Report 2003 - EFTA Court

III kafli. Ákvarðanir dómstólsins: Mál E-2/03 Ákæruvaldið v Ásgeir Logi Ásgeirssyni,
Axel Pétur Ásgeirssyni og Helgi Már Reynissyni
SKÝRSLA FRAMSÖGUMANNS
í máli E-2/03
Beiðni um ráðgefandi álit EFTA-dómstólsins, samkvæmt 34. gr. samningsins
milli EFTA-ríkjanna um stofnun eftirlitsstofnunar og dómstóls, frá Héraðsdómi
Reykjaness í máli sem rekið er fyrir dómstólnum
Ákæruvaldið
gegn
Ásgeiri Loga Ásgeirssyni, Axel Pétri Ásgeirssyni og Helga Má Reynissyni
varðandi túlkun á upprunareglum um fisk í bókunum 4 og 9 við EES-samninginn
(“EES”) og bókunum 3 og 6 við samninginn milli Efnahagsbandalags Evrópu og
Lýðveldisins Íslands sem undirritaður var 22. júlí 1972 1
(“fríverslunarsamningurinn”).
I. Inngangur
1. Með úrskurði dagsettum 27. júní 2003 og beiðni, sem skráð var í málaskrá
dómstólsins þann 9. júlí 2003, óskaði Héraðsdómur Reykjaness eftir ráðgefandi
áliti í máli sem rekið er fyrir dómstólnum milli ákæruvaldsins, sem er í höndum
ríkislögreglustjóra, og Ásgeirs Loga Ásgeirssonar, Axels Péturs Ásgeirssonar og
Helga Más Reynissonar (“ákærðu”).
II. Málavextir og meðferð málsins
2. Spurningar þær sem beint er til dómstólsins eru vegna dómsmáls sem höfðað
var með opinberri ákæru útgefinni 20. september 2002. Eftirfarandi er samantekt á
málavöxtum, eins og þeim er lýst í úrskurði Héraðsdóms Reykjaness frá 27. júní
2003:
1 OJ L 301 31.12.1972, bls. 2.