die veekraal - Nutrochem

EERSTE GENERASIE
BOSLUISBEHEER
STRATEGIE
Alles wat ons nou doen moet gemik wees op die
her konsepsie van die koei in die volgende dek
seisoen.
Wat baie belangrik is, is dat die eiersel wat
verantwoordelik gaan wees vir bevrugting om die
volgende embrio te vorm reeds 90 tot 100 dae voor
die tyd gevorm word.
Die koei moet dus nou in ’n redelike kondisie wees
en so bly anders kan dit ’n groot impak hê op
konsepsie in die dek seisoen.
Die belangrikste faktore wat eiersel vorming
beïnvloed is die energie en die mineraal status van
die koei. Dit is dus baie belangrik om te verseker
dat sy nie nou onnodige gewig verloor nie en dat
sy die nodige multi min en vitamien inspuitings
ontvang.
Daar moet nou ook geen kompetisie met inwendige
parasiete wees nie.
’n Goeie indikasie vir die regte tyd, om bosluise te
begin beheer is wanneer bosluise op die honde
sigbaar begin word. Ons moet ten alle koste
konsentreer op die eerste generasie om getalle op
die veld so laag as moontlik te hou.
Watter beheer ons ook al toepas, dit is belangrik
dat die beeste na behandeling deur al die kampe
sirkuleer om sodoende larwes oral op te tel en te
vernietig. Middels met ‘n mate van ‘n nawerking
sal dus nou goed werk.
Wat my baie bekommerd maak is die feit dat ons
meer en meer gevalle kry van weerstand teen
dipmiddels . Waar dipmiddels nog goed werk moet
daar geen bosluise na 7 dae op die bees sigbaar
wees nie. Indien daar ‘n vermoede is dat ‘n middel
nie werk nie laat weet my asseblief.
Met die goeie reëns wat ons nou ontvang het, kan
ons verseker wees dat die bosluise en inwendige
parasiete met die eerste hitte hierna gaan seëvier.
Die reën was algemeen en die meeste plekke het
meer as 100mm ontvang. ‘n Goeie tyd om die
eerste generasie parasiete te begin aanspreek is
enige tyd vanaf 2 weke na die reën.
AANBEVELINGS: BEESTE
VIRBAMEC L, Ivomec Super, Animec Super -
Dood luise, wat nou hierdie tyd van die jaar ‘n groot
probleem is, bosluise, rondewurm en volwasse
lewerslak en die nawerking is 2-3 weke.
Bogenoemde produk sou nou ‘n goeie keuse wees
aangesien alle lewerslakke nou volwasse is en ons
dan skoon diere op skoon veld gaan hê. Ons
behoort dan vir die res van die somer nie weer
probleme te hê met enige inwendige parasiete of
lewerslak nie.
Sprei- of opgiet dippe moet as deel van hierdie
strategie gesien word en aanhou tot minstens een
maand na die eerste goeie reëns. Hoe beter ons
die eerste aanslag van bosluise kan beheer hoe
minder bosluise vir die na-jaar en hoe minder
Rooiwater gaan ons hê.
Een van die volgende twee benaderings word 1
maand na VIRBAMEC L, Ivomec Super, Animec
Super aanbeveel:
ACATAC/DEADLINE EXTREME - ‘n Groei
inhibeerder: Nawerking is 12 weke vir bosluise.
Wat my aan betref is hierdie die beste strategie vir
die medium tot lang termyn aangesien dit die
grootse impak op bosluis getalle en dus voorkoms
van Rooiwater gaan hê.
IVOMEC GOLD/SOLUTION 3,5% - Beheer
bosluise vir tot 75 dae, dood ook rondewurms
maar nie Lewerslak nie. Met hierdie roete poog
ons om die bosluis total uit te wis en sodoende die
voorkoms van Rooiwater te verlaag.