Rosekransgebedskaarte - Dieoratorium.org

More documents

Recommendations

Info

15b. Koningin van die hemel - Regina Caeli Hierdie gebed word gewoonlik gebid vanaf die begin tot die einde van die Paastyd. Koningin van die hemel, verheug u, halleluja! Want Hy, wat u waardig was om te dra, halleluja! Het opgestaan soos Hy gesê het, halleluja! Bid vir ons tot God, halleluja! V. Verheug en verbly u, Maagd Maria, halleluja! R. Want die Here het waarlik opgestaan, halleluja! V. Laat ons bid: God onse Vader, deur die opstanding van u Seun, onse Here Jesus Christus, het U die wêreld met groot blydskap geseën. Ons smeek U: laat ons, deur die gebede van sy moeder, die Maagd Maria, die vreugde van die ewige lewe verkry. Ons bid dit deur onse Here Jesus Christus, u Seun, wat met U en die Heilige Gees, leef en regeer, één God, vir ewig en altyd. Amen. 15c. Moeder van die Verlosser - Alma Redemptoris Hierdie gebed word gewoonlik gebid, vanaf die begin van die Advent tot die eerste Februarie, ingesluit. Liefdevolle Moeder van die Verlosser, hemelpoort en ster van die see, staan u gevalle volk by soos ons probeer om weer op te staan. Die natuur staan verwonderd oor die feit dat u die Skepper kon dra en steeds ‘n maagd bly. U, wat Gabriël se blye begroeting ontvang het, ontferm u oor ons arme sondaars. Amen. 16. Die Rosekrans word afgesluit met die kruisteken. Die Oratorium, Oudtshoorn www.dieoratorium.<strong>org</strong> 4
Die Blye Geheimenisse Hierdie geheimenisse word gewoonlik op Maandae en Saterdae gebid. Die kenmerk van die eerste reeks geheimenisse is die blydskap wat hulle uitstraal. Hierdie vreugde spruit voort uit die groot gebeurtenis van Jesus se Menswording. 1ste Blye Geheimenis - Die engel bring die boodskap aan Maria Die Oratorium, Oudtshoorn www.dieoratorium.<strong>org</strong> 5 Jesaja 7:14-15; Lukas 1:26-38 Die engel Gabriël se begroeting aan die Maagd van Nasaret bevat ‘n uitnodiging tot blydskap. Dié vreugde lê in die feit dat sy as begenadigde of geseënde aangespreek word. Maria se nederigheid lei tot haar vreugde: “...ek is tot beskikking van die Here”. ‘n Mens kan sê dat die hele geskiedenis van die wêreld ‘n hoogtepunt bereik in hierdie begroeting. Die verwagtinge van die mensdom lê op die skouers van ‘n jong maagd. In Maria se nederige aanvaarding van God se Wil lê die sleutel tot die mensdom se verlossing en ewige blydskap. 2de Blye Geheimenis - Maria besoek Elisabet Jesaja 40:1-10; Lukas 1:39-45; Johannes 1:19-23 Blydskap oorheers Maria se ontmoeting met Elisabet - haar ervaring druk Maria as volg uit: “...my gees het hom in God, my redder, verbly...”. Maria haas haar om die goeie tyding aan Elisabet te vertel. Saam met Maria roep ons Christene: “Die uitkoms is hier!” Die vreugde van ons eie belewenis van Jesus is iets wat met andere gedeel moet word. 3de Blye Geheimenis - Jesus word in die stal gebore Miga 5:1-5; Matteus 2:1-12; Lukas 2:1-20; Galasiërs 4:1-7 Blydskap vul veral die toneel van Jesus se geboorte in Betlehem. Die lied van die engele en die stemme van die herders dra dié blye boodskap uit. Weereens word ware blydskap gekoppel aan geringheid, aan nederigheid - die Goddelike Kind word in ‘n stal in ‘n onnoemenswaardige dorpie gebore. Blydskap vul ons oor die redding wat uit die mees onwaarskynlike van plekke en situasies voortkom.
Page 1 and 2: Die betekenis en oorsprong van die
Page 3: volgende tien kraletjies met tien W
Page 7 and 8: Die Ligryke Geheimenisse Hierdie ge
Page 9 and 10: Die Lydingsgeheimenisse Hierdie geh
Page 11 and 12: Die Glorieryke Geheimenisse Hierdie
Page 13 and 14: Alma Redemptoris Mater Maria-Antifo
Page 15 and 16: a nostris iniquitatibus resurgamus.
Page 17: eius pia intercessione, ab instanti

Rosekransgebedskaarte - Dieoratorium.org

Create successful ePaper yourself

Delete template?

Save as template?