You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
v<br />
EST: SEPT 12, 2010 VOLUME 1 , ISSUE 101 SEPTEMBER 26, 2012<br />
RAMCHUNG DAIHNAK LAM TLANGCUNG PAWL MEETING<br />
AH AN FEHTER<br />
September 18, 2012:<br />
Ramchung raldaihnak kong he<br />
pehtlaih in zulhding 6 aa telmi<br />
cu tlangcung mi meeting ah<br />
fehter a si. Thailand ram ah<br />
September 14 in nithum chung<br />
tuahmi meeting ah ramkhel<br />
kong cabuai cungah ceih ding,<br />
Pinlong bantuk meeting pakhat<br />
tuah ding, rampi huap in<br />
kahdaihnak cozah nih thanh<br />
ding hna aa tel tiah chimnak<br />
nawl ngei Dr. Sui Khar (CNF)<br />
nih Irrawaddy thanhca sinah a<br />
chim. Cozah nih tulio daihnak<br />
a kalpi ning hi tlangcung mi<br />
kong a si lo, anmah ca lawng a<br />
si, cucaah tlangcung mi nih<br />
kanmah kong ceihnak kanmah<br />
tein kan ser a hau cang tiah<br />
Mon pyitit party chungtuan<br />
Naing Han Ta nih a ti.<br />
Daihnak caah lam kan<br />
sermi kan zulh lai. Parliament<br />
lengah daihnak a phi kan kawl<br />
lai, parliament chung cu cozah<br />
minung lawngte an si a ti.<br />
Cozah nih daihnak lam an ser<br />
mi cu kahdaihnak ser in ramri<br />
hngak ralkap dirh ding, 2008<br />
phunghram cohlan ding, party<br />
dirh in thimnak luh ding, hluttaw<br />
chungah ramkhel kong<br />
ceih ding ti hna an si. Tlangcung<br />
mi meeting cu September<br />
14 in 16 tiang Thailand ram<br />
Chaingmai ah tuah a si i, ram<br />
chung ramkhel party hruaitu<br />
pawl, KNU, KIO tiin minung<br />
130 hrawng an kai kho. Cozah<br />
nih ramchung daihnak caah<br />
KAWLRAM THAWNG<br />
ramkhel kong ceihhmainak caah<br />
zapi kan i tel khawhnak meeting<br />
pakhat an tuah lai ti a si nain hi<br />
kongah zeitin kan tuah lai timi<br />
fianternak a um lo, hi meeting a<br />
tlam a tlin khawh ding le ceih<br />
dingmi cozah he tonnak kan<br />
ngeilai tiah Dr. Sui Khar nih a<br />
ti. Hi meeting kong hi daihnak<br />
sertu lutlai chang, president<br />
zung vunci U Aung Min nih<br />
2015 hlanah kan tuah lai i,<br />
tlangcung hriamtlai bu he<br />
ceihhmainak kan ngei tiah a rak<br />
chim cang. Ramchung daihnak<br />
caah ramchung le ramleng ton<br />
biaruahnak le a dotdot tein nu,<br />
mino hna he tuanti a herh tiah<br />
Dr. Sui Khar nih a ti.<br />
Cu pinah ramchung ral<br />
ruangah ralzam dirhmun a phan<br />
mi minung 90,000, Arakan buai<br />
ruang sunghnak vialte cozah nih<br />
a rannak in tawlrel ding zong cu<br />
meeting ah an langhter chih. Hi<br />
meeting biachahnak cu cozah<br />
sinah pek an si lai, cozah nih<br />
daihnak phung an sermi 8 chungah<br />
a cheu cu tlangcung mi nih<br />
pom khawh a si lo an ti.<br />
(Cc; Mizzima)<br />
TLANGLAWNG PALIK PAKHAT KUT IN MIPA A NUNNAK A LIAM<br />
September 17, 2012: Kachin ram Hupin peng, Zuatitkyi khua<br />
tlanglawng palik kutin mipa pakhat nunnak<br />
a liam. September 9 ah Ko Maung Oo timi<br />
pa cu Nankhanchotaung rian a tuannak in a<br />
tlun leiah tlanglawng dinhnak ah rai nih a<br />
fenh i a it ko. Cu lioah tlanglawng rianngeitu<br />
palik Kyaw Soe Lwin cu zu a ri i<br />
mipa cu a hro. A dir ter.<br />
Mizaw pa cu a dir khawh lo caah<br />
palik pa nih a meithal in a tuk, a chuih. Zan<br />
suimilam 11:00 hrawng a si caah minung an<br />
king. Mipa cu a zaw tuk i a dir khawh lo<br />
caah zei bantuk minung ah dah na ka rel tiah palik pa nihcun a<br />
chuih, a tuk. A pawng ngakchia nu pakhat chimnak ahcun voi 82<br />
bak a chuih a ti. Cu mizaw pa cu September 13 ah sizung ah palik<br />
pa velhnak cun a thi. Maung Oo a thihnak kongah Hupin palik sakhan<br />
ah report an tuah. Mithi pa nupi Win Kyi nih zei bantuk in<br />
remnak an tuah zongah a si kholo, ka va cu a thi ko cang i, a<br />
hmanmi thil a chuah ding a biapi ko a ti. (Cc: DVB)<br />
Cahmai: 3<br />
KAWLRAM THONGTLA 514 AN CHUAH HNA<br />
September 17, 2012: Ramdang thongtla<br />
telh in thongtla 514 chuah dingin president<br />
nih nawl a chuah. Hihi U <strong>The</strong>in<br />
Sein American UNO meeting a kai hlan<br />
ni tlawmpal ah a chuah hna hi a si.<br />
Tutan president nih a chuah mi hna<br />
chungah ramkhel ruang thongtla cheukhat<br />
an i tel nain zeizat an i tel ti theih<br />
fiang a si rih lo. Kawlram nih pakhat khat a um paoh ah thongtla a<br />
thlah ton hna nain ramkhel ruang thongtla an tan rih ko caah zei dah<br />
an duhnak a si ti theih a har ko ti a si. Kawlram thonginn chungah<br />
ramkhel ruang thongtla um rih a si. Thlennak an duh taktak ko ahcun<br />
hi hna hi chuah dih ding an si tiah nuhrin covo cawlcanghtu hna nih<br />
an ti. U <strong>The</strong>in Sein a kai hnuin thongtla thlahnak hi voi 6 a um cang i<br />
thongtla an thlah mi hna dihlak 29018 an si cang. Hi chungah<br />
ramkhel ruang thongtla 800 hrawng an si. (Cc: VOA)<br />
UNO PALAI MR. VIJAY NAMBIAR KAWLRAM A TLAWNNAK<br />
September 17, 2012:<br />
September 12 in 17 tiang Kawlram<br />
a rak tlawng mi UNO palai<br />
Mr. Vijar Nambiar a khualtlawnnak<br />
a dihter cang. Kawlram<br />
a um chungah president U <strong>The</strong>in<br />
Sein ruahnak petu pinah pyituh<br />
hluttaw president Thura Shwemann,<br />
ramleng vunci U Wanna<br />
Maung Lwin, ramri vunci bochoh<br />
<strong>The</strong>in Htay, president zung<br />
vunci U Soe <strong>The</strong>in, U Aung<br />
Min, a pakhatnak nu vuncichoh<br />
Daw Myat Myat Ung Khin le<br />
pianciaye vunci U Aung Kyi<br />
pawl a ton hna.<br />
Mr. Nambiar cu tlangcung<br />
bu hna zong a ton hna.<br />
Chin party CPP in U Do Zam,<br />
GNO in Za Boi John, Karen in<br />
Hellen Saw Oo, Karen ni mino<br />
pakhat, Chin pastor pakhat hna a<br />
ton rih hna. Kachin ral daihnak<br />
kongah a si khawh chungin kaa<br />
zuam lai a ti. UNO riantuannak<br />
ah a har mi cu ramchung kong i<br />
thlak hi a fawi lomi a si nain kaa<br />
zuam ko lai a ti. U <strong>The</strong>in Sein<br />
UNO meeting a kai ding kong le<br />
September 27 ah New York UNO<br />
zungah U <strong>The</strong>in Sein biachimnak<br />
a ngei lai timi hna a phuan rih.<br />
Mr. Nambiar hi Arakan buainak a<br />
thawk bak in Kawlram a lut i,<br />
Arakan ram tiang a va phan mi a<br />
si. (Cc: VOA)<br />
KACHIN RAM MAH TEIN I UKNAK CAAH KNO-<br />
THAILAND BU AN DIRH<br />
September 18, 2012: Ramleng<br />
um Kachin (KNO) nih<br />
Kachin ram mah tein i<br />
uknak dingah KNO-<br />
Thailand (Kachin National<br />
Organization-Thailand) cu<br />
Thailand ram Chinmai ah a<br />
um mi kachin hna le KIA<br />
ralkap hlun pawl he September<br />
16-17 ah an dirh. Kachin ram mah tein uknak kan hmuh hlanlo<br />
kan tho lai i raltuknak ah kan um ko lai an ti.<br />
Cozah thar nih ramdaihnak tawlreltu a dirh i, daihnak an ser<br />
cuahmah lioah ramleng um Kachin nih hitin an dirh hi a si. Ramkhel<br />
lei biaruahnak a um hlan lo daihnak kan la lai lo tiah KNO president<br />
Duwa Bawmwang Laraw nih a ti. Ramleng um Kachin (KNO) le<br />
tulio ral a tu cuahmah mi KIO hna cu kan hnu June thla chungah KIA<br />
sakhan laiza ah nihnih chung tonnak an ngei i hnatlaknak anngeih<br />
hnuah hitin an dirh hi a si. (Cc: Kachin <strong>News</strong>)