Itinera Electronica: Du texte l'hypertexte - Joludi
Itinera Electronica: Du texte l'hypertexte - Joludi
Itinera Electronica: Du texte l'hypertexte - Joludi
Create successful ePaper yourself
Turn your PDF publications into a flip-book with our unique Google optimized e-Paper software.
<strong>Itinera</strong> <strong>Electronica</strong>: <strong>Du</strong> <strong>texte</strong> ? l'hyper<strong>texte</strong> http://agoraclass.fltr.ucl.ac.be/concordances/seneque%5Fherc%5Ffu...<br />
Fundare uires, iuncta regali face<br />
Thalamisque Megara : ducet e genere inclyto<br />
Nouitas colorem nostra. Non equidem reor<br />
Fore ut recuset, ac meos spernat toros :<br />
[350] Quod si impotenti pertinax animo abnuet,<br />
Stat tollere omnem penitus Herculeam domum.<br />
Inuidia factum ac sermo popularis premet?<br />
Ars prima regni, posse te inuidiam pati.<br />
Tentemus igitur : fors dedit nobis locum.<br />
355 Namque ipsa tristi uestis obtentu caput<br />
Velata, iuxta praesides adstat deos,<br />
Laterique adhaeret uerus Alcidae sator.<br />
(Megara) Quidnam iste, nostri generis exitium ac lues,<br />
Noui parat? quid tentat? (Lycus) O clarum trahens<br />
[360] A stirpe nomen regia, facilis mea<br />
Parumper aure uerba patienti excipe.<br />
Si aeterna semper odia mortales agant,<br />
Nec coeptus unquam cedat ex animis furor,<br />
Sed arma felix teneat, infelix paret,<br />
365 Nihil relinquent bella : tum uastis ager<br />
Squalebit aruis; subdita tectis face<br />
Altus sepultas obruet gentes cinis.<br />
Pacem reduci uelle, uictori expedit,<br />
Victo necesse est. Particeps regno ueni :<br />
[370] Sociemus animos : pignus hoc fidei cape ;<br />
Continge dextram. Quid truci uultu siles?<br />
(Megara) Egone ut parentis sanguine aspersam manum<br />
Fratrumque gemina caede contingam? Prius<br />
Exstinguet Ortus, referet Occasus diem;<br />
375 Pax ante fida niuibus et flammis erit,<br />
Et Scylla Siculum iunget Ausonio latus ;<br />
Priusque multo uicibus alternis fugax<br />
Euripus unda stabit Euboica piger.<br />
Patrem abstulisti, regna, germanos, larem,<br />
[380] Patriam : quid ultra est? Una res superest mihi,<br />
Fratre ac parente carior, regno ac lare,<br />
Odium tui : quod esse cum populo mihi<br />
Commune doleo; pars quota ex illo mea est?<br />
Dominare tumidus; spiritus altos gere :<br />
385 Sequitur superbos ultor a tergo deus.<br />
Thebana noui regna. Quid matres loquar<br />
Passas et ausas scelera? quid geminum nefas,<br />
Mixtumque nomen coniugis, nati, patris?<br />
Quid bina fratrum castra? quid totidem rogos?<br />
[390] Riget superba Tantalis luctu parens,<br />
Moestusque Phrygio manat in Sipylo lapis.<br />
Quin ipse toruum subrigens crista caput<br />
Illyrica Cadmus regna permensus fuga,<br />
Longas reliquit corporis tracti notas.<br />
395 Haec te manent exempla. Dominare, ut lubet ,<br />
<strong>Du</strong>m solita regni fata te nostri uocent.<br />
(Lycus) Agedum, efferatas rabida uoces amoue,<br />
Et disce regum imperia ab Alcide pati.<br />
8 de 27 6/12/07 08:29