ERREGISTRATU SARTU BAJA EMAN - AVPD - Euskadi.net

1.4. UNITATEA
IRAKASLEAK
19
OSPEA ETA PRIBATUTASUNA
HELBURUA
∞ Ikasleak bultzatu pribatutasunaren gainean gogoeta egin dezaten. Horretarako,
egungo kultura modernoan gertatzen den egoeraren bat hautatu. Egoera herritarren
bizitza pribaturako eskubideari buruzkoa izan beharko da.
Maiz pertsona ospetsuen, errege-erreginen familia eta
ahaideen eta bestelako pertsona publikoen bizitza pribatua
komunikabideen jo puntuan egoten da. Ohikoa izaten da
paparazziak horrelako pertsonaien bizitzan muturra sartzen
ibiltzea. Baina, muturra familiako kideen bizitzan ere
sartzen dutenean, pertsonaiek neurriak hartu behar izaten
dituzte pribatutasuna babestu nahi badute.
Oharra: Fotokopia ezazu ondoko orrialdean dagoen kasua,
gelan banatzeko. Azaldu ikasleei Carolina printzesari
gertatutakoak aurrekaria ezarri zuela, ez hainbeste bera
zelako, baizik eta Giza Eskubideen Europako Auzitegira
heldu zelako kasua eta Auzitegiak printzesaren aldeko epaia
eman zuelako. Erresuma Batuan badago antzeko beste
kasu bat jakitea merezi duena: pertsonaia ospetsuetan
espezializatutako prentsa-agentzia batek hainbat argazki
atera zizkien paseoan zebiltzala Harry Potteren nobelak
idatzi zituen JK Rowling-i, senarrari eta haur jaioberriari.
JK Rowlingek galdu egin zuen prentsa-agentziaren aurka
Auzitegi Nagusian izandako epaiketa, baina epaiaren aurka
egiteko prest agertu da.
Beste horrelako kasu asko daude, ospearekin, famatu
izatearekin eta bizitza pribatuaren babesarekin lotuta.
Entzutetsua izan da Galesko Dianari gertatutakoa; izan ere,
Ingalaterrako Carlos printzearen emazte ohia zena, kotxe
istripu batean hil baitzen, atzetik segika zituen prentsa
arrosako kazetari batzuengandik ihesi zihoala.
Oharra: Hona Datuak Babesteko Espainiako Agentziak
(AEPD) ateratako hainbat ebazpen, Interneten eta bestelako
komunikabideetan zabaldutako informazioa dela eta,
herritar batzuk egindako erreklamazioen ondorioz.
Espainian auzitegiek hainbat epai eman dituzte
informaziorako eskubidearen eta ohorerako, norberaren
eta familiaren intimitaterako, eta norberaren irudirako
eskubidearen arteko talkaren gainean. Konstituzioaren
arabera, horiek denak oinarrizko eskubideak dira.
Azpimarratzekoa da gai honen gainean Konstituzio
Auzitegiak eratu duen doktrina, esaten duelako
informaziorako eskubidea gainetik dagoela, baina, hala
ere, nahitaezkoa izan beharko dela “informazioa garrantzi
publikoa duen zerbaiti buruzkoa izatea, hau da, notizia
izatea eta egiazkoa”.
AEPDk ere horrelako hainbat kasu izapidetu ditu, eta
datu-babeserako oinarrizko eskubidearen eta adierazpen
askatasunaren arteko oinarrizko eskubideen arteko
ustezko talken gainean ebatzi behar izan du, zein eskubide
nagusitzen den argitzeko; eta, horretarako, honako faktore
guzti hauek aztertu behar izan ditu: nolako informazioa
den, informazioaren helburua, ea egiazkoa den, ea interes
orokorren batek eraginda eskuratu den informazioa eta ea
arrazoizkoa izan den.
Auzi hori dela eta, AEPDk informaziorako eskubidea jarri
du besteen gainetik ebazpen gehienetan -batez ere,
komunikabideek egindako datu pertsonalen zabalkundeari
buruzkoetan-, baina, baldin eta komunikabideek
zabaldutako informazioa arrazoizkoa eta egiazkoa zela,
eta garrantzi publikoa zuela eta interes orokorreko gai
publikoei buruzko zela iritzi badio. Edozelan ere, AEPDk
kontrako ebazpenak ere eman izan ditu, uste izan duenean
informaziorako eskubidea besteen gainetik jartzeko
baldintzak ez direla bete. Esate baterako, kasu batzuetan
zehapenak ezarri dizkie hirugarrenen datuak argitaratu
dituztenei halako edo bestelako web orrietan baimenik
gabe; beste zenbaitetan foroetan, sare sozialetan, bideo
atarietan eta informazioaren gizartearen beste zerbitzu
batzuetan irudiak edo bestelako datu pertsonalak
ezerezteko eskubidea ere babestu izan du.