Itinera Electronica: Du texte l'hypertexte - Joludi
Itinera Electronica: Du texte l'hypertexte - Joludi
Itinera Electronica: Du texte l'hypertexte - Joludi
Create successful ePaper yourself
Turn your PDF publications into a flip-book with our unique Google optimized e-Paper software.
<strong>Itinera</strong> <strong>Electronica</strong>: <strong>Du</strong> <strong>texte</strong> ? l'hyper<strong>texte</strong> http://agoraclass.fltr.ucl.ac.be/concordances/seneque%5Fherc%5Ffu...<br />
1285 Aut omne Pindi Thracis excidam nemus,<br />
Bacchique lucos, et Cithaeronis iuga<br />
Mecum cremabo : tota cum domibus suis<br />
Dominisque tecta, cura deis templa omnibus<br />
Thebana supra corpus excipiam meum,<br />
[1290] Atque urbe uersa condar ; et, si fortibus<br />
Leue pondus humeris moenia immissa incident,<br />
Septemque opertus non satis portis premar,<br />
Onus omne, media parte quod mundi sedet,<br />
1295 Dirimique superos, in meum uertam caput.<br />
(Amphitryon) Redde arma. (Hercules) Vox est digna genitore Herculis.<br />
Hoc en peremptus spiculo cecidit puer.<br />
(Amphitryon) Hoc Iuno telum manibus emisit tuis.<br />
(Hercules) Hoc nunc ego utar. (Amphitryon) Ecce, quam miserum metu<br />
Cor palpitat, corpusque sollicitum ferit !<br />
[1300] (Hercules) Aptata arundo est. (Amphitryon) Ecce iam facies scelus<br />
Volens sciensque. Pande, quid fieri iubes?<br />
Nihil rogamus : noster in tuto est dolor :<br />
Natum potes seruare tu solus mihi,<br />
Eripere nec tu: maximum euasi metum :<br />
1305 Miserum haud potes me facere, felicem potes.<br />
Sic statue, quidquid statuis, ut causam tuam<br />
Famamque in arcto stare et ancipiti scias:<br />
Aut uiuis, aut occidis. Hanc animam leuem,<br />
Fessamque senio, nec minus quassam malis<br />
[1310] In ore primo teneo ---. Tam tarde patri<br />
Vitam dat aliquis? Non feram ulterius moram;<br />
Letale ferro pectus impresso induam :<br />
Hic, hic iacebit Herculis sani scelus.<br />
(Hercules) Iam parce, genitor, parce; iam reuoca manum.<br />
1315 Succumbe, uirtus, perfer imperium patris.<br />
Eat ad labores hic quoque Herculeos labor;<br />
Viuamus : artus alleua afflictos solo,<br />
Theseu, parentis; dextra contactus pios<br />
Scelerata refugit. (Amphitryon) Hanc manum amplector libens :<br />
[1320] Hac nixus ibo, pectori hanc aegro admouens<br />
Pellam dolores. (Hercules) Quem locum profugus petam?<br />
Ubi me recondam? quaue tellure obruam?<br />
Quis Tanais, aut quis Nilus, aut quis Persica<br />
Violentus unda Tigris, aut Rhenus ferox,<br />
1325 Tagusue Ibera turbidus gaza fluens,<br />
Abluere dextram poterit? Arctoum licet<br />
Maeotis in me gelida transfundat mare,<br />
Et tota Tethys per meas currat manus,<br />
Haerebit altum facinus. In quas impius<br />
[1330] Terras recedes? Ortum, an Occasum petes?<br />
Ubique notus perdidi exsilio locum.<br />
Me refugit orbis : astra transuersos agunt<br />
Obliqua cursus : ipse Titan Cerberum<br />
Meliore uultu uidit. O fidum caput,<br />
1335 Theseu, latebram quaere longinquam, abditam;<br />
Quoniamque semper sceleris alieni arbiter<br />
Amas nocentes, gratiam meritis refer<br />
26 de 27 6/12/07 08:29