Gaceta UAQ 15| Marzo 2019

HÑÄÑHO
DR. EWALD HEKKING
Y MTRO. AURELIO NÚÑEZ
FACULTAD DE FILOSOFÍA
IDENTIDAD E INTERCULTURALIDAD
ewaldhekking@yahoo.com
pemahetsi@gmail.com
MARZO 2019
Nu’i gi ma jar nguu nsadi
ne jár ximo yá ‘ye ir nt’ode
gi kot’i ár juxt’i ár mui ár ‘behñä ir hmunts’ujä’ise
Ar Briseida Kwebas
Ñädoni Maya
AR 8 AR MÄRSO GE AR PA AR
‘BEHÑÄ MBO JAR XIMHAI
Ar Pa ar ‘Behñä Mbo jar Ximhai dí beñhu ja xingu ya
hai mbo jar ximhai pa da japi ga handihu mäs xi hño
hanja ya ‘behñä bi ntuhni bi honi ar hñehe, ar njohya, ar
nt’ot’e hoguts’ut’ubi, ne ar nte.
Nuna ar pa bi ndui jar ndui ya jeya ar siglo XIX, ‘na
jar ximhai ko xingu ya nguu nt’ot’e ne ko xingu ya ‘ñäni jar
ndui ar hñäki jar ximhai.
Gem’bu, ga noni’be ya nthogi mäs mahyoni bi thogi
nuya ya pa:
1909. Ar 28 ar febrero bi t’ot’e ar ndui ar Dängo ar Pa
ar ‘Behñä ir ‘Rangudi, nu’bu ya mengu ir ‘Rangudi mi beni
ár ‘ma’mu’befi ya ‘behñä mi mpefi ja ya nguu nt’ot’e ya
‘bitu nu’ä bi thogi nu Ntxikago ne nu N’rayo York ar jeya
1908. Nu’ä ar pa xingu ya m’o ya ‘behñä bi ungumfädi
nu N’rayo York mi ne ndi japi ndi tx’uki yá ‘befi hyax’bu,
mi ne ya nthet’i mäs xi hño ne ar seki pa ndi jwahni.
1910. Jar ñoho ár Nt’ungunt’ode ya ‘Behñä ya Sosyalista
nu Nkopenage, Dinamarka, bi t’ungumfädi ar 8 ar
märso mi ge ar Pa ar ‘Behñä Mbo jar Ximhai.
1911. Ar 19 ar märso nu Alemäñä, nu Dinamarka, nu
Swiza bi t’ot’e ar ndui ar Dängo ar Pa ar ‘Behñä Mbo jar
Ximhai, ko ya dätä teni ya hmunts’i ya ‘behñä mi adi ar
seki pa ndi jwahni, ar seki pa ndi mpefi, ar seki pa ndi
meya ya ‘befi, ar seki pa hingi ndi thäkuwi ‘ra ya ‘befi, ar
seki pa ndi mpefi ja ya ‘befi xi mfädi.
1917. Ar 8 ar märso, nu’bu mbi thogi ar ndui ar hñäki
mbo jar ximhai, nu’bu yoho ya m’o ya m’o ya sundado xki
du, ya ‘behñä ya mengu Nrusya bi ndui ‘nár ‘ma’mu’befi
ar thuuhu pa ndi ‘yadi ár ngäts’i ar monarkiya ne ár ngäts’i
ar hñäki.
1975. Ar Hñunta ya Hmunts’i ya Ximhai bi ungumfädi ar
8 ar märso ge ar Pa ar ‘Behñä Mbo jar Ximhai.
2019. Ár hmä ar Pa ar ‘Behñä Mbo jar Ximhai ar jeya
2019 nja’bu: “Mahyoni ga beñhu dí gathohu dí hñehu, dí
hokihu ya nt’ot’e ko ar timfeni, dí hokihu ya ‘ra’yo nt’ot’e
pa ga patihu.
Tú irás a la escuela
y en el cuenco de las manos de tu entendimiento
contendrás el escurrir del vientre de la mujer de tu raza
Briceida Cuevas
Poeta Maya
8 DE MARZO DÍA
INTERNACIONAL DE LA MUJER
El Día Internacional de la Mujer se conmemora en muchos
países del mundo para visibilizar la lucha de las mujeres
a favor de la igualdad, la paz, la justicia y el desarrollo.
Este día tiene sus orígenes a principios del siglo XIX, en
un mundo industrializado y convulsionado por la Primera
Guerra Mundial.
A continuación, mencionaremos los acontecimientos
más importantes que marcaron esta fecha:
1909. El 28 de febrero se celebra por primera vez en Estados
Unidos el Día Nacional de la Mujer, conmemorando
la huelga de las trabajadoras textiles ocurrida en Chicago
y Nueva York en 1908. Ese día, miles de mujeres se manifestaron
en Nueva York por la reducción de la jornada
laboral, mejores salarios y derecho al voto.
1910. En la II Conferencia Internacional de Mujeres Socialistas,
en Copenhage, Dinamarca; se proclamó el 8 de
marzo como el Día Internacional de la Mujer.
1911. El 19 de marzo en Alemania, Austria, Dinamarca
y Suiza, se celebró por primera vez el Día Internacional
de la Mujer con marchas tumultuosas de mujeres manifestándose
por su derecho al voto, al trabajo, a la formación
profesional, a la no discriminación laboral y al acceso a
cargos públicos.
1917. El 8 de marzo, en plena Guerra Mundial, con dos
millones de soldados muertos, las mujeres rusas iniciaron
una huelga de hambre para exigir el fin de la monarquía y
el final de la guerra.
1975. La Asamblea de las Naciones Unidas declara el
8 de marzo como el Día Internacional de la Mujer.
2019. El lema del Día Internacional de la Mujer de 2019
es “Pensemos en igualdad, construyamos con inteligencia,
innovemos para el cambio”.
17