Junio - Documento sin título

Lanbide Heziketak profil berrietara egokitu du datorren
ikasturtean eskainiko duen eraikuntza-zikloa
Arizmendi Ikastolak gizarte energetikoagora egokitutako profil berriak
bultzatuko ditu eraikuntza-zikloan. Besteak beste, energia aurrezteko teknikaria
eta zuinketa-espezialista izango da ziklo hau egiten duen ikaslea.
Datorren ikasturtetik aurrera Arizmendi
Ikastolak eraikuntza arloko heziketazikloan
aldaketak ezarriko ditu edukiari
zein profilari begira. Aldaketaren arrazoi
nagusiak bi dira: alde batetik, Eraikuntza
Kode Teknikoa eta bestetik, 2020. urtetik
aurrera etxebizitzen inguruan aurreikusten
den testuinguru berria. Eraikuntza Kode
Teknikoa orain hiruzpalau urte eraikuntzarako,
oro har, legeztatu zen arau-multzoa
dugu. 2020. urtetik aurrera, bestalde,
badirudi etxebizitzek beraiek ekoiztu beharko
dutela etxerako behar duten energia.
Eraikuntza Kode Teknikoari zein
2020tik aurrera jarraitu beharreko neurriei
erantzuteko, eraikuntzari lotutako
heziketa-zikloek euren edukiak,
helburuak, profilak… egokitu dituzte.
Arizmendi Ikastolak, esaterako, orain
Aitor Axpe, Gaizka Eraña eta
Isaac Galarraga Eraikuntza
zikloko irakasleak.
artean eskaini duen eraikuntza eta obra
zibilen proiektuak zikloa, aurrerantzean,
eraikuntza-proiektuak izango da. Hortaz,
zikloa zehatzagoa bihurtu da.
Eraikuntza-proiektuak ziklo berria
Eraikuntza-proiektuak ziklo berriarekin
lortuko den profila ere, orain artekoarekin
alderatuz, bestelakoa izango da. Energia
aurrezteko teknikaria edo zuinketaespezialista
izateko prestatuko da ikaslea.
Hori lortzeko, era berean, edukiak berriak
izango dira. Adibidez, lehen zeharka aztertzen
ziren hainbat gai, orain ikasgaiak
izango dira. Hala nola: instalakuntza eraginkorrak
eta efizientzia energetikoa.
Horrela, ziklo hau ikasiko duten ikasleak
prestatuta egongo dira hemengo administrazioak
zein europarrak exijituko dituzten
eskakizunetarako, eta aldi berean lan
merkatuan konpetitiboagoak izango dira.
Arizmendi Ikastolako Lanbide Heziketa,
beraz, erronka berriei erantzuteko
prestatuta dago; izan ere, eraikuntza–ziklo
honetako irakasleek Eraikuntza
Kode Teknikoaren eraginez egin behar
izan den Curriculum moldaketan ere
parte hartu dute.
Arrasateko Eskola profesionaleko 100
bat ikasle eta irakasle ohi batu dira
Omenaldi beroa egin zitzaien ikasle eta irakasle izandakoei.
Maiatzaren bukaeran elkartu ziren orain dela 50 urte Zaldispe
Eskola Profesionalean ikasle eta irakasle izan zirenak. Zehazki,
1958-1964 belaunaldikoak elkartu ziren, hain justu ere Arrasaten,
eta eskola hartan irakasle izan zirenak omendu zituzten.
Egitarau zabala prestatu zuten eguna elkarrekin pasatzeko.
Goizez, Arrasateko parrokian meza entzun ondoren, Mondragon
Unibertsitatea eta Garaia berrikuntza gunea bisitatu
zituzten, eta bertan atera zuten taldeko argazkia. Ondoren,
Bedoñan bazkaldu zuten.
“Gure maisuak gogoratuz”
Arrasateko Zaldispeko Eskola Profesionalean ofizialtza eta maisutzako
ikasketak hasi zituzteneko 50. urteurrena ospatzeko, “Gure
maisuak gogoratuz” izeneko memoria liburua argitaratu da. 260
orrialde ditu, gaztelaniaz eta euskaraz idatzia dago eta argazkiz
jantzita dator. Edukiari dagokionez, zera jasotzen du: eskola profesionalaren
historia, Biteriko hasiera (1943), Zaldispera aldaketa
(1952) eta Eskola Politeknikoaren inaugurazioa Iturripen (1964).
Horretaz gain, 60ko hamarkadari begiradatxoa ere egiten
dio beste atal batean. “Iragana gogoratzeko anekdota ugari
eta zenbait ikaskide eta irakasleren oroitzapenak berreskuratu
ditugu” diote. Eta, gaur egungo Eskola Politeknikoaren
lan-ardatz nagusietara hurbilpena ere egiten du liburuak:
espezialitateak, ikasleak, homologazioak eta abar.
ekaina 2011 junio
21