molli vitta lanea scilicet. verbenasqve verbenae ... - Lettere e filosofia

ipsa molam manibusque piis altaria iuxta 517
unum exuta pedem uinclis, in ueste recincta,
testatur moritura deos et conscia fati
sidera; tum, si quod non aequo foedere amantis 520
curae numen habet iustumque memorque, precatur.
Et iam prima nouo spargebat lumine terras 584
Tithoni croceum linquens Aurora cubile.
regina e speculis ut primam albescere lucem
uidit et aequatis classem procedere uelis,
litoraque et uacuos sensit sine remige portus,
terque quaterque manu pectus percussa decorum 590
flauentisque abscissa comas 'pro Iuppiter! ibit
hic,' ait 'et nostris inluserit aduena regnis?
non arma expedient totaque ex urbe sequentur,
diripientque rates alii naualibus? ite,
ferte citi flammas, date tela, impellite remos! 595
Et iam prima nouo spargebat lumine terras 584
Tithoni croceum linquens Aurora cubile.
regina e speculis ut primam albescere lucem
uidit et aequatis classem procedere uelis,
litoraque et uacuos sensit sine remige portus,
terque quaterque manu pectus percussa decorum 590
flauentisque abscissa comas 'pro Iuppiter! ibit
hic,' ait 'et nostris inluserit aduena regnis?
non arma expedient totaque ex urbe sequentur,
diripientque rates alii naualibus? ite,
ferte citi flammas, date tela, impellite remos! 595
testatvr moritvra deos quidam hic
'testatur' pro 'obtestatur' accipiunt.
conscia fati sidera id est planetas, in quibus
fatorum ratio continetur. an 'conscia fati
sui testatur sidera', ut constantia eius
appareat mori volentis: ergo 'fati sui', id
est mortis.
si qvod non aeqvo foedere amantis cvrae
nvmen habet ordo est: tunc numen
precatur, si quod curae habet amantes non
aequo foedere: 'si quod' autem bene
dubitat, utrum etiam res malae habeant
praepositas potestates. sensus autem hic
est: [aut] 'Antšrwta invocat, contrarium
Cupidini, qui amores resolvit, aut certe cui
curae est iniquus amor, scilicet ut inplicet
non amantem. si qvod n. a. f. a. c. n. h.]
[nam et] amatoribus praeesse dicuntur
”Erwj 'Antšrwj Lusšrwj. non nulli
Nemesin significari putant. haec etiam
Athenis coli dicitur.
ivstvmqve memorqve 'iustum' ad
iudicandum, ut expugnetur qui est causa
discordiae: 'memor' ad vindicandum. et
'memor' ideo neutro genere, quia 'numen'
dixerat.
prima avrora designatio temporis est, non
diei descriptio: unde infert 'ut primum
albescere lucem vidit'. sic in duodecimo
"cum primum crastina caelo puniceis
invecta rotis Aurora rubebit". et bene hanc
primum inducit vidisse crepusculum, quae
quasi amatrix tota vigilaverat nocte. sic in
bucolicis de amatore "nascere praeque
diem veniens age Lucifer almum". novo
lvmine aut recenti, aut secundum
Epicureos, qui stulte solem de atomis
dicunt constare et cum die nasci, cum die
perire. tithoni cvbile Tithonus frater
Laomedontis fuit: hunc Aurora adamatum
in caelum levavit, quem longinquitas vitae
in cicadam convertit: Horatius "longa
Tithonum minuit senectus".
specvlis quas utique in sua regia habuit.
albescere lvcem hypallage est: luce enim
albescunt omnia, non lux albescit.