Tfhio - JScholarship - Johns Hopkins University

122 TERTVLLIANI
gymnosophistae sumus, siluicolae et exules uitae. Meminimus
gratiam debere nos deo, domino, creator!: nullum fructum
operum eius repudiamus: plane temperamus, ne ultra modum
aut perperam utamur. Itaque non sine foro, non sine macello,
non sine balneis, tabernis, officinis, stabulis, nundinis uestris 5
ceterisque commerciis cohabitamus in hoc saeculo. Nauigamus
et nos uobiscum et militamus et rusticamur et mercatus proinde
miscemus, artes, opera nostra pubhcamus usui uestro. Quomodo
infructuosi uidemur negotiis uestris, cum quibus et de quibus
uiuimus, non scio. Sed si caerimonias tuas non frequento, 10
attamen et ilia die homo sum. Non lauor diluculo Saturnalibus,
ne et noctera et diem perdam, attamen lauor honesta hora et
salubri, quae mihi et calorem et sanguinem seruet; rigere et
pallere post lauacrum mortuus possum. Non in publico
Liberalibus discumbo, quod bestiariis supremam coenantibus 15
mos est, attamen ubi de copiis tuis coeno. Non emo capiti
coronam. Quid tua interest, emptis nihilominus fioribus
quomodo utar? Puto gratius esse liberis et solutis et undique
uagis. Sed etsi in coronam coactis, nos coronam naribus
nouimus; uiderint qui per capillum odorantur. Spectaculis 20
non conuenimus; quae tamen apud illos coetus uenditantur
si desiderauero, liberius de propriis locis sumam. Thura plane
non emimus. Si Arabiae queruntur, sciant Sabaei pluris et
carioris suas merces Christianis sepeliendis profligari quam dels
fumigandis. Certe, inquitis, templorum uectigalia cotidie 25
decoquunt: stipes quotusquisque iam iactat? Non enim
sufficimus et hominibus et dels uestris mendicantibus opem
ferre, nee putamus ahis quam petentibus inpertiendum.
Denique porrigat manum lupiter et accipiat, cum interim
plus nostra misericordia insumit uicatim quam uestra religio 30
templatim. Sed cetera uectigalia gratias Christianis agent ex
fide dependentibus debitum, c[ua alieno fraudando abstinemus,
ut, si ineatur quantum uectigalibus pereat fraude et mendacio