Create successful ePaper yourself
Turn your PDF publications into a flip-book with our unique Google optimized e-Paper software.
BERRIKETAN<br />
Saioa Otxandorena:<br />
“Gurean euskaraz hitz egiteko ohitura<br />
ez ote den jaisten ari kezkaturik nago”<br />
Lizasoarra, gaztea eta hemendik aurrera,<br />
Ultzamako zinegotzia. Azken urteak<br />
kanpoan ikasten eman ondoren, gurera<br />
itzuli da Saioa. Hizkuntzetan interesatua,<br />
euskal filologia ikasi du Gasteizen, eta<br />
aurten herrira itzuli egin da. Aldaketa<br />
handia ez du sumatu, Arabako hiriburua<br />
hiri handia ez delako eta hurbil dagoelako.<br />
Irakaskuntzan lan egitea gustatuko<br />
litzaioke, nahiz eta oraindik CAP delakoa<br />
egin beharko duen. Bigarren Hezkuntzan<br />
lan egitea nahiago badu ere, badaki<br />
gaur egun lana lortzearena ez dagoela<br />
batere erraza. Hurrengo lerroetan, Saioa,<br />
Ultzamako zinegotzi berria.<br />
Berriz ere etxean, Bilduko zerrendetan sartu eta<br />
orain zinegotzi izan behar duzu aurrekoak utzi<br />
duelako... Nolako sentsazioak dituzu?<br />
Berez ez nuen sartzerik espero, nahiko behean egotean<br />
uste nuen ez nintzela sartuko, baina orain egokitu<br />
zaidanez pozik hartzen dut. Gogotsu eta pozik.<br />
Lan egiteko gogoekin.<br />
Ba al dakizu nolabait zer egingo duzun?<br />
Orain ari gara lana banatzen eta ardurak ere aztertzen<br />
eta banatzen.<br />
Ikusten al duzu zure burua hor Osoko Bilkuraren<br />
erdian?<br />
Errespetuz ikusten dut asuntoa, errespetua ematen<br />
du, baina tira, guztiok ezagutzen dugu elkar, behintzat<br />
taldekoak bai. Nik aurrekoek egindako lanaren<br />
jarraipena egingo dut.<br />
Hauteskundeak oraintxe izan dira, eta emaitzak<br />
onak izan dira, bai Ultzaman eta baita inguruko<br />
bailara guztietan ere...<br />
Aldaketa hurbilago dagoelakoan gaude, ea zer gertatzen<br />
den.<br />
Larraintzarren ikasi duzu, D ereduan, etxean<br />
euskaldunak zarete, nola ikusten duzu zure bailaran<br />
euskararen egoera?<br />
Egia esan pixka bat kezkatua nago gurean euskaraz<br />
hitz egiteko ohitura ez ote den jaisten ari. Nik uste dut<br />
gure garaian gehiago egiten zela; eskolako jantokian<br />
aritu naiz noizbait lanean eta ikusi dut zeinen gutxi<br />
egiten duten.<br />
Zergatik izan daiteke hori?<br />
Bada, ez dakit zergatik izan daitekeen, moda kontuak<br />
dira batzuetan, bestetik ere instituzionalki gai honi<br />
ematen ez zaion garrantzia eman behar zaio. Udaletik<br />
laguntza gehiago eman behar zaio. Egoera, hala<br />
ere, ez da berbera bailara guztietan; Basaburuan<br />
ikusten da jende helduaren artean gehiago egiten<br />
dela, gurean gutxiago egiten da, bere garaian galdu<br />
egin zelako, eta gazteen artean koadrilaz koadrila<br />
doala kontua; batzuek bai eta beste batzuek gutxiago<br />
egiten dute. Haurren artean gutxiago egiten dutelakoan<br />
nago, nahiz eta guraso euskaldunak izan.<br />
Berueten lehenbiziko jaunartzeak<br />
Azkeneko urtetan ez dugu ikusi halako<br />
haur talderik lehenbiziko jaunartzea egiten<br />
herri honetan. Nongoak eta nor dira, bada?<br />
Esaldi hauek edo antzekoak entzuten ziren<br />
Berueten maiatzaren hemezortzian.<br />
Lehenbiziko jaunartzea egin zuten zortzi<br />
haurrek, neskato eta mutiko. Bi urte<br />
desberdinetakoak ziren; baina, nor ziren<br />
haur hauek?<br />
Hementxe doaz beren xehetasunak:<br />
Leire Barberena Cocera, Berueteko Peruskenekoa.<br />
Jokin eta June Miqueo Sanchez, anai-arrebak,<br />
Berueteko Errandoxenekoak<br />
Fermin Izal Miqueo, aurreko bi horien lehengusua.<br />
Honen ama Errandoxenekoa da nahiz orain Iruñean<br />
bizi.<br />
Leire Goñi Soraluce, Berueteko Irubidekoa.<br />
Aingeru eta Aizeti Lierni Murugarren Ilundain, senideak,<br />
Aizarotzen bizi direnak.<br />
Iker Arizcuren Artola, Aizarozkoa.<br />
Bertan izan ginenak gauza askoz ohartu ginen eta<br />
denon ahotan zebiltzanak aipatuko genituzke:<br />
Hasteko, eliza dotorea, garbia, txukuna, oso ongi<br />
zaindua, lore eta detaile guziz ausarki hornitua.<br />
Eliztarren arreta eta maitasuna nabaria da, dudarik<br />
ez izan. Ez dago ez eskutik utzia, atzendua; badira<br />
bai herrian begiratzen diotenak eta txukun edukitzeko<br />
ardura dutenak.<br />
Jendearen parte hartze gogotsua erantzunetan,<br />
otoitzetan, jaunartzera aurreratzean, gizonezkoak<br />
ere tarteko.<br />
Jai giroa, musikaz oso ongi hornitua herriko emakume<br />
talde bat buru zela abesten. Ez dugu inoren<br />
izenik aipatuko norbait atzendua utzi gabe, baina<br />
bai, Nartxi Navarro organo jolea. Zinez, bere maisutasunez,<br />
ospakizun alaia eta oso egokia eskaini<br />
digute.<br />
Eskerrik asko, Nartxi, laguntzeko beti prest aurkitzen<br />
zaitugulako.<br />
Haurren parte hartzea: lasaitasunez, ongi entzuteko<br />
moduan, ahoskera egokiaz egin dituzte beren<br />
irakurketak eta herriaren otoitzak.<br />
Eskatzen zaion edozein zereginetan herritar guzien<br />
esku botatzea ez du atzentzekoa, borondate bikaina<br />
erakutsi dute.<br />
Maiatzean gaudenez gero, beren loreak Ama Birjinari<br />
eskaini dizkiote haurrek, aspaldiko “Goazen,<br />
goazen guziok…” abestu duten artean.<br />
Eta eukaristiaren ondoren, elizatarian, eguzki epela<br />
hartu bidenabar, zortzi haur hauen aurrean neskatxa<br />
gazte batek aurresku polit bat dantzatu du omenaldi<br />
gisa.<br />
Ea noiz prestatzen zaizkigun hurrengo haurrak<br />
beste holako ospakizunerako!<br />
KONTU KONTARI<br />
20 131 131<br />
21