Download File - Chin Christian College
Download File - Chin Christian College
Download File - Chin Christian College
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
CCC Thanglawi<br />
Established 2004<br />
Vol. 6, No. 5 September 2010<br />
A Living Sacrifice<br />
Rom. 12:1<br />
Principal Cabuai In<br />
2010-2011 cacawn kum kumcheu tiang lam a kan hruaitu Pathian kan thangt,hat!<br />
Tukum ah tuah ding kan timhmi thil tete chungin biapi ngai pakhat cu Siangbawi Johnson<br />
philhlonak ca i magazine chuah ding a si. A fanu Ruti nih English article pakhat le hmanthlak<br />
pathum a kan kuat i kan i lawm hringhran. Dicky pa thlan le an chungkhar hmanthlak kan<br />
hmuh tikah lunglen le lunglawmh cawh in kan um.<br />
Cun ramdang um Laimi chung in kan pa Rev. Dr. Stephen Hre Kio nih Johnson ruak<br />
cung i a chimmi hnemhnak Thawngt,habia a kan kuat fawn. Bochanmi Thanglawi reltu zong<br />
nih tu thla thih hlan ah capar nan kan kuat cio nakhnga kan in nawl hna. Nan cungah Pathian<br />
thluahchuah tlung ko seh!<br />
Certual<br />
June 15, 2010 in t,uanhram kan thawkmi certual chunh cu kan t,uan saling a si. Seh a<br />
t,hat ahcun tu thla chungah a hranpi cu aa lim lai tiah ruahchannak kan ngei. Lei cawhnak seh<br />
hmannak nawl a kan petu Pu Ngun San Aung cungah lunglawmhnak chim cawklo kan ngei.<br />
Amah ngandamnak, a riant,uannak le a chungkhar caah thla campiak hna u sih.<br />
Pa Siangngakchia Tikholhnak<br />
Hlan lio i CCC coka umnak zawn, Van Hre Building pawng tein vawlei a kak i<br />
tlawmpal a tolh. Cucaah a pawng i pa tikholhnak ti inn cu hmang ti lo in Van Hre Building le<br />
male warden umnak karlak ah kan t,hial. Tichiahnak thirpung (tank) pawl kan hman chung.<br />
First Semester Examination<br />
2010-2011 cacawn kum First Semester Examination cu Sept. 17-30, 2010 ah tuah a si<br />
lai. Cheukhat subject caah cun final exam a si. Nihinni tiang CCC nih a hmanmi Grading<br />
System cu mark zakhat chungin tuakmi percentage system a si. Camipuai um lo in<br />
siangngakchia zong nih ca thiam khawhnak lam kan kawl khawh tikah cun kan i ning ngai ko<br />
lai.<br />
Thawngpang<br />
Sayamah Thlia Caan cu HBA nih tuahmi Ngaknu Training, Sept. 2-3, 2010, HBA<br />
zungah cawnpiaktu ah an sawm. Ngaknu 66 an kai tiah thawng kan theih.<br />
CCC Principal H. Siang Kung cu Sept. 17 in Yangon ah khualtlawn aa tim. A lam<br />
tluang ko seh!<br />
Myanmar Baptist Convention, i Theological Education Department nih tuahmi<br />
Church History (Baptist History: Myanmar Baptist History) Workshop, Sept. 28-30, 2010,<br />
MBC, Yangon ah CCC in Church History a chimtu Saya T,ial Peng a kai lai.<br />
CCC Nu hawikomh bu hruainak in “Nu le Ngandamnak” kong cu August 28, 2010 ah<br />
Sayamah Ni Cer nih nu 80 hrawng kan sianghleiruun ah cawnpiaknak a ngeih hna.<br />
CCC Sunday
Bethlehem Baptist Church, Cawbuk nih kum tin September zarhkhatnak cu CCC<br />
Sunday tiah an Khrihfabu Calendar ah an suai. Tukum Sept. 5, 2010 Sunday ni zong CCC<br />
Sunday a tuahtu Bethlehem Baptist Church ah Rev. Dr. H. Siang Kung, B. Th kum linak le<br />
BAE kum linak nih an va pumhpi hna. CCC caah thawhlawm a chuakmi Ks. 34,200/- le tisik<br />
anhnah tam nawnte an kan pek. An cungah lunglawmhnak tampi kan ngei. Vawleicung<br />
khuaza um Khrihfabu le hawikomhnak vialte zong nih mah le siarem ningin CCC Sunday<br />
phunphai in siseh, phundang in siseh, nan kan tuah piak ahcun CCC caah thil nganpi a si ko<br />
hnga.<br />
Bianihchuak!!!<br />
Thelh Hlei: CCC cu Baibal sianginn zong a lo lo.<br />
Thiam Cin: Aziah?<br />
TH : Camipuai an kan tuahter.<br />
TC: Baibal le Camipuai zeidah aasaing?<br />
TH: Cucu dah kaw kati cuh! Baibal chungah camipuai ti a um lo.<br />
TC: Camipuai biafang a um lo nain “I hneksak tuah u” (Put yourselves to the test) tiah pei<br />
I Kor. 13:5 ah a um cu!<br />
TH: Naa thiamter tuk!<br />
TC: Ahmanmi a si. Salm 26:2 kha rel law naa fiang chinchin lai.<br />
“CCC nih a dohmi”<br />
• Lam kip in thancho duh ngai i mah pumpak thancho i zuam lo � ccc<br />
• Thlacam t,hawn ngai i mi t,hatnak hmuh khawh lo � ccc<br />
• Khamhnak kong chim ngai i nunzia nih zulh lo � ccc<br />
• Dawtnak kong chim ngai i mi bomh zuam lo � ccc<br />
• Thiam duh ngai i carel/cazoh zuam lo�ccc<br />
Librarian he itonnak<br />
TL: Hello! Saya! Hmasabik ah na mintling le na chungkhar kong theih kan duh ko.<br />
Lib: Ka min cu Cung Lian Thawng ka si. Chuahpi unau pahra lakah a hniangchang ka si. Ka<br />
chuahnak cu Senthang peng, Zat,hal a si.<br />
TL: Na cacawnnak?<br />
Lib: 1996 ah B.E.H.S No.(1), Hakha in tanghra ka awng. 2003 ah CCC in B.Th, 2007 ah<br />
MIT in M.Div le 2010 ah Lutheran Theological Seminary, Hong Kong in M.A ka dih.<br />
TL: Na t,uanmi rian?<br />
Lib: CCC ah Librarian rian ka t,uan lio a si.<br />
TL: Khoika dah na um?<br />
Lib: CCC nih kan ngeihmi inn vialte lakah a t,ha bikmi, CCFDK, Denmark nih an kan sak<br />
piakmi Staff Quarter ah ka um ko hih!<br />
TL: CCC Caruuk ah cauk zeizatdah nan ngeih?<br />
Lib: Pathian mithmai zoh in le Laimi zawnruahnak ruangah dawtu hna hlutnak thawngin<br />
13000 lengkai kan ngei.<br />
TL: Caruuk riant,uantu ahodah nan si?
Lib: Keimah, cun Assistant Librarians (Pu Lian Kim le Pi Nuh Nuh Sein) he tiah minung<br />
pathum kan si.<br />
TL: Caruuk riant,uannak he pehtlai in Hong Kong i na cawnmi kong theih kan duh ko.<br />
Lib: Ka kainak sianginn hi Lutheran Theological Seminary, Hong Kong ah a si. Ka cawnmi<br />
program hi Master of Arts (Theology) Emphasis on Theological Librarianship a si i<br />
Nichuah Thlanglei Asia ah hin hi bantuk program hi LTS lawngah a um. Theological<br />
Library i rian a t,uanmi hna caah tuahmi a si caah a t,ha ngaingai. Library Science lawng<br />
si lo in Theology zong cawn chih a si Theological Seminary i riant,uantu hna caah<br />
fimnak a pek lawng si lo in riant,uannak zong ah pumpek nun a kan petu a si chih.<br />
TL: Na cawnmi hi CCC ah na hmang kho maw?<br />
Lib: Ummmm! Ka hmang kho ko. Amah belte tangka thazaang tampi dih a haumi rian ah<br />
cun kan i harh pah.<br />
TL: Caruuk riant,uannak ah zeidah nan chambau bik?<br />
Lib: Kan chambaumi ti cun a tampi ko. Abik in kan chantiluan nih a ngeih ve cang caah<br />
Library i kan ngeihmi cauk hna hi fawite in le rangte in kawl khawh, hmankhawh nak<br />
ding ah catalog kan ngei kho rih lo i kan har ngaingai. Manual catalog hmanh si lo in<br />
computerized in thlen khawh siseh law kan ngeihmi cauk hna hi hinak in kan i<br />
t,hathnemhpi deuh ngai lai. Cu ti tuah khawhnak ding ah Software kan herh ko. Cun,<br />
mei hi a rat nakin a rat lo caan a tam deuh i riant,uannak ah kan rian hma a kal kho lo.<br />
Cu lengah, kan cauk hna hi Theological Student caah cun hman ding a um len ko nain<br />
BA (English) kan fale caah resources a um lo tluk a si. Sayate nih chimhmi lawng an i<br />
rinh i mahte in study tuah khawhnak cauk kan ngei lo. M.Div zong kan thawk cang tikah<br />
kan cauk hna zong hi a hlunmi a tam deuh i update cauk kan herh ngaingai.<br />
TL: Caruuk i nan riant,uannak he pehtlaiin zapi theihter na duhmi?<br />
Lib: CCC Caruuk cu Laimi vialte caah a si bantukin a ho poah nih ning le cang tein le zalong<br />
tein hman khawh a si. A tu tiangah cun a lenglei unau chung in a hmangmi an tlawm<br />
ngai rih! Cun, rothil, cauk t,hat,ha, pumpak, Khrihfabu in kan ngeihmi hna zong hi<br />
Laimi zawnruahnak lungthin he rak kan hlu hram uh! A hmannak a kauhdeuh ahcun kan<br />
thluachuah a tamdeuh ve ko lai. A santlaihnak a tamdeuh ahcun Laimi kan<br />
t,hangchodeuh ve ko lai.<br />
TL: Hmailei ca na suduhthah?<br />
Lib: CCC hi hmailei caan saupi tiang a kal cuahmah dingmi a si caah kan caruuk pi hi chan a<br />
dawi khomi dirhmun ah thlen hrimhrim kan herh. E-Books, E-Journals tibantuk online<br />
resources zong tampi kan hman khawh ve nakhnga kan caruuk hi computer based<br />
catalog tuah khawhnak ding ah Library Software i zalh in rian domh kan hau! Cu lawng<br />
si lo in CCC hi a kapkip fimnak a tlinnak a si khawh nakhnga (secular resources) le kan<br />
nunphung, kan bia le kan hla, kan rothil kennak hmunhma ah a can khawh nakhnga<br />
Laimi dihlak i bawmh in <strong>Chin</strong> Research Centre tibantuk CCC ah dir kho ve seh law<br />
CCC Caruuk hi Laimi tuanbia kengtu ah a si kho hnga! Laimi dihlak kan t,an ahcun kan<br />
chunmang a tlam a tling ko lai.<br />
TL: Caan na kan pek caah kan i lawm.<br />
Lib: Ummm! Lai Lungrawn ah ka dang te ko kun uh. Kaa lawm ve.<br />
CCC Friday
<strong>Chin</strong> Baptist Mission Church, DC nih cawnninga zaan sang pumh ah a chuakmi<br />
thawhlawm cu CCC an pek lengmang. CCC caah thazaang taktak a si. Sayate le<br />
siangngakchia caah rilcat pehtu a si.<br />
Restricted Circulation