Download PDF - The National Assembly of Seychelles
Download PDF - The National Assembly of Seychelles
Download PDF - The National Assembly of Seychelles
Create successful ePaper yourself
Turn your PDF publications into a flip-book with our unique Google optimized e-Paper software.
Kreater parey son parol dan Labib i<br />
demande.<br />
Msye Speaker permet mwan<br />
pou prouv ek sa Lasanble e pep ki<br />
pe ekoute dan lekritir Daniel ki<br />
Lewa Nebukadneser ti dir e mon site<br />
„mon ti loue li sa enn ki pli o, mon<br />
ti onor li e glorifye li sa enn ki viv<br />
pou touzour, son dominasyon i<br />
dominasyon eternel, son Wayonm i<br />
dire zenerasyon apre zenerasyon.<br />
Tou imen i ganny regarde koman en<br />
nanryen ditou, i fer sa ki fer li plezir<br />
avek pouvwar lesyel e avek dimoun<br />
lo later personn pa kapab anpes son<br />
lanmen ouswa dir li kwa ki i pe fer‟.<br />
I montre ou Msye Speaker ki zonm<br />
pa viv lo dipen tousel ouswa par son<br />
prop fason me i bezwen Bondye<br />
akote li pou reisi.<br />
Msye Speaker aprezan mon<br />
pou tous lo ennde keksoz ki mon<br />
panse osi lontan ki zot kontinyen<br />
afekte nou sitwayen zot pou reste<br />
bann montanny ki kapab fer lavi<br />
nou sitwayen difisil e ranpli zot ek<br />
fristrasyon, ki gouvernman fodre i<br />
adrese.<br />
Transpor piblik: Msye Speaker,<br />
transpor piblik i en size dan labous<br />
nou sitwayen dan mon distrik. Nou<br />
pe eksperyans en peryod pli pir ki<br />
oparavan, bis pa aler laplipar ditan,<br />
oswa napa dan bann ler kot i tre<br />
merite parey mon‟n ganny rapor ki<br />
pou de semenn bis 7 er e 7:30 ti<br />
napa. Serten sa bann vye bis pa<br />
kapab tenir sa montanny La Misère,<br />
serten pe kas fren e lavi nou<br />
sitwayen i an menas. Lefe ki sa i sel<br />
mwayen transport pou mazorite nou<br />
sitwayen fer zot deplasman, ti pou<br />
byen si amelyorasyon i ganny fer ase<br />
vit sirtou kot nou pe koz lo ogmant<br />
prodiktivite dan pei.<br />
Ti pou byen si SPTC i fer<br />
konnen piblik kan ki nou ekspekte<br />
nouvo bis dan pei e mon osi sezi<br />
lokazyon pou demande ki<br />
gouvernman apre ki sa lodit in<br />
ganny fer, ki pep i ganny met<br />
okouran ki plan lavenir ver<br />
amelyorasyon. De lot kote mon<br />
demande ki sekter piblik ek prive<br />
pou annan enpe konsyans, ki realite<br />
sa problenm i reel e ki anplwayer pa<br />
menas travayer ki ganny afekte ek<br />
sa problenm transpor, akoz met<br />
presyon lo travayer pa solisyon pou<br />
rezourd sa problenm me ase bis lo<br />
larout e aler ki solisyon. Alors mon<br />
lans en lapel ek anplwayer<br />
gouvernman e prive pou esey<br />
konpran sa sitiasyon.<br />
Servis dokter rezyonnal: Msye<br />
Speaker lot konsern se desizyon pou<br />
met servis dokter lo en baz<br />
rezyonnal. Msye Speaker la ankor<br />
ek sa kalite servis transport e son<br />
pri ki nou pe eksperyanse dan<br />
kominote, zabitan i vwar sa koman<br />
en lenkonvenyans pou spesifikman<br />
vin kot dokter ler ou osi tenir kont<br />
lakantite dimoun, menm si dokter<br />
pou la tou lezour, mon pe demande<br />
ki gouvernman i revwar sa desizyon<br />
ki kantmenm ennfwa dokter i vin<br />
Beoliere klinik pou donn sans egal<br />
zabitan nou distrik ek sa servis<br />
dokter ki petet wi, i pa bezwen tou<br />
lezour.<br />
Labi Komersan: Lot konsern se labi<br />
ki serten komersan pe fer lo ledo<br />
lepep e kot napa rekour akoz napa<br />
ase mekanism pou deal ek<br />
sitiasyon. Se la ki mon welcome sa<br />
proze delwa pou Fair Trading ki<br />
petet a donn plis rekour pep pou<br />
vwar zot konplent ganny adrese e<br />
anmenmtan mon demande ki pep i<br />
ganny sansibilize lo la, akoz<br />
ledikasyon pep lo la pou ed li konn<br />
son drwa anplis. In prouve e mon<br />
25