Itinera Electronica: Du texte l'hypertexte - Joludi
Itinera Electronica: Du texte l'hypertexte - Joludi
Itinera Electronica: Du texte l'hypertexte - Joludi
Create successful ePaper yourself
Turn your PDF publications into a flip-book with our unique Google optimized e-Paper software.
<strong>Itinera</strong> <strong>Electronica</strong>: <strong>Du</strong> <strong>texte</strong> ? l'hyper<strong>texte</strong> http://agoraclass.fltr.ucl.ac.be/concordances/seneque%5Fherc%5Ffu...<br />
Omnis haec magnis uaga turba terris<br />
Ibit ad Manes, facietque inerti<br />
[870] Vela Cocyto. Tibi crescit omne,<br />
Et quod Occasus uidet, et quod Ortus<br />
Parce uenturis; tibi, Mors, paramur :<br />
Sis licet segnis; properamas ipsi.<br />
Prima quae uitam dedit hora, carpit.<br />
875 Thebis laeta dies adest :<br />
Aras tangite supplices;<br />
Pingues caedite uictimas ;<br />
Permixtae maribus nurus<br />
Solemnes agitent choros :<br />
[880] Cessent deposito iugo<br />
Arui fertilis incolae.<br />
Pax est Herculea manu<br />
Auroram inter et Hesperum,<br />
Et qua sol medium tenens<br />
885 Umbras corporibus negat.<br />
Quodcunque alluitur solum<br />
Longo Tethyos ambitu,<br />
Alcidae domuit labor.<br />
Transuectus uada Tartari<br />
[890] Pacatis redit inferis.<br />
Iam nullus superest timor:<br />
Nil ultra iacet inferos.<br />
Stantes sacrificus comas<br />
Dilecta tege populo.<br />
ACTUS QUARTUS.<br />
HERCULES, THESEUS, AMPHITRYON, MEGARA.<br />
895 (Hercules) Ultrice dextra fusus aduerso Lycus<br />
Terram cecidit ore : tum quisquis comes<br />
Fuerat tyranni, iacuit et poenae comes.<br />
Nunc sacra patri uictor et superis feram,<br />
Caesisque meritas uictimis aras colam.<br />
[900] Te, te, laborum socia et adiutrix, precor,<br />
Belligera Pallas, cuius in laeua ciet<br />
Aegis feroces ore saxifico minas.<br />
Adsit Lycurgi domitor et Rubri maris,<br />
Tectam uirenti cuspidem thyrso gerens;<br />
905 Geminumque numen, Phoebus et Phoebi soror,<br />
Soror sagittis aptior, Phoebus lyrae;<br />
Fraterque quisquis incolit caelum meus,<br />
Non ex nouerca frater. Huc appellite<br />
Greges opimos : quidquid Indorum seges,<br />
[910] Arabesque odoris quidquid arboribus legunt,<br />
Conferte in aras; pinguis exundet uapor.<br />
Populea nostras arbor exornet comas :<br />
Te ramus oleae fronde gentili tegat,<br />
Theseu. Tonantem nostra adorabit manus :<br />
915 Tu conditores urbis, et siluestria<br />
Trucis antra Zethi, nobilis Dircen aquae,<br />
Laremque regis aduenae Tyrium coles.<br />
Date tura flammis. (Amphitryon) Nate, manantes prius<br />
18 de 27 6/12/07 08:29