ERREGISTRATU SARTU BAJA EMAN - AVPD - Euskadi.net

1.5. UNITATEA
IRAKASLEAK
25
OSPEA ETA PRIBATUTASUNA
Eztabaidak sortzeko ikasgelan erabiltzeko
informazio osagarria.
HAINBAT IDEIA EKINTZARAKO
Bilatu eta aztertu AEPDk izan zuen kasu bat, adin txikiko ezindu bati, baimenik gabe,
egindako grabaketa bat Youtuben argitaratu zutelako. Hemen topa dezakezue: www.
agpd.es (Resoluciones; Proxedimientos sancionadores atala) eta hautatu honakoa
“Inserción de un video en Youtube”. Hona hemen lotura laburra: http://bit.ly/mYkIXA).
AEPDk bere kabuz erabaki zuen ikerketa bat hastea komunikabideetan bolo-bolo
zebilen informazio bat argitzeko; izan ere, ziotenez, bideoak argitaratzen zituen atari
ezagun batean jarritako irudi batzuetan gazte batzuk agertzen ziren ezgaitu psikiko
bati iseka egiten. (PS/00479/2008).
Ikerketa amaitu zenean, AEPDk ebazpen bat atera zuen eta Datu Pertsonalak
Babesteari buruzko Lege Organikoaren arau-hauste larria egin zela adierazi zuen, eta
1.500 euroko zigorra ezarri zien ezgaitasun psikikoa zuen adin txikiko baten irudiak
grabatzeagatik eta argitaratzeagatik bere baimenik gabe.
AEPDren ebazpenak agerian uzten du titularren baimena behar dela beti, edonoren
argazkiak atzeman eta argitaratzeko Interneten edonork ikusteko moduan. Batez ere,
pertsonak identifikatzea erraza bada eta adierazpen eta informazioa askatasunen
esparruan ez badaude.
JARRAIPENEKO JARDUERA
∞ Ikasle talde batek antzezlan bat egin dezake. Tokia epaitegi bat izan daiteke,
epaiketa-gela. Pertsonaiak bikote ospetsu bateko kideak dira. Prentsa salatu dute
seme-alabekin oporretan zeudela argazkiak atera eta argitaratzeagatik.