Download PDF - The National Assembly of Seychelles

More documents

Recommendations

Info

mezir ki‟n anonse ki enkli rediksyon lo 11 komodite STC e rediksyon taks lo plizyer materyo brit lagrikiltir pa al ase lwen. Letan ou bezwen fer sakrifis pa dezennen me manz zis dinen, letan ou bezwen anvoy ou plan voyaze, ou plan konstriksyon, ou plan aste en propriyete, letan ou bezwen koup ou lalinny fixed mobile e al lo pre-paid ler ou bezwen redwir ou package intelvision, ouswa dekonekte servis internet ki esansyel pou ou zanfan. Letan ou tir ou zanfan lekol prive, ler ou bezwen kit ou transpor se ou e pran bis akoz karbiran i ser, ler ou bezwen desann apye sorti Union Vale akoz ou kapab afford zis sa lot pasaz pou al travay Providence e ler ou bezwen fer 2 louvraz pou sirviv mon konnen ki ou osi ou‟n bite fas a logmantasyon dan pri lavi. Pou ou ki a lekout kekfwa ou pe dir sa i bann keksoz liks e nou kapab sirviv san zot. Mwan mon dir avek ou, non. Sa i bann keksoz ki nou tou ki travay dir dan sa pei, nou annan liberte pou zouir tou gouvernman i ganny elekte pou ed nou progrese, pou avans devan. I pa akseptab ki en gouvernman ki‟n promet nou en meyer lavi apre ki i vin opouvwar i fer nou retourn an aryer, i abes nou standard lavi, i atrap nou lanmen e anmenn nou dan en fernwanr. I pa akseptab mon dir. Bann zabitan Larivyer Anglez ki mon‟n koz avek, ti pe ekspekte Msye Michel anons bann mezir pli direk ki kapab donn zot detrwar roupi anplis dan zot lanmen, ki zot kapab aste en keksoz an plis pou anmenn dan lakour pou zot zanfan. En legzanp kler se akoz napa en revizyon dan kalkilasyon GST. I pa akseptab ki bann MNA SPPF isi i ava zis glorifye sa 50sou ouswa R1.50 ki STC in tire lo sa 11 prodwir. Eski zot pa kapab demande akoz ki aprezan sa rediksyon i ganny fer. I pa kapab ki gouvernman pe sibvansyonn sa bann prodwir akoz sa i kont plan IMF. Me anmenmtan si STC in kapab fer li i vedir ki tou sa letan ti annan en trik dan zwe, i ti kapab fer li depi lontan. En lot propozisyon ki mon krwar i merit bokou konsiderasyon se lide ki manm elekte pour nou distrik, Onorab Nibourette in dir avek en zournal resaman; Onorab i panse ki pli ou reste pli pros avek Victoria ou merit pey bis mwens, en tel propozisyon san dout pou benefisye bann zabitan Majoie, Quincy e Union Vale, mon swete ki Onorab i pous sa lide isi dan Lasanble e mon granti li mon pou donn li mon sipor osi lontan ki sa i benefisye zabitan bann distrik otour Victoria enkli Larivyer Anglez e non pa lentere zis son parti. SNP Msye Speaker, mon repete fer desann pri lavi i priyorite nimero 1 son progranm, parey in leka an 2009, nou pou koz san ses lo size pri lavi ki pe afekte tou dimoun kan SPPF pa apir lepep Seselwa SNP pou debout e met presyon lo gouvernman. Dan lepase nou‟n reisir fors gouvernman kalkil byen e menm retourn lo serten mezir drastik ki zot ti‟n pran. Alor nou pou kontinyen fer li. An konsekans sitiasyon kot nou ete, sa pe anmenn son prop defi. Lo bor semen nou vwar plis zenn zan pe bwar an bonn a-vini, trafik e konsomasyon drog pa oule redwir, Castor Road pe vin de mwen-zanmwen atiran, latak avek vol lo bann sitwayen inosan pe arive. Zis pandan mwan Desanm Msye Speaker i annan de latak lo bann endividi Larivyer Anglez enkli enn 4
dan en laboutik gran lizour. Sa ki pe fer konstriksyon, son materyo zis i disparet. Tou sa la pe arive malgre lasirans Vis Prezidan dan Lasanble an repons kestyon mon ti table lannen pase ki i annan patrol regilye ki lapolis i fer dan distrik. Se pa sa karakter e repitasyon ki zabitan i oule vwar nou distrik devlope e annan. Alors en zour Larivyer Anglez ti sinonim avek laviktwar, avek sanpyon lepok ki Albert Marie ti pe etablir rikord maraton, ki 20an plitar i ankor la, lepok ki <strong>The</strong>lma Pierre-Louis ti pe ranport tit meyer atlet fanm, lepok ki Donald Monnaie ti pe enspir tou zenn ler i pe met gol, bisiklet pou Sesel kont lekip Moris. Ozordi letan ou vwar en zenn parey Samantha Akasa nepli annan lakourazman pou swiv dan lepa nou bann ero sportiv parey Jimmy Baker, Peter Sinon, Lina Lestrange, Jocky Jacques e lezot, ou pa bezwen al lwen pou konnen ki lavenir nou distrik e lavenir nou pei pa dan bon lanmen. Letan nou vwar leta nou distrik ki mon‟n souleve i akoz pou tro lontan SPPF in ranport eleksyon an servan bann metod popilis e bann promes dan vid ki zot ti napa lentansyon onore. Lepep in fer zot konfyans pou ekip nou lakour me zot in les li abandonnen. Ozordi nou pe pey ser pou sa konsekans. Sa lakaz i demann en nouvo lokater pou okip li, enn ki a swazir si i pou fer en netwayaz zeneral oubyen en renovasyon ekstansif e rod en lasirans ki ava anmenn plis garanti. Ozordi malgre lesey pou fors nou krwar ki nou en viktim kriz finansyel global fodre pa Seselwa i fer sa fot e rezet lefe ki SPPF i‟n annan move rikord planifikasyon ekonomik, pret larzan an bonnavini e pa onor son det, san obliy gaspiyaz e koripsyon dan gouvernman. Msye Michel in vin isi, in koze e ou ti a krwar in fek debarke, ou ti a krwar pou 32 an li in andeor gouvernman SPPF, konmsi i pa ti zanmen en manm sinyor kabinet kot in menm ansarz minister finans ki en letan ti annan tou kontrol lo labank santral e direkteman responsab pou konsekans ki ozordi nou pe sibir ki‟n konmans omwen 10an pase. Ladan menm annou pa oubliye ki ler ti pret serman an Avril 2004, Msye Michel ti promet ki i pou protez nou aki, me ki‟n arive depi sa? Roupi in devalye par san pour san, apre sa ou pti lekonomi ki ou ti‟n met de kote labank pou letan dir in perdi son valer e redwir par lamwatye. Ou saler en sel kou in koup par san pour san e ou pouvwar aste in desann par menm kantite. To lenflasyon in ariv ziska 63% dapre Biro Statistik Nasyonal. Msye Michel pa pe kapab protez bann fanmiy Seselwa kont la mizer akoz logmantasyon dan pri lavi. Dan son ladres Msye Michel in totalman say son responsabilite e mon pa dakor avek defans Onorab Pool, i ti merit dir lepep rann en kont lo sa sonm 2.5 bilyon ki‟n akimile deor, egalman in refize donn lepep en kont randi lo sa sonm 808 milyon dolar ki nou drwa. An Oktob 2006 nou a rapel i ti dir ki Sesel pa pou pran loan ankor, alor lepep ti anvi ganny son leksplikasyon lo akoz nou‟n bezwen pret en sonm 308 Milyon avek Lehman Brothers a en to lentere 24% par an. Sa 4.5 milyon ki‟n perdi lo zil Perseverance i pa‟n dir en mo lo la. I pa‟n dir nou akoz sa sonm 948 milyon ki ganny zenere 5
Page 1 and 2: NATIONAL ASSEMBLY OF SEYCHELLES Tue
Page 3: ledikasyon dan zot lavi. I annan za
Page 7 and 8: Zournal Nasyon e SBC me zot menteni
Page 9 and 10: e viv dapre sa plan. Bondye in kree
Page 11 and 12: plito form en kartel antre zot. Sa
Page 13 and 14: Seselwa pe osi fer fas avek sa bann
Page 15 and 16: Koman en zenn mon enterese avek en
Page 17 and 18: Nou‟n antann bann labank vin deva
Page 19 and 20: direksyon. I vreman dezonnet e i pa
Page 21 and 22: Moris avek son pti baba, e papa li
Page 23 and 24: nou imen e an nesan nou ti annan e
Page 25 and 26: Kreater parey son parol dan Labib i
Page 27 and 28: osi ki gouvernman i evalye sitiasyo
Page 29 and 30: okou pou gannyen e pou pous nou pli
Page 31 and 32: pe dir bomaten ki nou lekonomi sosy
Page 33 and 34: Dan sa lespri la, mon oule osi tous
Page 35 and 36: zot, depi 7er-edmi, dimoun Cascade
Page 37 and 38: Nou problenm pa dan okenn gran gran
Page 39 and 40: war latizann, latizann i pli anmer
Page 41 and 42: Konteks ki nou bezwen travay ladan
Page 43 and 44: Seselwa pa dakor ki dan en lepok ko
Page 45 and 46: Prezidan in donn pep Seselwa lespwa
Page 47 and 48: In toultan dan nou polisi pou annan
Page 49 and 50: swen avek son depans i an se moman
Page 51 and 52: met en lafen avek sa bann dimoun ma
Page 53 and 54: zanfan ki pa pe al lekol akoz zot n
Page 55 and 56:
lasistans pou ganny en carer i dan
Page 57 and 58:
konsansis politik pou nou poz polit
Page 59 and 60:
fer sirkile en mesaz SMS ki ti pe d
Page 61 and 62:
Zabitan Anse Royale Prezidan Michel
Page 63 and 64:
fer dan la reisit modernizasyon nou
Page 65 and 66:
fer progrese sa pti pei ki apel Ses
Page 67 and 68:
ki pa pe ganny promosyon dan travay
Page 69 and 70:
Nou konnen ki Lanmerik pe pas dan k
Page 71 and 72:
lanplwa a en laz pli zenn. Pou nou
show all

Download PDF - The National Assembly of Seychelles

You also want an ePaper? Increase the reach of your titles

Delete template?

Save as template?