
-Nhoroondo dzemusangano wakapfuura<br />
-Mabasa akaitwa orondedzerwa, nokukurukurwa nezvawo<br />
-Kugoverwa kwemabasa matsva achandoitwa muvhiki rinotevera.<br />
-Mari yetsvigiro kana pane anayo yobiswa kana hurukuro dzine maererano nemari<br />
- Rumbo kuna Mweya Musande nemunamato wekuvhara<br />
2.2 MAITIRO EMINAMATO YEMUDZIMBA<br />
2.2.1 Chinangwa chemunamato;<br />
(a) Rumbo kuna Mweya Mutsvene<br />
(b) Munamato wekuvhura-unotodzana nechinangwa chiri kunamatirwa<br />
(c) Rusariro/Maronda mashanu kana nzira yechipiyaniso<br />
(d) Kuzvipira kuMwoyo Musaande waYesu<br />
(e) Litany kuMwoyo Musande waYesu<br />
(F) Kugoverana zvinobva muBhaibheri (bible sharing)<br />
(g) Zvichemo<br />
(h) Rumbo nemunamato wekuvhara<br />
7
2.3 MINAMATO PACHIPOSHI CHEMWEDZI (1 st Friday)<br />
2.3.1 Pachiposhi chomwedzi tinosungirwa<br />
I. Kupinda muteuro weMisa<br />
II. Kugamuchira Kominioni Sande<br />
III. Kuita pfugamiro,(Holy hour)<br />
IV. Kuita reururo,(confessions)<br />
V. Kugoverana zvatinazvo navaPriest vedu<br />
VI. Nekuzogoveranawo isu pachedu(Agape),<br />
VII. Kupfeka uniform yakazara pazuva iri.<br />
2.3.2 MINAMATO<br />
I. Nzira yeChipiyaniso<br />
II. Rusariro ,(zvishamiso zvokusuwa), Ritani kuMwoyo Musande kwazvo waYesu<br />
nokugoverana ndima dzomuBhaibheri (Bible sharing)<br />
III. Rusariro ,(zvishamiso zvokurumbira), Ritani kuzita sande RaYesu nokugoverana ndima<br />
dzomuBhaibheri<br />
IV. Rusariro,(zvishamiso zvokufara), Ritani kuna Maria Musande<br />
V. Rusariro,(zvishamiso zvemwenje)<br />
VI. Munamato na3am Rusariro kuna Yesu/Maronda mashanu kana Rusariro rwamarwadzo<br />
amai Maria.<br />
VII. Hofisi yeMwoyo Musande (pg 320 -324)<br />
VIII. Munamato wamangwanani/muteuro weMisa nekupararira<br />
2.4 HOFISI YECHITA (Mupiro pg320-324)<br />
1. MUNAMATO KUNA YESU KRISTO<br />
Mweya waKristo<br />
Mweya waKristo ndishandiseiwo<br />
Muviri waKristo ndiponeseiwo<br />
Ropa raKristo ndigotiseiwo<br />
Mvura yaparutivi paKristo ndicheneseiwo<br />
Yesu makanakisa ndidavireiwo<br />
Mumaronda enyu ndivanzeiwo<br />
Regai kubvuma kuti ndiparadzane nemi<br />
Kumuvengi wakaipa ndidzivirirei<br />
Pamusi wokufa kwangu ndishevedzeiwo<br />
Ndidaneiwo ndiuye kwamuri<br />
Kuti ndikuimbirei nevsarudzwi venyu<br />
Misi isingaperi.AMEN<br />
8
2. Munamato kuna Yesu Kristo pachipiyaniso.<br />
Onai Yesu makanakisa, makapfavisa, ndapfugama namabvi panyasi penyu. Ndinokutetererai<br />
nomwoyo wangu wose kuti mundipe chitendero nechitarisiro nechido chakadzika. Itai kuti<br />
ndipfidze matadzo angu nemwoyo wangu wose nokundisimbadza kuti ndigare upenyu<br />
hwakanaka. Kana ndichitarisa nokurangarira maronda enyu mashanu, nokufungazve manzwi<br />
akamborehwa naDavid muporofita okuti, vakaboora maoko angu netsoka dzangu vakaverenga<br />
mapfupa angu ose, ndinorwadziwa mumwoyo kwazvo.<br />
Baba vedu…………….. Kwaziwai Maria...……………….Vakudzwe baba………………….<br />
3. MAMBO YESU KRISTO, Ndinokupai maoko angu kuti aite basa renyu.<br />
Ndinokupai makumbo angu kuti afambe munzira dzenyu<br />
Ndinokupai meso angu kuti ndione sekuona kwamunoita imi.<br />
Ndinokupai rurimi rwangu kuti rutaure manzwi enyu.<br />
Ndinokupai pfungwa dzangu kuti mufunge panzvimbo pangu.<br />
Ndinokupai mweya wangu kuti munamate muri mandiri.<br />
Pamusoro pazvose ndinokupai mwoyo wangu kuti mude nemandiri Baba venyu nevanhu vose<br />
Ndinozvipa kwamuri kuti muve mambo wangu, anogara nokusevenza nokunamata nemuneni.<br />
AMEN<br />
4. YESU WANGU WADIWA, ndidzidziseiwo kuita mwoyo chena, nokuva muranda wenyu<br />
chaiye, kuti ndizvipire kunemi, kunyange zvakaoma sei, ndirwire chitendero changu,ndisingatyi<br />
marwadzo angandiwire, ndibate basa renyu, ndisingatsvage kuzorodzwa ndikusevenzerei,<br />
ndisingakumbire mubairo, kusiya izvi chete zvekuti ndiri kuita kuda kwenyu kusande, Mambo<br />
wangu naMwari wangu. AMEN<br />
5. KUZVIPIRA KUMWOYO MUSANDE KWAZVO WAYESU<br />
YESU MAKANAKISA<br />
Yesu makanakisa, tsime rechido, Baba vetsisti, Mwari munyaradzi wavanhu vose, imi<br />
makatiratidza isu vatadzi upfumi hwemwoyo wenyu, isu tose tinoda kuku tendai zvose<br />
zvamakatipa. Tinotenda kwazvo kudzika kwamakatiitira Sakaramende Sande reAtari.<br />
MuSakaramende iro rechido, Mwoyo wenyu wakanakisa wakaitwa mutema tema nokutadza<br />
kwavanhu vose. Zvino isu tinoda kuripira mhosva idzo dzose, tinozvipira kuMwoyo wenyu<br />
Musande isu nazvose zvatinazvo. Tinopira kunemi mabasa edu ose akanaka, atakaita, atinozoita,<br />
tichibatsirwa negirasiya renyu. Tinozokurudzira vamwe kuti vanamate kuMwoyo wenyu<br />
Musande. Zvino tinokukumbirai kuti mugamuchire kuzvipira kwedu uku kwataita kuti<br />
tikufadzei, zvino zvamuri imi matipa girasiya rokuzvipira kwamuri, chitipaiwo simba rokuita<br />
zvose zvatakutsidzirai. AMEN<br />
6. MWOYO WAYESU WAMWARI<br />
Mwoyo waYESU waMWARI, pindurai vatadzi nunurai vanofa, buritsai mweya yose iri<br />
mupurigatoriyo. Yesu makanakisa ndidavireiwo, Kwaziwai mununuri wangu. Mwari wangu<br />
ndinoziva ndinofa asi andizivi riiniko, handizivi kupiko, andizivi Seiko, asi ndinoziva kuti<br />
9
kanandikafa ndiine rutadzo runouraya, ndicharasirwa kumoto muzhinji. Mwoyo waYesu<br />
waMwari kunemi ndinotarisira girasiya rorufu rwakanaka, kuti ndife nduchishamwaridzana nemi<br />
misi isingaperi. AMEN<br />
7. KUNAMATIRA KUWADZANISWA KWAVANHU. (Mupiro pg 271)<br />
Mwari Baba muna masimba ose, tinonamatira vanhu vose, kuti vabatane muKirike renyu vave<br />
neChitendero chimwe chete, sokukumbira kwakaita mwana wenyu pindurai avo vasingatenderi,<br />
shingisai vanokonona, dzorai vatenderi vose vari munzira isiri iyo nokusaziva kana nokushaya<br />
simba. Itai kuti tigare sevana venyu, tigogarisana tose sehama nehama sezvinodikanwa nomwana<br />
wenyu mambo wedu Yesu Kristo. AMEN.<br />
8. MARITANI mupiro pg 278<br />
1. RITANI KUMWOYO MUSANDE WAYESU<br />
Mambo tinzwireiwo tsitsi<br />
Kristo tinzwireiwo tsitsi<br />
Mambo tinzwireiwo tsitsi, Kristo tinzweiwo<br />
Kristo tidavireiwo<br />
Mwari baba, murikudenga, tinzweiwo tsitsi*<br />
Mwari mwanakomana, mununuri wapasi*<br />
Mwari mweya musande<br />
Utatu usande hwaMwari mumwe chete<br />
Mwoyo waYesu mwanakomana waBaba, ugere nakare kose<br />
Mwoyo waYesu wakaumbwa naMweya musande mumimba yaAmai muvirigo<br />
Mwoyo waYesu, muneukuru usingagumi<br />
Mwoyo waYesu imba sande yaMwari<br />
Mwoyo waYesu, ugaro hwemukuru kwazvo<br />
Moyo waYesu, imba yaMwari, musuwo wedenga<br />
Mwoyo waYesu, choto chinotsva nechido<br />
Mwoyo waYesu, ugaro hwoururami nerudo<br />
Mwoyo waYesu, chitubu chisingapwi chetsika dzakanaka dzose<br />
Mwoyo waYesu, makakodzera kuimbirwa kwazvo<br />
10
Mwoyo waYesu, Mambo unokokorodza mwoyo yose<br />
Mwoyo waYesu, munepfuma dzose<br />
Mwoyo waYesu munogara nouMwari hwose<br />
Mwoyo waYesu, makafarira baba zvikuru<br />
Mwoyo waYesu, takagamuchira tese mupfuma yawo izere<br />
Mwoyo waYesu, makadzikama, munetsitsi dzakanyanya<br />
Mwoyo waYesu, munopfumisa vose vanokumbira kunemi<br />
Mwoyo waYesu, tsime rorupenyu norunako<br />
Mwoyo waYesu, makaripira mirandu yedu<br />
Mwoyo waYesu, makazadzwa noruzvidzo<br />
Mwoyo waYesu, makaponderwa matadzo edu<br />
Mwoyo waYesu, makafa muchiterera<br />
Mwoyo waYesu, makabaiwa nepfumo<br />
Mwoyo waYesu, tsime revaraidzo dzose<br />
Mwoyo waYesu, rupenyu rwedu nekumuka kwedu<br />
Mwoyo waYesu, makateurirwa matadzo<br />
Mwoyo waYesu, munoponesa vese vanokutarisirai<br />
Mwoyo waYesu, rugare rwedu nekuwadzaniswa kwedu<br />
Mwoyo waYesu, chitarisiro chavo vanofira munemi<br />
Mwoyo waYesu, munofarisa vasande vese<br />
Hwayana yaMwari munobvisa matadzo apasi,<br />
Tiregerereiwo mambo<br />
Hwayana yaMwari, munobvisa matadzo apasi,<br />
Tiregerereiwo Mambo<br />
Hwayana yaMwari, munobvisa matadzo apasi,<br />
Tinzweiwo tsitsi mambo<br />
M Yesu munemoyo munyoro unokotama<br />
11
V Itai kuti moyo yedu ifanane nemwoyo wenyu<br />
Ngatinamatei: Mwari munamasimba ose newemisi isingaperi, ringirai mwoyo womwana<br />
komana wenyu. Wadiwa kwazvo, tarirai kuimbira nekuripira kwaakakuitirai panzvimbo<br />
pavatadzi. Isu vatadzi tinokumbira tsitsi dzenyu, mubvume kutiregerera muzita rouyo<br />
Mwanakomana wenyu Yesu Kristo, anogara neumambo nemi pamwe naMweya Musande misi<br />
isingaperi. Amen<br />
2. RITANI KUZITA SANDE RAYESU<br />
Mambo tinzwireiwo tsitsi<br />
Kristo tinzwireiwo tsitsi<br />
Mambo tinzwireiwo tsitsi, yesu tinzweiwo<br />
Yesu tidavireiwo<br />
Mwari baba murikudenga, tinzwireiwo tsitsi *<br />
Mwari mwanakomana mununuri wapasi*<br />
Mwari mweya musande<br />
Utatu usande hwaMwari umwechete<br />
Yesu, Mwanakomana waMwari mupenyu<br />
Yesu, rubwiyo rwaBaba<br />
Yesu, kuchena kwechiedza chisingaperi<br />
Yesu, Mambo wembiri<br />
Yesu, zuva reururami<br />
Yesu, mwana waMaria muvirigo<br />
Yesu, madikanwa<br />
Yesu, munoshamisa<br />
Yesu, Mwari wamasimba<br />
Yesu, Baba venhambwe ichazouya<br />
Yesu, nhume yezano guru<br />
Yesu, munogona zvese<br />
Yesu, mune moyo mukuru chose<br />
Yesu, makaterera kwazvo<br />
12
Yesu, womoyo munyoro unokotama<br />
Yesu, munodisa utsvene<br />
Yesu, munotida isu<br />
Yesu, Mwari werugare<br />
Yesu, musakisi weupenyu<br />
Yesu, nhungamiri yetsika sande<br />
Yesu, munotsva nekuda mweya<br />
Yesu, Mwari wedu<br />
Yesu, diziro redu<br />
Yesu, Baba vavarombo<br />
Baba vavarombo<br />
Yesu, pfuma yevatenderi<br />
Yesu, mufudzi wakanaka<br />
Yesu, chiedza kwacho<br />
Yesu, ungwari husingaperi<br />
Yesu, unaki husingaperi<br />
Yesu, nzira yedu neupenyu hwedu<br />
Yesu, kufara kwavangere<br />
Yesu, mambo wevapatriaka<br />
Yesu, murairidzi wevapostori<br />
Yesu, mufundisi wevanyori vevhangeri<br />
Yesu, tsungo yavanyakufira chitendero<br />
Yesu, chivheneko chevapupuri vechitendero<br />
Yesu, utsvene hwevavirigo<br />
Yesu, ndaza yevasande vese<br />
Ivai norupfave, tiregerereiwo Yesu<br />
Ivai norupfave, tidavireiw Yesu<br />
13
Kuzvivi zvose, tinunureiwo Yesu*<br />
Kurutadzo rwose*<br />
Kuhasha dzenyu<br />
Kuzviteyo zvasatani<br />
Kuruchiva rokufeva<br />
Kurufu rusingaperi<br />
Mukuramba mashoko enyu emumoyo<br />
Nechishamiso chokuva munhu kwenyu kusande<br />
Nokuberekwa kwenyu<br />
Noumwana hwenyu<br />
Noupenyu hwenyu hweuMwari<br />
Namabasa enyu<br />
Nokutandadza nekurwadziwa kwenyu<br />
Nechipiyaniso chenyu nekufukatirwa kwenyu<br />
Nokuziya kwenyu nekurukutika kwenyu<br />
Nekufa kwenyu nekuvigwa kwenyu<br />
Nekumuka kwenyu<br />
Nekukwira kwenyu kudenga<br />
Nemifaro yenyu<br />
Nembiri yenyu<br />
Hwayana yaMwari inobvisa matadzo apasi, tiregerereiwo Yesu<br />
Hwayana yaMwari, munobvisa matadzo apasi, tiregerereiwo matadzo Yesu<br />
Hwayana yaMwari inobvisa matadzo apasi, tinzwireiw tsitsi Yesu<br />
M: Yesu tinzweiwo<br />
V: Yesu tidavireiwo<br />
Ngatinamatei: Mambo Yesu Kristo: “Kumbirai munopiwa, tsvagai munowana, gogdzai<br />
mozarurirwa. Tipeiwo isu tokumbira, rudo rwenyu rouMwari, tigokudai nemoyo wese,<br />
nemiromowo nezviito, tigosarega kukurumbidzai. Itai mambo kuti tigare tichibvunda pamwe<br />
14
nekuda zita renyu sande, nekuti munoramba muchiraira vamunodzikisa muchipo chenyu. Imi<br />
munogara neumambo misi isingaperi. AMEN<br />
3. RITANI KUROPA RAKAKOSHA RAYESU<br />
Mambo tinzwireiwo tsitsi<br />
Kristo tinzwireiwo tsitsi<br />
Mambo tinzwieiwo tsitsi, Kristo tinzweiwo<br />
Kristo tidavireiwo<br />
Mwari baba, murikudenga, tinzwireiwo tsistsi *<br />
Mwari mwanakomana mununuri wapasi *<br />
Mwari mweya Musande<br />
Utatu usande hwaMwari umwe chete<br />
Ropa raKristo, wakava munhu, musuke matadzo edu*<br />
Ropa raKristo, rechitenderano chitsva chisingaperi*<br />
Ropa raKristo, radonhera pasi pakutandadza<br />
Ropa raKristo, rakaduruka pasi pakutandadza<br />
Ropa raKristo, rakaduruka kwazvo pakurohwa<br />
Ropa raKristo, rakachururuka pakugadzwa neminzwa<br />
Ropa raKristo, rakayerera pachipiyaniso<br />
Ropa raKristo, mutengo weruponeso rwedu<br />
Ropa raKristo, kunze kwaro hakuno ruregerero<br />
Ropa raKristo, chokunwa chiri muKominiyone sande chinotonhodzera mweya<br />
Ropa raKristo, rwizi rwetsitsi<br />
Ropa raKristo, nyakukunda madhiyabhore<br />
Ropa raKristo, rutsungo rwanyakufira Mwari<br />
Ropa raKristo, simba ravapupuri vaMwari<br />
Ropa raKristo, rinobereka vatsvene<br />
Ropa raKristo, rubatsiro rwavari munjodzi<br />
15
Ropa raKristo, zorodzo yavakaremerwa<br />
Ropa raKristo, nyaradzo yavatamburi<br />
Ropa raKristo, chitarisiro chavapfidzi<br />
Ropa raKristo, varaidzo yavanokarofa<br />
Ropa raKristo, rugare norupfave rwomwoyo<br />
Ropa raKristo, rubato rwoupenyu husingaperi<br />
Ropa raKristo, rudzikinuro rwemweya yomupurigatoriyo<br />
Ropa raKristo, rinokodzera kuva nembiri norukudzo<br />
Hwayana yaMwari munobvisa matadzo apasi, tiregerereiwo Mambo<br />
Hwayana yaMwari munobvisa matadzo apasi, tiregerereiwo Mambo<br />
Hwayana yaMwari munobvisa matadzo apasi, tinzwireiwo tsitsi Mambo<br />
M. Mambo, makatinunura neropa renyu.<br />
V. Nokutiitira rudzi rwenyu rukuru.<br />
Ngatinamatei: Mwari munamasimba ose newemisi isingaperi, imi makagadza Mwanakomana<br />
wenyu mumwechete kuti ave mununuri wapasi pose nokuda kunyaradzwa neropa rake rakakosha<br />
kwazvo. Tinokutetererai kuti igopfugamira zvakakodzera mutngo woruponeso rwedu, uye kuti<br />
nesimba raro tidzivirirwe kuuipi hwerupenyu rwuno, tigozofarira zvibereko zveropa rake misi<br />
isina mugumo kudenga. Kristo Mambo wedu, tisvitsireiwo chichemo chedu kuna baba. AMEN.<br />
2.5.1 MUNAMATO WAMANGWANANI.<br />
Yesu nekune Mwoyo usina mhaka waMaria ndinokuteurirai zvinamato mabasa kurwadziwa<br />
nekufara kwangu kwanhasi kuti kuda kwaMwoyo wenyu Musande kuitwe muMisa Sande pasi<br />
pose. Tinonamatirawo nezvinangwa zvaPapa zvemwedzi uno. AMEN<br />
2.5.2 KOMINIONI YECHIPOSHI CHOMWEDZI.<br />
Yesu wangu, ndichigamuchira Kominione Sande nhasi, Ndinoitira Mwoyo wenyu Musande<br />
kwazvo, ndipeiwo girasiya rokufarisa Mwoyo wenyu Musande misi yose, ndinosuwira kwazvo<br />
Sakaramende iro Sande, nokuvimba munaro, ndichitendera nomwoyo wangu wose kuti murimo<br />
zvechokwadi. AMEN<br />
2.5.3 DE PROFUNDIS<br />
Ndapinda muhwenje hwedambudziko ndoiteiko nhayi Mambo? Hamungandinzwewo here nhayi<br />
Mambo? Mambo mukati mutirasire zvitema zvedundiyani angasare nhayi Mambo? Imi zvamuri<br />
imi mune tsitsi ndinotarisira ruponeso rwamakatitsidzira. Mashoko enyu Mambo anondishingisa<br />
16
anondigadzikisa mwoyo. Ndinokusuwai parinobuda zuva kusvika parinodoka Mambo muri<br />
vetsitsi munogara muchinunura ndimi munotinunura kuzvivi zvedu zvose. AMEN<br />
2.6 MUNAMATO KUMARONDA MASHANU<br />
MUNAMATO WOKUTANGA<br />
Yesu wangu, makasimudzwa pachipiyaniso, makagadzwa minzwa mumusoro,<br />
makatsvukiswa neropa renyu. Onai ndinowira pasi pamberi penyu ndichizviita mudiki<br />
saMaria Magadalena. Ndinogumbatira muti worufu unova zvino muti woupenyu.<br />
Ndinosanganisa misodzi yokurwarira kwangu pamadonhwe eropa pasi peAtari<br />
yechipiyaniso, ndinokwazisa nemuromo, ndichifunga maronda masande<br />
amakandirovererwa nawo.<br />
Ndinofanira kukudai, imi munonyanya kundida. Hamuna kundinyora zita rangu paruoko<br />
nepatsoka chete, asi makandinyorawo paMoyo wenyu. Ndinochemera kuti maronda enyu<br />
mashanu anyorwewo mumwoyo mangu kuti ndirege kukanganwa ini semi munorega<br />
kundikanganwa.<br />
Makandizarurira maoko netsoka, nepakare Mwoyo wenyu Musande, kuzotigutisa kusuwa<br />
kwangu nepfuma dzedenga. Ndichakudzorerai neiko? Ndinokudai nomweya wangu wose<br />
nesimba rangu rose. Yesu makanaka maronda enyu Masande ngaave tsime risingapwi<br />
rorupenyu nechido.<br />
1. RONDA SANDE RETSOKA YEKURUDYI.<br />
Riimbirwe Ronda sande retsoka yerudyi yaMambo wangu Yesu Kristo.<br />
Yesu Kristo, nekurwadziwa kweronda Sande, dzidzisai tsoka dzangu kufamba munzira<br />
yezvirayiro zvenyu, ndigoramba ndichiita zvakanaka kuti ndikuonei kudenga, Mwari naMambo<br />
wangu.<br />
Paronda iro Sande ndinoisa zvakanaka zvose zvandakapiwa nemi, ndinozviteurira kunemi kuti<br />
ndirege kuzvikudza nazvo nekumutsa hasha dzenyu. (Baba vedu kashanu)<br />
2. RONDA SANDE RETSOKA YERUBOSHWE<br />
Riimbirwe Ronda sande retsoka yoruboshwe rwaMambo wangu Yesu Kritsu.<br />
Mununuri wakanakisa; neronda iro Sande ndinokukumbirai kuti musunungure tsoka dzangu<br />
kuzviteyo zvandakateiwa nazvo nevasemi vangu, kuti mudzivirire mweya wangu kuti urege<br />
kuwira kurutadzo nokufa. Mundichengete ndirege kurasika ndirege kufamba munzira<br />
yokuzvikudza, ndigouya kwamuri nemoyo unopfidza, unozvininipisa<br />
Paronda iro Sande, Yesu wangu ndinoisa semuteuro chipiyaniso changu chose, nekurwadziwa<br />
kwangu muzvisanganise nechipiyaniso nekurwadziwa kwenyu, ndipeiwo girasiya rokukunda<br />
rushambwa nenhamo nokuita zvamunoda misi yose. (Baba vedu kashanu)<br />
3. RONDA SANDE RERUOKO RWERUDYI<br />
Riimbirwe Ronda Sande reruoko rwerudyi rwaMambo wangu Yesu Kristo.<br />
17
Paronda iri Sande renyu ndinokumbira kunemi Mununuri wangu wadiwa, ndipeiwo girasiya<br />
zhinji ndigorwisa naro vasemi vangu vanoonekwa nevasingaonekwi, mundiisewo kurudyi<br />
rwenyu musi wemhedziso kuti ndogonzwa pamwe navasarudzwi venyu mazwi omufaro “Uyai<br />
imi vadiwa Baba vangu, pindai nyika yamakarongedzerwa imi kubvira pakutanga kwapasi”.<br />
Paronda iro sande, ndinokuteurirai, Yesu mabasa ose akanaka andakaita negirasiya renyu<br />
ndichikumbira kuti muasanganise nemabasa enyu akanaka, muateurire kuna Baba venyu vari<br />
kudenga. (Baba vedu kashanu)<br />
4. RONDA SANDE RERUOKO RWERUBOSHWE<br />
Riimbirwe Ronda Sande reruoko rweruboshwe rwaMambo Yesu Kristo.<br />
Ndinokumbira nemwoyo unokotama, mundiitirewo tsitsi pakutadza nepakukonona. Simbisai<br />
mwoyo wangu ndigoita zvose zvandakapikira. Ndibatsirei nekuda nechido chenyu kuti ndigone<br />
kureva chokwadi; ruboshwe rwenyu rwakabata musoro wangu rudyi rwenyu rwakandigumbatira.<br />
Paronda iro Sande, ndinoisa matadzo angu ose, andakapara ndichiziva kana ndisingazive, Yesu<br />
wangu muadzime neropa renyu Sande kuti arege kundichera, kana monditonga ndirege kuraswa<br />
misi isingaperi. (Baba vedu kashanu)<br />
5. RONDA SANDE REPARUTIVI<br />
Riimbirwe nomwoyo wose Ronda raparutivi rwaMambo Yesu Kristo.<br />
Kwaziwai tsime rechido, chitura chamagirasiya ose, painozorora mweya yedu. Ndinogona here<br />
Yesu kuswedera nechido chakanyanya, kukwazisa Mwoyo wenyu uno rupfave nengoni dzose<br />
Parupfave rwenyu rwakanyanya, ndinokumbira kwamuri, Yesu wangu, regai kundirambidza<br />
kupinda mumba umu, mandinochemera kuchengetwa.<br />
Yesu makanakisa, makandirongedzera Mwoyo wenyu senzvimbo yandinochengetwa.<br />
Ndinokumbira ndichikotama kwazvo, mudziise mwoyo wangu wakatonhora wakakusiyai<br />
muuchenese neropa renyu Sande, mukuhwidze moto wechido chenyu munawo, kuti mumwe<br />
musi urege kusuwira nekuchemera zvisati zviri zvenyu.<br />
Paronda raparutivi penyu, Yesu wangu ndinoisa zvose zvaunochemera, zvose zvaunoda mwoyo<br />
wangu. Mwoyo wenyu urege kuparadzaniswa nawo. Ndingareva saApostori Pauro vakati,<br />
’’Ndiani angandiparadzanisa nechido chaMambo Yesu Kristo? Rushambwa kana kuvhunduka,<br />
nzara kana kushaya chokupfeka, kuoneswa nhamo, kana kutandwa, kana kufa here?” (Baba vedu<br />
kashanu)<br />
VOSE; Ticheneseyi, tidzivirireyi, tisimbiseyi, tiperekedzeyi kuti tinakirwe umwe musi kuona<br />
maronda enyu anopenya, tichifara nawo nariini wose.<br />
VOSE; AMEN<br />
18
2.7 RUSARIRO RWAMARWADZO AMAI MARIA<br />
Mwari wangu ndinokupai zvuma izvi zvidiki zvamatambudziko kuitira mbiri yenyu uye<br />
kukudzwa kwezita raMai venyu vasande. Ndinokukumbirisai nekune misodzi yavakadonhedza<br />
panguva ino kuti mupewo ini navatadzi vose kugona kurwarira matadzo edu nekuapfidza<br />
nemwoyo yedu yose.<br />
Kuneni mutadzi navatadzi vose pasi pano tigoneseiwo kupfidza matadzo edu ose neMwoyo yedu<br />
yose, amai vazere netsitsi nerudo tiyeuchidzeiwo marwadzo aMambo wedu Yesu Kristo panguva<br />
yedambudziko ravo sande. (Rutatu)<br />
(a) 1. MATAMBUDZIKO AMAI MARIA.<br />
(i) Kufembera kwaSimion.<br />
(ii) Kutizira Egypt kwemhuri sande<br />
(iii) Kushaikwa kwemwana Yesu<br />
(iv) Mai Maria vanosangana nemwana wavo munzira yechipiyaniso<br />
(v) Kurovererwa kwaYesu pachipiyaniso<br />
(vi) Yesu anoturunurwa pachipiyaniso achigadzikwa pamakumbo amai vake.<br />
(vii) Yesu anovigwa muguva risiri rake.<br />
MUSHURE MEDAMBUDZIKO ITA<br />
(i) Baba vedu vari kudenga…….<br />
(ii) Kwaziwai Maria ….. X 7<br />
(iii) Kuneni mutadzi nevatadzi vose………..<br />
KWEKUPEZISIRA KWERUSARIRO URWU ITA<br />
(i) Baba vedu vari kudenga…… X 3<br />
(ii) Kwaziwai Maria ….X 3<br />
2.8 CHAPLET OF THE SACRED HEART<br />
ON THE CROSS:<br />
O Jesus give us Thy Heart as a pledge of Thy Love and as a place of refuge that we may find<br />
there a secure response during our life and sweet comfort at the our of our death .<br />
ON SMALL BEADS:<br />
Oh Sacred Heart of Jesus burning with love for us in flame our hearts in love of thee.<br />
On the Large Beads:<br />
The I adore praise and love oh Sacred Heart of my Dear Jesus penetrated with grif at the thout of<br />
so many offences which have been hihherto committed against theee in the Most Holy<br />
Sacrament of the altar . I offer up to Thee in satisfaction there of the amiable heart of thy most<br />
beloved Mother with the merit s of the saints.<br />
AMEN<br />
19
CHITSAUKO 3<br />
3 UTUNGAMIRIRI (LEADER STRUCTURE)<br />
3.1 Kristo muridzi weChita<br />
Papa mutungamiriri weChita pasi rose<br />
Sekuru muBishop mutungamiriri weChita muDiocese<br />
Baba vezvemweya mutungamiriri weChita paParish/Mission<br />
Vana chipangamazano (Brothers or Sisters)<br />
Mukurudziri weChita (Promoter)<br />
Sachigaro neCommittee yake<br />
Nhengo dzose dzeChita<br />
3.1(a) i. HUTUNGAMIRIRI HWECHITA PAPARISH\ MISSION.<br />
i) Baba vezvemweya ndivo mutariri mukuru weChita. Basa ravo guru ndere kukurudzira kuti<br />
Chita chizadzikise zvinangwa zvacho. Naizvozvo vanopa rubatsiro rwose rwomweya kuti<br />
nhengo dze Chita dzikure nekuyaruka mumweya vachizogonawo kuparidza chitendero.<br />
ii) Ndivo vanoongorora nokupenengura nhengo inoda kupinda munhano ipi zvayo muChita.<br />
Ndivozve vanesimba vachibatsirwa nedare reChita rokubudisa nhengo muChita vachitora<br />
zvipfeko zvake pasina mubhadharo, kana nhengo yarasa gwara.<br />
iii) Ndivo vanobvuma kuti dare rinenge rasarudzwa richiita basa sedare reChita paParish/Mission<br />
vane mvumo yokuramba nhengo yasarudzwa kupinda mudare reChita kana vane chikonzero.<br />
3.2 (b) ii. ZVIGARO ZVICHAATORWA<br />
i. Mukurudziri weChita (Promoter)<br />
ii. Sachigaro nemutevedzeri wake.<br />
iii. Samunyori nemutevedzeri vake.<br />
iv. Sahomwe.<br />
v. Macomittee member vaviri<br />
vi. Vadzidzisi vaviri<br />
vii. Muimbisi<br />
3.3 HUTUNGAMIRIRI HWECHITA MUDHINARI<br />
Vana Baba vezvemweya nanaChipangamazano ndivo vane basa rekuona kuti Chita chiri muDhinari<br />
chinofambisa mabasa acho nemazvo here. Ndivozve vanoyambira nekudzorera mugwara kana mweya<br />
yokudyidzana pamwe nevamwe vatenderi wobvongodzwa zvichiita kuti basa neupenyu hwechitendero<br />
zvifambiswe namazvo muDhinari.<br />
3.3.1 MAUMBIRWO EDARE IRI<br />
Dare rega rega reChita Parish/Mission, imwe neimwe muDhinari richatumira vatungamiriri ava kuti<br />
vaumbe dare reDhinari.<br />
i) Mukurudziri weChita (promoter)<br />
ii) Sachigaro<br />
iii) Samunyori<br />
iv) Sahomwe<br />
20
Nhengo idzi ndidzo dzinosarudza pakati padzo vabati vezvigaro (Executive Committee)<br />
yeDhinari vanozoona mafambisirwo eChita mudhinari vachibatsirwa naBaba vezvemweya<br />
nanachipangamazano veChita paDhinari.<br />
3.4 HUTUNGAMIRI HWECHITA MUDIOCESE<br />
Baba vezvemweya (Diocese Pastoral Director) ndivo mutariri mukuru anobatanidza Chita ne Hofisi huru<br />
muDiocese. Naizvozvo Chita chinofanira kuratidza gwara richashandiswa kuti nyaya dzeChita dzigone<br />
kusvika munzeve dzasekuru muBishop. Nemhindurowo, kana dzimwewo hurudziro dzingashuvirwa<br />
nasekuru kuti Chita chizivikanwe.<br />
Baba vozvemweya [Diocese Pastoral Director] vanotarisirwa kuziva mutemo neChita kuti<br />
vagogonavo kukurudzira nhengo kuzadzisa zvinangwa zvavo musangano.<br />
3.4.1 MAUMBIRWO EDARE IRI (Pomoters council)<br />
Parish/Mission inofanira kutumira mukurudziri weChita [Promoter) umwe wepaParish kuti aende<br />
kunoumba dare guru rePromoters Council. Panotanga nekupera gore rechikatorike pazuva raKristo ari<br />
mambo ndipo panosarudzwa vatungamiri ava vanozoita basa iri kwamakore maviri.<br />
3.4.2 DARE IRI RICHAVA NEZVIGARO IZVI<br />
i) Chief Promoter nemutevedzeri wake.<br />
ii) Sachigaro nemutevedzeri<br />
iii) Samunyori nemutevedzeri<br />
iv) Mushandiri weChita [organasing secretary]<br />
v) Macommittee members’ kubva ku Parish/Mission isinwa kusarudzwa.<br />
Vi) Vaimbisi vaviri.<br />
3.4.3 KUTSIVA MUNHU AREGA CHIGARO<br />
I) Kana munhu asiya chigaro committee member inokumbirwa kutora chigaro chasiyiwa<br />
ii) Nhengo dzinogona kusarudza umwe angatora chigaro<br />
iii) Dare reChita rinogona kusarudza warinoda [co-option] vozoudza nhengo dzose<br />
vi) Nhengo iyi inofanira kubvumwa nekuzikanwa nababa vezvemweya vanoshanda neChita<br />
v) Munhu anotsiviwa kana atadza kuuya kumisangano katatu kanoteverana pasina Chikonzero,<br />
afa, asiya chigaro nokuda kwake kana kuti asingachakwanisi nezvikonzero zvakasiyiyana siyana.<br />
3.4.4 MAKORE EKUBATA CHIGARO<br />
i) Munhu anobata chigaro kwemakore maviri<br />
ii) Munhu anogona kusarudzwa mamwe makore maviri pachigaro chimwecho kwemakore mana [4yrs]<br />
iii) Mushure memakore mana munhu haagoni kudzokera muhutungamiri kusvika makore maviri apfuura<br />
kunze kwekuti pashaisisa anotora kana kukodzera chigaro ichocho.<br />
3.5 MABASA EVATUNGAMIRIRI<br />
i. Mukurudziri weChita [Promoter]<br />
Mukurudziri anofanira kuziva zvinangwa mabasa nemitemo yeChita uyezve ari nhengo izere yeChita<br />
yave nemakore anodarika matatu. Anofanira kunge aine ruzivo rwakadzama nezveChita. Ndiye<br />
mudzidzisi wevayedzwa anoparidzira Chita kwachisiri achibatsirana nevamwe vakurudziri<br />
anopenengurawo vaenzwa aachiona kuti vava neruzivo rwakadini nezve Chita. Kana avapenengura<br />
anopazve vaenzwa ava kuvatungamiri kuti vachinopenengurwa na Baba vezvemweya kekupedzisira.<br />
21
Anopupurira vaenzwa vanoda kupfeka munhano dzakasiyana. Baba vezvemweya vane simba<br />
rokurambidza kana kupfekedza nhengo musure meongororo yavo.<br />
II SACHIGARO [CHAIRPERSON]<br />
Ndiye ruoko neziso raBaba vezvemweya maererano nemagariro nemabasa enhengo DzeChita. Ndiye<br />
anoronga nekutungamirira misangano yose yeChita achibatsirwa nemutevedzeri wake. Ndiye anoona kuti<br />
hurongwa hwemusangano huri kuteverwa, uye kuti hurukuro dzomusangano dzinokoshesa zvinovaka<br />
nhengo kuti dzigone kuita mabasa anosimudza upenyu hwechitendero muParish/Mission. Ndiye<br />
anomirira Chita pamusangano yose yeParish council nekupa nhoroondo yemabasa anoitwa nguva<br />
nenguva. Achibatsirana na Promoter ndiye anopa kuna Baba mazita avanoda kupinda muChita munhanho<br />
dzakasiyana paParish. Ndiyezve anopa nhoroondo yemabasa eChita akaitwa pagore pamisangano.<br />
III SAMUNYORI [SECRETARY]<br />
Munhu anokosha kwazvo nokuti ndiye anobatsirana nasachigaro kuronga zvichaitwa<br />
pamisangano yose yeChita. Anofanira kuva nyanzvi mukunyora uye anoziva zvirikuitika<br />
muchita. Anofanira kunge aine ruzivo nezvechizvinozvino (technology). Ndiye anonyora<br />
nhoroondo [minutes] dzemisangano nekudziverenga nekuzozvisumawo kuna Baba vezvemweya<br />
kana kuna chipanga mazano. Anozobatsirana nasachigaro kuronga nekunyora mabasa<br />
enhoroondo yegore, (annual report) izvo zvinozosumwa kudare guru repromoter’s council.<br />
(IV) MUSHANDIRI WEBOKA [ORGANIZING SECRETARY]<br />
Anofanira kunge achiziva nezveChita. Basa rake ndere kumhanyamhanya kuti zvinhu zvifambe<br />
Anoshanda nanaBaba vezvemweya kuti paParish yavo pashanyirwe nekuparidzirwa Chita<br />
vachibetserana nasecretary anofanira kunge ari nyanzvi mukunyora nokutaura. Anobatsirana<br />
nePromoters council kufamba pose pose panoda kuparidzirwa Chita. Anobetserawo pakuronga<br />
pokuiitira mhemberero dzemazuva makuru nemisangano nevanopa zvidzidzo pamisangano.<br />
(V) SAHOMWE (TREASURER)<br />
Anofanira kuva munhu anoruzivo maererano nokunyorwa nekuchengetwa kwemabhuku<br />
ezvemari. Ndiye anogamuchira nokuchengetedza mari dzose dzeChita anonyora nokuverenga<br />
nhoroondo yokupinda nokubuda kwemari (financial Report) osumawo kudare reChita<br />
pamisangano. Mabhuku emari anofanirwa kunyorwa nokuchengetedzwa zvakanaka kuti chero<br />
nhengo inoda kunyatsoona nokugutsikana kuti mari dzeChita dziri kufambiswa sei ione.<br />
(VI) MAKOMITI MEMBERS<br />
Ava ndivo vanogona kutora chero chigaro chipi zvacho chenhengo inenge isipo pamisangano.<br />
(VII) MUDZIDZISI WECHITA<br />
Mudzidzisi munhu anemakore matatu zvichipfuura uye aneruzivo rwakadzama nezvichita.<br />
Anofanira kudzidzisa nemuyenzaniso wemamiriro ake. Kana mudzidzisi agutsikana navadzidzi<br />
vake. Uye nguva yakwana anopa vanhu ava kumukudziri (promoter) we Chita kuti aongorore<br />
ruzivo rwavo .Sachigaro nedare rake anozoturirawo vayedzwa kumuPriest kuti avapenengure<br />
22
vazokwanisakupinda munhano dzakasiana muChita kana agutsikana navo .MuPriest anogona kuregesa<br />
kana kupfekedza vayedzwa kana aona zvichikodzera mushure meongororo yake.<br />
(VIII) MUIMBISI<br />
Munhu anogona zvekuimba, anodzidzisa nokutungamira pamiteuro yeMisa uye pamagungano<br />
akasiyana siyana eChita<br />
23
CHITSAUKO 4<br />
4 ZVIPFEKO ZVECHITA<br />
4.1 Zvipfeo zveChita cheMwoyo Musande Kwazvo waYesu zvinotevedzera mavara eliturgy<br />
anoti:<br />
a) White: inomirira hutsvene.<br />
b) Red: inomirira ropa raMambo Yesu Kristo rakayerera pachipiyaniso<br />
c) Purple: inomirira kutambudzika kwakaita Mambo Yesu Kristo zvaakatifira pachipiyaniso.<br />
Ruvara urwu nderwe madzimambo<br />
4.2 Anoda kupinda muChita anouya iye pachake ozvitaurira kuti anoda kupinda muChita.<br />
Anogamuchirwa opedza masvondo mana asati anyorwa mubhuku rechita.Apedza masvondo<br />
iwayo mana anozotanga kuenda kuzvidzo zveChita somuyedzwa.<br />
4.2.1. NHANO YEKUTANGA<br />
Vayedzwa vanopfeka zvipfeko zvinoti<br />
1) Varume vanopfeka mudhebhe mutema, hembe chena nebhanhire rineruvara rwepurple mativi<br />
ose.<br />
ii) Vanhukadzi vanopfeka rokwe Jena, dhuku chena nescapular ine ruvara rwepurple mativi ose.<br />
4.2.2 NHANO YECHIPIRI<br />
i) Vanhurume vanopfeka mudhebe mutema, hembe chena nebhande dzvuku rineruvara<br />
rupfumbu (purple) mukati nesvutu tema kana Navy Blue inokurudzirwa.<br />
ii) Vanhukadzi vanopfeka rokwe Jena, dhuku chena uye bhachi nescapular zvitsvuku<br />
zvineruvara rwepurple mukati neshangu tema.<br />
iii) Mabhande evanhurume, gown nescapular zvevanhukadzi zvinopota zvichisandurwa<br />
zvichienderana nemwaka wekirike kana kana nezviitiko musangano nemukurarama.<br />
iv) Rokwe iri irokwe rinobva kumusoro rinemabatani matatu riine bhande rine mabhatani maviri<br />
anomirira maronda mashanu. Bhachi haripfekwi pamusoro perokwe risiri Jena uye bhachi<br />
haripfekwi risina scarpular.<br />
v) Zvipfeko izvi zvinopfekwa paminamato yoga yoga inoitwa zvikuru pamiteuro<br />
Yemisa.<br />
vi) Kune avo vasati varoora kana kuroorwa maYouth<br />
- Vakomana vanopfeka zvakafanana nevarume vakuru.<br />
- Vasikana vanopfeka masiketi matsvuku uye mablouse machena vanopfeka scapular<br />
chete. Scapular iyi ari munhano yekutanga anenge akapfeka scapular ine ruvara<br />
rwepurple chete. Uyo ava munhano yechipiri anopfeka ineruvara rwepurple mukati<br />
rutsvuku kunze, vose vanosunga madhuku machena mumusoro.<br />
(Baba vezvomweya vane mvumo yekutorera nhengo zvipfeko pasina mibhadharo kana nhengo<br />
yarasa gwara reChita)<br />
24
NB) Mumwaka weAdvent neweLent tinopfeka ruvara rwepurple kunze kokuti ari mazuva<br />
anoremekedzwa (feast days).<br />
- Svondo yemirara ruvara rutsvuku.<br />
- Misa yemafuta ruvara rutsvuku.<br />
- China chisande ruvara rutsvuku.<br />
- Good Friday ruvara rutsvuku.<br />
- Easter Sartuday ruvara rutsvuku.<br />
- Parufu rwega rwega purple<br />
- Pamanyaradzo purple<br />
- Patinoshanyira nokunamatira varwere tinopfeka purple<br />
- Kana nhengo yeChita yafa inovigwa yakapfeka red kunyange tiri mumwaka upi zvawo.<br />
4.2.3 Zvinotora mwedzi mipfumbamwe kana kudarika kuti nhengo ipinde munhano yokutanga.<br />
Vayedzwa vanokurudzirwa kuinda kuzvidzidzo sokurongwa kwazvakaitwa nevatungamiri vavo.<br />
Vanokurudzirwa kusarovhva misa yechiposhi chemwedzi (1 st Fridays) mipfumbamwe<br />
inoteverana kuti vagokodzera kupinda munhano yokutanga.<br />
4.2.4 Zvinotorawo mwedzi inoita mitanhaatu kana kudarika kuti vayedzwa vapinde munhano<br />
yekupedzisira. Nguva yekudzidzisa ichava gore nemwedzi mitatu (15 months)<br />
4.2.5 Kune nhengo dzinobva kunemamwe maDiocese maDhinari kana parish vanenge vatama<br />
ngavafambe netsamba dzinoratidza kuti ivo inhengo yeChita<br />
4.3 MAITIRO EKUGAMUCHIRA NHENGO DZENHANO YOKUTANGA<br />
NHANO YEKUTANGA (1 ST STAGE)<br />
Achagamuchirwa muChita CheMwoyo Musande kwazvo waYesu mutenderi muKatorike<br />
anogamuchira masakaramende, anotsigira sangano rake neChita chake nezvinodiwa<br />
muKirike Katorike. Anoendawo kumisangano, kuminamato, anopinda nokukoshesa<br />
Chishanu chechiposhi chemwedzi, anopinda muteuro weMisa zuva nezuva kana<br />
zvichibvira. Anoteerera vakuru vake veChita cheMwoyo Musande Kwazvo waYesu, Baba<br />
vezvomweya, nokuva nomugariro unofadza Mwari neKirike. Anoita minamato yake<br />
yezuva nezuva zvikuru semhuri nekuita minamato yekuzvipira kuMwoyo Musande<br />
Kwazvo waYesu.<br />
NHANO YEKUTANGA (1 st STAGE)<br />
Vanogamuchirwa munhano yokutanga vanosumwa kunababa vozvomweya mushure medama<br />
rakanaka. Mharidzo nomunamato ndinotendera Mwari zvapera: Mutungamiri (promoter)<br />
anosimuka oenda kuhatare oti.<br />
M; Pamusoroi baba tirikukumbira kuti mugamuchirewo vaedzwa veChita CheMwoyo<br />
Musande Kwazvo waYesu munhano Yekutanga muChita cheMwoyo musande kwazvo<br />
waYesu vanoti ….<br />
V. Ndiripano (Kudavira musure mekudaidzwa) Vadaidzwa vanoenda kuhatare vakabata<br />
scapular, kanduru, menduru, bhaibheri mupiro neBhuku reChita cheMwoyo Musande<br />
kwazvo waYesu.<br />
25
P: Nhai mutungamiri vanhu ava vakanzwa here zviri kunangwa neChita cheMwoyo<br />
musande kwazvo waYesu uye vanoda here kuchengeta mitemo yeChita?<br />
M: Hongu baba sekuona kwangu ndinoona kuti vakazvinzwa kuti tirikunangepi neChita<br />
chaYesu napakare vachachengeta mitemo yeChita: Ndinodaro pamusana pekuti ndakava<br />
penengura mumwe nemumwe. Baba vezvomweya vanokomborera menduro nemascapular<br />
evanhu ava anenge ari mumaoko evaedzwa. Vanopfekedzwa nevatungamiriri veChita. Baba<br />
vanozopa chikomborero chekupedzisira.<br />
NHANO YECHIPIRI (2 nd Stage)<br />
Mazita enhengo idzi anodaidzwa, vayedzwa vanoenda kuhatare vakabata bhaibheri, hymn Book,<br />
Candle, Uniform neBook reChita.<br />
M: Baba ava ndivo vayedzwa vanoda kupinda muChita cheMwoyo Musande kwazvo<br />
waYesu munhano yechipiri inova iyo nhano yokupedzisira.<br />
P: Nhai mutungamiri vanhu ava vakanzwa here zviri kunangwa neChita CheMwoyo<br />
Musande Kwazvo WaYesu uye kuti vanoda here kuchengeta mitemo yeChita.<br />
M: Hongu baba sokuona kwangu ndinoona kuti vakanzwa kuti tiri kunangepi neChita<br />
chaYesu napakare vachachengeta mitemo yeChita. Ndinodaro nokuti ndakavapenengura<br />
mumwe nemumwe.<br />
P: Munopika here kuchengeta mitemo yaMwari neyeKirike sande Katorike nokubatsira<br />
vamwe kuichengetawo.<br />
V: Hongu tinopika.<br />
P: Munopika here kuti muchatevera zvemugariro wenyu weChita cheMwoyo Musande<br />
kwazvo waYesu mune zvoMweya neZvemuviri.<br />
V: Hongu tinopika<br />
P: Munopika here kuti muchachengeta mitemo yeChita cheMwoyo musande kwazvo<br />
waYesu nokuteerera vatungamiri venyu.<br />
V: Hongu tinopika<br />
P: Chiitai minamato yenyu yekuzvipira<br />
- Yesu makanakisa<br />
- Mwoyo waYesu waMwari …..<br />
- Ritani kuMwoyo musande kwazvo waYesu.<br />
P: Ndisati ndakomborera zvamunopfeka kana magamuchirwa muChita cheMwoyo<br />
Musande Kwazvo waYesu ndinokubvunzai ndichiti, munobvumirana neni here kuti<br />
zvamunopfeka izvi kunyange murimi makazvitenga Chita chenyu chinondipa simba<br />
rekukutorerai zvipfeko izvi nokukurambidzai kuzvipfeka ndisingadzoreri mitengo yazvo.<br />
26
V: Hongu tinobvuma<br />
KUKOMBORERA MAUNIFORMS<br />
P: Mwari munamasimba ose, tinokukumbirai kuti mukomborere hanzu dzevana venyu<br />
ava dzavachapfeka kutivakudze nokurumbidza Mwoyo Musande kwazvo waYesu. Hanzu<br />
idzi ngadzivadzivirire kunjodzi dzose dzomweya nedzomuviri kuti vanyanye kukuitirai<br />
pasina zvipingaidzo. Tinokukumbirai kuti vose vachapfeka hanzu idzi vaitirwe tsitsi<br />
neMwoyo Musande kwazvo waYesu, vavavarire kugara vachiita zvinokufadzai. Magariro<br />
avo ngaarumbidze Mwoyo Musande kwazvo waYesu nokukweverawo vamwe pedyo nemi.<br />
Mambo wedu Yesu Kristo tisvitsireiwo chichemo chedu ichi kunaMwari Baba vanogara<br />
vachitonga nemi pamwe neMweya Musande kwemisi isingaperi- AMEN.<br />
P: Ndinokugamuchirai muChita cheMwoyo Musande kwazvo waYesu chengetai mitemo<br />
yaMwari neyekirike. Yedzai kubatsira vamwe kuponesa mweya yavo ipai muenzaniso<br />
wakanaka kunevamwe vose- AMEN<br />
Vakurudziri (promoters) veChita vopfekedza vogamuchirwa pachiimbwa nziyo dzeMoyo<br />
Musande kwazvo waYesu. Musure maizvozvo muteuro wemisa unoenderera mberi.<br />
4.4 MAZUVA MAKURU ECHITA CHEMWOYO MUSANDE KWAZVO WAYESU<br />
1. ZUVA REMWOYO MUSANDE KWAZVO WAYESU (FEAST OF THE MOST SACRED<br />
HEART OF JESUS.) Zuva iri rinopembererwa musi wechishanu mushure mekupemberera zuva<br />
remuviri neropa raChristo (Corpus Christi)<br />
2. ZUVA RAMAGARET MARY – Zuva iri rinopembererwa musi wa16 October.<br />
Tinorangarira musande uyu nekuti ndiye akashandiswa naMambo Yesu kuti kuti kuzvipira uku<br />
kuzivikamwe.<br />
3. ZUVA RACHRISTO ARI MAMBO – zuva iri ndiro rinopeta mwaka wechiKatorike ratino<br />
pemberera mumwedzi waMbudzi. Tinokudza Christo saMambo waMadzimambo.<br />
27
Mazuva makuru aya anogadzirirwa nerunyararo vhiki imwe kana mbiri zuva racho risati rasvika.<br />
Vaedzwa vose vanogamuchirwa muChita ichi vanokurudzirwa kuita runyararo mushure<br />
mekugamuchirwa. Pamazuva makuru iwaya uye chishanu chechiposhi chomwedzi ndipo<br />
patinokurudzirwa kuti tigamuchire vaedzwa muChita.<br />
4.5 ZVIDZIDZO<br />
Vaedzwa vanoita chikamu chekutanga cheRusariro vakabatana pamwe neboka rose. Chikamu<br />
chokutanga chapera vanozoenda kuzvidzidzo zvavo nevadzidzisi vavo.<br />
Pakudzidza muyedzwa anofanira kunge aine Bible, Rosary, Bhuku reChita, Chimupiro nebhuku<br />
rekunyorera zviri kudzidziswa.<br />
Mudzidzisi ngaabvunze muyedzwa mamiriro ake uye chakanyanyo mukwezvera kuuya kuboka<br />
reChita cheMwoyo Musande Kwazvo waYesu.<br />
4.5.1. ZVINOFANIRA KUZIKANWA<br />
1. (a) NHANO YEKUTANGA<br />
- Dzokororo yeKatikazi<br />
- Minamato yeChita<br />
- Zvinorehwa neChita<br />
28
- Nhoroondo yeChita<br />
- Zvinangwa nekuva nhengo yeChita<br />
- Mitemo yeChita<br />
- Mabasa<br />
- Zvitsidzo<br />
- Maitiro emusangano<br />
- Mararamiro emunhu weChita nendima dzinotsigira kubva mubhaibheri<br />
- Zvipfeko nemavara acho<br />
- Maitiro ekugamuchira nhengo muchita nezvinoreva mhiko<br />
- Rusariro nezviMisitoriya<br />
2. (b) NHANO YECHIPIRI<br />
- Hofisi yeMwoyo Musande Kwazvo waYesu (mupiro pg 321- 324)<br />
- Muteuro weMisa<br />
- Bhaibheri<br />
- Upenyu hwavasande<br />
- Nhoroondo yesangano redu reKatorike<br />
- Mitemo yesangano zvakadzika<br />
- Masakaramende nemaSakamendesiri zvakadzika<br />
- Mwaka yeKirike zvakadzika<br />
- Zvipfeko nemavara eLiturgy<br />
- Hutungamiri hweChita nehwesangano<br />
- Kugadzirira tafura yeMisa<br />
- Zvinoreva mhiko dzatinotora<br />
- Liturgy<br />
- Pieta<br />
- MaNovena neminamato yeChirungu<br />
- Nhoroondo yeRusariro zvakadzama<br />
- Scripture, Tradition neMagisterium<br />
3. (c) NDIMA DZEMUBHAIBHERI<br />
- Izaya 43:2,4,6-7<br />
- Mt 5:3-10,14-16,21-30, 33-48<br />
- Philipians 2:1-11<br />
- Jeremiah 1:4-10<br />
- Colosians 2:6-11. 3:1-6,12-17<br />
- Thesalonians 3:23-25<br />
- Mt 28: 18-20<br />
- Galatians 3:28-29<br />
- Galatians 5:5-7<br />
- John 15:12-17<br />
- Luke 6:27-32<br />
29
Muyedzwa akadzidza nokuziva izvi inova nhengo yeMwoyo Musande Kwazvo waYesu isina<br />
dambudziko mukuzvipira kuMwoyo Musande.<br />
KUNAMATA KUZVIPIRA RUDO<br />
30
Change language