4 pies teat dev virahsawmy - boukie banane
4 pies teat dev virahsawmy - boukie banane
4 pies teat dev virahsawmy - boukie banane
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Desdemona nek konn zis li;<br />
Mem Emilia, mo fam marye,<br />
So labous ranpli ar dimiel<br />
Ler li pronons nom Otelo.<br />
Mo gagn laraz, mo'anvi morde,<br />
Anvi touye, desir so trip.<br />
Kikenn pe vini ...<br />
Emilia rantre.<br />
EMILIA<br />
Kisannla ti ar twa talerla Pa sa los Roderigo la sa<br />
YAGO<br />
Kifer to deteste li<br />
EMILIA<br />
Pa kapav bliye so kanpagn malprop kont nou Prezidan. Sovaz la!<br />
YAGO<br />
Pa bon koz koumsa. Enn bon dimoun sa. Li finn rekonet so erer. Li pe dimann mwa fer li<br />
zwenn mo patron pou permet li prezant so exkiz. Mo sir li pou pardonn li.<br />
EMILIA<br />
Pardon Pa pardon ki li bizen me enn bon klak. Yago, pa bliye retourn mwa sa liv poem<br />
Kahlil Gibran ki to ti pran pou zet enn koudey. Kouma to trouv li<br />
YAGO<br />
Get sa bwat la! Mo pa'nn gagn letan. Donn mwa detrwa zour.<br />
EMILIA<br />
Fer atansion ar li. Li ena enn bel valer emosionel pou Desdemona. Otelo ti donn li sa kado<br />
e li ti ekrir enn zoli enskripsion. Sa liv la li koumadir senbol zot lamitie. Pa perdi li dan to<br />
dezord.<br />
YAGO<br />
Korek sa!<br />
EMILIA<br />
Kouma to fini, donn mwa li. Mo va retourn li Desdemona. ... Pa bliye, tanto nou pe<br />
resevwar.<br />
YAGO<br />
Korek sa! (Emilia sorti.)<br />
Sa fam la minn mo boyo!<br />
Me oblize rekonet<br />
Li konn fer lamour extra.<br />
Mo lili zame finn tris!<br />
He! Tansion lezot osi<br />
Ler mo gout meni deor<br />
Finn plonz dan mo gardmanze.<br />
Non, mo pa kwar. ... Ki kone<br />
Mo peyna prev. ... Emilia<br />
Mo santi loder marday.<br />
36