Rosekransgebedskaarte - Dieoratorium.org

Die betekenis en oorsprong
van die Rosekransgebed
In Oktober, 2002, verskyn daar ‘n Apostoliese Brief van pous Johannes Paulus II met die titel Rosarium
Virginis Mariae (oftewel Die Rosekrans van die Maagd Maria). Hierdie brief vanuit die pen van die
hoogste gesag in die Kerk beklemtoon weereens die waarde en ryk geestelike skat wat daar in dié
eeue- oue gebedsvorm te vinde is. Wêreldwyd is mense besig om opnuut die Rosekransgebed te
ontdek as ‘n uitstekende gebedsdissipline waardeur ‘n mens se verhouding met die Here Jesus Christus
versterk en verdiep word. Vir die pous is die Rosekrans ‘n reeks meditasies oor die lewe van Jesus soos
gesien deur die oë van sy Moeder, terselfdertyd is dit ook ‘n smeekgebed tot Christus, versterk en gedra
deur haar moederlike voorspraak.
Die ontstaan van die Rosekransgebed soos ons hom vandag ken is hoofsaaklik te danke aan die
Dominikaners wat deur die eeue hierdie spesiale devosie gekoester en versprei het. Vanaf die vroegste
tye het daardie Christene, wat nie kon lees nie, die tradisionele gebedstye van die Kerk met gebede
gevul wat maklik gememoriseer kon word. Hulle het die psalms en skriflesings wat die priesters en
kloosterlinge gebid het met eenvoudige gebede vervang. So is die 150 psalms aanvanklik deur die bid
van 150 Onse Vader-gebede vervang.
Mettertyd is die 150 Onse Vader-gebede deur eenvoudiger Wees Gegroet-gebede vervang. Sekere
belangrike gebeure (geloofsgeheimenisse) uit die lewens van Jesus en Maria is tussen dié gebede
ingevoeg. Hierdie geheimenisse is aanvanklik in drie groepe van vyf elk ingedeel (in 2002 het die pous
‘n vierde groep geheimenisse; die Ligryke Geheimenisse, bygevoeg). Die pous noem die Rosekrans ‘n
manier van verkondiging, asook ‘n wyse om ons geloofskennis te verdiep, en dit is inderdaad die doel
van die geheimenisse - om dié spesifieke insidente op so ‘n wyse te oorpeins dat ons geloof verdiep en
ons eie verkondiging van dié geloof so aangehelp word. Die Rosekrans kan dus gesien word as ‘n
samevatting van die Evangelie en dit is onteenseglik waar dat die bid van dié eenvoudige bedesnoer
deur die eeue vir derduisende mense hul verhouding met Christus versterk en verdiep het en ook baie
heiliges opgelewer het.
Die Rosekrans is ‘n metode van kontemplasie wat ons van aangesig tot aangesig bring met die sentrale
geheimenis van ons geloof, die verlossende Menswording van Christus. Met geheimenis word nie
geheimhouding (of iets wat weggesteek of verberg word) bedoel nie, inteendeel: ‘n Geheimenis is ‘n
openbaring van God aan ons. Ons menslike beperktheid en swakheid veroorsaak egter dat God se
geheimenisse vir ons ‘n lewenslange ontdekking is. In ons verhouding met God vind daar ‘n
aanhoudende openbaarmaking van nuwe insigte en fasette omtrent ons geloof plaas - nooit sal ons aan
die einde van hierdie wonderlike ontdekking- en verkenningsreis kan kom nie. Dit is die wonder van ons
geloof: Dit is voorwaar onuitputlik omdat ons hier met die ewigheid te make het. Die Rosekransgebed
bied ons ‘n besondere geleentheid om hierdie grenslose aspek van ons geloof te bepeins. Dit alles
geskied in ‘n gees van verwondering. Die opeenvolgende herhaling van die Wees Gegroet-gebed word
‘n onophoudelike lofsang tot Christus, Hy wat deur die Engel se begroeting aan Maria aangekondig
word.
Die Oratorium, Oudtshoorn
www.dieoratorium.org 1

Hoe om die Rosekransgebed te bid
1. Begin die Rosekransgebed deur die klein krusifiks wat aan die krale geheg is te soen en
die kruisteken te maak, terwyl u bid:
In die naam van die Vader, en van die Seun, en van die Heilige Gees.
2. Bid nou die Apostoliese Geloofsbelydenis:
Die Oratorium, Oudtshoorn
www.dieoratorium.org 2
Ek glo in een God, die almagtige Vader, die Skepper van
hemel en aarde; en in Jesus Christus, sy eniggebore Seun,
onse Here; wat ontvang is van die Heilige Gees, gebore uit die
Maagd Maria; wat gely het onder Pontius Pilatus, gekruisig,
gestorwe en begrawe is; wat neergedaal het na die doderyk,
die derde dag weer opgestaan het uit die dode, opgevaar het
na die hemel en sit aan die regterhand van God, die almagtige
Vader, vanwaar Hy sal kom om te oordeel, die lewende en die
dode. Ek glo in die Heilige Gees, die Heilige Katolieke Kerk, die
gemeenskap van die heiliges, die vergewing van sondes, die
wederopstanding van die vlees en die ewige lewe. Amen.
3. By die daaropvolgende kraletjie word die Onse Vader gebid:
Onse Vader, wat in die hemel is, laat u naam geheilig word; laat u koninkryk kom, laat u
wil geskied soos in die hemel net so ook op die aarde. Gee ons vandag ons daaglikse
brood, en vergeef ons, ons skulde, soos ons ook ons skuldenaars vergewe, en lei ons
nie in versoeking nie, maar verlos ons van die bose. Amen.
4. By die volgende drie kraletjies word die Wees Gegroet-gebed telkens vir die intensies van
die pous gebid:
Wees gegroet, Maria, vol genade, die Here is met u. Geseënd is u onder die vroue en
geseënd is Jesus, die vrug van u skoot. Heilige Maria, Moeder van God, bid vir ons
sondaars, nou en in die uur van ons dood. Amen.
5. Nà die laaste een van dié drie kraletjies word die Eer aan die Vader-gebed gebid:
Eer aan die Vader, en aan die Seun, en aan die Heilige Gees. Soos dit in die begin
was, so ook nou en altyd, tot in ewigheid. Amen.
6-10. Beginnend by die medalje word die eerste Geheimenis wat bepeins word aangekondig.
Verkieslik word ‘n gepaste Skrifaanhaling hierby gebruik. ‘n Kort verposing vir stille meditasie
volg nou. Hierna volg die Onse Vader-gebed (nog by dieselfde kraletjie) en daarna word die

volgende tien kraletjies met tien Wees Gegroet-gebede afgebid. Die ritmiese aard van dié
gebed bly gefokus op die heilige naam van Jesus en so word die hart verhef en die verstand
verlig.
11. Ná die tiende kraletjie word die Eer aan die Vader...gebid en dan word die dekade van dié
spesifieke geheimenis as volg met die Fatima-gebed afgesluit:
O, my Jesus, vergewe ons, ons sondes, red ons van die hellevuur. Lei alle siele na die
hemel toe, veral dié wat u genade die meeste nodig het. Amen.
11-14. Die tweede en daaropvolgende geheimenisse word op dieselfde wyse gebid. Wanneer
al die geheimenisse van ‘n spesifieke groep gebid is kan daar óf voortgegaan word met die
volgende geheimenisreeks óf kan die Rosekransgebed met een van die volgende gebede
afgesluit word (of 15a of 15b of 15c):
15a. Wees gegroet Heilige Koningin - Salve Regina
Hierdie gebed word gewoonlik tydens die gewone tyd van die Jaarkring, van direk na
afloop van die Paastyd tot die laaste Saterdag voor die eerste Sondag van die Advent,
gebid.
V. Wees gegroet Koningin, Moeder van deernis; wees gegroet ons lewe, ons troos en
ons hoop. Ons, die banneling kinders van Eva, roep u aan; tot u smeek ons, sugtend en
wenend in hierdie tranedal. Wend u barmhartige oë tot ons, o, Voorspreekster, en toon
aan ons ná hierdie ballingskap, Jesus, die geseënde vrug van u skoot. O, goeie, o,
liefdevolle, o, soete Maagd Maria.
V. Bid vir ons, o Heilige Moeder van God
R. Dat ons die beloftes van Christus waardig mag word.
V. Laat ons bid: O, God, u eniggebore Seun het deur sy lewe, dood en opstanding vir
ons die loon van die ewige lewe verkry. Gee dat ons, nadat ons die geheimenisse van
die heilige Rosekrans van die geseënde Maagd Maria oordink het, mag navolg wat hulle
inhou, en verkry wat hulle belowe; deur Jesus Christus, onse Here.
R. Amen.
Die Oratorium, Oudtshoorn
www.dieoratorium.org 3

15b. Koningin van die hemel - Regina Caeli
Hierdie gebed word gewoonlik gebid vanaf die begin tot die einde van die Paastyd.
Koningin van die hemel,
verheug u, halleluja!
Want Hy,
wat u waardig was om te dra, halleluja!
Het opgestaan
soos Hy gesê het, halleluja!
Bid vir ons tot God, halleluja!
V. Verheug en verbly u, Maagd Maria, halleluja!
R. Want die Here het waarlik opgestaan, halleluja!
V. Laat ons bid: God onse Vader, deur die opstanding van u Seun, onse Here Jesus
Christus, het U die wêreld met groot blydskap geseën. Ons smeek U: laat ons, deur die
gebede van sy moeder, die Maagd Maria, die vreugde van die ewige lewe verkry. Ons
bid dit deur onse Here Jesus Christus, u Seun, wat met U en die Heilige Gees, leef en
regeer, één God, vir ewig en altyd. Amen.
15c. Moeder van die Verlosser - Alma Redemptoris
Hierdie gebed word gewoonlik gebid, vanaf die begin van die Advent tot die eerste
Februarie, ingesluit.
Liefdevolle Moeder van die Verlosser, hemelpoort en ster van die see, staan u gevalle
volk by soos ons probeer om weer op te staan. Die natuur staan verwonderd oor die feit
dat u die Skepper kon dra en steeds ‘n maagd bly. U, wat Gabriël se blye begroeting
ontvang het, ontferm u oor ons arme sondaars. Amen.
16. Die Rosekrans word afgesluit met die kruisteken.
Die Oratorium, Oudtshoorn
www.dieoratorium.org 4

Die Blye Geheimenisse
Hierdie geheimenisse word gewoonlik op Maandae en Saterdae gebid.
Die kenmerk van die eerste reeks geheimenisse is die blydskap wat hulle uitstraal. Hierdie
vreugde spruit voort uit die groot gebeurtenis van Jesus se Menswording.
1ste Blye Geheimenis - Die engel bring die boodskap aan Maria
Die Oratorium, Oudtshoorn
www.dieoratorium.org 5
Jesaja 7:14-15; Lukas 1:26-38
Die engel Gabriël se begroeting aan die Maagd van Nasaret bevat ‘n
uitnodiging tot blydskap. Dié vreugde lê in die feit dat sy as begenadigde of
geseënde aangespreek word. Maria se nederigheid lei tot haar vreugde:
“...ek is tot beskikking van die Here”. ‘n Mens kan sê dat die hele
geskiedenis van die wêreld ‘n hoogtepunt bereik in hierdie begroeting. Die
verwagtinge van die mensdom lê op die skouers van ‘n jong maagd. In
Maria se nederige aanvaarding van God se Wil lê die sleutel tot die
mensdom se verlossing en ewige blydskap.
2de Blye Geheimenis - Maria besoek Elisabet
Jesaja 40:1-10; Lukas 1:39-45; Johannes 1:19-23
Blydskap oorheers Maria se ontmoeting met Elisabet - haar ervaring druk
Maria as volg uit: “...my gees het hom in God, my redder, verbly...”. Maria
haas haar om die goeie tyding aan Elisabet te vertel. Saam met Maria roep
ons Christene: “Die uitkoms is hier!” Die vreugde van ons eie belewenis
van Jesus is iets wat met andere gedeel moet word.
3de Blye Geheimenis - Jesus word in die stal gebore
Miga 5:1-5; Matteus 2:1-12; Lukas 2:1-20; Galasiërs 4:1-7
Blydskap vul veral die toneel van Jesus se geboorte in Betlehem. Die lied
van die engele en die stemme van die herders dra dié blye boodskap uit.
Weereens word ware blydskap gekoppel aan geringheid, aan nederigheid
- die Goddelike Kind word in ‘n stal in ‘n onnoemenswaardige dorpie
gebore. Blydskap vul ons oor die redding wat uit die mees onwaarskynlike
van plekke en situasies voortkom.

4de Blye Geheimenis - Jesus word in die tempel aan God opgedra
Die Oratorium, Oudtshoorn
www.dieoratorium.org 6
Lukas 2:22-35; Hebreërs 9:6-14
Die vreugde van die bejaarde Simeon is die beloning op ‘n lewe van
gehoorsaamheid. Die Christuskind, ons ware Hoëpriester, se intrede in die
tempel van Jerusalem, lei ‘n nuwe tydvak in die geskiedenis van die
mensdom in. Die blydskap oor wat deur sy lewe bewerkstellig gaan word is
uiteindelik universeel en kosmies van aard.
5de Blye Geheimenis - Jesus word in die tempel teruggevind
Lukas 2:41-50; Johannes 12:44-50; 1 Korintiërs 2:6-16
Die onderliggende drama van hierdie geheimenis dra in homself ook groot
vreugde. Die Seun se goddelike Wysheid kom na vore in sy algehele
betrokkenheid by sy Vader - watter uitdaging word nie hiermee aan ons
gerig nie - ons verhouding met God is absoluut en allesomvattend. Dié
wysheid is nie van hierdié wêreld nie, net soos hierdié blydskap nie van
hierdié wêreld is nie.
Om die Blye Geheimenisse te oorpeins, is om die diepste betekenis van Christelike vreugde
te probeer begryp. Dit is die Blye Boodskap. Maria neem ons aan die hand om die bron van
Christelike blydskap, Hy wat vlees geword het, te ontmoet.

Die Ligryke Geheimenisse
Hierdie geheimenisse word gewoonlik op Donderdae gebid.
Christus is die “lig van die wêreld” (Johannes 8:12). In ‘n sekere sin is die hele geheimenis
van wie Christus is een groot Liggeheimenis, tog is daar sekere beduidende oomblikke in die
openbare lewe van Jesus Christus waar hierdie op ‘n besondere wyse na vore kom. Elkeen
van hierdie geheimenisse is ‘n openbaring van die Koninkryk van God soos aanwesig in die
persoon van Jesus.
1ste Ligryke Geheimenis - Die doop van onse Here in die Jordaanrivier
Die Oratorium, Oudtshoorn
www.dieoratorium.org 7
Matteus 3:13-17; 2 Korintiërs 5:21
Christus, die Sondelose, neem ons sondes op Hom. Die hemele open
en die Heilige Gees daal op Jesus neer soos Hy sy taak begin om
God en mens met mekaar te versoen. Christus se hele aardse lewe
en sterwe het in diens gestaan van hierdie versoening. Hierdie
boodskap van versoening het Hy nou aan ons toevertrou. Hoe leef
ons hierdie boodskap van versoening daagliks uit?
2de Ligryke Geheimenis - Die openbaring van onse Here by die
huweliksfees te Kana
Johannes 2:1-12
Deur die bemiddeling van Maria, die eerste gelowige, vind Christus se
eerste wonderteken plaas. Water word in wyn verander en in sy
verbaasde dissipels se harte begin die vlam van die geloof al hoe
sterker brand. Deur die bemiddeling van ons eie lewens behoort
Christus se wonderwerke nog steeds in ons eie tyd en samelewing
plaas te vind.
3de Ligryke Geheimenis - Die verkondiging van die koms van God se
koninkryk en die oproep tot berou en bekering
Markus 1: 15; Markus 2:3-13; Lukas 7:47-48
Christus openbaar die Koninkryk van God deur sy prediking, waarin
Hy die voorvereistes van opregte berou en ware bekering aan die
mense voorhou. Wat ons mense benodig is ‘n gees van nederige
vertroue. Christus se versoeningstaak gaan voort deur die Sakrament
van Versoening wat Hy aan sy Kerk toevertrou het (Johannes 20:22-23).

4de Ligryke Geheimenis - Die verheerliking van onse Here
Die Oratorium, Oudtshoorn
www.dieoratorium.org 8
Markus 9:2-10; Lukas 9:28-36
Die verheerliking van onse Here op die berg is dié Ligryke Geheimenis
by uitstek. Deur hierdie gedaanteverwisseling skyn die glorie van God
heel sigbaar deur die persoon van Jesus Christus, soos God die
Vader die stomgeslane dissipels beveel om na sy geliefde Seun te
luister. Hier vind ‘n mens reeds die voorbereiding op Christus se
Opstanding en ons eie gedaanteverwisseling deur lewens gelei deur
die Heilige Gees.
5de Ligryke Geheimenis - Die instelling van die Heilige Eucharistie
Matteus 26:26-30; Markus 14:22-26; Lukas 22:15-20; Johannes 13;
1 Korintiërs 11:23-25
In die Heilige Eucharistie word Christus se ewige
offerande van Homself vir ons ‘n tasbare werklikheid in
ons lewens. Ons deelname aan die Liggaam en Bloed
van Christus maak van ons sigbare getuies van die
Koninkryk van God op aarde.
Om die Ligryke Geheimenisse te oorpeins is om oor ons rol in God se heilsbestel na te dink.
Hoe vergestalt ons die Koninkryk van God deur ons daaglikse lewens. Ons beskouing van
hierdie gebeurtenisse in die lewe van Christus lei ons na die waarheid omtrent onsself as
Ligdraers.

Die Lydingsgeheimenisse
Hierdie geheimenisse word gewoonlik op Dinsdae en Vrydae gebid.
In die evangelies word daar 'n ereplek toegeken aan die Lydingsgeheimenisse van Christus.
Vanaf die vroegste eeue het Christene, veral gedurende die Vastyd, op devosionele wyse die
gebeure van Jesus se Passie oorpeins. Die gebruik om die Kruisweg te bid het hieruit
gevloei.
1ste Lydingsgeheimenis - Jesus bid in doodsangs tot sy Hemelse Vader
Die Oratorium, Oudtshoorn
www.dieoratorium.org 9
Matteus 26:36-46; Markus 14:26-42; Lukas 22:39-53; Johannes 18:1-12
Jesus se doodsangs behoort by ons ‘n kreet van berou te ontlok. Hier
in die tuin van Getsemané staar Jesus al die versoekinge en sondes
van die mensdom in die gesig. Christus se instemming om die Wil
van sy Vader te doen staan in kontras tot ons eerste voorouers wat in
die tuin van Eden juis teen die Wil van God gekies het. Die swakheid
van die vlees kom maar al te dikwels te staan voor die Wil van die
God - wie se wil gaan in ons lewens geskied?
2de Lydingsgeheimenis - Jesus word gegésel
Jesaja 50:5-9; Matteus 27:15-26; Markus 15:1-16
Dié openbare en fisieke pyniging van onse Heiland is deel van die
prys wat Hy moes betaal a.g.v. sy getrouheid aan die Wil van sy
Vader. Ook ons sal vernedering en selfs pyniging moet verduur as
ons in ons lewens getrou aan die Here se Wil gaan wees. Die wêreld
se onbegrip vir die uiteindelike waarhede en die doel van ons
bestaan kom al te dikwels tot uiting in haat en vervolging.
3de Lydingsgeheimenis - Jesus word met dorings gekroon
Jesaja 52:13-53:10; Matteus 16:24-28; Matteus 27:27-31; Markus 15:16-19;
Lukas 23:6-11
Die verskriklike ironie dat die Koning van die Heelal hier op aarde
met die doringkroon van bespotting beloon word vorm deel van ons
eie ervaring as burgers van God se Ryk. Hierin lê egter ook ‘n groot
Christelike waarheid opgesluit: Die feit dat egte leiding ook lyding
bevat. Hoe anders is die Christelike ideaal van onbaatsugtige en selfopofferende
leierskap nie teenoor die dikwels magsbeluste, wêreldse
realiteit van hoë posisies en leierskap nie.

4de Lydingsgeheimenis - Jesus dra sy kruis na Golgota
Die Oratorium, Oudtshoorn
www.dieoratorium.org 10
Markus 8:31-38; Markus 16:20-25; Lukas 22:20-32; Johannes 19:17-22;
Filippense 2:6-11
Die vreugde van die bejaarde Simeon is die beloning op ‘n lewe van
gehoorsaamheid. Die Christuskind, ons ware Hoëpriester, se intrede
in die tempel van Jerusalem, lei ‘n nuwe tydvak in die geskiedenis
van die mensdom in. Die blydskap oor wat deur sy lewe bewerkstellig
gaan word is uiteindelik universeel en kosmies van aard.
5de Lydingsgeheimenis - Jesus sterf aan die kruis
Markus 15:33-39; Lukas 23:33-46; Johannes 17-37; Handelinge 22:22-24;
Hebreërs 9:11-14
Saam met Maria staan ons aan die voet van die kruis en ervaar hoe
God uit liefde vir ons sterf. Knielend in aanbidding en stom van
verwondering begin dit stadig tot ons deurdring wat ware liefde is.
Om die Lydingsgeheimenisse te oorpeins, is om ten diepste ons verhouding met ons God te
oordink. Wat sê dit vir ons omtrent ons verhouding ie feit dat ons hier te doen het met ‘n
Skepper wat so ondeurgrondelik diep lief is vir sy skepsels. God se liefde vir ons is inderdaad
‘n groot geheimenis – dit gaan ons verstand te bowe.

Die Glorieryke Geheimenisse
Hierdie geheimenisse word gewoonlik op Woensdae en Saterdae gebid.
Christus is egter baie meer as die Gekruisigde – Hy is ook die Opgestane!
Die Rosekransgebed lei ons deur die pyn en donkerte van die Passie na die glorieryke lig van
die Opstanding en Hemelvaart. Deur die Verrese Christus te oorpeins ontdek ons weer die
redes vir ons eie geloof.
1ste Glorieryke Geheimenis - Jesus staan op uit die dode
Die Oratorium, Oudtshoorn
www.dieoratorium.org 11
Matteus 28:1-10; Markus 16:1-18; Johannes 20:1-10; Romeine 6:1-14
Die vreugde waarmee Maria en die dissipels vervul is by aanskoue van
Christus se opstanding uit die dood is ook ons eie. Hierdie waarheid dra
vrug in ons daaglikse lewens – ons leef met die wete van die
Opstanding. Alles wat ons dink, doen en sê, geskied in die lig van
hierdie grootse gebeurtenis. Hierdie oorwinning oor die dood vorm die
basis van ons geloof.
2de Glorieryke Geheimenis - Jesus vaar op na die Hemel
Matteus 28:16-20; Lukas 24:44-53; Handelinge 1:1-11; Efesiërs 2:4-7
Christus vaar in glorie op om sy plek aan die regterhand van die Vader
in te neem. Uit hierdie geheimenis put ons die hoop om in hierdie
wêreld te volhard. Christus se hemelvaart skep vir ons die weg na
ewige geluk. As Christene beskik ons dus oor lewensnoodsaaklike
kennis - die ewige lewe is deur God binne ons bereik geplaas. Ook vir
ons is daar ‘n plek in die hemel, ons enigste vaderland en ware tuiste.
3de Glorieryke Geheimenis - Die Heilige Gees daal neer op die Apostels
Johannes 14:15-21; Handelinge 2:1-11; 4:23-31
Die Pinkstergebeure toon ons die Kerk as familie vergader, rondom
Maria, altyd gereed om deur liefde aangevuur, die evangelie tot aan die
uithoeke van die aarde te verkondig. Die Kerk word gelei deur die
Heilige Gees om haar taak hier op aarde te volbring. Die Kerk is die
kanaal waardeur dié Nuwe Lewe van Christus aan die mensdom
deurgegee word. Geen land, geen samelewing, geen kultuur, geen
situasie kan deur dié Nuwe Lewe onaangeraak bly nie.

4de Glorieryke Geheimenis - Maria word in die Hemel opgeneem
Die Oratorium, Oudtshoorn
www.dieoratorium.org 12
Johannes 11:17-27; 1 Korintiërs 15:20-28, 42-50, 51-57; Openbaring 21:1-6
Die vreugde van Maria by haar opneming in die hemel is ons vreugde
by ons eie opneming in die hemel. Christus se hemelvaart lei tot ons
hemelopneming. Maria se ervaring van ewigdurende geluk is ook ons
eie ervaring. Deur haar unieke rol in God se verlossingsplan deel Maria
nou reeds in die lewe wat op al die regverdiges wag. Hoeveel het ons
nie om na uit te sien nie!
5de Glorieryke Geheimenis - Maria word in die Hemel gekroon
Matteus 5:1-12; 2 Petrus 3:10; Openbaring 7:1-4, 9-12; Openbaring 21:1-6
As Koningin van die Engele en Heiliges toon Maria ons die toekoms van
die Kerk. Soos Maria hier op aarde die eerste was om die Blye
Boodskap van Christus se Koms te hoor en daarin te deel, so is sy die
eerste om die nuwe hemel en aarde te ervaar. Hierin gaan sy die Kerk
vooruit en begin ons besef watter glorieryke toekoms daar vir God se
getroues, en sy Kerk, wag.
Om die Glorieryke Geheimenisse te oorpeins is om op die toekoms gerig te wees.
Ons begryp ons rol as God se pelgrimsvolk, onderweg na ons uiteindelike doelwit. Hier op
aarde moet ons met geloof, hoop en liefde lewende getuies van ons eie glorieryke toekoms
wees.

Alma Redemptoris Mater
Maria-Antifone
Alma Redemptoris Mater is een van vier "Maria Antifone".
Dit word tradisioneel gebid vanaf die begin van die Advent tot die eerste Februarie, ingesluit.
Alma Redemptoris Mater, quae pervia caeli
Porta manes, et stella maris, sucurre cadenti,
Surgere qui curat populo: tu quae genuisti,
Natura mirante, tuum sanctum Genitorem,
Virgo prius ac posterius, Gabrielis ab ore
Sumens illud Ave, peccatorum miserere.
Usque ad diem 23 decembris:
V. Angelus Domini nuntiavit Mariae.
R. Et concepit de Spiritu Sancto.
Oremus.
Gratiam tuam, quaesumus, Domine,
mentibus nostris infunde;
ut, qui, angelo nuntiante,
Christi Filii tui incarnationem cognovimus,
per passionem ejus et crucem,
ad resurrectionis gloriam perducamur.
Per eundem Christum Dominum nostrum.
R. Amen.
A die 24 decembris:
V. Post partum, Virgo, inviolata permansisti.
R. Dei Genitrix, intercede pro nobis.
V. Oremus.
Deus, qui salutis aeternae,
beatae Mariae virginitate fecunda,
humano generi praemia praestitisti:
tribue, quaesumus, ut ipsam pro nobis
intercedere sentiamus,
per quam meruimus auctorem vitae suscipere,
Die Oratorium, Oudtshoorn
www.dieoratorium.org 13

Dominum nostrum Iesum Christum, Filium tuum.
R. Amen.
Die Oratorium, Oudtshoorn
www.dieoratorium.org 14
Moeder van die Verlosser
Alma Redemptoris Mater is een van vier "Maria Antifone".
Dit word tradisioneel gebid vanaf die begin van die Advent tot die eerste Februarie, ingesluit.
Ave Regina Caelorum
Ave Regina Caelorum is een van vier "Maria Antifone".
Dit word tradisioneel gebid gedurende die Vastyd.
Ave, Regina caelorum,
Ave, Domina Angelorum:
Salve, radix, salve, porta,
Ex qua mundo lux est orta:
Gaude, Virgo gloriosa,
Super omnes speciosa:
Vale, o valde decora,
Et pro nobis Christum exora.
V. Dignare me laudare te, Virgo sacrata.
R. Da mihi virtutem contra hostes tuos.
V. Oremus.
Concede, misericors Deus,
fragilitati nostrae praesidium:
ut, qui sanctae Dei Genitricis memoriam agimus;
intercessionis ejus auxilio,
Liefdevolle Moeder van die Verlosser,
hemelpoort en ster van die see, staan u gevalle volk by
soos ons probeer om weer op te staan.
Die natuur staan verwonderd oor die feit dat u
die Skepper kon dra en steeds ‘n maagd bly.
U, wat Gabriël se blye begroeting ontvang het,
ontferm u oor ons arme sondaars.

a nostris iniquitatibus resurgamus.
Per eundem Christum Dominum nostrum.
R. Amen.
Regina Caeli, Laetare
Regina Caeli, Laetare is een van vier "Maria Antifone".
Dit word tradisioneel gebid, vanaf die begin tot die einde van die Paastyd.
Regina caeli, laetare, alleluia:
Quia quem meruisti portare, alleluia,
Resurrexit sicut dixit, alleluia:
Ora pro nobis Deum, alleluia.
V. Guade et laetare, Virgo Maria, alleluia.
R. Quia surrexit Dominus vere, alleluia.
V. Oremus.
Deus, qui per resurrectionem Filii tui,
Domini nostri Jesu Christi,
mundum laetificare dignatus es:praesta, quaesumus;
ut, per ejus Genitricem Virginem Mariam,
perpetuae capiamus gaudia vitae.
Per eundem Christum Dominum nostrum.
R. Amen.
Die Oratorium, Oudtshoorn
www.dieoratorium.org 15
Koningin van die hemel
Regina Caeli, Laetare is een van vier "Maria Antifone".
Dit word tradisioneel gebid, vanaf die begin tot die einde van die Paastyd.
Koningin van die hemel, verheug u, halleluja!
Want Hy, wat u waardig was om te dra, halleluja!
Het opgestaan soos Hy gesê het, halleluja!
Bid vir ons tot God, halleluja!
V. Verheug en verbly u, Maagd Maria, halleluja!
R. Want die Here het waarlik opgestaan, halleluja!

Salve Regina
Die Oratorium, Oudtshoorn
www.dieoratorium.org 16
V. Laat ons bid:
God onse Vader, deur die opstanding van u Seun,
onse Here Jesus Christus,
het U die wêreld met groot blydskap geseën.
Ons smeek U: laat ons,
deur die gebede van sy moeder, die Maagd Maria,
die vreugde van die ewige lewe verkry.
Ons bid dit deur onse Here Jesus Christus,
u Seun, wat met U en die Heilige Gees,
leef en regeer, één God, vir ewig en altyd.
R. Amen.
Salve Regina is een van vier "Maria Antifone".
Dit word tradisioneel gebid vanaf die einde van die Paastyd tot die Saterdag voor die eerste
Sondag van Advent.
Salve Regína, Mater misericórdiae;
Vita dulcédo, et spes nostra, salve.
Ad te Clamámus éxsules fílii Hevae;
Ad te Suspirámus, geméntes et flentes
In hac lacrimárum valle.
Eia ergo, Advocáta nostra,
Illos tuos misericórdes óculos ad nos convérte:
Et Iesum, benedíctum fructum ventris tui,
Nobis post hoc exsílium osténde.
O clemens, o pia, o dulcis Virgo María.
V. Ora pro nobis, sancta Dei Genitrix.
R. Ut digni efficamur promissionibus Christi.
V. Oremus.
Omnipotens sempiterne Deus,
qui gloriosae Virginis Matris Mariae corpus et animam,
ut dignum Filii tui habitaculum effici mereretur,
Spiritu Sancto cooperante, praeparasti,
da, ut cuius commemoratione laetamur;

eius pia intercessione,
ab instantibus malis et a morte perpetua liberemur.
Per eundem Christum Dominum nostrum.
R. Amen.
Die Oratorium, Oudtshoorn
www.dieoratorium.org 17
Wees gegroet Heilige Koningin
Salve Regina is een van vier "Maria Antifone".
Dit word tradisioneel gebid vanaf die einde van die Paastyd
tot die Saterdag voor die eerste Sondag van Advent.
Wees gegroet Koningin, Moeder van deernis;
wees gegroet ons lewe, ons troos en ons hoop.
Ons, die banneling kinders van Eva, roep u aan;
tot u smeek ons, sugtend en wenend in hierdie tranedal.
Wend u barmhartige oë tot ons, o, Voorspreekster,
en toon aan ons ná hierdie ballingskap,
Jesus, die geseënde vrug van u skoot.
O, goeie, o, liefdevolle, o, soete Maagd Maria.
V. Bid vir ons, o Heilige Moeder van God
R. Dat ons die beloftes van Christus waardig mag word.
V. Laat ons bid:
O, God, u eniggebore Seun
het deur sy lewe, dood en opstanding
vir ons die loon van die ewige lewe verkry.
Gee dat ons, nadat ons
die geheimenisse van die heilige Rosekrans
van die geseënde Maagd Maria oordink het,
mag navolg wat hulle inhou,
en verkry wat hulle belowe;
deur Jesus Christus, onse Here.
R. Amen.