Zawlbuk,14th, October, 2012 - Hmar Students' Association ...

Vol-IX, Issue No. 20, 14 th October, 2012 Pathienni Bengaluru Phek- 4
CHANCHIN LAWRKHAWM Continue
Pathien thilmak thaw a tlung zing a, Naset khawmin damna an chang
CCPUR: September 25, 2012 a inthawka Nehemia Prayer Mountain, Muolvaiphei-a tan
ei ram ta dinga Ni 40 le zan 40 tawngtaina programme hmanga um chu tluong takin a
fe pei a, nitin mi 300/400 bawr vel tawngtaina nei dingin hi hmuna hin an fe zie bakah
a hmuna in camp (riek lut) sun le zana tawngtaina hun hmang mi 30/40 vel an um bawk.
Ni 40 le zan 40 bunghei tawngtaina programme hi Pi Lalremsiem Convener nina hnuoia ei
ram Churachandpur, Manipur state, India le khawvel pumpui ta dinga EFCI Central
Nuhmei Pawl in an huoihawt, Kohran Pawl bing le Hnam bing um lo a nih. Ei ram ta
dinga tawngtaina hun hmang a ni laizing hin, a beiseitu hai ta dingin taksa le thlarau
damna dinga rawngbawlna nei zing a ni bawk a. Pathien thilmak thaw leiin tuchena hin mi
tam takin taksa le thlarau ah damna chang an um zing a, Naset, phingna le Ke na hai khawmin
damna an chang pei. Zani lai el khawm khan naset pakhat thil ri hre thei talo chun
Pathien thilmak thaw leiin thil hriet theina neiin damna a chang tiin Convener Pi Remsiem
chun a hril. Imphal-a inthawk khawmin mi 6 damna beseiin an hung a, chuong hai
khawm chun Pathien thil mak thaw leiin damna an chang a, anni laia pakhat lem
chu Shillong-a lekha an chuk laia Khasi nupui pakhatin dawi hmanga a sukbuoi, invet anga
um ta a ni a, sienkhawm Pathien thilmak thawna leiin damna changin a hung tha pei
tah tiin Pi Remsiem chun a hril bawk. Hienghai baka hin Zu ngawl invawi 4 le Drugs
inruithei suoka intang hai khawm enkawl an ni a, Pathien thuoina zarin hma an sawn
in an changkang hrat hle a. Tuhin an thlarau ta dinga rawngbawlna neipui mek zing an ni a,
hienglaizing hin mi thenkhatin thlarau damna an chang zing bawk. Ei rama thalai hai
laia suolna in bu a khuorna leia ei ram le hnam se mek tungding nawkna dinga suol suoka
inthawka thalai hai thuoisuokna dinga tawngtaina hi buotsai a ni a, ieng kohran le ieng hnamk
hawm thang thei vawng dinga buotsai a ni leiin beiseina nei taphawt le inhnikna nei
taphawt hi tawngtaina programme-a hin thang thei zing a ni a, tukhawm hin tawngtainaa
thang hi hnam tin an kim vawng, ei ram Kohran Upa le Pastor hai ta ding khawma
tawngtaina kan nei zing a nih tiin Pi Remsiem chun a hril.
STOCKHOLM: Royal Swedish Academy (Nobel Committee) chun zanikhan China
lekhaziektu (writer) Mo Yan (57) chu Nobel Przie for Literature, 2012 dawng dingin a puong.
Chun America mi ve ve Robert Lefkowitz le Brian Kobilka hai chu damdawi thalem
siemsuokna ding thil pawimaw takel G-protein-couples receptors an hmusuokna leiin
Nobel Prize for Physics, 2012 dawng dingin a puong. Thawtanni khan Medicine a Nobel
dawng dingin stem cell pioneers John Gurdon of Britain le Japan mi Shinya Yamanaka
hai puong an lo ni ta bakah zani hmasa khan French mi Serge Haroche le America
mi David Wineland hai chu physics prize dawng dinga puong an lo ni ta bawk.
HSA Bangalore Branch, Official Phone no. +91-8197163723/ +91-9916878297
A communique for the Hmar people in Bengaluru for private circulation
Vol-IX, Issue No. 20, 14 th October, 2012 Pathienni Bengaluru Phek- 1
BHCF PROGRAM
Date: 21 st October, 2012
Thuoitu: Tv Joseph Songate
Tantu: Pi. Lalringzo Pakhuongte
Puong ding Tul hai:
BHCF Secretary
Thawlawm Inhlantu: Pu Joseph Malsawmzuol
Special No: SAIACS Thalai pawl
Thuhriltu: Tv Joseph R Joute
October thla mawphurna dang hai:
Ushers: Tv. HK Lalhlunnei, Tv. Lalnunhlim, Nk. Ann-dee amaw, Nk. Lalthanpui
Worship Team: Tv. Joseph R. Zote, Tv. Abraham Selate, Tv Samuel Keivom,
Nk. Carol Amaw, Nk. Loicy Tusing, Nk Mercy Puruolte.
Chanvo nei hai hin a hun taka mani chanvo seng sukbit tum dingin ei infiel a,
remchangnawna nei hai chun BHCF Secretary (Mob no.9986451800) kuomah inhriettir
dingin ei inhriettir bawk ani.
Editor : Tv. Abraham L. Selate
Asst. Editor : Tv. Lalnunhlim Songhil
Circulation : Nk. Loicy Tusing
Chuongchun thil tinreng min in chunga an thaw dinga in dit ding
ang peiin mi chunga khawm thaw ve ro; chu chu Dan le zawlneihai
thu a ni hrim a nih. Matthai : 7 - 12
Publication of the Hmar Students’ Association, Bangalore Branch

Vol-IX, Issue No. 20, 14 th October, 2012 Pathienni Bengaluru Phek- 2
Tuolsung Chanchin
@ BHCF in registration a thaw meka, ei sunghai, ei ruol hai registration la thaw lo an
um chun registration thaw dingin lo hril ei tiu. Sietni/Thatni le Election huna hai a
hung pawimaw ding a nih.
@ BHCF in tulaia projecta a nei, LCD Projector hlabu aia hmang ding inchawk a tum
kha, hi project a thang nuom hai chun, thawlawm kha la pek thei zing a nih, ei nei
ngeina dingin lo tawngtai bawk ei tiu.
@ Pi Sangzel chu tulna leiin kar liemtah khan veng tieng a mi lo maksan tah.
@ Nk Carol Amaw khawm kar liemtah khan ITC companyah sin ditumtak a lo hmu
ve tah, ei lawm pui hle a nih.
@ Pu Stephan khawm Andhra Pradesh-ah rawngbawlna kar hni sung a va nei
hnungin kar liemtah khan Bangalore damtakin a lo hung tlung nawk tah. Thataka
rawng a bawl pei theina dingin tawngtaina’n lo san pei ei tiu.
@ Nk Ketlyn khawm kar liemtah Thawleni khan Mumbai tieng a mi lo fe san tah.
@ Venga suok hung kir nawk tah ei hriet hai- Tv Samuel Lalsiemlien, Tv Laltlansang,
Tv Lalruotsang le Rotharmawi
KHANGZEP
A hnuoia thu ziek hai hi thupui khuka khuk pui ding anih naw,ana chu thu khel
let der chun ngai bik naw la……
# Darthlalang hmaa ka hei ngir hin chu sawisel ding ka hriet naw-Tv Hmingropui
# Nunu Airportah ei van thla a ni kha tie. - Nk Mercy Puruolte
# Kum a thar tep tep ta a phur natak ka nei chu tie. - Tv Thlanga
# Winter ka suok tum naw ana, an thaw chi dim aw…….. - Tv Khumte
# Hi chen damnaw in ka um ta a, Tv pakhat khawma kan an mi tum thak naw chu tie,
Bangalore tlangval hai khawlam in um tawl lie? - Nk Lalsangzuol
# Sport ding hi ka phur ta khawp el, carrom a ding ka lo practice tan an tah, ami cho
cho ka cho, hehe! – Pi Christina
# Heihah! Tuhin chu siksikrieu an inhram el an tah-Tv Hlima
# Bangalore ka suoksan ta ding a ni sia, mall sunga theatre hai insuo hrim hrim hi ka
en chak em leiin zuk en ve hrim hrim ka tih…Nunghak ka thuoi naw ti pal inti aw,
chawl kan laktir ngat anih aw. Mr. Mingle ka ni hih, inpuong top ka tih, ka fe ta ding
tho. - Tv Lalramsan
# Lalramsan veng tieng a fe ta chun Nunghak lenga fe pui ding an va vang ta awm de
aw! - Tv Joshua Zote
# "Sikpui Ruoi pha chu kei khawm ka dek ve ding antah...inhriet thiem?-Huolte
# Ka thlalak hi Pastorpa hriet naw kar FB a milo upload tran pek raw aw"-Pastornu
Zawlbuk Editorial,Official Phone no. +91-9535270189/ +91-9742037413
Vol-IX, Issue No. 20, 14 th October, 2012 Pathienni Bengaluru Phek- 3
CHANCHIN LAWRKHAWM
# Combined Graduate Level Examination, 2012 Tier II result a Hmar mi atling
ei hriet thei chin hai
ALL POST:
1. Anie Enchimlo 2. Esther Laltankim Serto 3. Faith L Hranngul ,
4. Kamlalbel Neitham 5. Nelson Lalthuoisang Joute 6. Mark Pangamte
7. Oswin Nampui 8. Rohminglien Songate
NON INTERVIEW POST:
1. Lalthazam 2. Seithang Changsan 3. Ronald Lalthlanglawm,
4. Jacob Thanghmingsang 5. Olivia H Pakhuongte 6. Nelson Khawbung,
7. Jehova Lalthlamuong Hekte 8. John Laltanlien 9. Kapremvel Pulamte
10. Abraham L Pangamte 11. Williamson Serto 12. David Lallawmkung
13. Angelyn Ramneichieng
TAX ASSISTANT:
1. Michael Lalrammawi Joute 2. Esther Lalsanhmim 3.Japhet Lalditum
4.Elmuonthang Songate 5.Roselyn Serto 6. Roger Ramneimawi
7. Lienthanglur Khawzawl 8. Malsawmthang Infimate 9. Lalrochan Pangamte
10. Evelyn Lalrosiami
# ZARZOLIEN HMAR MEMORIAL AWARD: Nk. Janice Malsawmkim D/o Rev.
H.L.Lallawmthang & Elsingmawi, Hmarkhawlien chun famtah Zarzolien Hmar
Memorial Award a dawng. Hi Award hin sumfai Rs.10000.00 le Momento mawitak
el a phur. Nk. Janice Malsawmkim hin tukum Class-X exam khan Barrak Valley HSA
member lai 72% hmuin passed percentage a hmu insangtak lei a hi Award hi pek a
nih. Hmarkhawlien PMS High Schoola inthawk Class-X kha a passed a, tuhin Nehru
Higher Secondary School, Pailpool Class-XI(Sc) anchuk mek. Hi award hi HSA Barak
Valley Jt. Hqrs a General Secretary ni lai zing, Tv.Zarzolien Hmar-in hunlo taka mi lo
thi san ta kha hrietzingna dingin HSA Gen.Hqrs chun a buotsai a ni a, tukum a
inthawk kum tin hi Award hi pek suok zie hlak dinga riruong a nih.
# HAFLONG: Sawrkar le DHD han Memorandum of Settlement (MoS) an ziek chu
October 11, 2012 ni khan District Library Auditorium, Haflong-ah lawm a ni a.
Hi huna hin Dimasa State hran hril rik a nih. Hi huna thuhrilna nei hai lai a
North Cachar Hills Autonomous District Council tia ko ani laia Principal Secretary
(NCHDC) sin lo chel, J.K. Thousen chun, Naga han Nagaland State an nei a, Mizo
han Mizoram State an nei chun iengleiin am Dimasa han Dimasa State
nei thei naw bik an ta tiin a hril.
OSLO: Norwegian Nobel Committee chun European Union (EU) chu Nobel Peace
Prize, 2012 dawng dingin a rel. December 10, 2012 khin prize dollar
1.2 million chu European Union kuoma inhlan a ni ding a nih.
Official website of HSA Bangalore Branch; www.hmararasi.org