Gaceta UAQ 13| Enero 2019

Dya ‘Yuhu / Somos Raíces
Dirigentes estudiantiles del movimiento que conquistó la autonomía
NDÄSE JAR DÄTÄ NGUU NSADI
Dí nduhu ma ‘nar jeya. Ma ‘nar jeya ko ya dätä
ngäts’i xi hñei ne ko ya dätä dängo. Ar kut’a ar
febrero da jot’i 60 ya jeya ar Ndäse jar Dätä Nguu
Nsadi Maxei. Hange ar hmunts’i ya ‘yut’ate jar
Dätä Nguu Nsadi bi ungumfädi ar jeya 2019 ge ar
jeya ar “Ndäse jar Dätä Nguu Nsadi”.
Ar 16 ar enero ar jeya 1958 ya ts’unt’u ne ya
nxutsi mí xadi jar Dätä Nguu Nsadi bi ndui bi ntsa
pa ar Dätä Nguu Nsadi mar ndäse, nu’bu ar ndä ar
hnini Maxei ar Crisostomo Gorráez bi noni ar bädi
José Alcocer Pozo ngu ár ndä jar Dätä Nguu Nsadi.
‘Mefa mbi ntsa ‘nar jeya ya xadi bi dähä ngetho
ya ts’ut’ubi jar Stado bi mää hää hñu yá nt’adi:
1) Ár Lei Organika ar Dätä Nguu Nsadi mää ya
ts’ut’ubi jar Dätä Nguu Nsadi ya ndäse;
2) Ar Lic. Fernando Díaz Ramírez da mengi ngu
ár ndä ar Dätä Nguu Nsadi;
3) Ya ts’ut’ubi jar Stado da mats’i ar Dätä Nguu
Nsadi ko mäs ar bojä.
Nja’bu dá tähähu ne ndezu ar kut’a ar febrero ar
jeya 1959 ar Dätä Nguu Nsadi ar ndäse.
Autonomía ko ar hñämfo ge ‘nar hñä ir ‘ñehe ar
gryego. Ge ‘nar hñä xí nthoki yoho ya hñä: autos, ir
boni “por si mismo” ne nomos ir boni “norma o ley”,
hange Autonomía ir boni ‘nar jä’i, ‘nar ‘mui nxoge,
‘nar hnini ar tsa da ts’utu’bise.
Gi johyahu ar ‘ra’yo jeya 2019!
Autonomía ko ar hñäñho hmää
“Ndäse”. Ge ‘nar hñä xí nthoki yoho
ya hñä: Ndä ir boni “gobierno” ne ar
sufijo -se ir boni “propio” wa “por sí
mismo”. Nja’bu “Ndäse” ir boni “que
se gobierna a sí mismo” wa “nä’ä to
ts’ut’ubise”.
22
Gaceta UAQ