literaturan murgildurik ahozko euskal literatura ... - Nagusia

DBHko 2 maila.. Hizkuntzen Trataera Bateraturako Materialak
Euskal Hizkuntza Eta Literatura
Ahozko Euskal Literatura. Jendaurreko azalpena.
13. jarduera. Hizkuntza-erregistroa.
Zer da erregistroa? Hona hemen hiztegiak dakarrena:
Erregistroa da hiztun batek harreman, asmo, gai, formaltasun-maila eta testuinguruko
beste hainbat faktoreren eraginez erabiltzen duen hizkera.
Jendaurrean egingo duzuen azalpenak honako ezaugarri zehatz hauek ditu:
1.- aurrez planifikatuta dago
2.-erregistro formala izango du.
3.-entzuleen araberako egokitzapena beharko du, hau da, azalduko duzuena
hartzaileen mailara egokitu beharko duzue
Edozein testu prestatzean eta ekoiztean, kasu honetan jendaurreko azalpena,
funtsezkoa da komunikazio egoerara egokitzea.
Erregistro formala diogunean, ikasgelako kideen aurrean egingo duzuen azalpena bada
ere, jarduna ezin izango da lagunen arteko erregistro hurbilekoa izan; beraz,
hizkuntza molde estandarra erabiliko duzue, neutroena eta maila jasoa, formala,
emango diozue. Horretaz gain, gaiaren eta azalpenaren ezaugarriak hartu beharko
dituzue kontuan.
Prozedura
Taldeka arituko zarete. Lehendabizi, bideo pasarte bat ikusiko duzue. Protagonistek
lagunarteko hizketa, hitanoa, darabilte. Ikusi ondoren, elkarrizketaren transkripzioan
falta diren hutsuneak beteko dituzue.
Testua osatuta eta talde handian zuzendu ondoren, berriro bildu eta testu osoa
erregistro estandarrera aldatuko duzue eta kutsu formala, jasoa, ematen
ahaleginduko zarete. Horretarako, lagungarria izan dakizueke gaztelania arloan
egindakoa kontuan hartzea, testu formalari dagozkion ezaugarriei erreparatzea,
alegia.
Aldatu beharko dituzuen lagunarteko esapideak azpimarratu egin dizkizuegu.
Azkenik, ikaskideen aurrean antzeztuko duzue erregistro formalera aldatu duzuen
testu hori.
(Ariketaren iturria: www.ikasbil.net)
Gaizkiulertua
57