Sabbath School Lesson 1, 2013(3rd Quater) - Myanmar Union ...

Khangham Sabbath school Lesson sinnaSABBATH SCHOOL THEME SONGI. Manpha Sabbath School manpha,Thusinna hun siangtho,Lungdam in kong pai uh Topa, na thute sin dinginHong pai un, Sabbath Sang, thuman pha sinna sangLungdam in kong pai uh Topa, na thute sin dinginII.Lai Siangtho simin ngaihsun leng, Nuntakna lam hong lak,thuman thutak Zeisu thute, Sinna hun manpha hi.III.Itna aw tawh Zeisun hong sam, Ama kiangah pai ni,Zeisu’ lungsim bang neih nading, Sinna hun manpha hiLESSON 1 * JUNE 29 - JULY 5KHANLAWHNA: EITE KISAP LIAN PENSABBATH NITAKTU KAAL SUNG SIM DING: Mang. 3: 14 - 21; Heb. 12: 7 - 11; Mt. 25: 1- 13; Zech. 3: 1-5; SOL. 5: 2-5;KAMNGAH: Kongkhakah dingin kong ka hong kiu hi. Ka aw za-in kong hong honte kiangah lutin an kanekhawm ding uh hi. Mang. 3: 20.www.myanmarunionconference.org

Khangham Sabbath school Lesson sinnaMangmuhna sungah Pawlpi Sagihte lakah Laodicea pawlpi in pawlpi sagiahna hi. Laodicea cih min iikhiatna in 'thukhenna thuak mite"cihna hi. Laodicea in hun nunung-a Pasian' mite limcing hi. Laodicea in Turkey gam' khanglamnitumna lam zangkuam khat-a om khua khat ahi hi. Sumbawlna phualpi, puan tuamtuam kibawlna mun, zatuilam sinna sangpi le pil sinna mun thupi khat ahi hi. Hih khua ah mihau, milian, mi muanhuai tampi teng uhhi. Ahi zongin hih khua ah tui hamsa hi. Laodicea khanglam tai 5 na ciktui phul-in, tuizawl tawh tui la uh hi.Khua sungah a tun ciang, tui lum philhpelh hi. Khrih in hih tui lum milmial gentehna in zangin, hun nunung athu-um mite' omzia: amau le amau dik kisa, amau gamtatna tawh lungkim uh, awlmawh neilo, thuman thutakkinlo in a omnate, pulaak hi. Laodicea pawlpi tungah thupuak in lametna tawh kidim thupuak hi. Khrih in a'mite itna tawh hong hopih hi; i kitangsap hong pia hi; hong khanglo sak, hong puahpha tawntung nuam hi.SUNDAY * JUNE 30LAKLAWH LAODISIA MITE A'DING LAMETNAKhrih in Pawlpi sagihte kiangah (Mang. 2-3) amaute' dinmun tawh kituakin thuhilh hi. Khrih'sapna aw a za mi khempeuh in tha thak ngahin a khanglo mite hi ding hi. Mang. 3: 14, 15; 2Kor. 1:20; Jn. 3: 10, 11; Kol. 1: 13- 17 sim in. Khrih in Amah le amah a kipulaakna ah bang hangin, "Thuman" "Citakin teci a pang" "Na khempeuh kipatna" cihte kammal zang hi ding hiam?Mang. 3: 14 ah, 'kipatna" cih kammal a zatna munah Greek laimalin 'arche' kizang hi.Na khat peuhpeuh kipatna, sepna khat peuhpeuh a pan khia cihna hi. Hih munah 'arche' inKhrih in na khempeuh piangsak hi, ci-in pulaak hi. Khrih in Piangsak Pa hi ( Jn. 1: 1-3; Eph. 3: 8,9 ). Hih in thupi mahmah hi. Am thupiakna tawh Khrih in na khempeuh piangsak hi. "Nuntaknapiang hen" ci-in Thupia Pa mah in, Laodisia pawlpi tungah lametna thute gen hi. Vangliatnatawh kidim Piangsak Pa in nuntakna thaksuaksak thei hi. Thuman thutak lunggulhnalungsim hong nei thei sak hi. I nunzia hong bawlpha thei hi.2Kor. 5: 17; Gal. 6: 14, 15 sim in. Nang a'dingin khiatna bang om thei ding hiam? Banghangin Laodisia tungah kigen thute in lametna thu hi thei hiam? Taai-na kammalte in bangcibangin thangahna suak thei ding hiam? "Thuman" "Citakin teci pang" "Na khempeuh kipatna" cihthu thum lakah koi in nang tawh kituak pen hiam? Bang hang hiam?www.myanmarunionconference.org

Khangham Sabbath school Lesson sinnaMONDAY *JULY 1ITNA TAWH TAAI (THUHILH)Mang. 3: 15, 16 sim in. Khrih in bang hangin Laodisia khauhtakin taai hiam? Sa lah sa lo, votlahvotlo, cih kammal in bang pulaak hiam? Khrih in hih kammalte sangin a dang kammal a zat ding a omhiam?Mang. 3: 15, 16 tawh kisai in Ellen G. White in hih bangin gen hi: "Laodisia pawlpi kiangah a genthute in, thuman thei hi napi lawpna nei lo, thu-um mi hi napi khanlawhna neilo mite a thuhilhna hi," cihi ( The SDA Bible Comm. Vol. 7. 962). Hih in i nuntakzia lawngkha hi. Lawpna, khanlawhna nei locih pen nuntakna nei lo biakna hi. "A hawng bek hi-in, a tak om lo hi." Lungsim takpi tawh biaknahi lo, lungsim le sunglam kipuahphatna nei lo uh hi. Upna man lo, nei hi peuh mah lo hi. Ahi zonginkhanlawhna, lawpna thute awlmawh-in nei lo, kinlo thu-um mite hi. Laodisia mite in gamtat hoih neiuh hi. Paul ii gen 'biakna thu a puatham bek zui, biakna hanga vangliatna a om thute nial" a cih thuLaodisia dinmun hi. ( 2Tim. 3: 15). Khrih in leitungah a om lai-in, biakna makaite kiangah, " a kampibek uh tawh kei hong zahtak bawl uh a, ahi zongin a lungsim taktak uh kei tawh kigamla hi," a cihmite ahi uh hi (Matt. 15: 8).Heb. 12: 7 - 11; Job 5: 17 - 19; Late 94: 12; Pau. 29: 15, 17 sim in. Bang ngimna tawh Pasian inhong taai hiam?Topa Pasian in leitung mite hong it ahih manin, puahphat kik theih nawnloh zah ding donginsiatna lampi a zui khaphial zongin, Pasian in tua lampi hong khaktansak lo hi. Kipuahphat nopnalungsim a neih theih nadingin Pasian in lampi tuamtuam zangin zol hi. Pasian'itna lian ahihmanin, tanglai Israel mite khauhtakin taai hi. Pasian in amaute a gawt (saltangin a om uh ) hanginsuahtakna a ngah dinguh lunggulh hi. Hosea in hih bangin gen hi: "Hong pai un, Topa kiangahciahkik ni; amah in eite hong balgawp hangin hong damsak kik ding a, eite hong liamsak hangin iliamnate hong tunsakkik ding hi lo ahi hiam? (Hosea 6: 1).Amah tawh na kinai zawh nadingin Pasian in gimna hong pia ngei hiam? Tua bangin na thuakkik loh nadingin, na thuak gimna in bang hong hilh hiam?TUESDAY *JULY 2A THU-IN NGAIHSUTNA LE A TAKTAKLaodisia tungah kipulaak thute bangin amaute gamta lo uh hi. Thuman thutak-in gamtathoih neii-in kingaihsut hangun, tua bang hi lo-in, a neih loh pipi uh a nei mah kisasa uh hi.Mang. 3: 17 sim in. Laodisia mite, amau le amau bangci kingaihsun uh hiam? TopaPasian in amaute bangci muh hiam? Amau nunzia kiphawl lo zah dong dingin bangin amaute mittawsak hi, ci- in na ngaihsun hiam? Eite zong amaute mah bangin, bangin i mit hong taw sak hiam?www.myanmarunionconference.org

Khangham Sabbath school Lesson sinnaKhanlawhna kitangsapzia i phawk khak loh theihtheih na'ngin Satan in eite hongkhemkhem hi. Khrih' hun lai-a biakna makaite in Khrih' gen thute muthei lo in, mittaw uh hi. LaiSiangtho simsim thu-umte hi. Sabbath ni-a hoihtak-a tawlnga mite hi. Sawm-ah- khat citakin apia mite hi. Messiah Honpa a ngak mite hi. Tua bang hi napi, Khrih' hilh thute um thei lo uh hi.Jesuh in tua bang mite 'mittaw makai' (Matt. 23: 24). Paul in tua bang mite hih bangin gen hi:"leitung pasian gilote in a lungsim mit uh tawsak ahih manin um lo uh hi," ci hi (2Kor. 4: 4). Tua ahihmanin Khrih in, " mittaw in khua a muh theih nadingin kong pai hi, ci hi (Lk. 4: 18). Ama kiang a zuanlungsim mittaw khempeuh Khrih in khuamu sak hi. Khrih in taksa mittaw khempeuh a damsakciangin, nate mu thei bek hi lo-in, lungsim mittawtna pan thuman muh theihna, Amah up theihnatawh piakhawm hi.Matt. 25: 1 -13 sim in. A hai nungakte le Laodisia mite, kibatna bang nei tuak uh hiam?Bang hangin ihmutna pan hong khanglo sak ding hiam? Bangin ihmut suahna pan hong teei- sakding hiam? Bang hangin khanlawhna awlmawhlo ziauziau thei zel i hiam? Bangci banginaawlmawhlohna hemkhia thei ding i hiam?WEDNESDAY *JULY 3VANTUNG' DAMNA ZATUILaodisia mite a'ding lametna a neih lai mah bangun, a ihmu, a lusu mite a'dingin lametna,vantung' damna zatui om lai hi. Khrih in a' pawlpi thuhilh hi. Tua thuhilh a zui khempeuhte a'dinglametna om lai hi.Mang. 3: 18, 19 sungah Jesuh' thuhilhte ngaihsun in. "Mei tawh kihah siang kham citak""puanpak" "khua muh theihna mit zatui" cihte in bang hong hilh hiam? 1Pet. 1: 7; Zech. 3: 1-5;Mang. 19: 7-9 le Eph. 4: 30 cihte zong sim in.Khrih in, 'Kongkhak ah dingin kong ka hong kiu hi"ci-in inn khat khit inn khat, lungsimkongkhak khat khit khat kiu kawikawi hi. Vantung hauhna tawh kidim Sumbawl Pa in, aneihsa khempeuh polhkhia-in, 'a hauh nadingun ka kiang panin kham citak hong lei un.Guaktang-in om-in maizum zel nadingun puan pak hong lei un' ci-in kiko hi. Kawkbanna om lo Ophirsuangmanpha sangin a manpha zaw 'kham' hong pia hi. Ka kiang panin, upna le itna hong la un,hong ci ahi hi. Guaktang, zahmawh sel nading puan pak in, Khrih' dikna puan ahi hi. Mittawtnapan khua muh theih nading mit zatui sathau, Khrih' hehpih itna hi. Tua mitza in thuman lethuzuau, Satan' nasepna le Kha Siangtho nasepna khentel theih nading ahi hi. VantungMihau pa in na kongkhak hong in ci-in hong sawl hi. I kongkhak hon lehang, Amah tawhkipawl khawm thei-in nasem khawm thei ding ihi hi. Tua 'kham citak lei dingin a hong sawlpa in,eite HONPA ahi hi. Ellen G. White, The Advent Review and Sabbath Herald, Aug. 7th, 1894.Khrih in kongkhak ah dingin kongkhak kiu hi. Thatang zangin kongkhak pukhia lo hi.Thatang hatna tawh hong lut lo hi. Pasian in hong huh nuam napi, mimal teelna kisap zia bangci inpulaak hiam? Nang le nang kidong in: "kongkhak hon lo-in bangci bangin nang tantan na hi hiam?Bang hangin kong hon lo ding na hiam? Bang nate in kong khakcip hiam? Siatna, kideekna om lowww.myanmarunionconference.org

Khangham Sabbath school Lesson sinnaut bangbang thaangtaatna, na nusiat nuam loh zongsatna hoihlo thangawkna pan suahtak dingbang hamsa sa na hiam?THURSDAY *JULY 4THURSDAY JULY 4 HONG GAMTANGSAK ITNAMang. 3: 20 le Sol. 5: 2-5 enkak in. Pasian' itna bangci pulaak uh hiam?Middle East gamte ah nitak an thupi ngaihsut uh hi; limbawl mahmah uh hi. Nikaai ta,nasep manin vaikuanna pan inn lam zuanin hong ciah diamdiam uh a, inn tungin, nitak ankuang um dingin sabuai kimkotah ki-um uh hi. Inntuan cih om khol lo zaw-a, inn khat sungahtengkhawm uh hi. Innkuan kicing mahmah uh hi. Tua Bangin anne in a tutkhop uh ciangun, tangthutuamtuam genin, khat le khat kiho-in, thu kihilh uh hi. Khat le khat kimuhkhopna hi banah, ki-itnakhangsak hi. Tua innkuante mah bangin Khrih in eite tawh nungta khawm nuam hi.Mang. 3: 21, Eite tawh a nuntak khopnopzia, a' kamciam in bangci pulaak hiam?Mangmuhna Lai Siangtho sungah Pasian' tokhom cih kammal 37 om hi. Mundangte sangin tam genzaw hi. Pasian' tokhom kimkotah vantung mite tawh lungdamkipakin nuamna la isa ding hi: "a kigoTuuno invangliatna le hauhna,pilna le thahatna, pahtawina, minthanna, le phatna, a ngah dingin kilawm hi,"a ci uhhi(Mang. 5: 12). Mawhna, siatna namcin khempeuh bei siang ding ban-ah hih a nopci pawi-pi ah mimal khatciat kihel thei dingin Khrih in kamciamhong pia khin hi. A lusu, a ihmu mite tungah, Pasian' tokhom kimahnopna pawi-ah kihel thei dingin Khrih in thu hong hilh hi. A hong it manin tawntung nuntak theihna i ngah hi.Vantung Kumpi'tanu tapate ihi hi. Ama si le sa eite sungah hong om hi. Amah tawh a mangkhawmding ihi hi. A kip tawntung Jesuh hong itna in ihmutna pan hong khanglo sak thei hi. Bang hang hiamcihleh Khrih in eite tawh nungta nuam hi. Hih itna in ihmutna pan hong khanglo sak zo kei leh, bangineite hong khanglo sak zo ding hiam? Tua itna tungtawnin kipuahphatna om kei leh, bangin hongpuahpha thei ding hiam?Khrih in nang tawh kikhawl khawm dingin hong ngak hi. Khrih tawh nuntakkhop nuamnasa hiam? Thunget hun ding, Lai Siangtho hun bangzah na zang hiam? Hih thute in, Khrihtawh nuntakkhop nuam i sak leh nuam i sak loh kilangkhia sak thei hi. Tua in salah sa lo, votlahvotlo bangci pulaak hiam?FRIDAY *JULY 5SIMBEH DING: Kipuahphatna le khanlawhna, Kha Siangtho' makaihna hi hamtang ding hi.Kipuahphatna le khanlawhna kibang lo hi. Khanlawhna i cih ciangin - sunglam tawh kisai,lungsim ngaihsutna kikhelna, a si upna pan hingkik, nosuakna ahi hi. Kiphuahphatna i cihciangin, pualam kipuahphatna- gamtat zia le tong, zongsatna hoihlote susia, cihte agennuam ihi hi. Kha Siangtho' khanlawhsakna ahih kei leh, kipuahphatna in dikna gah hoih i neithei kei ding hi. Kipuahphat a kulna munte ah i kipuahphat ding hi-a, khanlawhna kisapnate ahkhanlawhna a om kul hi. A nih in mapang khawm ding hi.www.myanmarunionconference.org

Khangham Sabbath school Lesson sinnaKhrih' hong hilh thute in tha hong guanin kha muanna hongpia hi. Pawlpi in upna kip nei a, thuman-in, itna le vantung thupha i ngah hi. Ka kiang paninkham citak hong lei un. Na silh ding puan kang hong lei un. Tua hi leh, guaktangin omin namaizumna khempeuh hong bei ding hi. Khrih' sisan tawh puan a sawp mi in, Khrih' nunna ngahahi hi. Tua puan kangin thu-um mi khat ciat nuntakna ah kimu khia thei Khrih'dikna limla hi.Ellen G. White, The Advent Review and Sabbath Herald, July 14, 1888.KIKUP DING DOTNATE:1. Bang hangin thuzuihna ah vot lah vot lo, sa lah sa lo-a om ding lauhuai hiam? Bang hangin,lummilmial ei dinmun i kitheihloh, ei le ei a kikhemna hong tunpih pahpah hiam?2. Bang hangin thu-um mi kim khat lawp mahmah napi, pawl khat biakna kici limlim kin vetlo uhhi ding hiam? Hih bangtepianpih hi ding hiam? Ahih kei leh, thu dang hang hi ding hiam? Bang hang ahi zen tam?3. Bangci bangin tawntung nuntakna thute awlmawhlo-in om thei ding i hiam? Aawlmawhlohna tawh bangci kipelh thei ding na hiam? Bangci bangin biakna sungah lawpin, thahatthei ding i hiam? Biakna ah 'sa lah sa lo, vot lah vot lo' dinmun tawh bangci kipelh thei dingihi hiam?4. A laklawh khat-in lum mialmual sangin, vot vet zaw lehang, bang hangin hoih zaw dinghiam?www.myanmarunionconference.org