Itinera Electronica: Du texte l'hypertexte - Joludi
Itinera Electronica: Du texte l'hypertexte - Joludi
Itinera Electronica: Du texte l'hypertexte - Joludi
Create successful ePaper yourself
Turn your PDF publications into a flip-book with our unique Google optimized e-Paper software.
<strong>Itinera</strong> <strong>Electronica</strong>: <strong>Du</strong> <strong>texte</strong> ? l'hyper<strong>texte</strong> http://agoraclass.fltr.ucl.ac.be/concordances/seneque%5Fherc%5Ffu...<br />
Regno capaci, teque, quam tota irrita<br />
[660] Quaesiuit Aetna mater, ut iura abdita<br />
Et operta terris liceat impune eloqui.<br />
Spartana tellus nobile attollit iugum,<br />
Densis ubi aequor Taenarus siluis premit :<br />
Hic ora soluit Ditis inuisi domus,<br />
665 Hiatque rupes alta, et immense specu<br />
Ingens uorago faucibus uastis patet,<br />
Latumque pandit omnibus populis iter.<br />
Non caeca tenebris incipit primo uia :<br />
Tenuis relictae lucis a tergo nitor,<br />
[670] Fulgorque dubius solis afflicti cadit,<br />
Et ludit aciem : nocte sic mista solet<br />
Praebere lumen primus aut serus dies.<br />
Hinc ampla uacuis spatia laxantur locis,<br />
In quae omne mersum pereat humanum genus.<br />
675 Nec ire labor est; ipsa deducit uia :<br />
Ut saepe puppes aestus inuitas rapit,<br />
Sic pronus aer urget atque auidum chaos,<br />
Gradumque retro flectere haud unquam sinunt<br />
Umbrae tenaces. Intus immensi sinus<br />
[680] Placido quieta labitur Lethe uado,<br />
Demitque curas : neue remeandi amplius<br />
Pateat facultas, flexibus multis grauem<br />
Inuoluit amnem. Qualis incerta uagus<br />
Maeander unda ludit, et cedit sibi,<br />
685 Instatque, dubius, litus an fontem petat.<br />
Palus inertis foeda Cocyti iacet.<br />
Hic uultur, illic luctifer bubo gemit,<br />
Omenque triste resonat infaustae strigis :<br />
Horrent opaca fronde nigrantes comae,<br />
[690] Taxo imminente, quam tenet segnis Sopor,<br />
Famesque moesta tabido rictu iacens,<br />
Pudorque serus conscios uultus tegit;<br />
Metus, Pauorque, Funus, et frendens Dolor,<br />
Aterque Luctus sequitur, et Morbus tremens,<br />
695 Et cincta ferro Bella : in extremo abdita<br />
Iners Senectus adiuuat baculo gradum.<br />
(Amphitryon) Estne aliqua tellus Cereris aut Bacchi ferax<br />
(Theseus) Non prata uiridi laeta facie germinant<br />
Nec adulta leni fluctuat Zephyro seges;<br />
[700] Non ulla ramos silua pomiferos habet :<br />
Sterilis profundi uastitas squalet soli,<br />
Et foeda tellus torpet aeterno situ;<br />
Rerumque moestus finis et mundi ultima :<br />
Immotus aer haeret, et pigro sedet<br />
705 Nox atra mundo cuncta moerore : horrida,<br />
Ipsaque morte peior est Mortis locus.<br />
(Amphitryon) Quid, ille opaca qui regit sceptro loca,<br />
Qua sede positus temperat populos leues?<br />
(Theseus) Est in recessu Tartari obscuro locus,<br />
[710] Quem grauibus umbris spissa caligo alligat.<br />
14 de 27 6/12/07 08:29