ligòngiu a sa tesi in pdf - Sotziu Limba Sarda

in su 1975 ndi pesat su giorronnali La grotta della vipera,
chi est una minera po is peleas intelletualis, sotzialis e
tzivilis de intzaras. In custa arrivista, bessia po bintotu
annus de sighiu, si donat boxi a medas scridoris gióvunus,
chi cun sa poesia, cun sa lìngua sarda, cun sa curtura de
cussòrgias localis e de totu sa Sardìnnia, s’atóbiant in
s’arrivista, arrelatendisia fintzas cun àteras lìnguas de
minoria de àteras Natzionis Oropeas.
A un’ómini de aici, de custu importu mannu meda,
acapiau a totu is caras de sa vida sotziali e curturali de sa
Sardìnnia, no podiat fai a mancu de pubrigai in lìngua
sarda, aici bieus Mannigos de memoria bessiu in su 1984,
ma chi tenit arrastus a partiri giai de su 1978 cumenti scrit
Antoni Cossu etotu in s’ùrtima pàgini de su matessi
arrumanzu. S’àteru trabballu scritu in lìngua sarda A
tempos de Lussurzu est prentzau in su 1985 e torrau
fintzas in lìngua cadelana cun su rétulu: Al temps d’en
Luxori, torrau de Antoni Arca, Tàtari, Edes, 1992, chi est
unu trabballu tiatrali. Pùbrigat fintzas poesias in duus
lìbburus: I monti dicono di restare de su 1987, e is contus
Su bentu de su 1993. Antoni Cossu est stétiu scridori,
poeta, giorronnalistu e editori ma est stétiu, pruschetotu,
una personi de sensibbilidadi manna meda. Sensibbilidadi
cundia, perou, cun sa crìtiga serrada, arrisulana e befìana
contras a su poderi de s’amministradura de sa cosa
pùbriga sarda, chi de Antoni Cossu est cunsiderau tzeraca
de cudha Cuntinentali de is sercheterias de is
sercheterias 1 de is partidus italianistas. Antoni Cossu est
1 Serchetariu de serchetariu pàgini 34.
4