Create successful ePaper yourself
Turn your PDF publications into a flip-book with our unique Google optimized e-Paper software.
Kwonik Kreyòl<br />
Ki valè dwa demokratik an Ayiti?*<br />
Toujou gen rapò ant dwa demokratik<br />
akrejim politik ki tabli anndan yon<br />
sosyete. An Ayiti , kont revolisyon oktòb<br />
1806 la te vire do bay tout valè demokratik<br />
revolisyon 1791-1804 la t ap<br />
charye. Depi lè sa a, oligachi ayisyen<br />
an, pandan de syèk, amize l ap fotokopye<br />
konstitisyon demokratik peyi<br />
kapitalis endistriyèl yo, anndan yon<br />
ekonomi ki gen yon karaktè feyodal,<br />
pandan mas popilè yo anba yon rejim<br />
apatèd. Nan lespas de syèk, oligachi a<br />
fè vennsis konstitisyon swadizan demokratik<br />
ki te sèvi dekorasyon sou<br />
devanti systèm feyodal la. Ositou ,anvan<br />
16 desanm 1990, pa janm genyen<br />
yon grenn eleksyon demokratik an<br />
Ayiti.<br />
Nou konnen kisa lame an Ayiti te<br />
fè ak eleksyon desanm 1990 la! Poutan,<br />
te gen konstitisyon “demokratik” 1987<br />
la ki, menm jan ak konstitisyon anvan<br />
yo, te aliyen tout dwa fondamantal sitwayen<br />
ayisyen yo: dwa pou yo viv epi<br />
viv an sante, dwa pou yo gen libète endividyèl,<br />
dwa pou yo pale ak ekri lib e libè,<br />
dwa pou yo pratike relijyon yo vle selon<br />
konsyans yo, dwa pou yo reyini osnon<br />
san antrav, dwa pou yo travay, dwa pou<br />
yo jwenn edikasyon nan bon jan lekòl,<br />
dwa pou mennen aktivite yo an sekirite,<br />
dwa pou yo posede pwopriyete.<br />
Vennkat lane apre koudeta 30 septann<br />
1991 la bagay yo pa chanje. Lennmi<br />
anndan kou deyò angaje nan yon<br />
ofansiv san pran souf pou demantibile<br />
mouvman popilè ki te mennen dechoukaj<br />
diktati a. Jounen jodi a tout endikatè<br />
politik yo ap voye siyal pou di nou fachis<br />
yo ap repran grad anndan nouvo<br />
pouvwa a, pandan majorite moun nan<br />
popilasyon an toujou nan malsite. Pi fò<br />
sitwayen pa kapab jwenn laswenyay<br />
avèk yon doktè pou di mil moun.Yo pa<br />
jwenn bon kalite ansèyman pou pitit<br />
yo paske sa koute chè, volim travayè<br />
ki nan chomaj tèlman wo li difisil anpil<br />
pou mezire ak presizyon, ensekirite<br />
blayi toupatou, sektè ekonomi kriminèl<br />
la ap fonksyone san mas lan figi, lajistis<br />
tounen yon machandiz deliks. Patriyòt<br />
pa fouti manifeste san lapolis pa benyen<br />
yo ak gaz toksik osnon bat yo, arete yo<br />
tire sou yo. Antretan, pouvwa a ap kreye<br />
nouvo bidonvil ak refijye 12 janvye yo.<br />
Kidonk, kous pou demokrasi zansèt<br />
nou te tanmen nan mwa dawou 1791<br />
sou bitasyon Bwakayiman an, nou poko<br />
fini l an 2014. Popilasyon ayisyen an ap<br />
reklame eleksyon demokratik, men sa yo<br />
wè depi twa lane se mannèv dilatwa ak<br />
deriv antikonstitisyonèl pou prepare lagè<br />
elektoral.<br />
Guy-Gérald Ménard<br />
Sekretè Jeneral POHDH<br />
* Editoryal Se Mèt Kò ki Veye Kò<br />
oktòb 2014, bilten Plate-Forme des Organisations<br />
Haïtiennes des Droits Humains<br />
(POHDH)<br />
Pozisyon kèk òganizasyon sou pri gaz<br />
la ak pri transpò a, parapò ak pri petwòl<br />
la sou mache entènasyonal la<br />
Yon polisye k ap maltrete<br />
yon sitwayen !<br />
Daniel Tercier/<strong>Haiti</strong> Liberté<br />
Pri petwòl la bese sou mache<br />
entènasyonal la, men pri gaz la<br />
pa desann sou mache nasyonal la<br />
Nou menm, manm MODEP,<br />
AKP ak SEK GRAMSCI, n ap suiv ak<br />
2 nawè nou, konpòtman reyaksyonè<br />
otorite peyi Dayiti yo genyen sou<br />
dosye gaz la. Depi lanne 2014, galon<br />
gazolin nan ap vann 215 goud sou<br />
mache nasyonal la. Nan moman gaz<br />
la t ap vann 200 goud sou mache a,<br />
pri barik petwòl la te koute anviwon<br />
100 dola vèt sou mache entènasyonal<br />
la. Alòske jounen jodi a, Barik petwòl<br />
la desann jouk nan 43 dola sou mache<br />
entènasyonal la. Se nan moman<br />
sa a, Leta kriminèl pouvwa tèt kale a<br />
ap dirije a, chwazi kenbe galon gaz la<br />
nan pri 215 goud.<br />
Pou memwa ak pou listwa<br />
- Nan mwa jen 2007, pouvwa LESP-<br />
WA a te monte pri gazolin 95 lan a<br />
209 goud, nan yon moman kote grangou<br />
t ap kòde trip popilasyon an.<br />
Alòske, barik petwòl la t ap vann ant<br />
53 rive 92 dola sou mache entènasyonal<br />
la. Savle di se pa premye fwa dirijan<br />
ki nan tèt Leta pèpè a, ap tòde kou<br />
popilasyon an nan dosye gaz la<br />
- Nan lane 2008, nan moman<br />
gwo kriz ki t ap brase bil sistèm<br />
kapitalis la, kote baril petwòl la te<br />
rive jouk nan 133 dola 40 sou mache<br />
entènasyonal la, pri gaz la pat menm<br />
rive nan 200 goud sou mache nasyonal<br />
la.<br />
- Se nan mwa mas 2011, anvan<br />
prestasyon sèman ekip Tèt Kale<br />
a, pouvwa antipèp Preval-Bellerive<br />
la ta pral remete gazolin 95 lan nan<br />
200 goud, sou pretèks Leta paka<br />
sipòte sibvansyon li bay sou gaz la.<br />
Anpil moun te konsidere desizyon sa<br />
a tankou yon kado pouvwa Preval la<br />
te bay ekip Mateli a.<br />
Jounen jodi a, pouvwa Tèt Kale<br />
a vin mete apse sou klou, lè li kenbe<br />
pri galon gaz la nan 215 goud epi<br />
nan mete taks tribò babò sou do mas<br />
popilè yo, pandan li pran plezi nan<br />
piye richès peyi a ansanm ak akolit<br />
entènasyonal li yo. N ap raple, gaz la<br />
se yon pwodui estratejik ki gen konsekans<br />
sou yon bann lòt pwodui, lè<br />
li monte sou mache nasyonal la. Nou<br />
pa dwe bliye grangou klowòks 2008<br />
la, ki se konsekans politik neyoliberal<br />
la ak wotè pri gaz la nan peyi a. Sa ki<br />
fè, nou oblije ap poze tèt nou kesyon,<br />
pou ki rezon pouvwa anplas la kontinye<br />
kenbe pri gaz la nan nivo li ye<br />
jounen jodi a, malgre y ap aplike yon<br />
politik neyoliberal ki vle pou mache a<br />
kontwole pri yo. Menm jan pouvwa<br />
monte pri gaz la lè pri petwòl la monte<br />
sou mache entènasyonal la, se konsa<br />
tou, yo gen pou desann pri gaz la, lè<br />
pri petwòl la desann.<br />
Poutèt tout rezon sa yo, MODEP,<br />
SEK GRAMSCI ak AKP, ap pwofite<br />
moman sa a pou li mande gouvènman<br />
defakto Mateli/Evans Paul la,<br />
pou li pran dispozisyon prese prese<br />
pou desann pri gaz la ak pri transpò a<br />
san pèdi tan. N ap pwofite okazyon sa<br />
a tou, pou nou mande popilasyon an<br />
ak tout òganizasyon konsekan nan<br />
peyi a, pou yo rete mobilize, pou tout<br />
inisyativ k ap pran pou fòse otorite<br />
defakto yo desann pri gaz la ak pri<br />
transpò a.<br />
Viktwa, se pou pèp k ap<br />
goumen !<br />
Pou MODEP : GUY NUMA;<br />
SEK GRAMSCI : FEGUENSON<br />
HERMOGĒNE; AKP : MACĖNAT<br />
ANDRĖ<br />
Aksyon sa a polisye yo ap fè la a pa gen lòt siyifikasyon, se yon zak<br />
makoutik rejim tètkale kaletèt peyi a tou woz la ap mete pou fè pèp la pè<br />
pran lari pou mande pou Martelly demisyone<br />
TÈK POU TAP<br />
nouvèl monte<br />
nouvèl desann<br />
ateri sou boulva<br />
tankou plon gaye<br />
nouvèl kouri tèt bese<br />
fè wout katòz chemen<br />
kote l prale ?<br />
li pa konnen<br />
radyodyòl nan dyakout bidonvil<br />
bato petwokaribe sou dlo<br />
nou mèt chante jesuizere<br />
plas lendepandans<br />
krab malzòrèy sot nan twou<br />
antre nan kous ak koulèv madlèn<br />
dlo kowonpi anvayi machpye leta<br />
grantoryan danse dans petwodola<br />
aloufa dwèt long deside<br />
fèmen pòt sou nou<br />
nou elèv lekòl vant vid<br />
timachann kout ponya denenfle<br />
bòs mason san tiwèl san filaplon<br />
malere malerèz k ap trimen<br />
pou moso pen<br />
pen kotidyen<br />
chofè ap defann dèyè yon bwa volan<br />
toutlasentjounen<br />
pri gazolin monte mezi mizè n<br />
lage n nan demele youn ak lòt<br />
jwèt tèk pou tap pou ANADIP<br />
ti dife boule pou Ministè Titintyèt<br />
nan malè nou ye jouk nan prèl je n<br />
dezagreman monte taptap<br />
Delmas-Centreville<br />
refize pye l touche tè<br />
kafou aviyasyon<br />
kousikui fè nou fè tolalito<br />
dan chofè kamyonèt kase<br />
nan chemen dekoupe<br />
kontravansyon se pou leta<br />
pwoblèm nou<br />
yon lòt jan pou l rezoud<br />
yon moun sonnen pou mwen souple<br />
mèsi chofè mwen rive<br />
Guy-Gérald Ménard<br />
DENNIS MULLIGAN,<br />
Attorney-at-Law<br />
All aspects of Immigration Law<br />
•TPS<br />
•Residency<br />
•Citizenship<br />
Over 20 years experience<br />
Nous parlons français<br />
11 Broadway<br />
New York, NY 10004<br />
(near all trains)<br />
646-253-0580<br />
Menez Jean-Jerome<br />
Attorney at Law<br />
Real Estate<br />
Immigration-Divorce<br />
4512 Church Avenue<br />
Brooklyn, NY 11203<br />
Nou pale kreyòl!<br />
(718) 462-2600<br />
(914) 643-1226 cell<br />
PAUL J. JOURDAN<br />
ATTORNEY AT LAW<br />
107 Kenilworth Place<br />
Brooklyn, NY 11210<br />
Phone:<br />
(718) 859-5725<br />
(347) 898-7514<br />
•Immigration<br />
•Divorce<br />
•Business Formation<br />
(Corporation & Partnership)<br />
•Estate Administration - Wills<br />
•Real Estate Closings<br />
G.K. Multi-Services<br />
• African & <strong>Haiti</strong>an Movies<br />
•CDs • Cellphones & Accessories<br />
• Soap • Shampoo • Incense<br />
• Perfume<br />
(Guy & Vicky)<br />
196-19 Jamaica Ave.<br />
Hollis, NY 11423<br />
718.217.6368<br />
Suite de la page (3)<br />
organisme convoité par les uns et les<br />
autres. Certains auraient préféré un<br />
Me. Néhémie Joseph à la tête du CEP<br />
par rapport à ses prises de position<br />
vis-à-vis du pouvoir.<br />
D’autres vont même à regretter<br />
l’absence de l’ancien Conseiller<br />
Léopold Berlanger pour son indépendance<br />
vis-à-vis du pouvoir dans ce<br />
CEP qui, sauf imprévu, devrait pouvoir<br />
organiser enfin les élections<br />
pour combler tous les postes électifs<br />
vacants de la République. La normalisation<br />
de la situation politique et institutionnelle<br />
d’Haïti passerait forcément<br />
par ces femmes et ces hommes<br />
sur qui tous les acteurs comptent<br />
pour ramener la paix et la stabilité<br />
dans le pays avec des élections inclusives,<br />
justes et honnêtes. Souhaitons<br />
que leur rêve ne se transforme en<br />
cauchemar comme il en fut pour les<br />
élections de 2011 dont l’actuel Président<br />
du CEP était l’un des maitres<br />
d’œuvre avec son ami Gaillot Dorsainvil.<br />
C.C<br />
6 <strong>Haiti</strong> Liberté/<strong>Haiti</strong>an Times<br />
Vol. 8 • No. 30 • Du 4 au 10 <strong>Fevrier</strong> <strong>2015</strong>