ERREGISTRATU SARTU BAJA EMAN - AVPD - Euskadi.net

1. JARDUERA
IRAKASLEAK
63
61. orrialdeko prentsa titularrei buruzko
jarduerarako erantzun lagungarriak.
Tren konpainia batek soldata murriztu die
sindikatuetan afiliatuta dauden langileei, greba
batean egindako lan uzteengatik
Enpresak bazekien zein sindikatutan zeuden
afiliatuta langileak, langileek datu hori erabiltzen
zutelako lansaritik sindikatuko kuota kentzeko
eta sindikatuei transferitzeko. Kasu honetan
enpresak afiliazio sindikalaren datua erabili zuen
langileei lan egin ez zuten egunari zegokion
soldataren zatia kentzeko. Datuak ez ziren
erabili bildu zirenean zegoen helbururako, beste
baterako baizik; eta, ondorioz, datu erabilera
bidegabea egin zen. Gainera, legeak babes
berezia aitortzen die sindikatu afiliazioari buruzko
datuei; eta horrelako datuak tratatzeko, ukituaren
(datuen titularren) berariazko baimen idatzia
behar dela dio.
Ikastetxe publiko batek onartutako eta ez
onartutako ikasleen izen-abizenak argitaratu
ditu iragarki-oholean, eta adin txikiko baten
ezintasunari eta bere familiaren errentari
buruzko informazioa ere bai, atal horiei
dagozkien puntuekin batera, onartua izateko.
Norgehiagokako prozesuetan aukera berdinak
izateko eskubidea bermatzeko, AEPDk
proposatzen du balorazioaren emaitza orokorra
argitaratzea nahikoa dela, eta osasunari buruzko
datuak edo errentari buruzkoak … pertsona
interesdunei baino ez ematea, hau da, lanpostua
eskuratzeko lehian parte hartzen ari direnei,
baldin eta eskatzen badute, desadostasunak
daudelako edo egiaztapenak egiteko. Horrela
jokatuta lortu nahi da prozesuan ez dauden
hirugarrenek daturik ez eskuratu ahal izatea.
Izar baten etxean egindako jai pribatu bateko
argazkiak zoom batekin eginda.
Seguruenik legeek ez dituzte datu sentsibletzat
joko halako datuak, baina ezin da ukatu badirela
datu pertsonalak. Beraz, pertsonaia ospetsuak
edo izarrak kexa bat aurkez dezake berari buruzko
datu pertsonalak eskuratzeagatik legez kanpoko
bideetatik.