Download File - Chin Christian College

Editha Cabuai in
Established 2004
Vol. 7, No. 9 December 2011
A Living Sacrifice
(Rom. 12:1)
Kum 30 hrawng a si cang rua ka ti. MIT, Insein in Baibal sianginn
kan kai lio a si. Hlasakthiam Pa Sang Zel nih, “Lawmhnak Ni” timi Lai
hlaphel a rak chuah. Laimi caah chanthar ringawn tum thiamnak le hlaphan
ningcang a santertu pakhat ah ka ruah. “Lawmhnak Ni” a ti hnawhchan mi
cu Christmas le Kum thar lawmhnak an si. Cu hlaphel chung i Pa Sang Zel
hla bia in nan kut kan tlaih hna. “Nan cung ah um ko seh, chuahni
lawmhnak Merry Christmas a nuam, nuam kum thar.”
December 1, 2011 cu CCC ah Christmas donnak puai kan tuah.
B.Th. kum linak a kai lio mi Abednego nih pumh a kan hruai. Chan Hnin
Thang (M.Div II) nih thla a cam. Principal nih “Pathian minung i a cannak”
(incarnation) tlangtar he Thawng Tha a chim.
Nan theih cio bantuk in, “Jesuh Khrih cu minung sining lawng a
ngei, Pathian sining a ngei lo,” tiah Arius nih a rak aupi ruang ah cu kong
ceihmai ding ah Khrihfa hruaitu pawl Nicea khua ah AD 325 ah an i tong.
Cu ahcun Arius ruahnak cu a palhmi a si tiah thanhnak an rak tuah.
Kum zakhat reng lo a rauh hnu, AD 451 Chalcedon khua ah tuahmi
civui (The Council of Chalcedon) thawk in Jesuh Khrih cu minung sining
he Pathian sining he a ngeih veve hna ti hi fehter a si. “Zeitindah minung
taktak a simi nih Pathian sining zong a ngeih chih hnga?” ti hi nihin tiang
zumhnak lei ah khurkhua ruattu mithiam, mifim le mithiang tampi nih
fianter an i zuam nain an fianter ngaingai kho lo.
Hi kong hi hngalh timh deuhdeuh ah a buai deuhdeuh mi a si.
Asinain kan caah thazaang a sinak zawn in kan i lak khawh a hau i cu ti lei
khel in a chim zong kan chim ding a si. “Bia cu minung ah a cang” (Johan
1:14) ti mi cu “Kan biaknak chung i aa thup mi biathli,” a si i “…a hmaan
tiah Thlarau nih tehte a khan” (I Tim. 3:16). Cu caah Christmas timi cu
Immanuel “Pathian kan sin ah a um,” ti a si i phun dang in chim ahcun
“Pathian cu minung he nun aa hrawm” tinak a si. “Bia cu titsa ah a cang,” ti
cu nun i hrawm a si ko. Cu caah Laimi (Chinmi) dihlak kan nun i hrawm u
sih. Nun i hrawmnak in Christmas a sullam langhter ding ah kan sawm hna.
Cauk
1. Norway Chin Mission Church thazaang in cawkmi cauk cu an phan cang.
A dihlak ah uk 293 a si. NCMC cung ah lunglawmhnak tampi kan ngei.
2. Hakha YMCA lutlai Pu Thla Kio Lian khuakhannak in CCC le YMCA,
Hakha cu joint library tuah a si. YMCA cauk vialte CCC library ah kan
chiah. BAE pawl caah an tha taktak. A tu nai zong ah cauk thar le nganngan
le thatha an rak phan. BAE English caah cun an tha meisei. Pu Thla Kio
Lian cung ah kan i lawm ngaingai.
Thlaithar
November 27, 2011 Sunday cu Thlaithar zarh a si. Hakha khuapi um
tipil Khrihfabu vialte sinah CCC Sayate an kal. December 10, 2011 i tuah
dingmi CCC Funfete kong an thanh. Cu ni ah H.Siang Kung cu Zion
Baptist Church ah Thawng Tha a chim. Thlaithar a chuakmi tisik anhnah,
thingthei hi phun 64 a si an ti.
Meiseh
Chin Evangelical Baptist Church, Dallas thazaang in cawkmi
meiseh cu kan hman cang. CCC Funfete zong ah kum dang ahcun
midang meiseh kan hlan tawn nain tukum cu kanmah meiseh te kan
hmang cang lai. Hi ahhin ringawn tumnak le hlasaknak caah meitha
tampi a hau tawn. CEBC cung ah lawmhnak tampi kan ngei.
Minor Seminary
CCC a umnak Cawbuk sang ah Roman Catholic nih Minor
Seminary (Baibal Sianginn) an dirh lai tiah thawng kan theih. Saknak
rian an thawk cuahmah lio a si. Annih cu Pathian nih chawva lei in
bawmtu a pek hna i Hakha a dawhtertu inn dawh dawh zong an kan sak
piak. Pathian rian le miphun thanchonak rian an tuanmi cung ah kan
lawmhpi hna.

Khuallian kan ngei
1.November 28, 2011 ni ah Newzealand in a rak tlungta mi Pu Henry
Van Thio cu siaherhnak nganpi he CCC ah a rak kan leng. Amah cu
ralkap ah major tiang a tuan hnu ah civil rian ah a lut. Cun pensen a lak
hnu ah a nupi Dr. Anna Sui Hluan (Rev. Dr. Ral Bawi fanu) ca a
cawnnak Nelson khua Newlealand ram ah an chungkhar in an um lio a si.
Dr. Anna Sui Hluan cu Dr. a pahnihnak a kai lio a si i cacawn a lim in
kawlram ah Pathian rian tuan ding an si.
2. December 5, 2011 ah Mandalay Baptist Church i Lutlai Pastor Rev.
Ngun Tlung a kan leng.
Main Building
CCC innpi saknak caah a herhmi phaisa dihlak i cheu riat cheukhat
kan hmuh cang. December 5, 2011 tiang kan sin a phan mi phaisa petu le
pekzah cu tanglei bantuk in kan langhter.
Kawlram chung in hmuhmi
1. Chin Baptist Association 27,44,780
2. Gangaw Baptist Association 5,50,850
3. Hakha Baptist Association 98,91,645
4. Thantlang Association of Baptist Churches 51,97,110
5. Zophei Baptist Association 16,40,720
6. Senthang Baptist Association 17,00,495
7. Lautu Association of Baptist Churches 9, 23,025
8. Lai Baptist Church, Yangon 27,01,000
9. Yangon Lautu Baptist Church, Yangon 10.,36,000
10. Lai Baptist Church, Mandalay 6,08,000
11. Yangon Lai Baptist Church, Dagon 5,00,000
12. Saya James 10,000
13. Tha Hmun Mang 20,000
Total 2,70,23,625
Ramdang in hmuhmi
1. Norway Chin Christian Federation 12,446,555
2. Rev. Za Thang (Haiphai) le hawi, Malaysia 2,00,000
3. CEBC, Dallas 9,30,000
4. Jacksonville Chin Baptist Church 4,18,000
5. IBC, Sandnes, Norway 5,00,000
6. Chin Revival Church,USA 4,00,000
7. Midland Chin Baptist Church 12,00,000
8. Syracuse Chin Christian Church, New York 2,24,000
9. Texas Chin Baptist Church,USA 26,47,000
10. Chin Agape Church, Germany 5,00,000
11. WACCC, Australia 6,74,000
12. LCF, Singapore 3,00,000
13. Malay Mi E Christian Fellowship 2,49,000
14. Iowa Chin Baptist Church, USA 6,00,000
15. Grand Rapids Chin Baptist Church 12,00,000
Total 2,24,88,555
Thawngpang dangdang
Grand Total 4,95,12,180
1. ATEM hruainak in tuahmi National Theological Worship on
Disability Course for Theological Institution in Myanmar, Yangon,
November 28- December 2, 2011 ah Rev. Dr. Lian Dokham a kal.
2. CCC Funfete cu December 10, 2011 ah, tuah a si lai caah
timhtuahnak kan ngeih lio pi a si. Tu kum zong CCC hmun chung
ah tuah a si lai. CCC bus a um ti lo nain tlunkalnak bus cu tuaktaan
si lai i a caan zong thanh than a si te lai.
3. CCC Bus kong ah principal cu Yangon ah December thlachung ah
kal than ding a si.
4. Christmas holiday cu December 13- January 8, 2011 chung a si lai.
5. Tu zarh hi Laitlang um Myone pakua pumpululh chuih le tennis tuk
zuamnak an tuah saling a si. CCC siangngakchia cheukhat zong an
tel ve.
Restricted Circulation