ligòngiu a sa tesi in pdf - Sotziu Limba Sarda

sa terra. Made in Sardinia.” 37 A sa pàgini 146 nc’est sa
curtura noa chi s’iat a depi fai, cun d-una bona
progamatzioni, po lompi a nca est sa genti a is
cumunidadis, “Giustu giustu, ma nosu sa genti dd’eus
scarescia, eus allegau feti tra nosu e nosu”. Custa est sa
misura e sa bisura de una crassi pulìtiga chi est sceti
autoarreferentzialli, atesu e palas a sa genti. 38 Sa pruposta
pulìtigu sotziali de Antoni Cossu no est una cosa de fai in
pagus, ma cun is cumunidadis organitzadas, libberas de
pigai parti a su benidori de sa Sardìnnia chene violéntzia
peruna, ma cun su votu a is eletzionis scioberendi una
crassi pulìtiga noa, “Tziu Giuanni Batista…s’at nau ca
esti deretu de su populu, e duncas de su populu sardu
puru, de nci sciusciai donnia guvernu malu, e duncas is
guvernantis puru. E nosu dd’eus postu in menti.” Custu
narant is disterraus avolotaus a pàgini 115 39 . Nci bolit de
cambiai su guvernu e is cosas de sa Sardìnnia, mancai
cun cosas noas e fortis, ma chena de violéntzia, cun su
votu e su cunsensu de sa mellus parti de su pópulu sardu
de sa genti. Pópulu chi pighit issu etotu su trabballu de
cambiai sa sotziedadi. Aici si cumprendint is giogus de
fuedhus, chi Antoni Cossu fait a pitzus de is pulìtigus
bécius e ponit fuedhus in buca a is onorevulus chi parint
fuedhus de bastàscius(ma assumancu custus trabballant)
de malus pensadoris ca funt malus faidoris. Si dhus
37 Seus a pàgini 159, ma seus torrendi a pigau is chistionis giai acinnadas a pàgini 13/14 de Chantal etotu sa mulleri
frantzesa de Tatanu Sanna chi est disterrau innias.
38 E sighian a faeddare tra issos, pàgini 114. Aici tancat su de XIX capìtulu Antoni Cossu contendi de s’avolotu chi nci
fiat in is primas oras de is tenturas, de su secuestru de is pulìtigus.
39 Aici narat s’Arrapresentanti de su guvernu a pàgini 116, “Tziu Giuanni Batista podiat tenni arrescioni(aici), e tenit
arrescioni(aici), e su guvernu malu boidi sciusciau, ma no in sa manera de bosatrus, cun sa fortza, cun violentzia…”
36