le théâtre des farces au moyen age-la confrérie des conards de rouen

Ladite responce apportee au conseil du sieur abbé
ne leur fut grandement aggreable pour la denegation de la
masque de nuict , ce qui est plus occasion de provocquer maint
jeune Conard a comparer en bon esquipage a la monstre du
sieur abbé qu'autre liberté qu'on aye. Pourquoy fut deliberé
ne faire aucune chose pour l 'annee en la ville de Rouen, mais
a Fescamp ou Saint Gervais. Telle conclusion venue a la co­
gnoissance de Jacques Syreulde, bon Conard et jadis bel
huissier en ladite court, comme vray protecteur des risees
communes , presenta a la dite court le dizain qui ensuit
A Nossieurs de la court de Rouen,
Honneur et mieux, le bon jour et bon an.
Requiert l'abbé, son conseil et supposts,
Que confermez l'ordonnance derniere,
Ou autrement ils vont mettre en des pots
Au plus offrant, crosse , mitre et banniere.
Par quoy , nossieurs, la monstre tant planiere
Ne permettez abolir !et 'casser
Mais jours et nuicts les veuillez dispenser
Masques porter d'invention nouvelle
En ce faisant vous le verrez passer
Sur beaux charrois en memoire immortelle.
Signé: Le gras conseil.
Au dessoubs dudit dizain estoit la responce de ladite court ,
comme e n s u i t
Permis vous est , souffert et toleré,
Gros pere abbé , vos barons et marquis ,
Aller masqué, triomphant , phaleré ,
Les jours et nuicts en triomphes exquis
Phiffres, tabours, charrois, flambars requis j
Ne soyent en riens par aucuns empeschez.
Sans faire mal qu'apres n'en soit enquis
En gloire et paix vos actes depeschez.
Fait par la Court en tranquille sejour
L'an mil cinq cens quarante ce matin,
Mois de febvrier vingt et unieme jour,
En vers françois retirez du latin.
32
Université Rennes 2 - SCD - 2009