You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
HORDHAC<br />
Waxaan ku fikirayaa hooyooyinka. Hooyooyin<br />
aan la kulmay marki aan soo korayay. Waxaan ku<br />
fikirayaa micnihi ay iigugu fadhiyeen. In ay yara<br />
ahaayeen kuwa aan ku daysado ee sirta ah. Ay ka<br />
buuxdo aqoon xagga nolosha ah. Marki aan in yar<br />
gudaha ka eego caalamkooda gaarka ah waxaan<br />
xasuusta farxadda. Sanduuqa waxyaabaha leysku<br />
qurxiyo, boorso gacanta ah, kabar musquleed.<br />
Caalamku wuu weynaaday. Dhammaantood cid<br />
walba waxbey i siisay aan weli xambaarsanahay<br />
ilaa iyo maanta, xitaa marki iyagoo aamusan ay<br />
fadhiyeen miiska kushiinka iyagoo koobkooda<br />
qaxwada gacanta ku heysta.<br />
Maanta waan ogahay in la dhacsanaashada<br />
aan la dhacsanaa iyaga ay salka ku hayo rabitaanka<br />
canugga ee ah in uu caalamka fahamo.<br />
In aysan arrintu ku saabsaneyn in ay ahaayeen<br />
hooyooyin oo keliya, ee xitaa ay ahaayeen dad<br />
waaweyn, iyo dumar. Rabitaanka wax fahamku<br />
waa wax canug soo koraya aasaasi ah iyo horuumar<br />
dabiici ah. Dareen is badbaadin oo u baahan<br />
cid lagu daysado.<br />
Laakiin caalamku in aannu weynaanno oo<br />
keliya kuma joojinayo in uu wareego. Si joogto<br />
ah ayuu isu bedbeddelayaa, mararka qaarkood<br />
waxaa loo arki karaa si aad u degdeg badan, laakiin<br />
badanaa si tartiib ah oo aananba dareemeynin<br />
ayuu u socdaa. Markaana si lama filaan ah<br />
ayaannu u arkeynaa in uu caalamku is beddelyay,<br />
waxaanunna u baahannahay in aannu mar kale<br />
eegno. Mar kale fahanno. Iyo mar kale.<br />
Marka ay Astrid iyo David booqanayaan Fröslunda,<br />
waxay himmaddu tahay in ay isku dayaan in<br />
ay arkaan, ayna fahmaan hal meel. Meel iyaga ku<br />
cusub, oo leh shalaydeeda, maanteeda, tayadeed<br />
iyo taxaddigeeda. In dadka aagga deggan xiriir<br />
lala sameeyo wax lagama maarmaan ah ayey<br />
hawsha loo socdo u tahay. Dad deegaan ah oo<br />
laga yaabo in ay Fröslunda ku noolaayeen noloshooda<br />
oo dhan iyo kuwa laga yaabo in ay hal<br />
maalin oo keliya ku noolaayeen, oo ku hadlaya<br />
100 luqadood oo kala duduwan, una dhexeeya 0<br />
iyo 100 jir. Astrid iyo David waxay kuula imaanayaan<br />
hal su’aal oo laga amba qaadayo, kana caawineysa<br />
in ay wax arkaan. Hal su’aal oo caalami ah<br />
oo cid walba ay isla xiriirin karto. Hal su’aan oo<br />
micno leh.<br />
Su’aashu waa muhiim, waana mid dhab ah. Si<br />
fiican uma shaqeyneyso in su’aasha toos waddada<br />
leysugu weydiiyo, waxaa lagama maarmaan<br />
ah wada xiriirid, xiriir, kulan. Kaamiradu waa in<br />
ay qalab noqotaa, istuudiyo dibadda ahna waa in<br />
suuqa laga dhex sameeyaa, iyadoo ay u jeeddada<br />
la sheegay tahay in xiriir la yeesho. Kaalay ha lagu<br />
masawiree! Siin iyo qaadasho. Kulan.<br />
Waxaa jiraya kulamo fara badan. Saf dheer oo<br />
is duubaya xaga suuqa Fröslunda. Kaamiradu waxbey<br />
isu keeneysaa. Kaamiradu wada hadal ayey<br />
albaabka u fureysaa. Sawirka Fröslunda wuu weynaanayaa,<br />
wuu hormaryaa, wuuna is beddelayaa.<br />
Sidaas ayeyna ahayd hooyadey. Ku fac ah Fröslunda.<br />
Waxayna ku soo kortay guri cusub oo laba qol<br />
ah ku yaal dabaqa u sareya ee Tallåsvägen 11F iyada<br />
iyo hoyadeed, abaheed iyo walalkeeda ka yar.<br />
Maxaddada baska iridda bannaanka horteed ku<br />
taal. Kushiin aan qaboojiye lahayn. Hoolka dhexda<br />
uu yaallo kabadh ay jiilal iska dhaxleen oo ay<br />
ka buuxdo hanti yar-yar oo maalinle ah. Waaliddiin<br />
shaqaale ah oo ka tirsan Xisbiga Bulshada Dimuqraadiga<br />
ah oo hoballo ahaan u heesaya, urur<br />
shaqaale ahaanna isu xilqaamay, oo guri nasasho<br />
ka dhisay bannaanka magaalada, abidkoodna<br />
aan leysin qaadan ama khamri cabin. Swiidhanti<br />
shacabka guri u ahaydna ay mareysay sanooyinki<br />
ugu fiicnaa, swiidhish dhab ah oo boorsooyin dabay<br />
uu qiima ka buuxo dusha ku sita. Ama haddii<br />
si fudud loo dhaho; dad waaweyn oo doonayay<br />
in ay dhisaan bulsho cusub oo fiican, oo ay iyaga<br />
iyo carruurtooda isugu tala galeen. Isla waxa<br />
ay waaliddiinta jooga Fröslunda ay doorteen,<br />
iyo qeybtaas dunida inteeda kale, ay mar walba<br />
doonayeen.<br />
Hooyadaa yaa waaye?<br />
Josefine Bolander<br />
maamule, farshaxan cid kasta<br />
u furan, degmada Eskilstuna<br />
6