Maniffesto Llywodraeth Leol 2017 Local Government

Cymru lanach a gwyrddach
Defnyddio adnoddau naturiol Cymru
Mae’n hawdd iawn i ni gwyno am y tywydd yng Nghymru, ond mae’r gwynt
a’r glaw yn adnoddau naturiol gwerthfawr.
Mae Plaid Cymru wedi ymrwymo i frwydro yn erbyn newid
hinsawdd, ac yn cydnabod fod cynhyrchu ynni adnewyddol
yn rhan hanfodol o leihau allyriadau carbon. Mae gan ein
cynghorau ran hanfodol i’w chwarae wrth gydnabod a datblygu
economi werdd Cymru.
Gall tyrbinau gwynt unigol roi i ffermwyr ffynhonnell bwysig o incwm
ychwanegol, gan roi sefydlogrwydd ariannol iddynt ar gyfnod ansicr iawn.
Yn yr un modd, mae modd defnyddio prosiectau sydd yn nwylo’r gymuned i
gynhyrchu trydan gwyrdd, ond hefyd ffrwd elw sefydlog y gellir ei fuddsoddi
mewn gwasanaethau a chyfleusterau lleol.
Ac er y gall gwynt a glaw fod yn ffynhonnell fwy dibynadwy o ynni, mae
gan Gymru ddigon o heulwen i gynnal prosiectau pŵer solar. Mae modd
gosod paneli solar ar dir amaethyddol heb darfu fawr ddim ar y ffermwr,
a gall defaid a gwartheg bori mewn caeau llawn paneli solar. Nid yn unig
y mae cynlluniau o’r fath yn cynnig lles amgylcheddol, ond hefyd incwm
ychwanegol i’n ffermwyr.
Rydym eisiau sicrhau bod cymunedau lleol yn elwa o fanteision ynni
gwyrdd. Rydym eisiau gweld datblygu cynaliadwy ar raddfa lai sydd yn
gweithio mewn cytgord â’r amgylchedd lleol. Rydym hefyd eisiau gweld
newid yn y system gynllunio sydd yn ei gwneud yn haws sefydlu prosiectau
ynni adnewyddol ar raddfa fechan sy’n eiddo i’r gymuned. Er ein bod yn
cydnabod fod angen i ni warchod ein tirwedd, credwn fod Cymru wledig
yn fwy na cherdyn post del. Dylid gwneud newidiadau i fireinio’r broses o
sefydlu prosiectau ynni gwyrdd newydd, er lles Cymru ac amgylchedd y
byd.
Cred Plaid Cymru mewn dull cynaliadwy o fyw, gan ofalu ein bod yn
trosglwyddo ein planed mewn cyflwr da i’n plant, ein hwyrion a’n hwyresau.
34