Create successful ePaper yourself
Turn your PDF publications into a flip-book with our unique Google optimized e-Paper software.
54 * Additiones et Variationes in Rubricis Missalis<br />
IV — De occurrentia<br />
et de Translatione Festorum<br />
Si Festum Patroni principalis, aut<br />
Tituli vel Dedicationis propriæ<br />
Ecclesiæ, aut etiam Tituli vel Sancti<br />
Fundatoris Ordinis seu Congregationis,<br />
per accidens impediatur, de eo in sua<br />
die permittitur una Missa in cantu, vel<br />
Commemoratio in Missa cantata diei<br />
currentis, quamvis conventuali, juxta ea<br />
quæ de Missis votivis sollemnibus tit. II,<br />
num. 3, habentur.<br />
2 Idem etiam servatur in Ecclesiis, ubi<br />
cum magno populi concursu, cujus rei<br />
judex est loci Ordinarius, celebretur Festum<br />
quod transferri aut commemorari<br />
vel accidentaliter omitti debeat, aut de<br />
Mysterio, Sancto vel Beato, cujus mentio<br />
illa die fiat in Martyrologio, vel in<br />
ejus appendice pro respectivis Ecclesiis<br />
approbata. Hujusmodi tamen Missa<br />
dicenda est cum Commemorationibus,<br />
quæ respondeant ritui duplici I vel II<br />
classis, si sub hoc ritu Festum in proprio<br />
Kalendario fuerit inscriptum; secus cum<br />
omnibus Commemorationibus ritui duplici<br />
majori et minori congruentibus,<br />
juxta Rubricas.<br />
3 In Dominicis minoribus per annum,<br />
in Ecclesiis et Oratoriis publicis aut<br />
semipublicis, ubi reponatur solemnitas<br />
externa Festi Patroni principalis, aut Tituli<br />
vel Dedicationis propriæ Ecclesiæ,<br />
aut etiam Tituli vel Sancti Fundatoris<br />
Ordinis seu Gongregationis, quod infra<br />
præcedentem hebdomadam occurrerit,<br />
cani potest Missa de sollemnitate translata.<br />
et de ea pariter legi potest unica<br />
Missa, nisi occurrat Duplex I classis.<br />
Quod si sollemnitas externa transferenda<br />
sit in Dominicam majorem, aut in<br />
Dominicam, ut supra, impeditam, Missæ<br />
de sollemnitate externa prohibentur;<br />
sed in Missa cantata diei currentis, etsi<br />
conventuali, et in altera lecta, fit Commemoratio<br />
de sollemnitate externa,<br />
juxta normas pro Missis votivis sollemnibus<br />
traditas tit. II, num. 3.<br />
4 De Festis duplicibus majoribus vel<br />
minoribus aut semiduplicibus, quæ<br />
perpetuo vel accidentaliter impediantur,<br />
dici possunt Missæ etiam privatæ<br />
ad libitum Sacerdotis; dummodo Officium<br />
impediens non fuerit duplex I vel II<br />
classis, Dominica quævis, licet anticipata,<br />
vel, etiam quoad Officium, reposita,<br />
Octava privilegiata I et II ordinis, dies<br />
Octava privilegiata III ordinis, vel aliqua<br />
ex Feriis aut Vigiliis privilegiatis.<br />
5 Singulis diebus, in quibus non occurrat<br />
Officium duplex, Dominica quævis,<br />
etiam anticipata, vel, licet quoad<br />
solam Missam, primo reposita, Octava<br />
privilegiata, Feria Quadragesimæ a<br />
die Cinerum, Passionis, Quatuor Temporum<br />
et n Rogationum, aut quælibet<br />
Vigilia, dici possunt, ritu festivo, Missæ<br />
etiam privatæ de quovis Officio ad<br />
Laudes commemorato, aut de Mysterio,<br />
Sancto vel Beato, cujus mentio illa die<br />
fiat in Martyrologio, vel in ejus appendice<br />
pro respectivis Ecclesiis approbata;<br />
salvis amplioribus privilegiis, quæ in<br />
præsenti tit. IV, num. 1-4, ac tit. II, num.<br />
10, sunt indicata.<br />
6 Omnes et singuli Sacerdotes, tam<br />
sæculares quam regulares, Missas, etsi<br />
Regularium proprias, omnino celebrent<br />
juxta Kalendarium Ecclesiæ, vel Oratorii<br />
publici, in quo celebrant; exclusis<br />
tamen peculiaribus ritibus Ordinum et<br />
Ecclesiarum propriis. Idem servetur in<br />
Oratorio semipublico, sive in Capella<br />
principali Seminariorum, Collegiorum,<br />
piarum Communitatum, Hospitalium,<br />
Carcerum et similium. Si vero, juxta<br />
Kalendarium Ecclesiæ aut Oratoriorum<br />
præfatorum, Missæ votivæ vel aliæ<br />
permittantur, easdem celebrare valeant,<br />
servatis tamen Rubricis et Decretis.<br />
V — De Commemorationibus<br />
In Missa diei fiunt omnes Commemorationes<br />
quæ præscribuntur ad<br />
Laudes, juxta Kalendarium Ecclesiæ,<br />
aut Oratorii publici vel semipublici (ut<br />
supra, tit. IV, num. 6), in quo Missa celebratur;<br />
excluso tamen Suffragio de omnibus<br />
Sanctis, nisi Oratio A cunctis, pro<br />
diversitate Temporum assignata, dicenda<br />
sit, et exclusa pariter Commemoratione<br />
de Cruce infra Tempus Paschale.<br />
Excipiuntur etiam Vigiliæ communes in<br />
Feriis Adventus, extra Quatuor Tempo-<br />
Diocese <strong>of</strong> Texas North American Old Catholic Church www.Global.org