an chomhairle oidhreachta 2008 - The Heritage Council

84
A N C H O M H A I R L E O I D H R E A C H T A T U A R S C Á I L B H L I A A N T Ú I L 2 0 0 8
An tSeirbhís Phoiblí a Bhunathrú –
Ráiteas Rialtais
Léiríonn an ráiteas seo go soiléir go bhfuil sé ar intinn an Rialtais na seirbhísí poiblí a bhunathrú trí shraith
de threoracha atá spriocdhírithe go soiléir. Cuireann Réamhrá an Ráitis, cé go sonraítear go soiléir ann go
bhfuil an tSeirbhís Phoiblí ag athrú cheana féin, béim ar thuairim láidir an Rialtais go mbeidh uirthi athrú
níos tapúla. Déantar tagairt ar leith d’aghaidh a thabhairt ar athrú aeráide chomh maith leis an riachtanas
maidir le dul i mbun tascanna nua i slite nua ar leibhéal indibhidiúil agus eagraíochta de. Sonraítear sa ráiteas
go bhfuil méadú suntasach i dtáirgiúlacht, i luach ar airgead agus i sásamh na saoránach le baint amach ag
eagraíochtaí agus fostaithe seirbhíse poiblí ag obair ar feadh teorainneacha eagraíochta, gairmiúla, earnála
agus geografacha. Níl aon bhuairt nó bacanna i gceist don Chomhairle Oidhreachta maidir le ráiteas dá
leithéid mar tá sí tar éis a rathúlacht go dtí seo a bhaint amach trí riachtanais dá leithéid agus leanann sí
uirthi a bheith solúbtha agus dírithe maidir leis na comhpháirtíochtaí atá riachtanach le go gceadófaí di
an leibhéal is airde de sheirbhísí poiblí a sholáthar. Ar a shon sin beidh ar an gComhairle é seo a chur in iúl
níos soiléire agus a hathruithe féin a chur i bhfeidhm níos tapúla.
Déileáileann Alt 12 den Ráiteas Rialtais go sonrach leis na Gníomhaireachtaí Stáit. Sonraítear go soiléir
san Alt seo go bhfuil an Rialtas ag cur socruithe nua i bhfeidhm chun cuspóirí feidhmíochta a shocrú
do ghníomhaireachtaí agus do mhonatóireacht a dhéanamh ar a seachadadh. Go háirithe sonraíonn an
Rialtas go n-éileoidh sé go
- mbeidh ar an uile gníomhaireacht Ráitis Aschuir a fhoilsiú ag taispeáint na n-acmhainní a
leithdháiltear orthu i gcomparáid leis na gnóthachtála sprice
Sa chomhthéacs seo go háirithe a chaithfear Tuarascáil Bhliantúil na Comhairle Oidhreachta 2008 a phlé.
2008 – Gnó a dhéanamh ar Bhealach Eile
Tá an Chomhairle Oidhreachta tar éis roinnt príomhathruithe maidir leis an slí ina ndéanann sí a gnó a
chur i bhfeidhm in 2008. Déanadh na hathruithe seo le deimhin a dhéanamh go gceadóidh na struchtúir
thacaíochta atá i bhfeidhm ag an gComhairle go mbainfí amach na spriocanna ardleibhéil a leagtar síos sa
Phlean Straitéiseach 2007-2011 ins an slí is éifeachtaí agus is éifeachtúla dá bhfuil ann. Tháinig struchtúr
nua foirne le Ceannasaithe Seirbhíse freagrach as na spriocanna ardleibhéil sa Phlean a bhaint amach i
bhfeidhm i Márta 2008. Tharla an t-athrú seo ag an am céanna is a d’aistrigh an Chomhairle go dtí a
Ceanncheathrú náisiúnta nua, Áras na hOidhreachta a d’oscail Uachtarán na hÉireann, Máire Bean
Mhic Giolla Íosa go hoifigiúil ar an 11ú Aibreán 2008. D’éiligh na hathruithe seo athrú cultúrtha laistigh
den eagraíocht.
D’fhonn aghaidh a thabhairt go sonrach ar cheist an Aschuir maidir leis na hacmhainní a leithdháiltear
uirthi, thug an Chomhairle Plean Straitéise ach isteach ina bhfuil Uimhir Thagartha don uile chaiteachas.
Ceadaíonn seo tomhas an chaiteachais ar an uile Théama den Phlean Straitéiseach. Is féidir na spriocanna
a leagtar síos do na téamaí a thomhas i dtéarmaí fíorghníomhartha agus fíoraschuir agus an costas
coibhneasta maidir leis an sprioc sin a bhaint amach.
Cé go bhfuil na sonraí ag luathchéimeanna a gceistiúchán agus go mbeidh gá do roinnt coigeartaithe
lena bhfíorchuidiú maidir le gnóthachtáil na spriocanna a bhaint amach, tá an córas forbartha go cuí le
ceadú don Chomhairle a hionchar úsáide agus a seachadadh aschuir a léiriú do gach Téama den Phlean
Straitéiseach. Sonraítear sa tábla thíos na costais a tabhaíodh in 2008 maidir le gach Téama Straitéiseach
den Chomhairle.