Download File - Chin Christian College

Established 2004
Vol. 6, No. 4 August 2010
A Living Sacrifice
Rom.12:1
Principal Cabuai in
Tukum cu CCC kum 20 a tlin kum a si.
Ngeihchiah thazaang nih pe sehlaw sathi luanh
in thlacamnak ngeih phu a si nain kan tuah kho
lo. Sihmanhsehlaw kan lungthin chung in a
chuakmi thawinak cu a lianngan ko.
Tu kum cu M.Div. kan thawk kum a si.
M.Div. kum khatnak a kai mi 25 an si. Anmah
caah tiin thiamkhun cachimtu zong kan sawm
piak hna.
Tu kum cu internet kan ngeih kum a si.
A ummi phaisa paoh kan hman chung.
Siangngakchia le sayate lawng siloin cawbuk
sang ca zong ah san a tlai i Pathian kan
thangthat.
Tu kum cu kan ram ah thimnak a um
kum a si. A niambik le a sangbik i kawngkawi
in biapi le biate ceihmai khomi demokaresi ram
kan phak nakhnga thlacam cio u sih.
Dr. Richard Chan Chum Hei
July 4, 2010 College Prayer Day ni a si i
Amerika in a rak tlung kate a si mi Dr. Richard
Chan Chum Hei nih “Mino le Ceunak” tlangtar
in cawnpiaknak a kan ngeih. Dr. Richard cu
2010 second semester in MIT, Insein ah
cachimh rian a peh lai tiah thawng kan theih.
David Van Bik Lecture Day
August 20, 2010 David Van Bik Lecture
Day ah Dr. Pa Hnin, Pastor of Tluang Hmung
Baptist Church, Fanthen, nih “Kan Ram nih
Hruaitu T,ha a Herh” tlangtar in a kan
cawnpiak. Pi Zo Kai (Steven nu) nih zingpumh
ah “Pathian a um a har” timi Thawngtha a kan
chimh.
CCC “Pumpululh Thawngpang”
2010 World Cup cu Spain nih an lak i a
dih cang ko nain CCC pumpululh zuamnak cu
zarh khat hnu zarh khat nuamngai in class khat
le khat i zuam peng a si rih ko. August 7 ah
BTh kum khatnak nih kan tei ko hna lai tiah an
ruah sual mi CCC Staff cu an zuam hna i (1:3)
in an sung diam. Staff lei an hmaikal Ronaldo L.
Kham nih sungh ding ah a ruat kho mi Class
dang nan um ahcun kan zuam t,han te ko uh tiah
ESPN ah a chim. Zohtu cheukhat hna nih a
thiambik ah an thim mi cu staff hmaikal Henry
a si an ti.
Main Building Working Committee
1. Convener & contact person -Principal
2. Engineer - A.E Go Khan Mang
3. Asst. Engineer - Pu Zing To
- Pu Kep Chin
4. Secretary - Rev. Tial Peng
5. Keeper -Saya Bawi Tawng
6. Treasurer - Sayama Thlia Caan
7. Thilri zaltu - Rev. Tin Hmung
8. Liaison - Pu Ram Cung
9. Member - Rev. Dr. Hla Aung
Thawngpang dangdang
1. Amerika in Pu Ceu Hlun nih Grammar In
Use Intermediate by R. Murphy le The
Ultimate Phrasal Verb Book by C. W. Hart
a kan kuat i kan i lawm ngaingai.
2. ATEM, MCC, MEI le MIT komh in tuahmi
World Mission Conference kum 100 tlinnak
seminar, July 17, 2010 MCC ah Rev.
Tluang Ceu a kai.
3. Merlin nih tuahmi Malayria Awareness
Conference, June 22-23, 2010 ah Ms. Ngun
T,,ha Par a kai.
4. Rawl chuangtu umnak coka cu a um ciami
thing in sak a si i an lim cang.
5. Hakha Khuahlun Baptist Church biakinn
foundation vawlei chilh rian cu B.Th III,
B.Th IV le sayate pahnih nih July 3, 2010
ah an bawmh hna.
6. Librarian Cung Lian Thawng cu ZTC,
Falam ah Library kong he pehtlai in August
12, 2010 ah a va tlawng ta.
7. Bible Sunday, August 15, 2010 ah Hakha
khuapi um Tipil Khrihfabu hna sin ah CCC
siangcachim le siang cacawng dihlak an i
then i an pumhpi hna. Holh phun hra in
John 8:31-32, an rel piak hna.
Norway In
MF, Oslo ah M.Th. (Biakam Thar) a kai
lio mi Saya William Khen Chum Bik cu a
sianginn khar chungah a rak tlung ta i July 6,
2010 ah CCC sayate he hawikomhnak an ngei.
CCC Magzine
Tukum CCC Magazine cu siangbawi
Johnson philhlonak caah chuah ding a si i
September 30, 2010 hlan ah capar nan kan kuat
cio nak lai kan in nawl hna.

Lecturer Ni Hlei Cuai He Tonnak
TL: Hello! Hmasabik ah na min tling,
dawtkawh min le na chungkhar kong theih
kan duh ko.
NHC: Ka min cu Ni Hlei Cuai a si. A Cuai tiah
an ka auh. Ka pa min cu (U Toe Ni) a si i
ka nu cu Pi Mah Zi a si. Unau pali kan si i
keimah hi upabik ka si.
TL: Na cacawnnak le hmailei ah t,uan na
timhhmi!
NHC: A tu hi B.E. (civil) ka dih cang. M.E.
pehding ka si nain ka peh ti lo. Hmailei ah
a si khawh ahcun English tu hi perfect si
tiang peh ka duh ko.
TL: Na tuanbalmi rian le a tu na tuan li mi.
NHC:Silver Swan Hotel ah Receptionist ka tuan
bal. Cun sianginn ka kai chung ah siseh,
rian ka tuan lio ah siseh, International
School i siangngakchia pawl kha tuition
ka chim hna. Summit Spoken Class ah
class teacher le song section teacher ka
tuan fawn. Atu cu CCC ah part-time
lecturer ka tuan.
TL: Magazine ah nangmah mui aa telnak
tlawmpacik in!
NHC: 2005 May thla, Mandalay LBC nih
chuahmi magazine ah phaw cuang ah kaa
tel. 2006 April thla, Myanmar Times
Journal ah hla ka sak lio a lang. 2008
August thla, A Lin Tan Journal ah ka rian
tuannak he pehtlai in interview an ka
tuahnak aa tel. 2009 November thla, Idea
Magazine ah fashion show kaa telnak a
lang.
TL: Mirang holh a thiam ngai an in ti i
zeitindah na cawn ning a si?
NHC: A thiam ngai cu ka si lo nain, Mirang
holh he pehtlai in Pathian nih thluachuah a
ka pek. Ka holh khawhnak hi cu Saya
Bawi Kian sin in a hram ka domh. Cun
Saya Siang Uk sin ah ka cawng chap.
Anmah ruang bikah ka holh kho. An ka
thiamter.
TL: University sianginn kai le CCC sianginn
kai hi zeitindah na ruah?
NHC: CCC sianginn kai hi a tha deuh ngai in ka
hmuh. Mirangca lei a si ah biaknak lei a si
ah cawn ti khawh a si i university nakin
fimnak a tam deuh tiah ka ruah.
TL: Hla zong a sa pah ti thawng kan theih.
NHC: Mirang hla ka sa deuh. Summit Spoken
Class ah song section a um. “Learning
English through songs” tiah an ti i Mirang
hla ka chim hna. A kai mi zong an tam
ngai.
TL: CCC ah Mirang ca kan thiam chin nakhnga
ruahnak cheuh na duhmi!
NHC: CCC ahhin a si khawh ahcun Mirang
holh in debate, tempo talk le song contest
hi um sehlaw Mirang holh cu aa chap deuh
ko lai tiah ka ruah. Conversation class
zong a um cang i a tha ngai. Cun
conference phun khin presenter pakhat
dirter i a dang nih duhmi hal zong khi
Mirang ca an i chap ngai lai tiah ka hmuh.
TL: Tu hrawng Lai mino tampi ramdang an
kal/pem hi zeitiandah na ruah?
NHC: Mah le sining, ruahning cio a si i kei cu a
tha tiah ka ruah ko. An lungchung ahhin
aim le hope an ngei cio ko ti in ka ruah.
TL: CCC cu Chin Christian University ah ser
kan duh si kaw tluangdang um Laimi sin ah
cah na duhmi!
NHC: Ser khawh siseh law a tha tuk hnga. Ca
cawnning, activities pawl le a dangdang ka
zoh tikah kan Kawlram chung university
nakin a tha deuh. Ramkip um mi Laimi
caah le Lairam caah hmai hngalpi awktlak
a si ko. Thazaang chuah cio ding kan si.
Tl: Laitlang khuasak hi zeitindah na ruah?
NHC: Lai tlang khuasak cu sining tlam a tlin
pah ahcun kan Laimi caah vawlei cung
ram tha bik hna nakin a nuam bik ko.
TL: Mino hna sin ah cah na duhmi!
NHC: A dang cu cah ka thiam lem lo. Mirang
ca chimtu dirhmun in English thiam ahcun
mit hmai a bilo ti thei hna sehlaw ka duh.
TL: Caan na kan pek caah kan i lawm.
NHC: Kei zong nan ka halmi bia cung ah kaa
lawm tuk ve.
Light English Conversation Club (LECC)
Thawkni: August 6, 2010 (Friday)
Tinhmi: CCC nih Mirang holh hi nitin
holh ah hmang kho ding in.
A kai khomi: Minung 29, Pa (24), Nu (5)
Sayate: Lecturer Ceu Cin
Lecturer Harvey Van Bik
Lecturer Hta Cin Sung
Bianuam
Pa Phi: Camipuai ka phi thiam lo.
Nu Vak: Aziah?
Pa Phi: Question ka fiang lo.
Nu Vak: A twist da ra.
Pa Phi: Twist nemmam hlah!
Nu Vak: Na question cu chim hnik hen!
Pa Phi: Na fiang hlei lai lo.
(Restricted Circulation)