Aitorma-March-2018 PDF

KOTHOMA BOKHRI
6
Kokborok Kokni
Hamkraini Lamao
‘Model Sign Board’
Kokborok kok tai kokrwbaini
hamkraini bagwi twngsa lama
wngkha haste haphang tai haphang bai gosijak joto
habanok, swrwngnokni mungrogno Kok-borok bai ‘Sign
Board’, ‘Bill Board’ swiwi thepana bagwi Model Sign
Board committee khama. Kokborok kok Tripura haste
haphang bai gosiwi naharjak haste haphangni kok,
rwngnokni simi rwngyung jora Kokborok bai porina sep
manjak, hasteni juda-juda koktwma channel, AIR tai Prasar
Bharati Doordarshano Kokborok bai koktwma auai
khwlaijakma, jaderepod panda songsajakma, kisamisa
Kokborok kokrwbai bwlai- koktwma bwlai karijakma
omobai simi kung chukjaklai tongkhe Kokborokni
hamkraini lama phuarjagwlak.
–Dharinjoy Tripura
DHOPHANI KOK 10
Tipra Bisi Kwtal Salno twiwi
kok banglaima
Ah kok sahornai TV channelni
bwrwima ani kok khnaui chabwi
manjakya wngwi tongma khnaui
angno chengphio, khnajadi bukhuk, kisa sal swkang
Tipra Bisikhong todetong kwrwi hinwise bororok
swngbaio. Tabuk jotono saimanbaikha tei gosikha 590
AD bisio 118 beremni Tipra hani Bugra Jujarupha Tipra
Bisikhong chenglangkha.
–Binoy Debbarma
KOTHOMA BWSA
Swrabchani Koklam
Tripura University Tripura
hasteni kuchuk baremni
swrwngjaknai nok
Lairem
13
‘Rwngnokyung’ oro
kwbangma dale dalno
swrwngna sep mano tei
dale dal borokrogno swrwngnabo phailaio. Swrwng-ma
jora swrwnglai lelama jora bayab chalairog achugwi kok
salaio. Omo haino khorkba bayab sak chalairog choitor
talni satung chiring charango buphang talo nobar sipsibo
achugwi chanachur chalaitwtwi kok salai tonglaio.
Borog khorokba-chwla khoroknwi bwrwi khoroktham tei
borogni mung wngkha-khapang, Khorang, Jori, Sampli,
Twisa. Borog chanachur chalaite-chalaite kwbangma
hamung siniya nangma-nangya kok no salaio.
–Jayatri Debbarma
aitorma 3
15
NAIPHIMA
TWI BAKLAI
BERAIWI NAIMUNG
Khowai bwkhasteni Rajnagar
amchaini hachwkni kwrwngsa
thaini mung wngkha Twi baklai.
Aro bolong gerepsajak
bisingtwi twisa kaisa
nongkhorwi phainaini mungbo Twi baklai mung baino
sinijago. Sasang bahai bolongni khorang nobar bai baksa
mwsao. Holongthai kupulwng twisa. Dalbidal holong
kotor-chikong kiting- kolok. Twisani bokhorogo Bubagra
mayungo kasaui seng bai holongthaini khakwlabo swiwi
kwlangma kothoma. –Akranta Debbarma
HUKUMU MUKUMU
18
Kokborok kothaini ari
uarsawi phaimano rwgwi
cherwi naimung
Kokborok sanai luku bosongrok
Tripura hasteo tongthai swnamwi
tongphaimani wngya hwnmanino bisi saidok eba saisni kauano.
O bosong China ‘Tibeto Burman’ nukhungni jila haia-kheba
bedek bupra kwlaio. Huk chanani thai rutukte rutukte tabuk
tongmani thaio sokphaiwi kha phurjagwi nok huk thiti khlai
tongphaimani. “Apne songno danyabad janogo je obohai ekta
balo kajo podokhep nama bagwi, kajwi taratari khlai apnesong
agami dino aro shakta khlai o kajo mon riwi kaj tangdi.”
–Ashit Debbarma
DOPHANI KOK 21
Amani kok
Amani kokno twiwi sana thankheno
bwkhao khepsa nango. Bumani bosong
bai buphani bosongni bising kok sathani
pherlaijak hwnkhe Kok Ama tamo wngnai oro jwngjal
nukjago. Chwrai khoroksani buma uanjwi tei bupha Tipra
hinkhe o chwraini sinimungo bosong sinimario buphani
phaisingh dekhagwi Tipra bosong, kokni sinimariobo
buphani dopha rwgwi Tipra kok hinwi phunuk-jakgo.
Phiyaba Kok Ama eba Ama samani kok rwgwi bini kok
sinimung kok uanjwise wngna tongmani.
–Laxmidhan Murasing
KOKRWBAI 24
Paisukya kok–Samir Debbarma
Chwngkhathansa–Runit Debbarma (YKW)
Bisor-Senani kwchar jora–Sanjoy Debbarma
LANGMA KAISA –Nayan Kumar Tripura
LANGMA THANGWI –Samir Debbarma
Koklob bai ringo ang –Sanjoy Debbarma
SIMA NUKMA 26

aitorma 4
‘Uansukrwmung’
Ang samarokno twi se jora jorawo
kha rwbaio; siring khe tongmano
twi ya. – Xenocrates
“Ahaikheno mwthakna ta rwdi; mungsa
le ang sakha hwnwi borokno sadi” –
Thwina swkang Pancho Villa
salangmani
Volume. 6. No. 03. March-2018
RNI Regd No. : TRIKOK/2013/56055
ISSN No. : 2455-121X
Editor : Binod Debbarma
Publisher : Benny Mushahary SDB on
behalf of Don Bosco Welfare
Society, Bankumari, Kunjaban,
Agartala-799006, Tripura, India
Telephone : +91-9856677316 / 9436126649
Email : aitorma2012@gmail.com
binoddb@gmail.com
website : www.aitorma.in
Typesetting & Page Layout : Ashis Datta
Executive Board Members
Benny Mushahary sdb
Binod Debbarma
Joseph Pulinthanath sdb
Meena Debbarma
Binoy Debbarma
Pihrsati Debbarma
Dharinjoy Tripura
Rajesh Debbarma
Dr. Anut Debbarma
Dulal Debbarma
Suresh Kalai
Suroj Debbarma
Vidhyajoy Debbarma
Moni Debbarma
Biplab Debbarma
Amiya Tripura
Ratan Tripura
Dr. Ashoke Debbarma
Brata Debbarma
Rajulal Debbarma
Subscription Rates-
1 year Rs. 350
2 years Rs. 700
3 years Rs. 1050
(Subscription Form on page 25)
The views expressed by the writers in this
Magazine do not necessarily reflect the views
or policies of “aitorma” or the Editorial
Board. (Editor)
Printed and Published by Benny Mushahary SDB on behalf
of Don Bosco Welfare Society, Bankumari, Kunjaban,
Agartala 799006, Tripura, India and Printed at Sree Maa
Printing Press, Krishnanagar, Agartala, M: 9436127742
Edited by Binod Debbarma
Total Pages-28
Kaham bijaprokno poriyarok,
porimayarok bai baksano bohrok.
–Mark Twain
Hunu hanaio kwlaiyawi tongna khed.
Mungsa ta khlaidi. Mungsa ta sadi,
mungsa ta wngdi.
–Aristotle.
Usta khuya borok. Mungsa kwtal
khlailiya bohrok – Albert Einstein
Mungsaswk samung kotor khlaina
hwnkhe, nwng khlaima samungno
hamjakdi, haikhe. – Steve Jobs
Nuk khe nwng imang, abono khlaiwi
mannai mwkthang. – Zig Zaglar
Twlwk twlwk khe thangma mungsaya;
bathagyawi tongma se kok kotor.
– Confucius
Thanai talni

aitorma 5
Komthingnaini
Kok
Amani kok wngkha joto dophani bagwi belikheno nangkukmani. Hayungni judajuda
dophani janija mani kok tongma hai chini dophanibo janija mani kok tongo.
Chwng kwbwngkuk borokrokno kaisa tei kaisa dophani kok sawi manya eba bujilaiya.
Ao! Kok wngkha dophani kaisa identity eba sinimarise. Kanmung chummungrok
nugui kaisa dophano siniwi manmahai, Kok baibo chwng a borok bo dophani hwnwi
romwi mano. Aboni bagwi mani kokno jai nangya wngnani kok kwrwi. Phiyaba chini
dophao mani kokno omtwi haise makhlainai, abohaise makhlainai hwnwi kwbangma
borokrokno samani khnao, tamokhe samungole aswk nukjakya. Aboni bagwino chinio
mani kokni halok tabukbo sitra wngwi tongkho.
Ao! chwng kwbangma borokrokno saimanbaina 21 February salno ‘Hayung
Mani Kok Sal’ (International Mother Language Day) hwnwi palaijakmani kokno.
Phiyaba o sal tamungwi palaijakna nangkha, aboni laibuma le khorok bwswk sawi
manbaina? Ang kha khlaio aswk bangyana. 1948 bisio Pakistan haktorni haphang,
Kok Wanjwi sanairok kwbang (54% swk) tongmani yaguloboUrdu kokno Pakistan
haktorni Official Language eba kok wngnai hwnwi sakhlai rwo. Abono chajakya wnglaiwi
1952 bisini 21 Februaryni salo, College, Uninersity o porirwi tongnai tei juda juda
mothani bwkhaktwi kok wanjwinobo Official language makhlainai hwnwi sanlaiwi
kha duma phunuklai tongmani, phiyaba 144 kerongno maniyani bai police bohrokni
phaisingo naisigwi guli khlaimabai patima thaiono Abdus Salam, Rafiq Uddin Ahmed,
Abul Barkat tei Abdul Jabbar mungwi khorok brwi thwibaio. Chwng saimano a
chobani bisingtwino 1971 bisio Bangladesh haktor yoksama mano hwnwi. Aboni
yagulo 1999 bisio UNESCOni bwkhaktwi mani kokni bagwi thwijanairokno muito
narwkna bagwi 21 February salno Hayung Mani Kok Sal palaijaknai hwnwi sakhlaio.
Chini dophaobo Barkat, Jabbarsong hai mani kokno hamjaknai tongkhe chini
mani kokbo tini teibo kuchugo sogwi khamnu. Bohrok hai thwi rwna hwnkheto hakchalni
kok sikho, kahamkhe hamjakna se rwngsukyakhu. Aboni bere se kokborok, kokbru
hwnlaiwi eba roman/bangla script se ma wngnai hwnlaiwi bisi kwdwkma romwi kok
banglaiwino tonglaikhu. Chwng saimano kok wanjwi sanairokni bo Borishali,
Noakhali, Rongpori, Sylheti omotwi dialect rok tongo hwnwi. Tamokhe bohrokni
bising salai thani aswk pherlai phano swiphru bebakno thansa se. Chwng bohrokno
naiwi swrwnglainani banta. Tei chini dophao aswk kwbangma KBT sebuk mannairok
tongo, bohrokno sudano kokborokni hamkraino twiwi kisa phano saktharmani
nukjakya.
Tei kaisa wngkha 1979 bisini 19 Januaryni salo Kokborokno haste haphangni
official Language hwnwi sakhlaijak phano, aswk bisi kwdwkmani yagulobo haste
tangnokrogo tabuk phano kokborokno gosiwi naharjakyakhu. Jesa mungsani bagwi
kokborok bai koimung bwlai rwkhe gosiwise nahor jakyakho. Abono karwibo tangnok,
rwngnokrokni sign boardrokbo kokborobai swijakya. Abo haikhe bahaikhe chini mani
kok sinimung eba kuchugo kasanai? Kasanani belaikheno tuknai.
Tei kaisa wngkha mani kokno twiwi kotor-kotor kok saya karwi, samungni
bisingtwise abono ma phunukthai. Chwng khoroksa tei khoroksano
majra berlaiyawi jotono je mansak saktharlai khe chini mani kokno
kuchugo kasathani kebo phano kasuwi manglak.
Binod Debbarma, editor

KOTHOMA BOKHRI
aitorma 6
Kokborok Kokni Hamkraini Lamao
‘Model Sign Board’
Kokborok kok tai kokrwbaini
hamkraini bagwi twngsa lama
wngkha haste haphang tai
haphang bai gosijak joto habanok,
swrwngnokni mungrogno Kokborok
bai ‘Sign Board’, ‘Bill
Board’ swiwi thepana bagwi
Model Sign Board committee
khama. Kokborok kok Tripura
haste haphang bai gosiwi naharjak
haste haphangni kok, rwngnokni
simi rwngyung jora Kokborok bai
porina sep manjak, hasteni judajuda
koktwma channel, AIR tai
Prasar Bharati Doordarshano
Kokborok bai koktwma auai
khwlaijakma, jaderepod panda
songsajakma, kisamisa Kokborok
kokrwbai bwlai- koktwma bwlai
karijakma omobai simi kung
chukjaklai tongkhe Kokborokni
hamkraini lama phuarjagwlak.
Kokborokno hamkraini kubui
lamao tubuna hinkhe chini
manthai tai haphangni khwlaithai
kwbangma karjak samungtangrog
jai-jaikhai naikani khwlaijakna
nangnai, samung tangjakna
nangnai.
Aboni bisingo kaisa chini
manthai tai haphangni khwlaithai
samung wngkha Kokborok bai
Sign Board swiwi thepama.
Chwng saimano jesa kok haste
eba haktorni kok hinwi gosijakkhe
a kok bai hasteni joto thaio joto
samungono thepajakna tai
tangjakna nango. Ahaino simi
notification, memorandum bwlai
kariwi sakwlaikhe simi wngwlak,
omono samungo phwnangna
nango. Chwng tabuk nugo hasteni
‘A’ habanokni simi chengwi ‘Z’
habanok jora joto Sing Board, Bill
Board, Advt. Boardrog English tai
Bengali kokbaimang swiwi
thepajak. Phiyaba Kokborok kok
bai swiwi thepajakma aswk mokol
kwlaijakliya. Agartala amchaio
tongnai kotor - kotor kisamisa
habanok, kisamisa amchaini
habanok, hangkhorni ari,
bwkhaksteni ari, blockni ari simi
baksa baksa thaio simise English,
Bengalini logio Kokborok kok bai
Sign Board thepajak mokol
kwlaijago. Sakham bedek,
malamata bedek, bolong bedek,
hukbar bedekni chaitokmung bai
lama ganaginirogo kisamisa
Kokborok bai auaibwtang swiwi
thepajakkha. Aboni bagwi hasteni
kwbangma Tiprasa motharogni
bwkhaktwi hasteni haphangni
thanio khorang chirikmani
mukumuni mari tongrwkna
nangkha.
Chwng laithangjak salrogno
muitu khwlai naiphikhe nukjago,
Kokborok bai Sign Board
swijakna kok. 16 th -17 th December
1989 AD bisio ‘Kokborok
Development Committee’ bai
songsajak Tiprasani Kok,
Kokrwbai tai Humuku-
Mukumuno twiwi puila haste
beremni koklam pandani paithago
jotoni kuthumlaimung tai kokbiti
rwmungni bisingtwi Tiprasani Kok,
Kokrwbai tai Humuku-Mukumuni
hamkraini bagwi kaichisini (17)
samungbwtangno twiwi kokchapjakphikha.
Oro kokchapjakmani
mungrem 16 oro Kokborok kok
bai Sign Board swiwi thepanani
kok omohaikhe swijak tongo—
“There should be Bi-lingual
Sign Board/ Notice Board both

KOTHOMA BOKHRI
in Bengali and Kokborok in all
Govt. establishments and the
institutions including autonomous
Bodies and Public
sector undertakings having
direct/ indirect control of the
Tripura Govt”.
1991 AD bisiobo kokrwbaiphang
Shyamacharan Tripurani
achukphang bai khajak ‘The
Scripts Selection Committee on
Kokborok Scripts and Its
Development’-ni report, 2004
AD bisio Tripura hasteo Ulnwi
Bhasha Commission khajakma
Karuna Nidhan Debbarmani
chaitokmung bai Khumpui,
Imangni Khumbar, Rwchapmung,
Uansukmung mungwi
dalbrwi Kokborok kokrwbai
bwlai karijagwi tongo. Juda-juda
swikwrwng bai swijak kokrwbai
bijap, rwngremsani simi
kuchukrwng berem kwchar jorani
Kokborok bijap sapogwi karijagwi
tongo. Tabuk nukjakkha haste
haphang tai haphang bai gosijak
joto habanok, rwngnogo
Kokborok bai Sign Board swiwi
thepana samungtangno yago
aitorma 7
thangnai 25 th July 2017 AD bisio
‘Directorate of Kokborok &
Other Minority Languages’
habanokni No.F.2 (3)-KBK-
OML/2012 (A)/2429-2433
memorandumni bisingtwi
kokrwbaiphang Rabindra Kishore
Debbarmano Achukphang tai
khorokbrwi adongno twiwi kaisa
‘Model Sign Board Committee’
khajago. O Memorandum bwlaio
omohaikhe swijak tongo—
A Committee has been
constituted for writing of Sign
Board, Bill Board etc in
reportrogobo Kokborok bai Sign
Board swiwi thepajakna kok tisai
sajakkha. Phiyaba Tripura
haphang siring-soroni bisingtwi
jora kolokma lairwi rohorkha.
Tabuk haino hai Tripura haste
haphang kwtalkhai Kokborok bai
Sign Board swiwi thepana
samungtang yago naharphikha. O
kwthar samungtangno jai-jaikhai
chariwi tisana bagwi ‘Directorate
of Kokborok & Other
Minority Languages’ eba
‘Kokborok Tei Borok
Bangthaya Bosongni Kok
Dagikhung’ni thanio barja
yapharjakkha. 2012 AD bisio o
habanok himnani yapiri chengo.
Puila dagiphang okra mwchang
naharma. Omo Tiprasarogni
bagwi belai samung kwthar tai
muitu narwkjakmnai samung.
Thangnai 28 th June 2017 AD
bisio ‘Advisory Committee for
Development of Kokborok
Language’ni luajimung bai Civil
Secretariatni Conference Hall
No-2 oro kaisa koklam panda
songsajakkha. O koklam pandao
o committeeni adongrog
manjakkha. Koklam pandao
kokchapjakkha haste haphang tai
haphang bai gosijak joto habanok,
rwngnogo Kokborok bai Sign
Board, Bill Board swiwi thepana.
Aboni bagwi kaisa ‘Model Sign
Board Committee’ khana kokbo
sajakkha. O sajakmatwino
Kokborok in all offices of the
Government of Tripura as
Model Sign Board are as
under-
1. Shri Rabindra Kishore
Debbarma—Chairman
2. Dr. Bodhrai Debbarma—
Member
3. Shri Padmalochan
Jamatia—Member
4.Shri Sachin Kalai—
Member
5. Smt. Pritilata
Debbarma— Member
The Notification has been
issued as per decision taken in
the meeting of the Advisory
Committee for Development of
Kokborok Language held on

KOTHOMA BOKHRI
28 th June, 2017 in the
Conference Hall No-2 of Civil
Secretariat, Government of
Tripura, Agartala.
Aboni yagulo Kokborok bai
Sign Board, Bill Board swina
bagwi Model Sign Board
Committee-ni achukphangni
kobokmung bai thangnai 21 st
August 2017 AD bisini dipor
damchinwi jorao Directorate of
Kokborok & Other Minority
Languages habanogo kaisa
koklam panda songsajago. O
koklam pandao phaiwi manjakna
bagwi thangnai 17 th August 2018
AD bisio habanokni No.F.2 (3)-
across the state.
3. It was resolved that it
needs to collect the terminology
Book from TTAADC authority
for facility to prepare the
Signboard in Kokborok.
4. Collection of information
works relating to all Govt.
Offices / establishment shall
have to be Completed by 6 th
September, 2017 & the next
meeting is scheduled to be held
8 th September, 2017 at 12:00
noon in the Conference Hall of
the Directorate of Kokborok &
Other Minority Languages.
Aboni yagulo thangnai 30 th
aitorma 8
Acharjee, Adong, Padmalochan
Jamatia, Adong, Sachin Kalai,
Adong. Borogno karwibo
Director ( Kokborok & Other
Minority Languages), Director
(Secondary Education), Jt.
Director (Kokborok & Other
Minority Languages), Jt. Director
(Higher Education), Jt. Director
(Elementary Education), Principal
Officer (Education, TTAADC),
Secretary (TBSE), Dy. Director
(Kokborok & Other Minority
Languages), OSD (Kokborok &
Other Minority Languages), RO
(Kokborok & Other Minority
Languages). O koklam pandao
KBK-OML/2012 (A)/2724-
2728 bisingtwi kaisa memorandum
bwlai kariwi sakwlaijago.
O koklam pandao kokchapjakmarog
wngkha—
1. It has been decided to
collect the names of the total
number of departments under
the State Government in order
to prepare signboard in
Kokborok.
2. Dairy published by Govt,
press and also Dairy of
TTAADC may be followed for
ascertaining the total number
of Department with name of all
November 2017 AD bisini sarikni
damtham jorao Advisory
Committee for Development of
Kokborok Language-ni luajimung
bai Civil Secretariatni
Conference Hall No-III oro MLA
Niranjan Debbarmani achukphang
tai rwngmontri Tapan
Chakrabortyni phaiwi manjakmung
bai kaisa koklam panda
songsajakkha. Koklam pandao
phaiwi manjaknairogni bisingo
tongo— Rabindra Kishore
Debbarma, Adong, Dr. Bodhrai
Debbarma, Adong, Sukanta
Debbarma, Adong, Dr. Nitai
jotoni jotoni kuthumlaimung tai
kokbiti rwmungni bisingtwi amani
kokni hamkraini bagwi kaichitham
samungbwtangno twiwi kokchapphijakkha.
Oro kok chapjakma
chini manthai haphangni
khwlaithai kaichitham
samungtangni bisingo mungrem
sini eba Sl. No.7 oro Kokborok
bai Model Sign Board, Bill Board
swina bagwi sub-committeeni
saltham eba salbani kaisa koklam
panda eba seminar songsana
bagwi kok chapjakma. O koklam
pandao kokchapjakma minutes
bwlai habanokni No.F.2 (3)-

KOTHOMA BOKHRI
KBK-OML/2012 (L) 3380/A
bisingtwi 1 st December 2018 AD
bisio karijakkha. Sl No.7 oro
omohaikhe swijak tongo— “7. It
has been decided that a 3-5
days workshop of the Sub-
Committee for writing of Bill
Board, Sign Board etc. in
Kokborok language will be
conducted for completing the
preparation of model Sign
boards & Bill boards in
Kokborok language”.
Aboni yagulo haino hai 30 th
December 2017 AD bisini sarikni
dambrwi jorao Advisory
Committee for Development of
Kokborok Language’ni luajimung
bai Directorate of Kokborok &
Other Minority Languages
habanokni Cenference Hall-o
kaisa koklam panda songsajakkha.
O koklam pandao
achukphang wngkha committeeni
achukphang MLA Niranjan
Debbarma. O koklam pandaobo
comiitteeni adongrog tai official
adongrog phaiwi manjakkha. O
koklam pandaobo haino hai
kaichitham samungbwtangno
twiwi kok chapjakkha. Aboni
bisingo mungrem ba eba Sl. No.5
oro Kokborok bai Model Sign
Board, Bill Board swina bagwi
sub-committeeni saltham eba
salbani kaisa koklam panda eba
seminar songsana bagwi kok
chapjago. O koklam pandao
kokchapjakma minutes bwlai
habanokni No.F.2 (3)-KBK-
OML/2012 (L)/3930-3958
bisingtwi 9 th January 2018 AD
bisio karijakkha.
Paithago sana naio, Kokborok
bai Model Sign Boardno twiwi
sakao khursajak haphangni
kisaswk minutes, memorandum,
notification bwlairogni bisingtwi
saimankha jorani yak romwi
tabuk Tripura haste haphang
Kokborok kok tai kokrwbaini
hamkraini bagwi twrwk-twrwk
yago samungtang naharwi tongo.
Phiyaba omohai samungrog
taibose dati-datikhai tangjakna
nangmani. Saktharnai kwrwini
bagwi tangjakliya. Kokborok tei
kubun borok bangthaya bosongni
kok dagikhungni yapri chengma
yagulose omo hai kwthar samung
khwlaijakna chengo. Kha khwlaio
o habanok Kokborokni hamkraini
bagwi thinango taibo kahamkaham
samungtang yago naharwi
samung khwlaiyano hinwi. Aboni
bagwi o habanok bai jotoni
chubachu yakchoyaino halok
bowi kwrwngwi tongna nangnai.
Kokthum:
1. Minutes of The First State
aitorma 9
Level Seminar on Tribal
Language, Literature &
Cultural Held on 16 th -17 th
December, 1989 at Rabindra
Satabarshiki Bhawan,
Agartala, Tripura
2. Report and Recommendations
of The Scripts
Selection Committee on
Kokborok Scripts and Its
Development, 1 st April 1991
3. Report of the Tripura
Upajati Bhasha Commission,
Submitted to the Chief Minister,
Govt. of Tripura on 5 th August
2005.
4. Minutes of the meeting of
Advisory Committee for
Development of Kokborok, 28 th
June 2017
5. Memorandum for the
constituted of Model Sign
Board Committee, 25 th July
2017
6. Tripura, Dharinjoy—
Tiprasani Kok, Kokrwbai tai
Humuku-Mukumuno Twiwi
‘Kokborok Development
Committee’ni Haste Beremni
Koklam Panda, aitorma, Vol.5,
No.8, August 2017.
7. Minutes of the meeting of
Model Sign Board for
Kokborok Language, 21 st
August 2017
8. Sarkari Sob Daptar,
Songsthar Signboarde
Kokborok Bhashao, Ajkal, 22 nd
November 2017
9. Minutes of the meeting of
Advisory Committee for
Development of Kokborok, 30 th
November 2017
10. Minutes of the meeting
of Advisory Committee for
Development of Kokborok, 30 th
December 2017
–Dharinjoy Tripura

DOPHANI KOK
aitorma 10
Tipra Bisi Kwtal Salno
twiwi kok banglaima
Chini Tipra dophani bororok
tabuk kebono kebo cherlaiya
wngmani jora. Sak baithangno
torlaijakmani jora. Khoroksani
uklogo tei khoroksa koksalaima
jora. Aboni bagwino sana nango,
o jora belaino hamya jora!
Bisi nwchidok jora romwi
Tipra Bisikhongno twiwi samung
tangmani ulo obono nukmani
koknono tini norok bai koklam
salainai.
Thanani 1991 bisini simi Tipra
Bisikhongno twiwi samung
tangphruni simi khorokbwswk
borok bai kaham hinjakmani swlai
hamya sajakkha tei sejajakkha.
Sana hamliya. Bwkhao chobwi
tonikhai bwkha pekhrubwi
chirakbirik wngwi
thangkhamung. Bwkha kisa kebel
hinkhaibo teibo swkangno
baikhrubwi paikhamung. Phiyaba
kubui bai tongmani bagwi bwkhao
boronibo phan manmani bagwi
tabukbo kwthangno tongjakho
Tipra Bisikhongni laibumano
sanani bagwi.
Abo 01 Talhing 1428 Tipra
Bisikhong eba 22 December 2017
AD sanja damdok kwchar jorani
kok. Tripurani kaisa TV channel
kokduk bai ano swnghoro Tipra
Bisikhongno twiwi
kokbanglaimani kokrokno.
Bo swnghoro Tipra
Bisikhongni kokbanglaimano
twiwi kisa kok sajadi. Bini
kokrokno khnakhaino khoroksa
kaham-kwrwng bahanbwthwini
borok thamchi kanani kok. Chwng
cherai bwsa ahai khlai hadwlwi
bai thwnglai tongmani ahai.
Phiyaba kwchang-kwchang khlai
ang bonose swngphio bwbtwi
kokbanglaimung?
Ah kok sahornai TV channelni
bwrwima ani kok khnaui chabwi
manjakya wngwi tongma khnaui
angno chengphio, khnajadi
bukhuk, kisa sal swkang Tipra
Bisikhong todetong kwrwi
hinwise bororok swngbaio. Tabuk
jotono saimanbaikha tei gosikha
590 AD bisio 118 beremni Tipra
hani Bugra Jujarupha Tipra
Bisikhong chenglangkha.
Bororok teibo saimanbaikha
Tipra Bisikhongno 1963 AD bisio
Tripura Land Record & Land
Revenue bedekni hujakkha.

DOPHANI KOK
Aboni ulo 1970 AD bisio khai
Agartala Municipalityni
phano tangwi kok thaisa phano
saliya abono twiwi kok salaikhai
aitorma 11
manjaknai.
Tipra Bisikhongse tongo
hujaksakhua. Tangwi hujakkha
eba hujakmanino twiwi kebo
tabuktwi jorao Tipra Bisikhongno
twiwi kok swbangnairokno
hinkhai bini Bisithikemung eba
Calendarbo tongnai. Calendar
tongkhai bini Salni mung, Talni
mung, Molni mungrok jotono
tongbainai. Abono karwi bo talo
bwswk salrok tong abobo tongna
nangnai. Kubui kok wngkha,
Kokborok bai sakao sajak jotono
tongbaio. Haiphanose tabukbo
swngjagwi tongo Tipra Bisikhong
tongo hinmani abo bwswk kubui?
Mwnwikothok tei Uanamasingsa
kok!
Aboni yagulo phaidi salainw,
jotoni swlai salaijakmani kok Tipra
Bisi Kwtal Salni kok. Tabukbo
baksa baksa olombus ahai khlai
swngo, Tipra Bisi Kwtal Sal
tangwi 01 Talhing eba 22
Decembero chongjakkha.
Obotwi swngnairokno angse
swngna muchungo, norok saide

DOPHANI KOK
man, tangwi Bangla bisi kwtal sal
01 Buisakh wngkha eba tangwi
Saka Era bisi kwtal sal 01 Choitro
wngkha eba tangwi Christian Era
bisi kwtal sal 01 January wngkha?
O swngmungrokni kukcha
saimankhai tangwi 01 Talhing
Tipra Bisi Kwtal Sal chongjakkha
obono twiwi tei kebo swnglaiglak.
Phaidi tabuk Bangla, Saka tei
Christian Erani bisi kwtal sal
chongjakmani laibuma kisa
khnalainw.
Bangla Era: Bangla Erani bisi
kwtal sal chwng jotono
saimanbaio 01 Buisakh hinwi.
Phiyaba chwng kwbangkukno
saimanya Bangla Erani bisi kwtal
sal 01 Buisakh 1556 AD bisio
Samrat Akbar chenglangmani
kokno. Aboni swkang Bangla
Erani bisi kwtal sal tongmani 01
Ograhoyon. Ograhoyon kokthaini
kokmang wngkha puila phainai
talni mung.
Saka Era: Saka Erani bisi
kwtal salbo haino hai. Taklaini
simi 66 bisi swkang 1952 AD
bisio Dr. Meghnath Saha bai
khajak Calendar Reform
Committee bai sajakmani ulose 01
Choitro salo Saka Erani bisi kwtal
sal chongjago. Aboni swkang
tongmani 01 Poush salo.
Christian Era: Christian
Erani bisi kwtal salno chwng
jotono saimanbaio 01 January
hinwi. Orobo haino hai
swngmung wngkha buphruni simi
tei tangwi 01 January salo
Christian Erani bisi kwtal sal
chongjakkha. Obono twiwibo
kwbangma kok sana nangnai.
Phiyaba dorokuk swngmung
thaisa wngkha, Jesus Christ bai
gwdalwise Christian Era
songsajago hinkhaiba Jesus Christ
achaima 25 December salose
Christian Erani bisi kwtal sal
wngna kok tongmani. Tangwi 01
January wngkhaba?
Tabuk teibo swngmung
wngkha Jesus Christ achaimani
saldok ulode Christian Era
aitorma 12
chengjak eba Jesus Christ
achainani tal chisa tei salnwichiba
sal swkango Jesus Christ achai?
Oborokni kokmang keba riui
manglak. Khorok mihimnani
kokse.
Sakao sajak joto bai sinijak
Bangla Era, Saka Era tei Christian
Erani bisi kwtal sal chongthani
swngmungrokni kukcha naitugwi
kariui soisoi laibuma yaphao
chobwi chini Tipra Bisikhongni
bisi kwtal sal tangwi 01 Talhing
chongmano twiwi koklam
salaijathung.
Kok ekna bagwi kok sakhai
salai tongthung. Phiyaba
laibumano twiwise kok salaio
hinkhaiba Tipra Bisikhongni
laibumano kaham khlai saimanma
yagulono Tipra Bisi Kwtal Salni
koknobo salaijathung.
Kha khammani kok wngkha,
buini dopha chwngno kusurina
bagwi obotwi kokrok swngkhai,
do sauino mano. Phiyaba Tipra
dophani bororokno obotwi kok
bukubukrok swngwi
kok eklaikhai bwkha
kiyoro, ayukmuyuk
wngo kukubuino.
–Binoy Debbarma

KOTHOMA BWSA
Swrabchani Koklam
Phalgun-choitor tal, nobar sipsip
tei satungbo chiring-charang
hadwlwi dubai-dubai nobar bai
kobonsai phaio achom-ahcom.
Masing mol thangmani ulni o
malo watwi kwrwi twirog
ransama jora. Buphang bwlai
kwchamrog kwraiwi thangkhe
bwlai kwtalrog rotomna hinwi
nasinglai jora. Buisakh talno
dale dalno swrwngna sep mano
tei dale dal borokrogno
swrwngnabo phailaio. Swrwngma
jora swrwnglai lelama jora
bayab chalairog achugwi kok
salaio. Omo haino khorkba bayab
sak chalairog choitor talni satung
chiring charango buphang talo
nobar sip-sibo achugwi
chanachur chalaitwtwi kok salai
aitorma 13
Tiprasarogle mungsaboya.
Twisani kokno chajagwi
sampli bai khapang kok
manjulaio– Sampli–Aou! kubuino
Tiprasarog atwino jeswk phano
phwrwngjakdi bwini nukdi tei
rwnglongwlak.
Khapang– Aou! Phwrwngna
thangkhe niji si swkang hinjaganw
besi besi sijagu hinwi wngya khe
nasinglai tonglaio hamung siniya
khumrog kiyokna bagwi. Omo
haino borokrogbo jani-jani
samungni jora phaikhe samung ma
tanglaio, gorinairog, sebok
khainairog tei samung tangnairog
hindi bebak borokno jora phaikhe
jani-jani samungo mathango eba
thanglaio.
Tripura University Tripura
hasteni kuchuk baremni
swrwngjaknai nok
‘Rwngnokyung’ oro kwbangma
tonglaio. Borog khorokba-chwla
khoroknwi bwrwi khoroktham tei
borogni mung wngkha-khapang,
Khorang, Jori, Sampli, Twisa.
Borog chanachur chalaitechalaite
kwbangma hamung
siniya nangma-nangya kok no
salaio. Aroni bising kok salaitesalaite
twisa sao–
Twisa–Asale! Tiprasarogle
yongla ser kayano, naidi buini
dophani borokrogle rang khatilaio
nok kaham kaham tanglaio
bukung kokna besi hinjaknai.
Khapangbai samplini kokno
khwnawi jori khorangno tepsa
khaiwi sao-tamo khorang
nwngkhe mungsa saya sa hinwi.
Aphru khorang sao-tamo sana
tong atwi kokrogno nwng khwnai
simi tongma ba. Jori haiphano
tongwi manjakya twisa bai
khapangni kok yachagwi
phirogo–
Jori –Aree! Norog yongla ser
kaya bo dophano hinlai? Norogle

KOTHOMA BWSA
bo dophani ba? Norog ba sak
sakno si hinma kwlaible.
Khapang–Ihi! Omo sak sakno
hinma kwlaiya Tiprasarog khasiya
wngwi si hinjago.
Jori–Hinkhe nwngkhe
Tiprasaya diba?
Khapang–Ang Tiprasa hinwi
ang saichung tamo khai mana
sa?
Twisa–Aou! ang sinai nuknai
hinwi kami rogo thangwi
khoroksaswkno phwrwngna
thangkhe ang si hamya hinjaknai.
Sampli–Khapang bai twisani
kokle soino. Kami rogo Tas
thwngna. Chuwak nwngna simi
si manbaio townni hai nok
kaham-kaham tongna rogle kebo
rwnglaiya.
Jori– Tamo ni sa? Kamio khe
rwng nok kaham-kaham tongwi
manniya diba? Nungkhe kamini
borokya diba? Bui khaiya khe
nwng khaidi ta!
Twisa–Hmm! bwi bai
musapjakmang thwina
kwlaiyanw. Wngya khe nasto riwi
si kobor swnam paijaknai.
Sampli–Amtwino! Tiprasarog
khe orono kwlwgu. Te kubuni
borokrogkhe khoroksani kaham
nukkhe bini swrwngwi si teibo
kaham wngo phiya Tiprasarogle
khorksani kaham nukkhe bono
ulta si dera rwna naio!
Jori–Amtwiya ble! nwngle
nok da tongwi naikha ba? Swkang
nwng nok tangwi Phunukdi ta.
Ulo si bwi nini swrwngnani ble!
Twisa–Tabuk kamirogo nok
kaham-kaham tangkhe dakat tei
sikokrog bai si butharjaganw.
Jori–Hinkhe ba nwng si
yongla ser kaya hai wng tongkha
bla! buino ba twma hinwi tong?
Samung tangya sani si kirijagwi
kharnai. Yongla ser kaya
hinjakmabo palio kwchaya bahar
baharwi thangma bagwino
hinjakma ble?
Khapang–Jori, nini wansukma
chaya khu! kirina kiriyani kokya.
Chwng cherai rogle tamo khai
mannai chini swlai okrarog si
mungsa khailaiya.
Jori–Nwng tabuk okra rogno
majra bero. Ulo chini swlai
cherairog chwngno majra ber
khai tamo wngnai aphru?
O kok sabaiwi jori tepsa khai
khorangno swngo tamo khorang
nwngle tamo wansuk? Tamo
thaisa phano saya? Khorang jorini
kok yachagwi sao tamo sana tong
borogno nwng jeswk phano sawi
bujiwi manglak. Khorang kok
sabai khaino jori haino hai
palrogno saphiro–
Jori–Aou! kubuino kamirogo
thangkhe nugu okrarogno
kwbangkuk chuwak nwnglaio tei
aitorma 14
aborogno swrwngwi cherairogbo
chuwak nwnglaio. Phiya norog
wansugwi da nai? chwng tabuk
poriwi swrwnglai tongnai
cherwirogsi kirijaklai mungsa
samung khaiya tongkhe tei sabo
khainai? Chwng sak simi
tongphrusi khaiya hinkhe te sabo
buphru khainai?
Twisa–O okrarogsi chwngno
samung khairigwlak jesa bo borog
ulta si bujinai!
Khapang–Kiriwi tongmani
kokya jori! Twisani kok si sai
chwngno okrarogsi samung
khairigwlak borog ultano bujinai!
Sampli–Aou! Kokle soino!
Jori–Omo norogni wansukma
si. Okrarog chwngno samung
khwlai phunuk manya khe tamo
wngkha ba? Chwng khwlai
phunuknai. Kaham khe phunuk
khaisi ophru borog bujinai.
Samung Tangna swkang kosto
manu phiya kostono kiri tongwi
wngya. Kamio okrarog chuwak
nwnglaikhe nwngbo thangwi
chuwak nwngnai hai de? Chuwak
ba aguli town rogo bo nwnglai ble!
kok hinkhe nwng kaham khe
tongwi phunukkhe si nini
swrwngwi bai kaham wngnani.
Swkang nwng kirimano khibiwi
kamio nok kahamkhe khungsa
tangwi phunukdi ulo nini
swrwngwi buibo tanglaite
tanglaite si kamibo salsa town
haino naithothok wngnai.
Jorini kok paidrop hinkheno
rwngnok. Yungni jorakhok bo
tong-tong khe pungni rikha tei
borogni lelama jora paiwi teisa
class chwngna jora wngkha.
Abobi bagwi borog jani lama jan
bachalaiwi class-o thonglaina
chengkha. Borogni swrabsani
koklam tei buphrubo
chengjakno kebo
saimanya.
–Jayatri Debbarma
–Jayatri Debbarma

NAIPHIMA
aitorma 15
TWI BAKLAI BERAIWI
NAIMUNG
Khowai bwkhasteni Rajnagar
amchaini hachwkni kwrwngsa
thaini mung wngkha Twi baklai.
Aro bolong gerepsajak bisingtwi
twisa kaisa nongkhorwi phainaini
mungbo Twi baklai mung baino
sinijago. Sasang bahai bolongni
khorang nobar bai baksa mwsao.
Holongthai kupulwng twisa.
Dalbidal holong kotor-chikong kiting-
kolok. Twisani bokhorogo
Bubagra mayungo kasaui seng
bai holongthaini khakwlabo swiwi
kwlangma kothoma. O
kothomano twi baklaini naithokma
tongthokmano lukurogni bwkhano
muwani chario. Phiya bo
bubagra swilangkha abo kebo
saui mannai kwrwi. Tobo Tripura
ha
naikol-langnai
saracharchibwrwi (184)-rogni
bisingono khoroksa abole kubui.
Twi baklaini muani tabuk
gana-ginini amchaio simi
bathagwi tongliya. Ari swbaiwi
tabuk aguli hai bugrakhoro twi
baklaini nobar sibna chengkha.
Agulio swrwngwi tongnai khowai
Champahourni Kiching Jupiter o
kothoma chini thani tubukha.
Hainose hasteni hachwk
beraithani chini polton kaisa
kwswrang. O kothoma khwnama
bai baksano chwng palkhe
salmari chonglaikha. Jotono
swrwngwi tongnaiba kokti (Sunday)
salono thangna kok
choplaikha. January 7 2017 cha
(Saturday) salono ang kiching
jupiterni nogo thangwi
tongwisokkha. Tamoni hinkhe
chamungrog songwi ma
twlangnai. Aboni bagwi swkang
bariyano cha salni sanjao hati
khwlaikha. Kwchangma jora
aichuk bachaui songwi manglak
hinwi horono uahan songwi
tonikha. Phungo mai songwi
champa thalik bwlai rakhwlai
tongma joraono agulini palsong,
chwng phaiwi tongo hinwi
sahorkha. Sohorma baksano dakti
phat-phat maichu chui pailaikha.
Muihan danani bagwi swkang
bariyano plasticni boyung thaisa
kotorma paiwi tubujak, arono
dalaikha. Tamoni hinkhe boyungo
dakhe lama kolok twithogo tei
kiphilphuru poja helengna bagwi
khibiui phano kabui mano. Haikhe
dakti dodoro mai kolnwi chalaiwi
joto jugalwi khowai motor stando
agulini phainai mangsong
Arjindo, Suvendu, Rima tei
Jayatri-songno lamsok-kha. Gari
bwsa uklogo khorokbwrwi
kanakhe joboi kesep. Phiya tei
mungsa lam kwrwi wngma bai
ma kalaikha. Angkhe bwskango
achuktwtwi borogni tongmungno
nugwi hindi tokeni ‘Hera pheri’
movie-ni koknose muitu manwi

NAIPHIMA
bwkha bising-bising mwnwiwi ma
tongsio.
Rajnagarni lam romwi
Jayatrini khorang bai hachwk
sudu swrangwi thangna hai ma
tongo. Sabo angse romnai hinanw
aitorma 16
yapaino wngnai. Twisa rukung
botok yapai. Kwchamde kwtalde
siliya. Saimannabo kokya. Tamo
thanglaikha. Aro chwngno
naisingwi tongsoklaikha ata Bipul
bai Pravat tei borogni logisong.
Borogni aroni simi tei soti
nwichi(20) gari kamani ulo
sogwilaikha twibaklai hathaio.
Hapung kolokma, itrogbo
bojakyakho nongkhorwi thangna
nango. Aboni kisa himwi
kasakheno school khungsa.
Ayangtwikhe hacham re re khe
nongkhorwi thangkheno twibaklai
twisa. Yang jorakhogo 11.30a.m
tamjak. Twisa toksaui himlaimang
himlaimang bolong kuthungo kami
khungsa malaikha. Twisa kinaro
mwikhwthwng bari, bera
kesengkhe wajak. Twisaono
manwi hu-ui bachaui thango
bwrwima khoroksa. Chwngkhe
lengmani bisingbo
tongthogwi khatunglaijak. Ata
Bipul tei palrog a romlaijak battery
bai. Angkhe camera thaisa
mobile thaisa twiwi bono bono
mangpili tisamang kul paiya.
Ayango ah mankheno Rima bai
saboba obokhe anise hinanw
haikhemang twi botok. Tabuk twi
bupra malaikha, ang kisa uklogo.
Aro dolma dolsa kubun ah
romnairogbo tongo. Naiphaigradi
kiching hinwi bodolni khorang
kogwi phaio. Ang dakti dakti
thangwi nugwikha ha
kokhwlaijak. Tamo wngkha ang
mungsabo siya. Ulose saui mano
mayung yapai hinwi. Aswk
bolong kuthugoto mayung
kumunni yapai wngnani kokya.
Abo wngkhai mayung kwthwngni
hinba chini mokolo obono puila.
Tabuk tai swkangni hai Rima bai
Jayatrini khugo khorang kotor
paliya. Serek-serek mayung
phaikhe bahaikhe kharnai
abomang borogni khugo. Angbo
kirikhano haiphano kebono
khulogwi saliya. Ayang chwngno
lama sonairogbuda ang hai siliya.
Borogkhe lamano soui tongkho.
Dibor khekwlai tongkha. Maibo
okhuilaijak-kha jotono. Chwngse
mai chajak phano agulini
phainairogni ogo mai kwrwikho.

NAIPHIMA
Teise hachwgo thangkhe
uasungni gudok haiyakhe pengjak
mwchayakhe khuk swrangya.
Chwng abo haikhe chana bagwi
swkangni simino kok chaplaijak.
Twi toksalaimang haping kwcham
malaikha. aro gairing khungsa
baijak tongo. Yang jorakhogo
damnwi tamwi soti chiba(2.15
uasungono ah pengna jugalkha tei
laiphang gudokbo. Nokni berma,
som, moso, piyaj tei twi jotono
chwng tubujak. Uasungni mui
munyasanino yang kiching Jupiter
laiphangno kochoknwikhe
tansui achuk rikha horni bahainwi
bwkhak. A sakaono latiya jotoni
kotor naiwi atur bai subui
aitorma 17
Cheraiphuru khwnamani
kiphilphurukhe dakti doui
sogwiphun hinwi. Phiya angle
douise himwi manliya. Lama
sonairogto swkang swkangno. O
bwrwi khoroknwi sudu ani sai
swkango. Mayung kwthwngno
kirima kwrwi hinkhele ang nogo
sokphaiglak-khamun. A
p.m) wngjak. Kok wnglaikha
arono chalaisinai. Baksa ua tanna
thangkha. Baksaba laiphang tei
baksa ah swnamlaikha. Ah
dalbidal tongo. Ahbar, latiya, puthi,
gunthu tei jagur kahairog. Aroni
bising baksa ahno agi ang
nukyakho. Ani nok tolaono ‘Isali’
mungwi twisa tongo. Arobo obo
hai ahrog kwrwi.
Bolong lilak-kheno mayung
kwthwng phaiyai phaitok-phaitok
hai ma tongo. Mwkhwrarogbo
dolma dolsa cheklek horo
chwngno. Haiphano chwng
ayango khwl kwrwi. Buini khugo
khwnamani mayung hor kirijago
hinwi. Amtwi hinwi suvendu
siping bukhraijak motha kwranno
thumui sok-kha. Uatolok ua
manliya phano uandal uani
sakaokhe boksaui muphunkha. A
latiya hangjakno seklaiwise
mayung kwthwngni kirima
jaorasani bagwi pogwi thangsio.
Mui munbaikha. Mai chana
achuklaikha. Mui mungtham
wngkha uahan, ah pengjak tei
laiphang gudok. Nokni maichu
khulogwi arono chalaikha. Yang
sanjani mari bona nairwrwk-kha.
Bolong bumul swlaina
nairwrwkkha. Bolongni khorang
bai kha sere-sere wngo.
Mayungni kirimabo bwkhao teibo
yogago. Yang bugra swiwi
kwlangma sothaini khakwlapno
naina muchungbo yuk yuk. Tei
kwbangle challiya hinwi salaio.
Haiphano nogo kiphilna kokbo ma
uansugo. Aboni bagwi jotono
nogo kiphilna kokno gosilaikha.
gairingono thukhamun. Bwkha
bising-bising kok saui borogni
yapri songwi himkha. Jephuru
hacham bokhorok kasakha.
Arono TSR camp. Chwngno sal
naisingwi tongmaswk. Hathai
bochongni simi kisisa jorani bagwi
chakroromkhe mwnwijak. Arono
ri-rog swlailaiwi kisa lengma
poklaiwi kami bwkhak lam
rilaikha. Khowai baijalo horsa thuui
teini sal salchuku(9th) salmario
agulio kiphillaikha. Muchungmano
supungsugwi manliya phano
khano methebwi mankha.
Hachwk beraiwi mankha.
Hachwkni maya thwidugo
kochok-kha. Obono
wngkhwna hachwk
beraimani mulaja.
–Akranta Debbarma

HUKUMU MUKUMU
aitorma 18
Kokborok kothaini ari uarsawi
phaimano rwgwi cherwi naimung
Kokborok sanai luku
bosongrok Tripura hasteo tongthai
swnamwi tongphaimani wngya
hwnmanino bisi saidok eba saisni
kauano. O bosong China ‘Tibeto
Burman’ nukhungni jila haiakheba
bedek bupra kwlaio. Huk
chanani thai rutukte rutukte tabuk
tongmani thaio sokphaiwi kha
phurjagwi nok huk thiti khlai
tongphaimani. Bisi kwbangma
swkango kokborok sanai luku
bosong babainwi, babaitham
dagio kaklaiwi nikuma rutugwi
thangmani aa thairok wngkha
Bangladesh, Assam, Tripura hai
thairogo. Kokborok kok
achaimani simi chengwi sikla,
bakhla, chakra wngwi thangma
yagulo o kokni ari uarkha, kok
wngkha kokthai uarwi phaikha. O
kogo baithangni kokthaino
karwibo Bengali, English, Hindi,
Sanskrit, hai kokrok twrwk twrwk
khlai habna chengkha. Haini
bagwi kokborok kok uarsawi
phaikha hwnwimano uansuk
naikhe nugano romdi–Chair,
Table, Mobile, Telephone,
Desktop, Laptop, Charger,
Mouse, Tane, Building, roof, Box,
Okey, Bench, Mike
LCD, LED, Tape, Streo, Bike,
Scooty, Aeroplane, Helicopter,
T.V, Battery, Radio, Microphone,
Cable obohai English kokthairok
abono karwi Rajniti, Chalak,
Shiyal, Saman, Apaman, Mine
sanman, Garib, Satya, Mithya,
Agami, Buji, Abuj, Sampoti
Aram, Tekto, Yantrana, Dukh,
Sukh, Mantra, Din, hai Bangla
kokthairok, Yang Hindi koknikhe
Kintu, Rwjai, Raja, Praja, Apne,
Achha, Ijjat, Lajja, Hairam, Eram,
hai kokthairok kokborok nukhungo
phai habphaikha abohaikheno
Hindi kogo Sanskrit kokni sampli
gwnang wngmabai o kokbo
kokborok kogo habphaikha
hwnwimano. Tabukhai jorao kisa
swi kwrwngrokni bwchap
khlaijak kokthai tiyarino
rwgwibuini kokno baithangni
kogo philna naiphano, kok sana
naiphuru sana chaitokphano buini
khukni kok hai kobogwi
ringjakyano khukni phwla phwla
ongkhorma nukjago. Hasteni
borok bosongni khoroksa kok
kwcharwi sana thangthani khugo
koro motho kwrwikhe sama
nukjago- “Apne songno danyabad
janogo je obohai ekta balo kajo
podokhep nama bagwi, kajwi
taratari khlai apnesong agami dino
aro shakta khlai o kajo mon riwi
kaj tangdi.”
Sakani khurchajak kokbitio
swraisakhe nukjakkha Danyabad,
kaj, Kajwi, Taratari, Apne, Agami,
Din, Shakta, Mon, Balo
akorokhai kokthai kokborok kogo
habmani nukjakkha.Kokborok
kokni ari bahai uarwi phaikha
abono khamao phunukjakkha–
1. Kokborok kokni yaphang
yarwngno cherwi rakhok naikhe
nukjago yaphangni simino
kokborok sanai luku bosong
Hapung, Hathai, Hachuk, Harep,
Hathai, Hacham, Harungo tongwi
phaio haini bagwi o kogo naikhlai,

HUKUMU MUKUMU
naisaka, naisa, tankhlai, bakhlai,
kuchuk, hache, buchuk, khama
obohai kokthairok kokborok kogo
tongo. Tei babaisakhe Hayungni
borom gwnang kok English
kokthaiobo Lookup, Look down,
Climb up, Climb down hai
kokthairok tongo.English kok
sanai bosongrok wngkhai
hapungo yakheba holongbai nok
tangjak (Building) kuchuk sakao
tong phaimani bagwi bohroknibo
kuchuk hacheno sinani kokthairok
tongo. Phia Ha homan, Twima
rukungo tongnairokni abohai
kokthairok kwrwi.
2. Kwbangma samungbai
gwdaljak kokthairokle haino achai
phaima nukjago. English kogo
kaisa kok tongo “Words are like
human beings,They are
born,They live,They work,They
die”. O kokni kokmang wngkha
‘kok’ borok munuisohai achaio,
thango, tango, thwi thango.
3. Kokborok kogo mwtai
rwna samungbai kwrwngjak
kokthairok wngkha: Thumnairok,
Bonirok, Hakchen, Uahthop, Sili,
Twi naimani, Pat karmani, Khuk
musumani ,Bati chalan, Kechipan,
Nokbar hamya, Bwrwichwk
mwtai, Mwtai nathong,
Chakrakma, Awan, Chuan
akorog.
4. Hukbai gwdaljak kokthairok
wngkha: Bolong, Huk,
Haba, Maichu, Maikham, Dama,
Dapa, Gairing, Yakhilik, Chaisor,
Langa, Dingra, Bati, Chuak,
Bwtwk, Gora, Langi, Chuarak,
akorog.
5. Huk chama thai sewi
chamanibai halok kwrwngjak
kokthairok: Nok sewo, Rwkao,
Horo, Bamo, Rujuo, Tolo, Khau,
khacherebo, Dasugo, Kwlango,
Twlango, Kabo, Chirigo, Nairwk,
Nailang, Naiphai, Naiwi, obohai
kokthairok buini kogo tode tong
obo uansukkhe kha mithigo kha
chongo hai kokthairok buini kogo
kwrwi.
6. Ri takmani samungbai halok
kubuljak kokyhairok: Sobang,
Khutung, Natai, Rwsami, Thuri,
Bangkhu besku, Sorok, Nal,
Yakhotom, Uasa, Uasacha,
khandai, Khutung alua, Rikari ri
kothek, abohai kokthairok.
7. Mamui songmani tang
bwtangbai gwdaljak kokthairok:
Thapa, Hor, Twi, Som, Moso,
Berma, Akran, Bwtwi, Chakhwi,
Chatang, Muitru, Berma bwtwi,
Chakhwtwi, Gudok, Pengwi,
Egwi, Rukjak, sokjak, Serjak,
murjak, Uasung, Phusunga,
Yakhep, Hoki, Mosdeng, Hang,
akorog.
8. Thung mangbai gwdaljak
kokthairok: (A). Bwsak, Bahan,
aitorma 19
Bekreng, Bukur, Bukur, Bohok,
Bumkhang, Bwchang, Bwkhunju,
Bwslai, Bwkhnai, Bangra,
Bukung, Bokhorok, Bomol,
Bohok, Bori, Bikhumu, Bomtom,
Bukung, Bisama, Bahra
(B). Yakung, Yak,Yasi,Yapha,
Yaphatwk, Yakung, Yaching,
Yasku, Yathek, Yahsku, Yathek
obohai yak, yakungbai gwdaljak
kokthairok.
(c). Bwphang, Bedek, Bukur,
Buchuk, Becheng, Belengtwi,
Bokhiri, Bwgwrwng, Bosok,
Bocholong, Bubar, Bwlai,
Bwkhwrwi, Bosolok, Bwthai,
Bwchwlwi, Bwklap, bwtwi hai
bwphangbai gwdaljak kokthairok.
(D). Siching, Tising, Choka,
Twihuk, Lakhuk, Chokra, Onchi,
Dula, Gola, Twk, Sorok, Hatrai,
Muphle uasung, Thuti, Chakhla,
Musum, Homchang, Muri
(E). Uyar, Baka, Takhwk,
Kisip, Langtung, Kapsima, Uarai,
Khutruk, Japa, Langa, Dingra,
Kotwpa ,Dangdal, Dapa,
Kasleng, Muri, Kisip, Atwp,
Sumui, Sairenda, Twitreng,
Tokhaku, thaur bosko, Tok kolok,
Uasung ,Soboso, Thong, Dong,
Khum phuta akorog.
Haikhe sakao khurchajak
kokborok kokthaini ari uarmani
eba kokthai bang mari nukma
bisingtwi sai mankha Borok
bosong thang sungo gwdalmani
samungbaino kokthai ersawi
phaio. Romdi- Borok bosong
sirisitini simino Huk, Gairing,
Uah,Twisa, Twimabai halok
kwrwngwi phaijak haini bagwi
abohai koknino kwbangma
kokthai ongkhorwi phaio,phia
Borok bosong je samungbai
gwdaljak kwrwi obohai samung
tei manwini mung kokborok kogo
kwrwi.
Kokborok kokthaini biyal
bikhatano supungna bagwi o

HUKUMU MUKUMU
hasteni kwbangma swi
kwrwngrok baithang rutugwi
cherwi naima bisingtwi langa
bukcha tongmani kisale
supungkha hwnwimano.
Haiphano tabukbo kokthaini biyal
kokthai hwnwi phernani mungsa
sep kwrwi. Baithangni khukbai
buini kokno khugo pernani
kutugphano obo sanase nangnai
haise. Tamni hwnkhe obohai
nangkukma kokthairokni kokphil
aitorma 20
karwibo sal brum sal choyaui chini
khugo buini eba kubun bosongni
kok habphaimani nukjakkha. Ahai
buini kok chini thangsungo gwdal
phaimano kasuna mungsa tei
pherna lama nukya. Kokborok
nangwi tongkho o kokno kebo
gosiyai lam pher mangwlak. Abo
tamni bagwi wng hwnmale bini
soi pher wngkha baithangni mani
kokni ario kubun bosongni
swkango khwnaya kwtal kwtal
kokthai sal baryaui habphaimani
bagwi,naidi- T.V, Bike, Freeze,
Refrigerator, Almirah, Mobile,
Sim, Credit card, Debit card,
ATM, Bulb, Rail, Ticket, Line,
Cable, Journal, Tomato, Sayabin,
Chair, Table, obohai kokthairok
chwng sal brum brum nangwibo
nangyabo salaina nango. Tamni
sana nang hwnmale abohai
kokthairok tabukhai jorao khuk
peryai kubuni lama kwrwi. Aa
kokthairokno nangkugma
hwnwise salaina nangrao. Tamni
hwnba o khurchajak kokthairok
chini sal brum brum ni samungbai
krakkhe gwdaljak. Ahai
kokthairokno buini bosongni
tabukbo chini mani kok kokborok
kogo kwrwikho. Kokthai tiyari
eba Dictionary khlai chapnairok
kwpalni kolomtwi yasku khikhlai
samung tangphano aa kolomtwino
borom rwyai chwng buini khukni
koknono kwbangkhe salaina
nanglaio. Kok wngkha kokborok
sanai luku bosongrok sal
kwbangma romwi buini khukni
kokno salaite salaite slaibai
kahamkhe halok kwrwngsugwi
thangkha. Romdi- Khoroksa
borok kokborok kokthai tiyarino
rwgwi swrwngwi kok sakhe tei
khoroksa michiui manya, haikhe
aa swrwngjak borok ganani
borokbai kha mansugwi kok sana
bagwi sal brum brum salaimani
buini koknono sanani doro
muchungwibo eba muchungyabo.
Haikhe sakani khurchajak
kokrokni bisingtwi saui mankha
chini baithangni mani kokno
kokthai uarsawi phaima ukologo
sakao khurchajak thung pherni
bagwino hwnwimano. Kok
wngkha Radiono Awaikhok
hwnwibo eba hwnyabo kokthai
kwtal kokborok kogo
habphaimani abono ari uarsawi
tubukha hwnyai khochorwi
phaikha hwn mangwlak. Tamni
hwnba o kokthai chini bagwi
kwtal abobai chini bosong
swkangni simino khukni halokbai
kwrwngjak kwrwi. Abohaikheno
teibo kwbangma sini kulugya
kokthairok mani kok kokborokni
nukhungo salsa nograi motom
wngwi phai kasamani tei kiphilwi
thanglia chini khugono kwchawi
tongrwkkha yaphang yarwng
surkhlaiwi, paithago aboni bwthai
wngwi kokborok
kokthaini ari uarsawi
phaikha.
–Ashit Debbarma

DOPHANI KOK
aitorma 21
Ama samani kokno Amani
Kok eba baithongrwi mani kok
eba kok-ama hino. Hayungo kok
saui tongnai bebak boroknino kok
–ama tongo tei tongnani kok.
Phiyaba khao mithikma tongo.
Tamni hinba ‘Mother land’
tongmatwi ‘Father land’ bo
tongo. Phiyaba ‘Mother tongue’
tongmatwi ‘Father Tongue’-le
nukyakho. Phiyaba mukthango
nukjakmakhe juda. Hodao
tongma bagwi borok nok nukhung
khao, bosong ero. Chini hodani
raida, tongmung chamungrokno
chwng karwi manya wngmabai
hoda tongma-twino chwngbo
tongna nango. Aboni bagwino
nukjago Kok-Ama Eba Mother
tongue hinwi bumung pharthanibo
jwngjal. Yasikaiwi
phunukna thangkhe sauimano :-
1) Borok khoroksani buma bai
bupha bosong songsa, kok thansa.
O jagao hinkhe Kok Ama tamo
wngnai aboni jwngjal nukjakya.
2) Bumani bosong bai buphani
bosongni bising kok sathani
pherlaijak. O jagao hwnkhe Kok
Ama tamo wngnai aboni jwnghjal
nukjaksinai. Obotwi jwngjal
nukjakmano paisukna bagwi
lukurok buphani bwkhago
thanglaio, thangwi tongo. Tamni
hinba chini hoda chwla rwgjak
hoda se. Chwrai khoroksa
achaikha hinkhe bini bosong
sinimung buphano rwkrwjago,
phiyaba bumani kokno kisaphano
uansugwi nailaiya. Abrok wngkha
pha-rwgjak hodani bwthai.
Chwrai khoroksani buma
uanjwi tei bupha Tipra hinkhe o
chwraini sinimungo bosong
sinimario buphani phaisingh
dekhagwi Tipra bosong, kokni
sinimariobo buphani dopha
rwgwi Tipra kok hinwi phunukjakgo.
Phiyaba Kok Ama eba
Ama samani kok rwgwi bini kok
sinimung kok uanjwise wngna
tongmani. Chwraini buma
kaijagwi phaimabai simi tabukni
hodani raidarok bojagwi tongmabai
bini bosong sinimungbo
bwsaino ma rwgkha, bini achaimani
sinimung sokomrojakkha,
kok sanani eba sanani sinimung
gwnangwi sokomrojakkha,
sokomrojagwi tongo. Kok
wngkha chwla rwgjak hodao
bwrwi khoroksa kaijakmabai
simi bini bosong sinimung
kwmajakkha, kok rwgwi sinijakmung
eba kok bosongbo sokomor
jakkha. Omotwi tongmung
chwraini bumabai bupha bosong
songsa eba kok thansa hinkhe
jwngjal nukjakya, buma bupha
bosong kaisaya hinkhe simino, o
jwngjal nukjago.
Borok tei kubun langma
gwnangrok puila phaising hoda
khajaknani swkangdrobo eba
hodani puil remo (primary stage)
buma eba ma rwgjak tongmani.
Ulo tep-tepkhe pha eba chwla
rwgjak hoda achaikha tei chwngbo
rwgwi tonglaikha. Hodani puila
beremo phani sinimung kwrwi
mani simise tongo. Swi, Uak,
Tokrokno naikheno nuganw,
swima bwsarokno twiwi tongo.
Swi bwsarokni sinimungo buphani
sinimung kwrwi, bohrokno bumani

DOPHANI KOK
sinimungbaino sinijago. Swi
bwsarok bupha sabo, siniya buma
sabo sinio. Obotwi tongmung
kubun yabrwirokni bisingobo
nukjago. Chini borokrokbo jora
kaisao obtwino tongmani. Puila
phaisingo pha-ni sinimung kwrwi,
mani sinimung simise tongmani.
Ulo chwlarok Hodani bokhorogo
achukmani ulo bwrwirokni sini
mungno sokomorkha, baithang
sinimungno hodani sakao
boksinwi rwkha. Aboni bagwino
tabuk bohrokni sinimungo bosong
eba kokni bechepbo buphani
kokse sajago, bumani kokya.
Borok achaina hinkhe bwrwibai
chwla nangmani bagwi sinimungobo
pha-ni logio ma-nibo
tonna nangmani, phiyaba
tonjakya. Kok-Amano twiwi
chwng bathrong-barsalai tongphano,
chwng Pha rwgjak borokrok
eba chwla rwgjak hodani
borokrok simi saktharlaima eba
chwlarok simi saktharlaima kokse
kwlaikhna. Aboni bagwino mani
sinimungo bosong, kok gosilailiya,
eba yachaklailiya. Phiyaba
bumung pharthani simi bwrwirokno
narwglaikha, samungo
phwnangjakliya.
Kok hwnkhe kok-Amani
bagwi saktharlaimungo, sanmungo
hoda kubuljak pherwi
tongo. Sathani, saktharthani rejo
tongo. Haiphano hodao tongjamabai
hodani raidano rwgwino
ma tongthai. Amani kokno
sanathangkhe sawi kulpaiya.
Jotono janija kok amano hamjago,
aro mungsa kha mithikma kwrwi.
Chwng chini kok-Amano
hamjago hwnwi sanani swkang
chwng sakbaithangno bwswk
hamjak eba kubui de chwng
borom rw abo kisa cherwi
naithai. Chwng lukuni bwskango
kok ama eba Amano hamjago
hinwi muktwi khiklaiphano Amani
borom bwswk narwgjakkha?
Chwng chini sago Amani
sinimung bwswk tonkha abno
kisa sak baithang swngwi naithai.
Amano hamjakmatwino kok-
Amano hamjakmabai Amani
hamkraibo bebakno naiyo.
Phiyaba tabukni tongmung
chamungno naharwi, o samungrok
bwswkba bumuk pernoperya,
kha mithikma phaio. Kok-
Amani hamkraini bagwi
sanmungrokni bisingo nukjago-
1) Kok-Amabai rwngnokrogo
swrwngmung chengnani. 2) Kok-
Amano achaimani bububagra
samung eba haphang samungni
kok hinwi saklaijaklmani. 3) Kok-
Amano hatini kok khwlainani. 4)
Kok-Amabai kokrwbaini samung
tangthani, chubachu rwnani
samung akorog.
Tabukni jorao kok-Amabai
swrwngnani sanma khwnakhe, o
sanmungrok bwswk chasano eba
nade nang, khao tharimaphaio.
Tamni hinba yaksi yagra bebak
phaising naharkhe ‘English’mang
se!. Hayung gwnangwino tabuk
lukurok English phwrwngnani
saktharlaimani nukjagwi tongo.
Kebo uslowi tongnani naiya.
Obtwi jorao Kok-Amabai
swrwngnani eba phrwngnani kisa
sanmarogo, kisa twmabo haikhe
nukjago. Tamni hinba o kokrokno
swrwngwi chwrairokni tamo
hamkrai wngnai? bo samungo
nang? o kok swngmungrok kasao.
Je kok tabukbo hatini mwkhang
nukyakho, bono swrwngwi tamo
manmung mannai? Abole kubui
kok. Jesabo, kokbai swrwngnani
hamkraini koksamabai bagsa,
tangwi chanani lama eba samung
manthokmungbo kubuljak tongo.
Samungose nangya eba samungo
phwnangnani saktharjakya
hinkhe Kok-Amani sanmungo
aboswk samungo nangwlak.
aitorma 22
Kok-Amani hamkrai sanmani
bisingni kok wngkha, kubuljak
luku bosongni borokrok samung
tangnani sep kwtal manmung
mannani saktharmung. O kokrokle
kubuino, phiyaba nok arini
borokrokni hamkrai nugwi
khatungwi ani nokno soksai rwma
chade-cha-chaya kisa uansukthai.
Chwng hamkraini lamao
himnai, phiyaba sakni logio
tongma manwino yakarglak,
yakarkhe chagwlak. Buinino nawi
sakni swnamwi sakni samungo
phwnangwi mankheno sakni
hamkrai wngo.
Kok-Amabai swrwngnani,
phrwngnani sanmungrok tabukni
kokya, abo bisi kwdwkma
swkangni kokse. Belai jora
kwdwkni simi sanmung tabukbo
salbrumno kwtalkhe nukjagwi
tongo. Sanmungno khwnawi
sanmung rwnani gosimung
rwmani ulobo chengthani jwngjal
nukjago. O jagao jwngjal
babainwikhe nukjago. Babaisa
wngkha kubuljak bosongni
borokrokni bising tei tei babaisa
wngkha kubuljak amchaini
naikolphang eba haphangni
naimung gwrwng. Swrwngnani
sanmung manmani ulo ‘phrwngthani
nujakma jwngjalrokni bising
kubuljak lukubosongni jwngjalrok
wngkha–1) Phrwngnani bagwi
nangmani manwi eba swrwngjaknai
manwirok manthokya
wngma. 2) Kubuljak luku
bosongni swrwngnairoikni bising
swrwngnani khatungya wngma
eba muchungthaya wngma .
Jesabo kokni hamkrai bwswk
wngnai abo kubuljak amchaini
haphang, a kokni hamkraino
bobotwi mokolbai nai abono
rwgwino wngnai. Bubagra nai
hamya naikhe hamya wngnai,
bubagra nai kaham naikhe kaham
wngnai. Bubagra nai kaham

DOPHANI KOK
naimabai Hibrukok jorakaisao
kwmajakphano Palestine ha
khajakmani ulo, jai-jaikhe kok
chapmung khlaijakmabai, tabuk
jorakaisani kok kwthwise
kwthang hom-hom wngkha.
Phiya chini Kok-Amani kokkhe
kisa juda se. Bisi kwdwkmani
kwthang kokse tabuk thwimeremere.
Haphang eba amchai naikolphangni
phaisingtwi nukjakma
jwngjalrogni bisingo tongo- 1)
Phrwngmung bobotwi aboni
bechebo swrai-swrai raidarok
chapjakya, chapjak kwrwi
wnghma. 2) Swrwngnani bagwi
nangmani bekhereprokni biyal.
Bekhereprokni biyal hinwi sathani
nangmani phrwngnai rwjakya
wngma, swrwngnani bagwi
nangmani bijaprok jorao
manthokya wngma aborokno
khobwi kwbangmano khopjago.
Tripura hasteno khobwi
ganani harogo kokborok kok
sajakmani, swijakmani jora
kwdwkmano laikha. Phiyaba
tabuk kwtalkuk jorani lukuraidani
jorao chini kok kahamkhe kiyogwi
buibai baksakhlai thansa chalainani
sep manyakho. O manyani
phermung tamo? Manyani pher
haphangni simide kwlai? Chini le
kwrwide?. Kogono tongo
‘kapnai chwrai abuk machao,
kapyakhe akol kaham hwnwi
abuk charujakya’. Hwnkhe
chwng kabya de tongma kwlai?
kabo! phiyaba khorang torwi
kapmani khwnajakya! Aboni
bagwino buirok chwngno
thwngthokjago.
Kok-Ama kokborokni
hamkrini bagwi kokborok sanairok
jaikheno saktharwi tongo, o kokle
kubui. Phiyaba saktharlaithani
jemuchungtwi nukjagwi tongkha.
Tabuk nukjakma jwngjal kotorrokni
bisingo puilano sathaikwlaio,
swithai eba scriptni jwngjal.
Obono twwi kok banglaima belai
swnarkha. Swithaini jwngjal
kwtalkhe swrwngnai chwrairokni
bagwi wngya. Tamni hinba
chwrairoknithani jesa script
phano puilaphaising simi kutuk tei
kwlai. Phiyaba je borokrok
swrwngwi paikha eba swrwngjak
bohroknithani se jwngjal nukjago.
Teithaisa kok wngkha swithai
sanlaiwi jeswkkhe chiriklaio,
aswkkhe swinani bagwi saktharjakya
eba swijakya.
aitorma 23
Tabukni jorao nukjakma
teimungsa jwngjal wngkha,
kwtalkhe swinairok phaiya
wngma. Jotono janija samungbai
kubuljak, kokni hamkraio jotno
kha nangbaio, phiyaba o kokno
swinaini loi khwlainai kwrwi.
Swinai, porinai, swrwngnaise
kwrwi hwnkhe bahaikhe kokni
hamkrai wngnai? kokni bagwi
jeswk kha nangmani, sakni mano
jeswk hamjakmani, aswkkhe
swithani eba kokni hamkrai, yapri
kha khwtharbai seyasak kokni
hamkrai wnglak. Hapang tamo
nai-naiya, aboni bagwi eba
hapangno chini bwkhak tubunani
chwngno naharwnani bagwi
chwng saktharlainai, phiyaba
chwng chini kokni hamkraini
bagwi chwng sakbaithangno teisa
jaikhwlai nailaimano. Swkango
samahai ‘amano hamjakkha
hinkhe amani hamkrai naikha
hinkhe amani bagwi samung
tangthai’. Amani hamkrai
khwlaina hinkhe amani mukumu
narwkna nangnai. Amani
mukumu narwkna bagwi chwng
swkang sakno swnamphina
nangnai. Sakno hamjagwi manya
hinkhe, mano hamjagwi manya.
Bosongno hamjagwi manya
hinkhe, bosong komorwi
thangsinai. Jwngjal kwbangmano
tongo, samung tangna thangkhe
jwngjal phainai, phiyaba jwngjalno
yakarwise manya hinkheba
bahaikhe chalai sinaiba! Sakno
hamjakmatwi, tabukno teikisabo
leryawi kokni hamkraini bagwi
yaprisethai. Hapangno chwng
joto sebwi romwi chini bwkhago
tubumabai baksa chwng sakbaithangbo
tabukno
swinani, sanani,
porinani bagwi
saktharlaithai.
–Laxmidhan
Murasing

Paisukya kok
Paisinai hinwi tongmani
Paisukya khu.
Khani kok tongkhu
Buphuru paisinai
O khani kok rog.
Sanani hinwi tongmani
Khao kirima phaio
Samade chano
Sayade chano
khao wansugo.
Hamjkma tebose bango
Nini goron nugwi.
tabuk ang tongwi mangwlak
Nono karwi.
Bahaikhe tongnai
Nono manya khe.
–Samir Debbarma
Chwngkhathansa
Jorakwrwikhasichabaisidi
O bayarokkhunabaisidi
Joralenononaisingwitongya
Bahaikhesal hap sawimarwkya.
Changori-khadi,yakgo da twidi
khorokpakerisordi
Habanijorawngwitongkha
samungtanglainaphaidi.
Hukkupulungmaimuntongkha
Rananitabwklejorasokphaikha
Joratongsaninarwknakhaidi,
Yaprikwtalsewiphaisidi
Yakbai yak rombwithansawnglainai
Khathansakhechungsamungtanglainai.
Lama-lam kolokgobusulungtongnai
Khabaksaphanbaibusulunghoknai.
Bwswkbochalnoemangni lama,
Himlainaichunglemanjuwihama
Bolongkuthukno lama swnamnai
Jorabaigwdalwimwchangwihimnai.
aitorma 24
Bisor- Senani kwchar jora
Bisi kwtal phirokna jora
Khapang tongthok bara.
Bolong dukmali khum maike bubar
Barwi motomma jora.
Bolong khum baikang, khumtoksa-lamku,
Bolong motomma jora.
Aichuk bachaoi toksa tokwala
Pungwi
Haba dagima jora.
Toskuma, bolong topupu
Pungwi
Khapang udila chamani jora.
Sena kwchar-bai bisor kwcharo
Hugo mai kaima jora.
Sena kwchar-bai bisor kwcharo.
Maitiram thangma jora.
Huloksa bai muphuk malaima jora,
Nuai berai phaimani jora.
Nukhungni malmata-
Musuk, Misipno,
Khumtwrang kanrima jora.
Dalok sampwra rutuk kholawi
Bithi hullawi chalaima jora.
Bisor phaimani jora.
Sakbemar kakma jora.
Kwthwi maikhwlai rwmani jora
Kwthangbai yakakma jora.
Bisor salni jora.
Tong kwchang cha kwchang
Nukhung tei maikhulni bagwi—
Baba Goriya-no suri laima jora
Bisi kwtalni jora.
Horsini salsini sal joratwi
Baba Goriyani wasok kailawi
Ruwai naimani jora.
Sarik toktwibai yakung surowi
Goriya berailaima jora.
Kami kherpang ni nogo kalawi
Chalai nwnglaima jora.
Sarik kok kwchang
Phungo mai kwchang
Hamari naima jora.
–Sanjoy Debbarma
–Runit Debbarma (YKW)

KOKRWBAI
LANGMA KAISA
Langma swnamte swnamte jephuru lengjak
borokrog mwtaini thanio tongthai sano,
Mokolni ario khajagwi tongo,
Busukse laithangjakni muitu rog.
Phangsa buphang te phangsa buphangno
Nobar riuise bwlairog lilago,
Twisa ranjak twimao elengcha bosok kusungjak
Naisawi tongu nokhani watwini twino.
Tongnai chwla bwrwi,
Bwrwirogni thanio amaani hamjakma tongkhe
Nukhungba wngsinaino tong kwchang.
Ani o langma masa kakambukni bohok bisingo tongu,
Ani kaisa langma panthor ransajak
Nokhani tolao, sakni bisingo,
Buphang wngwi bokhorok tisawi naimani
Langma kaisa sawise maliya ani.
–Nayan Kumar Tripura
aitorma 25
Koklob bai ringo ang
Phiadi Phaidi Phaidi—
Takuk phan kwark phaidi.
Phaidi Phaidi Phaidi—
Bukuk tang kwrak phaidi.
Lama korowi bachai ta tongdi
Wi-o gulogwi mwlang ta chadi.
Yapiri baksa phaidi.
Amani hukumu , Babu-ni tangbiti,
Chwngle swrwngna phaidi.
Amani hukumu, babu ni riti,
Chwngle narwkna phaidi.
Phaidi phaidi phaidi—
Buino kisilwi achuk ta tongdi.
Yapiri baksa phaidi.
Kha thansa khwlai
Kha baksa khwlai,
Ama ni hukumu mwthangna phaidi.
Babu ni mukumu narwkna phaidi.
Phaidi phaidi phaidi
Takhuk bukhuksong phaidi.
Hathai hai kuchuk naisajakna khai.
Khorang chwng baksa phaidi.
LANGMA THANGWI
Twrwk twrwk
Khao chongmung twiwi
Nono uansugwi
Hamjakma kwpulwng khao.
Bwskango emang nugwi
Kwbangma lam hamya yakarwi
Nono uansugwi tongo.
Sairik kwlaikhe
Kok paisukya salaio
Horo serek-serek kokduk bai
Kwrwngwi o khani kok.
Hamjakma yakarwi thangya
Nini khapangni kok manwi.
Arono mano paisukya
Langma thangwi tongo
nono twiwi.
–Samir Debbarma
aitorma Subscription Form
Name : ............................................................................
Address : ............................................................................
State : ...................... Pin : .........................
Renewal Sub. No. PSY................ Sew Sub.....................
Phone/Mob. : ..................... E-mail : .................................
Cheque (Outstation cheques not allowed)/MO/DD No.
1 Year Rs. 350 2 Years Rs. 700 3 Years Rs. 1050
Postal Charges Extra (Rs. 60 annually)
Phadi phaidi phaidi–
Jotono baksa phaidi
Horo kokwchang babuni khukni ,
Phungo mai kwchnag, Ama-ni yakni.
Chaoi okwchang phaidi.
Chini samungni, chwngle tangnani
Kebono ta kisil baidi.
–Sanjoy Debbarma

SIMA NUKMA
Which country’s parliament passed a law limiting
the powers of its police? Israel
Which city will host Commonwealth Games in
2022? Birmingham
Which international organisation in its resolution
rejected United States recognition of Jerusalem as
Israel’s capital? UN General Assembly.
Name the Real Madrid footballer who has been
awarded the Globe Soccer Award for the Best
Player of the Year 2017? Cristiano Ronaldo
Who has been named Time’s 2017 Person of the
Year for shedding light on sexual harassment and
abuse in America? The Silence Breakers
Which country has largest diaspora population in
the world, with over 15 million migrants from the
country living abroad, according to the World
Migration Report 2018 published by the
International Organisation for Migration, the United
Nations migration agency? India
Regulator of which country voted to repeal net
neutrality rules? USA
Who won the 2017 presidential election of Chile?
Sebastian Pinera
Which country won the gold medal at the Hockey
World League Final? Australia
Name the mountain which has been confirmed to
be the highest mountain in the British Antarctic
territory after British scientists discovered that
explorers in the 1930s measured the mountain
incorrectly? Hope Mount
Which country will host 2021 Champions Trophy
and 2023 World Cup? India
Which country has become the 163rd nation to
accede to the antipersonnel land mine ban
convention, fulfilling the pledge it made last year to
join the international community in supporting the
ongoing landmine clearance programme? Sri
Lanka
Which Arabian country lifted ban on movie theatres
after 35 years? Saudi Arabia
Merriam-Webster’s Word of the Year for 2017
was? Feminism
International Mountain Day was observed across
the world on? 11th December
Which country has been banned from competing
at the 2018 Winter Olympics over doping scandal?
Russia
aitorma 26
Sima Nukma (Current Affairs)
United Nations Human Rights Day was observed
across the world on? 10th December
International Civil Aviation Day was observed
across the world on? 7th December
World Soil Day was observed across the world
on? 5th December
Name the Real Madrid player who has been
awarded the FIFA Ballon d’Or for the fifth time?
Cristiano Ronaldo
Oxford Dictionary Word of the Year for 2017 was?
Youthquake
Name the South African human rights activist who
has been appointed as the next Secretary General
of Amnesty International? Kumi Naidoo
World AIDS Day was observed across the world
on? 1st December
Host of the 2017 Special Olympics World Winter
Games –Austria
India’s first carbon neutral district will be- Majuli
The first fully India made train “Medha” has
flagged off between - Dadar to Borivali
The new brand ambassador for 2018 ODI Blind
Cricket World Cup- Shahid Afridi
The new CM of Uttarakhand-Trivendra Singh
Rawat
Mission Fingerling” is to achieve-Blue
Revolution
“Adarsh Gram Yojana” is a scheme for rural poor
of- Arunachal Pradesh
Jiratchaya Sirimongkolnawin has been crowned the
new Miss International Queen 2016. She hails from
– Thailand
The Asian Athletics Championship 2017 will be
hosted by- India
Winner of 2017 Santosh Trophy football
tournament- Punjab
The newly appointed Defence Minister of India-
Arun Jaitley
The new CM of UP- Yogi Adityanath
The new CM of Manipur- N. Biren Singh
The new Deputy Governor of RBI- BP Kanungo
George A. Olah, the Nobel laureate has passed
away. He won the prize in – Chemistry
The New Chairman of the Central Water
Commission - Narendra Kumar
The cultural festival ‘India by the Nile’ was
organised in - Egypt